რა ეტაპზეა ანაკლიის პორტის მშენებლობა. ვიდეო
ფოტო: IMEDI
შავი ზღვის აკვატორიაში პორტისთვის საუკეთესო ადგილას, ანაკლიის სანაპიროზე, დიდი გადამზიდავი გემები დიდი ტვირთით პირველად 2021 წლის დასაწყისში უნდა შემოვიდნენ. ინვესტორმა ამ ტერიტორიაზე შესაბამისი ინფრასტრუქტურა 2 წელიწადზე ნაკლებ დროში უნდა მოაწყოს. "ანაკლიის განვითარების კონსორციუმს" ამისთვის მეტი დრო ჰქონდა, თუმცა სამუშაოები ხელშეკრულების გაფორმებიდან მხოლოდ 1 წლის შემდეგ დაიწყო. ამასთან დაკავშირებით სიუჟეტი "იმედის კვირამ" მოამზადა.
1 წელზე მეტი გავიდა მას შემდეგ, რაც ანაკლიის სანაპიროზე ოფიციალურ სამუშაოები დაიწყო, თუმცა ამ დროისთვის, მხოლოდ მოსამზადებელი სამუშაოების ნაწილია დასრულებული. კერძოდ, გამზადებულია მიწა და ზღვის ფსკერის დაღრმავებითი სამაშაოები. გასული წლის შემოდგომაზე აქ დაღრმავებითი სამუშაოებისთვის გემი "ათენა" მუშაობდა.
კონსორციუმში განმარტეს, რომ არსებული მდგომარეობა ნორმალურია, რადგან დიდ ჭაობს აშრობენ და ამას დრო სჭირდება. ძირითად სამშენებლო სამუშაოებს კი მაშინ დაიწყებენ, როცა ფული ექნებათ.
საერთაშორისო საფინანსო ინსტიტუტებისგან სესხის მიღებას რომ ვერ ახერხებს, ამაზე პასუხისმგებლობას ინვესტორი მთავრობას აკისრებს, თუმცა მათ თავიდანვე იცოდნენ, რომ პორტის მშენებლობის მხოლოდ პირველი ფაზისთვის 600 მილიონი აშშ დოლარი დასჭირდებოდათ.
ამ 600 მილიონიდან ინვესტორი ანუ მამუკა ხაზარაძის მიერ დაფუძნებული კონსორციუმი - საკუთარი კაპიტალის სახით 100 მილიონს დოლარს ჩამოდის, კიდევ 100 მილიონს "საპარტნიორო ფონდიდან", ანუ სახელმწიფოსგან იღებს სუბორდინირებული სესხის სახით. ეს ნიშნავს, რომ სახელმწიფო ინვესტორს ვალის დაბრუნებას მხოლოდ სხვა ვალდებულებების დაფარვის შემდეგ მოსთხოვს. რაც შეეხება დარჩენილ 400 მილიონ დოლარს, ესეც სესხია, ოღონდ საერთაშორისო ფინანსური ორგანიზაციებისგან - EBRD, ADB, AIIB და OPIC.
როცა კონსორციუმი მთავრობასთან ხელშეკრულებას აფორმებდა, წარადგინა განზრახულობის წერილები, რომ ამ ბანკებიდან სესხის მიღებას შეძლებდა, თუმცა 2 წელიწადზე მეტი გავიდა და თანხა ისევ არ მიუღია. შესაბამისად ვერც ძირითად სამშენებლო სამუშაოებს იწყებს. ახლა, როცა მშენებლობის დაწყების ეტაპი უკვე მესამედ გადავადდა გაირკვა, რომ ბანკები კონსორციუმს სესხს მხოლოდ სახელმწიფოს თავდებობით მისცემენ.
"თუ არ მოხდება კონსესუის მიღწევა მთავრობასა და საფინანსო ინსტიტუტებს შორის, ისინი არ ჩადებენ ამ თანხებს პროექტში და მერე კითხვა ისმის რა მიზეზით იყო ეს ყველაფერი, რატომ მოხდა", - ამბობს "ანაკლიის განვითარების კონსორციუმის" გენერალური დირექტორი ლევან ახვლედიანი.
თუმცა, აღსანიშნავია, რომ კონსორციუმი და მთავრობა ამასთან დაკავშირებით შეთანხმებულები არ ყოფილან.
