imedi /  20 ივნისი 2019, 14:21 / სანდო წყარო

საპარლამენტო ოპოზიცია ირაკლი კობახიძის გადადგომას მოითხოვს

ირაკლი კობახიძე

ირაკლი კობახიძე

საპარლამენტო ოპოზიცია - "ევროპული საქართველო" და "ნაციონალური მოძრაობა" - პარლამენტში დღეს მომხდარ ინციდენტთან დაკავშირებით პარლამენტის თავმჯდომარისგან ირაკლი კობახიძისგან პასუხისმგებლობის აღებას და თანამდებობიდან გადადგომას მოითხოვს. ამის შესახებ დღეს განცხადებები დავით ბაქრაძემ და ნიკა მელიამ გააკეთეს.

"დღეს ვიხილეთ ოკუპანტი სახელმწიფოს დუმის წევრი, ადამიანი, რომელიც იბრძოდა აფხაზეთში, რომელმაც ხმა მისცა აფხაზეთისა და ცხინვალის დამოუკიდებლობას და აქ ჩამოსვლამდე სამი დღით ადრე ჭკუას არიგებდა მთელ საქართველოს, რომ ყველა ერთად შევეგუოთ აფხაზეთისა და ცხინვალის დამოუკიდებლობას. დღეს ვნახეთ ეს ადამიანი საქართველოს პარლამენტის თავმჯდომარის ადგილას, ქვეყნის კონსტიტუციით მეორე მნიშვნელობის ადგილას, რომელსაც რუსულ ენაზე მიჰყავდა სხდომა. ეს ფაქტი სცდება პარტიული განსხვავებების ფარგლებს და არის შეტევა საქართველოს სუვერენიტეტზე. მიგვაჩნია და საპარლამენტო უმცირესობის სახელით ვთვლით, რომ ამ ფაქტს აუცილებლად უნდა მოჰყვეს უმაღლეს დონეზე პასუხისმგებლობის საკითხის დაყენება. ჩვენ მოვუწოდებთ პარლამენტის თავმჯდომარე ირაკლი კობახიძეს, აიღოს პასუხისმგებლობა და გადადგეს. წინააღმდეგ შემთხვევაში დავიწყებთ ოფიციალური იმპიჩმენტის პროცედურას და ამას მივიყვანთ ბოლომდე", - განაცხადა დავით ბაქრაძემ.

ნიკა მელიას განცხადებით, კი დღეს მომხდარის გამო ირაკლი კობახიძეს პასუხისმგებლობის აღება მოუწევს. მისი თქმით, დღეს განვითარებული მოვლენების შემდეგ ირაკლი კობახიძე პარლამენტის თავმჯდომარე ვეღარ იქნება. 

პარლამენტის თავმჯდომარის პასუხისმგებლობის საკითხი დღეს ასევე დააყენა თბილისის საკრებულოს წევრმა ვატო შაქარაშვილმაც და "გირჩის" ლიდერმა ზურაბ ჯაფარიძემ. 

პარლამენტში მომხდართან დაკავშირებით განცხადება გაავრცელა ბიძინა ივანიშვილმა და პრემიერმა მამუკა ბახტაძემ, ასევე განცხადება გააკეთეს ირაკლი ღარიბაშვილმა და კახა კალაძემ

პარლამენტში მართლმადიდებლობის საპარლამენტთაშორისო ასამბლეის მიმდინარეობა შეწყდა. ზაქარია ქუცნაშვილმა კი მოიბოდიშა და თქვა, რომ ასამბლეის ჩასატარებლად არასწორი ადგილი შეარჩიეს.

ირაკლი კობახიძის სკამიდან რუსი დეპუტატის მიმართვას პრეზიდენტი სალომე ზურაბიშვილი გამოეხმაურა. "რა მართლმადიდებლური კავშირი შეიძლება იყოს ოკუპანტ რუსეთთან, რომელიც ყველა ქრისტიანულ წესს ებრძვის?", - დაწერა სალომე ზურაბიშვილმა Facebook-ზე.

პარლამენტის სპიკერისთვის განკუთვნილი ადგილიდან, დელეგატებს ასამბლეის პრეზიდენტმა, რუსეთის დუმის კომუნისტური პარტიის წევრმა სერგეი გავრილოვმა მიმართა და "ქართული ოცნების" წევრ ზაქარია ქუცნაშვილს მოწვევისთვის მადლობა გადაუხადა.

