მაიკ პომპეო: იმედი გამოვთქვი, რომ საქართველო დაასრულებს პორტის მშენებლობლის პროექტს

აშშ-ის სახელმწიფო მდივანი მაიკ პომპეო იმედოვნებს, რომ საქართველო დაასრულებს პორტის მშენებლობის პროექტს. ამის შესახებ პომპეომ ვაშინგტონში პრემიერმინისტრ მამუკა ბახტაძესთან გამართული შეხვედრის შემდეგ თქვა. ინფორმაციას საქართველოს მთავრობის ადმინისტრაცია ავრცელებს. 

“საქართველოს პრემიერ-მინისტრსა და მე ასევე მოგვეცა შესაძლებლობა, გვესაუბრა ქვეყნის პარლამენტის პასუხისმგებლობაზე, რაც გულისხმობს აღმასრულებელი ხელისუფლების მიერ კანონის შესაბამისად მუშაობასა და მოსახლეობისადმი დანაპირების შესრულებაზე ზედამხედველობას. და ბოლოს, იმედი გამოვთქვი, რომ საქართველო დაასრულებს პორტის მშენებლობლის პროექტს და ამით გაძლიერდება საქართველოს ურთიერთობა თავისუფალ ეკონომიკურ სივრცეებთან და იმავდროულად ქვეყნის პოზიცია დაცული გახდება რუსეთის ან  ჩინეთის ეკონომიკური გავლენებისგან.  ეს ვითომ მეგობრები საქართველოს ინტერესებს არ იზიარებენ”, - განაცხადა მაიკ პომპეომ.

პომპეოს თქმით, საქართველო სწორი მიმართულებით ვითარდება და აშშ ამაყობს საქართველოს პარტნიორობით.

"საქართველოს ზრდა და განვითარება თავისუფალი ერის სახით - საბჭოთა კომუნიზმის რეჟიმში ყოფის თითქმის საუკუნოვანი გამოცდილების შემდეგ - ცხადყოფს, რომ ქვეყანა სწორ მიმართულებას ადგას და ჩვენ ვამაყობთ ჩვენი პარტნიორობით", - განაცხადა მაიკ პომპეომ. 

პრემიერმინისტრის მამუკა ბახტაძის თქმით, სახელმწიფო მდივან პომპეოსთან საუბრის ერთ-ერთი თემა იყო საქართველოში ვაჭრობისა და ინვესტიციების წახალისების გზები.

“ჩემი გზავნილი ყველგან მკაფიოა - საქართველო ღიაა ბიზნესისთვის და ჩვენ მივესალმებით ჩვენს ამერიკელ მეგობრებს, რათა მათ გამოიყენონ საქართველოში არსებული შესაძლებლობები. ჩვენ გვინდა მეტი ინვესტიცია, მეტი ვაჭრობა და მეტი ამერიკის შეერთებული შტატები საქართველოში. ბატონო სახელმწიფო მდივანო, ჩვენი პარტნიორობა უმტკიცესია და ეფუძნება საერთო ღირებულებებს და საერთო ინტერესებს. ჩვენ გვაქვს საერთო სტრატეგიული ხედვა, რათა განვამტკიცოთ ეს სტრატეგიული პარტნიორობა, და ჩვენ ძალ-ღონეს არ დავიშურებთ, რათა უზრუნველვყოთ სრულფასოვანი ალიანსი მომდევნო ათწლეულებში”, - აღნიშნა პრემიერ-მინისტრმა.

მაიკ პომპეო და მამუკა ბახტაძე ერთმანეთს დღეს თეთრ სახლში შეხვდნენ. საუბარი დაახლოებით 35 წუთს გაგრძელდა. საქართველომ ამერიკის შეერთებული შტატებისგან კიდევ ერთი მნიშვნელოვანი მხარდაჭერა მიიღო. შეხვედრის დასრულების შემდეგ მათ პრესისთვის საგანგებო განცხადებები გააკეთეს.

აშშ-ის სახელმწიფო მდივნის განცხადებით, საქართველო ამერიკისთვის კვლავ სტრატეგიული პარტნიორია და თეთრი სახლი მხარს უჭერს ქვეყნის ტერიტორიული მთლიანობას. მას ასევე გააკრიტიკა რუსეთი, რადგან ის არ ასრულებს ცეცხლის შეწყვეტის შესახებ ხელშეკრულებით ნაკისრ ვალდებულებებს. ამერიკის შეერთებული შტატები მხარს უჭერს საქართველოს ნატოში გაწევრიანებას.

რა ეტაპზეა ანაკლიის პორტის მშენებლობა, ნახეთ ამ ბმულზე.