რას გულისხმობს სახელმწიფოსთვის მიუღებელი პირობები? იმისთვის, რომ კონსორციუმს სესხი მისცენ საერთაშორისო ბანკები სახელმწიფოსგან რამდენიმე პირობის შესრულებას და ხელშეკრულებაში შესაბამის ცვლილებებს მოითხოვენ. ერთ-ერთი შესაძლო ცვლილება უკავშირდება ტვირთბრუნვის გარანტიას.
"იმ შემთხვევაში თუ პორტის შემოსავლები არ იქნება საკმარისი იმისთვის რომ პროექტი მოემსახუროს 400 მილიონი სესხის გადახდას, სახელმწიფო იქნება ვალდებული შეავსოს ეს თანხა და აუნაზღაუროს ნაკლული ოდენობა", - განმარტავს ინფრასტრუქტურის მინისტრი მაია ცქიტიშვილი.
საერთაშორისო ინვესტორები ხელშეკრულებაში სულ 8 პრინციპულ ცვლილებას ითხოვენ და ეს ერთ-ერთია, თუმცა შეიძლება ყველაზე მნიშვნელოვანიც. ექსპერტები, რომლებიც ამ პროცესს აკვირდებიან, ფიქრობენ, რომ ინვესტორი ანუ ამ შემთხვევაში მამუკა ხაზარაძე პორტის სახელით ხელისუფლებას აშანტაჟებს და პოლიტიკური აჟიოტაჟის შექმნით ცდილობს სასურველი პირობების მიღწევას.
თუმცა საპირისპიროს დამტკიცებას ცდილობდა მამუკა ხაზარაძე პარლამენტის ტრიბუნიდან. რატომ მოაწერა ხელი ხელშეკრულებას, რომელიც კაბალურად მიაჩნდა, მამუკა ხაზარაძეს არ უთქვამს, მისი დაფუძნებული კონსორციუმის გენერალური დირექტორი კი ამას პატრიოტული მოტივით ხსნის. ლევან ახვლედიანის თქმით, თავიდანვე იცოდნენ, რომ მოგვიანებით ხელშეკრულების პირობების შეცვლას მოითხოვდნენ, თუმცა მაინც მთავრობის შეთავაზებაზე მოაწერეს ხელი მხოლოდ იმიტომ, რომ ანაკლიის პორტის იდეა განხორციელებულიყო.
საქართველოს მთავრობა პორტის აშენებას ყველა შემთხვევაში აპირებს. ამბობენ, რომ პროექტის განხორციელების ინტერესი ჯერ კიდევ 2014-ში გამოხატეს და თუ კონსორციუმი დაფინანსებას ვერ მოიპოვეს, პორტს სხვა გზით მაგრამ, მაინც ააშენებენ.
"ჩვენ ვაპირებთ, რომ განვახორციელოთ. დაფინანსების ნაწილში ალტერნატივა ბევრია როგორც ახალი ინვესტორების მოზიდვა, ასევე ის რომ ჩვენ ავაშენოთ, სახელმწიფომ", - თქვა მაია ცქიტიშვილმა.
თუმცა მინისტრის თქმით, ალტერნატივის ძიება არ მიმდინარეობს, რადგან არსებულ ინვესტორთან ცდილობენ შეთანხმებას.
რატომ მოითხოვეს ბანკებმა დამატებითი გარანტიები მხოლოდ ახლა და არა საწყის ეტაპზე. ამაზე ინფრასტრუქტურის მინისტრი პასუხობს:
"ბანკები დღეს გვეუბნებიან, რომ იმის გამო რომ პროექტში არ გყავთ არც სტრატეგიული ინვესტორი და არც პორტების ოპერატორი, რომელიც უზრუნველყოფს ერთი მხრივ ბანკების სესხების დაცვას და მეორე მხრივ ტვირთების მოზიდვის უზრუნველყოფას, ამიტომ გახდა საჭირო ამ პროექტში სახელმწიფოს გარანტია", - განმარტა მინისტრმა.