პარლამენტის ვიცესპიკერის, თამარ ჩუგოშვილის განცხადებით, პარლამენტის თავმჯდომარის სკამზე რუსი დეპუტატის ნახვამ "გაანადგურა". "ჩემთვის ყველა დღე იმაზე ფიქრში გადის პარლამენტი სრულად შემდგარ სახელმწიფო ინსტიტუციად როგორ ვაქციოთ. რუსი დეპუტატის ნახვამ თავმჯდომარის სკამში უბრალოდ გამანადგურა", - დაწერა თამარ ჩუგოშვილმა Facebook-ზე.

საპარლამენტო უმრავლესობის ლიდერმა არჩილ თალაკვაძემ კი კონფერენციის დაუყოვნებლივ შეწყვეტა მოითხოვა. 

რუსი დეპუტატის ქცევა "ევროპული საქართველოს" წევრებმაც გააპროტესტეს და მათ სპიკერატის ადგილი დაიკავეს.

თამარ ჩუგოშვილის შეფასებას გამოეხმაურა ზაქარია ქუცნაშვილი: "დიპლომატიური ქაჯობაა როცა ქვეყნის წინააღმდეგ ბრძოლა პერსონაზე დაგყავს", - თქვა ქუცნაშვილმა

თბილისი მართლმადიდებლობის საპარლამენტთაშორისო ასამბლეას მასპინძლობს. ღონისძიებაზე 25 ქვეყნის დელეგაციების წარმომადგენლები არიან ჩამოსულები.

ყველა სიახლე

გლდანის ცენტრი

16 დეკემბერი 2019, 14:13

საქართველო

გლდანის საზოგადოებრივი ცენტრი ახალ შენობაში გადავიდა

ვიცეპრემიერმა, იუსტიციის მინისტრმა თეა წულუკიანმა, გლდანის საზოგადოებრივი ცენტრი ახალ შენობაში − სავაჭრო ცენტრ „გლდანი პლაზაში“ − გახსნა. დღეიდან ის ახალ მისამართზე (ილია ვეკუას №14) განთავსდა. გლდანში საზოგადოებრივი ცენტრი 2017 წლის პირველ აგვისტოს გაიხსნა და სავაჭრო ცენტრ „სითი მოლში“ ფუნქციონირებდა.

გიორგი ტყემალაძე

16 დეკემბერი 2019, 14:11

საქართველო

საკრებულოს თავმჯდომარე: ერეკლე კუხიანიძის შესახებ უმრავლესობაში ვიმსჯელებთ

თბილისის საკრებულოს თავმჯდომარის, გიორგი ტყემალაძის განცხადებით, უმრავლესობის ხვალინდელ სხდომაზე საკრებულოს დეპუტატის, ერეკლე კუხიანიძის განცხადებასთან დაკავშირებით იმსჯელებენ და შემდეგ გახდება ცნობილი, თუ რა გადაწყვეტილებას მიიღებენ ამ საკითხზე.

თეა წულუკიანი

16 დეკემბერი 2019, 13:59

საქართველო

წულუკიანი: გაფრინდაშვილის საქმეზე ემოციური პოლიტიკური განცხადებები პატიმრის ინტერესებს აზიანებს

„ვაჟა გაფრინდაშვილის საქმეზე ემოციური პოლიტიკური განცხადებები პატიმრის ინტერესებს აზიანებს“- ეს განცხადება იუსტიციის მინისტრმა საკრებულოს დეპუტატის, ერეკლე კუხიანიძის ბოლო დროს გამოქვეყნებულ სტატუსებზე გააკეთა.

გიგა ბოკერია

16 დეკემბერი 2019, 13:55

ძალოვნები

გიგა ბოკერიას მაგისტრი მოსამართლის თანდასწრებით გამოკითხავენ

"ევროპული საქართველოს" ერთ-ერთ ლიდერს, დეპუტატ გიგა ბოკერიას დღეს მაგისტრი მოსამართლის თანდასწრებით გამოკითხავენ. დეპუტატი ჩვენებას თბილისის საქალაქო სასამართლოში 17:00 საათზე მისცემს.გიგა ბოკერიას 15 დეკემბერს შეატყობინეს, რომ პროკურატურაში გამოკითხვაზე უნდა მისულიყო.