სტრატეგიული ინვესტორის და პორტის ოპერატორის თემის გახსნას ხაზარაძის კონსორციუმის კიდევ ახალ შეუსრულებელ დაპირებამდე მივყავართ. უფრო კონკრეტულად, ანაკლიის განვითარების კონსორციუმმა როცა კონკურსში გაიმარჯვა, მაშინ თქვა რომ მისი სტრატეგიული პარტნიორი იქნებოდა ამერიკული "კონტი ჯგუფი". თუმცა სამინისტროს ინფორმაციით, ამ ეტაპზე "კონტის" მხრიდან პროექტში რაიმე სახის ინვესტიცია არ ფიქსირდება, ხოლო 2018 წლის ბოლოს "კონტი ჯგუფის" დამფუძნებელი სამეთვალყურეო საბჭოს შემადგენლობიდანაც გავიდა.
ასევე, კონსორციუმმა პორტის ოპერატორად თავდაპირველად დაასახელა მსხვილი ამერიკული ოპერატორი SSA Marine, თუმცა, მოგვიანებით გაირკვა, რომ აღნიშნული კომპანიის ნაცვლად ანაკლიის პროექტში მონაწილეობას სხვა კომპანია - SSA International აპირებს. ეს კომპანიაც SSA Marine-ს მსგავსად შედის Carrix ჯგუფში, თუმცა გაცილებით მცირე კომპანიაა.
ბანკებთან გართულებულ ურთიერთობას სხვაგვარად ხსნიან ანაკლიის განვითარების კონსორციუმში. მათი თქმით, საერთაშორისო ფინანსური ინსტიტუტები დააფრთხო ინფორმაციამ, რომ ანაკლიის გარდა კიდევ ერთი ღრმაწყლოვანი პორტი ფოთში აშენდება.
მთავრობის ინფორმაციით, ფოთის პორტის განვითარების შეზღუდვით არა ბანკები, არამედ თავად ანაკლიის განვითარების კონსორციუმი იყო დაინტერესებული და ეს არც მანამდე დაუმალავთ. საკუთარი პოზიცია თავიდანვე დაფიქსირებული აქვს მთავრობასაც.
მაია ცქიტიშვილი ამბობს, რომ სინამდვილეში ბანკები, რომელზეც კონსორციუმი საუბრობს ფოთის პორტის გაფართოების წინააღმდეგი არ არიან, რადგან ერთ-ერთმა მათგანმა - აშშ-ის განვითარების კორპორაციამ - თავად ასესხა ფოთის პორტს 50 მილიონი.
კონკურსში გამარჯვების დღიდან ხაზარაძის კონსორციუმმა პირობების შეცვლა არაერთხელ მოითხოვა და მთავრობაც ყოველ ჯერზე დათმობაზე მიდიოდა. მთელ რიგ შემთხვევებში ინვესტორმა ხელშეკრულებით ნაკისრი ვალდებულებები ვერ შეასრულა ან გადავადება მოითხოვა.
ანაკლიის ღრმაწყლოვანი ნავსადგურის განვითარების სააგენტო მთავრობასა და კონსორციუმს შორის გაფორმებული ხელშეკრულების მონიტორინგს ახორციელებს. მისი დირექტორი იხსენებს, რომ კონსორციუმმა შეთანხმების გაფორმებიდან დღემდე უკვე 10 ცვლილება მოითხოვა, მათ შორის იყო სამშენებლო სამუშაოებისა და ფინანსური დახურვის რამდენჯერმე გადავადება.
ანაკლიის განვითარების კონსორციუმმა ფინანსური დახურვა 30 ივნისამდე უნდა მოასწროს, თუმცა არ გამორიცხავენ რომ ამ ვადის შეცვლა კიდევ მოითხოვონ. ინვესტორი საკუთარ ვალდებულებებს მთავრობასაც ახსენებს. ხელშეკრულებით გათვალისწინებულია, რომ მთავრობამ მიწის გადაცემის გარდა პორტთან დამაკავშირებელი გზისა და რკინიგზის მშენებლობაც უნდა უზრუნველყოს. სამჯერ ჩაშლილი ტენდერის შემდეგ საავტომობილი გზების დეპარტამენტმა ახალი კონკურსი თვის დასაწყისში გამოაცხადა და გამარჯვებულს ხელშეკრულებას სავარაუდოდ თვის ბოლომდე გაუფორმებს.
ყველა სიახლე
11 მაისი 2026, 00:02
პოლიტიკა
გიორგი ახვლედიანი ქართულ დამუკიდებელ მედიაზე თავდასხმაზე: არ გამოვრიცხავ, რომ ეს პროცესი გადაიზარდოს ახალი ფორმის, პერსონალურ სანქციებში, ნამდვილად არ უნდა გაგვიკვირდეს ეს, რადგან ჩვენ ახლა ვართ უმნიშვნელოვანესი ბრძოლის ეპიცენტრში
ის, რომ დასასანქცირებელი ტელევიზიების ჩამონათვალს თუნდაც „რუსთავი 2“ დაუმატეს, უკვე ნიშნავს იმას, რომ რაღაცა სიახლის და ახალი თავდასხმებისთვის ემზადებიან. მე ნამდვილად არ მაქვს ამ ევრო ბიუროკრატიის იმედი, რომ რაღაცას დაინახავენ, მიხვდებიან და საკუთარი თავის წინააღმდეგ კონკრეტული ქმედებების განხორციელებას დაამთავრებენ, - განაცხადა გადაცემაში „EURO ანატომია“ მედიაპოლიტიკის ექსპერტმა გიორგი ახვლედიანმა.
10 მაისი 2026, 23:54
პოლიტიკა
გიორგი ახვლედიანი: როგორც კი უპირისპირდები მედიასაშუალებას, რაოდენ განსხვავებული აზრიც არ უნდა ჰქონდეს მას შენგან, დასაწყისშივე წაგებული თამაშია და ეს ყველამ კარგად იცის, „იმედი“ ამის სიმბოლოა
როგორც კი უპირისპირდები მედიასაშუალებას, რაოდენ განსხვავებული აზრიც არ უნდა ჰქონდეს მას შენგან, დასაწყისშივე წაგებული თამაშია და ეს ყველამ კარგად იცის. „იმედი“ ამის სიმბოლოა, - განაცხადა „EURO ანატომიაში“ მედიაპოლიტიკის ექსპერტმა, გიორგი ახვლედიანმა.
10 მაისი 2026, 23:46
პოლიტიკა
გიორგი ახვლედიანი: გარე ძალებისთვის „იმედი“, „პოს ტვ“, „რუსთავი 2“ გახდნენ ძალიან დიდი პრობლემა, ამ ტელევიზიებმა საზოგადოების განწყობების ფორმირება სწორი მიმართულებებით მოახერხეს - გაცილებით მეტი ნდობა, მხარდაჭერა, მაყურებელი მოიპოვეს
გარე ძალებს საქართველოს ვასალიზაცია უნდათ. სჭირდებათ საქართველო, როგორც ყურმოჭრილი მონა, რომელიც გამოიყენება კონკრეტული პროვოკაციებისთვის, - განაცხადა „EURO ანატომიაში“ მედიაპოლიტიკის ექსპერტმა, გიორგი ახვლედიანმა.
10 მაისი 2026, 23:44
სპორტი
სპორტის მინისტრი ბათუმში კონტაქტური კარატეს ევროპის ჩემპიონატის ოფიციალური გახსნის ცერემონიას დაესწრო
ბათუმში კონტაქტური კარატეს ევროპის ჩემპიონატი ოფიციალურად გაიხსნა. საქართველოს სპორტის მინისტრი შალვა გოგოლაძე ჩემპიონატის გახსნას მინისტრის მოადგილეებთან - ირაკლი მეძმარიაშვილთან და ირაკლი დოლაბერიძესთან, აჭარის ავტონომიური რესპუბლიკის მთავრობის წარმომადგენლებთან, ევროპის კონტაქტური კარატეს ფედერაციის პრეზიდენტ რემიგიუშ კარპინსკისთან და სხვა მოწვეულ სტუმრებთან ერთად დაესწრო, - ინფორმაციას საქართველოს სპორტის სამინისტრო ავრცელებს.
10 მაისი 2026, 23:38
პოლიტიკა
გიორგი ახვლედიანი: 2012 წლიდან ჩვენს ქვეყანაში მოხდა უმნიშვნელოვანესი გარდატეხა სიტყვის თავისუფლების თვალსაზრისით. ეს არის უზარმაზარი მონაპოვარი, რაც დავამკვიდრეთ ქვეყანაში
2012 წლიდან ჩვენს ქვეყანაში მოხდა უმნიშვნელოვანესი გარდატეხა სიტყვის თავისუფლების თვალსაზრისით. ეს არის უზარმაზარი მონაპოვარი, რაც დავამკვიდრეთ ქვეყანაში, - განაცხადა გადაცემაში „EURO ანატომია“ მედიაპოლიტიკის ექსპერტმა გიორგი ახვლედიანმა.