გოგი წულაია

16 დეკემბერი 2019, 13:44

საქართველო

გოგი წულაია: ქართულმა ოცნებამ თემიდა გააშიშვლა

უზენაეს სასამართლოში მოსამართლეების უვადოდ დანიშვნას პარტია "თავისუფალი საქართველო" პერფორმანსით გამოეხმაურა. პატიის წევრები ქუთაისში სააპელაციო სასამართლოსთან შეიკრიბნენ და "თემიდას გაშიშვლება" განასახიერეს. პარლამენტმა უზენაესის მოსამართლედ 14 კანდიდატი 12 დეკემბერს დაამტკიცა.

16 დეკემბერი 2019, 13:44

ტაბლოიდი

მედია 61 წლის მადონას და 26 წლის მოცეკვავის რომანზე წერს

ამერიკელი მომღერალი და პოპვარსკვლავი მადონა მოცეკვავე აჰლამალიკ უილიამსთან რომანშია „ეჭმიტანილი“. The Sun-ის ცნობით, პაპარაცებმა 61 წლის მუსიკოსს 26 წლის მოცეკვავესთან ფოტო მაიამიში, ერთ-ერთ სასტუმროში ყოფნისას გადაუღეს. მომღერალი ახლა გასტროლებზე იმყოფება, ხოლო აჰლამალიკ უილიამსი მის კოლექტივში ცეკვავს.

ბარაკ ობამა

16 დეკემბერი 2019, 13:26

მსოფლიო

ბარაკ ობამა: ქალები უდავოდ სჯობნიან კაცებს

სინგაპურში ლიდერშიპთან დაკავშირებით გამართულ კერძო ღონისძიებაზე, ობამა განაცხადა, რომ "ქალები სრულყოფილები არ არიან, მაგრამ უდაოდ სჯობნიან კაცებს". მისი თქმით, პრობლემების უმეტესობა მოდის ასაკოვანი ადამიანებისგან, უმეტესად კაცებისგან, რომლებსაც მაღალი თანამდებობები უჭირავთ.

ბოინგი

16 დეკემბერი 2019, 13:26

ეკონომიკა

Boeing-მა შესაძლოა 737 MAX-ის წარმოება შეაჩეროს

ამერიკული კორპორაცია Boeing-ი 737 MAX-ის თაობის თვითმფრინავების წარმოების შეჩერების საკითხს განიხილავს. ინფორმაციას The Wall Street Journal-ი წყაროზე დაყრდნობით ავრცელებს. ამასთან, თვითმფრინავების წარმოების შემცირება გამოიწვევს სამუშაო ადგილების ლიკვიდაციას. 2019 წელს კომპანიამ მხოლოდ 15 136 Boeing-ი 737 MAX-ის მიწოდება დააკონტრაქტა.

სტეფან ბიეგანი

16 დეკემბერი 2019, 13:11

მსოფლიო

ამერიკელი დიპლომატი ფხენიანს: ჩვენ აქ ვართ, იცით როგორ უნდა მოხვიდეთ ჩვენამდე

ჩრდილოეთ კორეაში აშშ-ის სპეციალური დიპლომატი სტეფან ბიეგანი ფხენიანს დიალოგისკენ მოუწოდებს და აცხადებს: "ჩვენ აქ ვართ. თქვენ იცით როგორ უნდა მოხვიდეთ ჩვენამდე". სტეფან ბიეგანმა ამის შესახებ სეულში ყოფნის დროს მას შემდეგ განაცხადა, რაც ჩრდილოეთ კორეამ, სავარაუდოდ, კიდევ ერთი რაკეტა გამოსცადა.

კარგი ამინდი

16 დეკემბერი 2019, 12:44

საქართველო

17 დეკემბრიდან საქართველოში დათბება

ჰაერის ტემპერატურა დასავლეთ საქართველოს დაბლობში +16, +21, აღმოსავლეთ საქართველოს ბარში კი +13, +18 გრადუსამდე მოიმატებს. თბილისში უნალექო ამინდი იქნება. დღეს იქროლებს ჩრდილო-დასავლეთის მიმართულების ქარი. ჰაერის ტემპერატურა დღის საათებში +14, +16 გრადუსია მოსალოდნელი.