10 მაისი 2026, 23:28
პოლიტიკა
გიორგი ახვლედიანი დიდ ბრიტანეთზე: ეს არის მათთვის ძალიან წამგებიანი პოზიცია, როდესაც ებრძვი კონკრეტულ სახელმწიფოში კონკრეტულ ტელევიზიას, როგორადაც არ უნდა არ მოგწონდეს შენ მათი მედიაპოლიტიკა
ეს არის მათთვის ძალიან წამგებიანი პოზიცია, როდესაც ებრძვი კონკრეტულ სახელმწიფოში კონკრეტულ ტელევიზიას, როგორადაც არ უნდა არ მოგწონდეს შენ მათი მედიაპოლიტიკა, - განაცხადა „EURO ანატომიაში“ მედიაპოლიტიკის ექსპერტმა, გიორგი ახვლედიანმა დიდ ბრიტანეთზე საუბრისას, რომელმაც საქართველოს ორი მედია საშუალება დაასანქცირა.
10 მაისი 2026, 23:22
პოლიტიკა
გიორგი ახვლედიანი: ევროპას აქვს ერთგვარი სტერეოტიპი - მათ ჩამოუყალიბდათ სრულიად არაადეკვატური დამოკიდებულება, რომ ყველაფერი, რაც კი მოდის ევროპიდან, არის ჭეშმარიტების ბოლო ინსტანცია
უნდა განვსაზღვროთ, თუ რა მოტივაციით მოქმედებს ევრო სტანდარტი, რომელიც ქართველი ერისთვის არის სრულიად გაუგებარი, - განაცხადა გადაცემაში „EURO ანატომია“ მედიაპოლიტიკის ექსპერტმა გიორგი ახვლედიანმა ქართულ მედიაზე ბრიტანეთის თავსხმაზე საუბრისას.
10 მაისი 2026, 22:42
საზოგადოება
დავით სონღულაშვილი ღვინისა და ვაზის შესახებ კანონში შეტანილ ცვლილებებზე: უარგუმენტო და უშინაარსო კრიტიკა გადაჰყავთ ემოციურ ლოზუნგებში, რომელსაც აბსოლუტურად არაფერი საერთო არ აქვს იმ შინაარსთან, რომელსაც ეს რეფორმები ატარებს
მეღვინეობა-მევენახეობის დარგი 2012 წელს იყო გადაშენების პირას, დარჩენილი იყო სამამულო ვენახების დონეზე და ინდუსტრიული და კომერციული ვენახები ფაქტობრივად არ არსებობდა, - განაცხადა გადაცემაში „იმედის კვირა“ გარემოს დაცვისა და სოფლის მეურნეობის მინისტრმა დავით სონღულაშვილმა.
10 მაისი 2026, 22:03
პოლიტიკა
მეღვინეობის გაძლიერებისა და ქვეყნის მრავალსაუკუნოვანი ტრადიციის დაცვა-შენარჩუნებისთვის ახალი რეგულაციები ამოქმედდა. „იმედის კვირის“ სპეციალური რეპორტაჟი
ღვინის ხარისხი იწყება ვენახიდან. სწორედ ამიტომ მეღვინეობის გაძლიერებისა და ქვეყნის მრავალსაუკუნოვანი ტრადიციის დაცვა-შენარჩუნებისთვის ახალი რეგულაციები ამოქმედდა.
10 მაისი 2026, 21:58
პოლიტიკა
მაკა ბოჭორიშვილი: რა კონტექსტშიც ხდება უკრაინული მხარის გააქტიურება, არის საქართველოს როლი დაკავშირებდობის კონტექსტში და ის საჭიროებები, რაც ჩვენს ფართო სამეზობლოში სახელმწიფოებს გააჩნიათ
რა კონტექსტშიც ხდება უკრაინული მხარის გააქტიურება, არის საქართველოს როლი დაკავშირებდობის კონტექსტში და ის საჭიროებები, რაც ჩვენს ფართო სამეზობლოში სახელმწიფოებს გააჩნიათ, - განაცხადა გადაცემაში „იმედის კვირა“ ვიცე პრემიერმა, საგარეო საქმეთა მინისტრმა მაკა ბოჭორიშვილმა ევროპული პოლიტიკური გაერთიანების (EPC) მე-8 სამიტის ფარგლებში, პრემიერ-მინისტრთან ირაკლი კობახიძესთან უკრაინის პრეზიდენტ ვოლოდიმირ ზელენსკისთან შეხვედრის შესახებ საუბრისას.
10 მაისი 2026, 21:55
საზოგადოება
სურსათის უვნებლობის კონტროლი - „იმედის კვირის“ სპეციალური რეპორტაჟი
ხორცი, ძეხვეული, ყველი, რძე და სხვა მალფუჭებადი პროდუქტები განსაკუთრებული ყურადღების ცენტრშია. შესაბამისი სამსახურებისთვის სეზონს მნიშვნელობა არ აქვს. ისინი მთელი წლის განმავლობაში უწყვეტ რეჟიმში მუშაობენ და პროდუქტს ამოწმებენ. ამის ნათელი მაგალითია აღმოჩენილი და დალუქული ასობით არარეგისტრირებული საწარმო თუ სასაწყობე სივრცე.
10 მაისი 2026, 21:35
პოლიტიკა
საქართველო - კავკასიის ცენტრი. „იმედის კვირის“ სპეციალური რეპორტაჟი
ალბათ, ბევრს უჩნდება კითხვა, რა რუკებით ხელმძღვანელობენ ევრობიუროკრატები, როდესაც სამხრეთ კავკასიაზე და რეგიონის სტრატეგიულ მნიშვნელობაზე საუბრობენ საქართველოს, როგორც ამ სივრცის ცენტრალური ქვეყნის, გარეშე?! მით უფრო დღეს, როცა ევროპისთვის შუა დერეფნის მნიშვნელობა სულ უფრო იზრდება და საქართველოს როლი ამ პროცესში აშკარად გადამწყვეტია.
10 მაისი 2026, 21:29
პოლიტიკა
ევროპარლამენტარი ირმჰილდ ბოსდორფი: რთულად დასაჯერებელი, ვიტყოდი, რომ წარმოუდგენელია ტელეკომპანია „იმედის“ წინააღმდეგ სანქციებით მუქარა, ეს ნიშნავს, რომ სიტყვის თავისუფლება შერჩევითია
რთულად დასაჯერებელი, ვიტყოდი, რომ წარმოუდგენელია ტელეკომპანია „იმედის“ წინააღმდეგ სანქციებით მუქარა, ეს ნიშნავს, რომ სიტყვის თავისუფლება შერჩევითია, - განაცხადა გადაცემა „იმედის კვირასთან“ ევროპარლამენტარმა ირმჰილდ ბოსდორფმა ტელეკომპანია „იმედის“ სანქცირების მოთხოვნასთან დაკავშირებით, რომელიც საქართველოს შესახებ ანგარიშში ევროპარლამენტარების - რასა იუკნევიჩიენესა და მირიამ ლექსმანის ინიციტივით შევიდა.
10 მაისი 2026, 21:20
მსოფლიო
ევროპარლამენტარების ნაწილი „იმედის“, „პოს ტვ“-ისა და „რუსთავი 2“-ის დასანქცირებას მოითხოვს - დემოკრატიის ფასადს მიღმა. „იმედის კვირის“ სპეციალური რეპორტაჟი
როგორ ემსგავსება ევროკავშირი საბჭოთა კავშირს - ევროპარლამენტარების ნაწილი „იმედის“, „პოს ტვ“-ისა და „რუსთავი 2“-ის დასანქცირებას მოითხოვს.
10 მაისი 2026, 21:19
პოლიტიკა
ტომაშ ფროელიხი: ტელეკომპანია „იმედის“ სანქცირების მოტივაცია ბრიუსელის გეოპოლიტიკური გადაწყვეტილების თანმდევია - თქვენი ტელეკომპანიის აკრძალვა სურთ, რადგან თქვენ მათთვის სასურველ სარედაქციო ხაზს არ მიჰყვებით
ეს ორმაგი სტანდარტია, ტელეკომპანია „იმედის“ სანქცირების მოტივაცია კი ბრიუსელის გეოპოლიტიკური გადაწყვეტილების თანმდევია, - განაცხადა გადაცემა „იმედის კვირასთან“ ევროპარლამენტარმა ტომაშ ფროელიხმა ტელეკომპანია „იმედის“ სანქცირების მოთხოვნასთან დაკავშირებით, რომელიც საქართველოს შესახებ ანგარიშში ევროპარლამენტარების - რასა იუკნევიჩიენესა და მირიამ ლექსმანის ინიციტივით შევიდა.
10 მაისი 2026, 21:12
პოლიტიკა
„რატომ ხართ აქ, მე არ შემიძლია საუბარი, მე ხომ უნდა მოვემზადო“ - რასა იუკნევიჩიენე „იმედის კვირის“ კითხვაზე“, დაასახელოს „იმედის“ მიერ გავრცელებული დეზინფორმაციის თუნდაც, ერთი მაგალითი, რომლის გამოც ტელეკომპანიის სანქცირებას ითხოვს
ევროპარლამენტარი რასა იუკნევიჩიენე „იმედის კვირის“ კითხვაზე, რატომ სურს „იმედის“ დასანქცირება და დაასახელოს ტელეკომპანიის მიერ გავრცელებული თუნდაც, ერთი დეზინფორმაცია, არ პასუხობს და ამბობს, რომ მომზადება სჭირდება.
10 მაისი 2026, 21:06
სამართალი
პროკურორი თამარ ბეჟუაშვილი 4 ოქტომბრის საქმეზე: ორჯერ ჩატარდა ექსპერტიზა, რომელმაც დაადგინა, რომ ღობეს ცალსახად არ აღენიშნებოდა ჭრის კვალი და რომ ის დაზიანებული იყო ფიზიკური ძალის ზემოქმედებით
ამის მოლოდინი ბრალდების მხარეს ბუნებრივად ჰქონდა მთელი ამ პროცესების განმავლობაში, რადგან საზოგადოებას სისტემატურად ვაწვდიდით ინფორმაციას პროცესებთან დაკავშირებით და იმ მტკიცებულებების შესახებ, რომელიც ბრალდებამ წარადგინა სასამართლოში, - განაცხადა გადაცემაში „იმედის კვირა“ პროკურორმა თამარ ბეჟუაშვილმა 4 ოქტომბრის საქმეზე მსჯავრდებულების განაჩენზე საუბრისას.
10 მაისი 2026, 21:00
პოლიტიკა
ოქტომბრელების განაჩენი. „იმედის კვირის“ სპეციალური რეპორტაჟი
როგორც ჩანს, მსოფლიო ბანი, საოპეროს შემდეგ, პოლტიკურმა სცენამ იმდენად გაიტაცა, რომ რეალობის შეგრძნება სრულად დაკარგა და მას პოლიტიკური წარმოდგენის გამართვა პირდაპირ პრეზიდენტის სასახლეში სურდა.
10 მაისი 2026, 20:50
სამართალი
გაფრთხილება უცხო ქვეყნის სპეცსამსახურებს. „იმედის კვირის“ სპეციალური რეპორტაჟი
გაფრთხილება უცხო ქვეყნის სპეცსამსახურებს - გეოპოლიტიკურ უწონადობაში რამდენადაც შეუძლებელი და უტოპიური ჩანს ბალანსის დაცვა, იმდენად შესაძლებელი აღმოჩნდა საქართველოსთვის მყარი და თანმიმდევრული ნაბიჯების გადადგმა უსაფრთხოების ახალი არქიტექტურის შესაქმნელად, ყოველგვარი პიარის და პერსონალური ქულების დაწერის გარეშე.
10 მაისი 2026, 20:35
საზოგადოება
ეკლესიის დისკრედიტაციის მცდელობა. „იმედის კვირის“ სპეციალური რეპორტაჟი
გაფართოებული კრების დღის წესრიგი უკვე გაწერილია. მასში მონაწილეობას 1200 დელეგატი მიიღებს - ყველა ეპარქიიდან, ყველა მონასტრიდან, უმაღლესი სასულიერო სასწავლებლებიდან, სამოქალაქო პირები, საზოგადოების წარმომადგენლები.