ქართული ჭიდაობა

16 დეკემბერი 2019, 12:31

სპორტი

ქართული ჭიდაობის მთავარ ტურნირში ონისე ბუღაძემ გაიმარჯვა

ქართული ჭიდაობის წლის მთავარი ტურნირის, „ფალავნობის“ გამარჯვებული ონისე ბუღაძე გახდა. საჩხერელმა მოჭიდავემ გადამწყვეტ შეხვედრაში გიორგი ზაქარიაძეს მოუგო და ქართული ჭიდაობის ფედერაციის მიერ დაწესებული ფულადი პრემია, 33 ათასი ლარი მიიღო.

ერეკლე კუხიანიძე

16 დეკემბერი 2019, 12:24

საქართველო

თბილისის საკრებულოსთან ოცნების დეპუტატ ერეკლე კუხიანიძის თანამდებობიდან წასვლას ითხოვენ

სამოქალაქო მოძრაობა თბილისის საკრებულოსთან საპროტესტო აქციას მართავს. ამის მიზეზი კი "ქართული ოცნების" საკრებულოს დეპუტატის, ერეკლე კუხიანიძის Facebook-პოსტია, სადაც ის ოკუპირებულ ცხინვალში პატიმრობაში მყოფი ვაჟა გაფრინდაშვილის ოჯახს აკრიტიკებს.

16 დეკემბერი 2019, 12:08

ეკონომიკა

საქსტატი: საქართველოში საშუალო ხელფასი 1217 ლარია

სტატისტიკის ეროვნული სამსახურის (საქსტატი) ოფიციალური მონაცემებით, 2019 წლის მესამე კვარტალში საქართველოში საშუალო თვიური ხელფასი, გასული წლის შესაბამის პერიოდთან შედარებით, 91.6 ლარით გაიზარდა და 1 217 ლარს შეადგენს.

16 დეკემბერი 2019, 12:05

ეკონომიკა

აღსრულების ეროვნული ბიუროს მიერ რეალიზებული უძრავი ქონების 49% მევახშეების სასარგებლოდ გაიყიდა

2019 წლის ათ თვეში აღსრულების ეროვნული ბიუროს მიერ რეალიზებულია 1039 უძრავი ქონება. აქედან ყველაზე მეტი, 514 (49%) კერძო მევახშეების სასარგებლოდ გაიყიდა. კომერციულ ბანკებზე 411 (40%) უძრავი ქონება მოდის, 11% კი მიკროსაფინანსოზე.

სალომე ზურაბიშვილი

16 დეკემბერი 2019, 11:38

საქართველო

პრეზიდენტი პარტიებს სიებში ყოველ მეთხუთმეტედ დიასპორის წარმომადგენლის ჩასმას სთავაზობს

საქართველოს პრეზიდენტმა სალომე ზურაბიშვილმა პოლიტიკურ სუბიექტებს შესთავაზა, რომ საქართველოს საშინაო საქმეებში დიასპორის უკეთ ჩართულობისთვის, პოლიტიკურმა პარტიებმა საარჩევნო სიებში ყოველი მეთხუთმეტე დიასპორის წარმომადგენელი ჩასვან.

ნათია თურნავა

16 დეკემბერი 2019, 11:36

ეკონომიკა

თურნავა: ვდგავართ რეგიონულ ჰაბად ჩამოყალიბების გზაზე

დღეს საქართველოს ეკონომიკის მინისტრმა ნათია თურნავამ „აწარმოე საქართველოს“ სახელით, ინვესტიციების მოზიდვის ახალი პროაქტიური სტრატეგია და სამოქმედო გეგმა წარმოადგინა. მინისტრის განცხადებით, ახალი სტრატეგიის შედეგად დამატებით 3 000 სამუშაო ადგილი გაჩნდება.

სალომე ზურაბიშვილი

16 დეკემბერი 2019, 11:27

საქართველო

სალომე ზურაბიშვილი: სალობიეშიც ვივლი და თავშეყრის სხვა ადგილებშიც

საქართველოს პრეზიდენტის სალომე ზურაბიშვილის განცხადებით, "სალობიეშიც ივლის და სხვა თავშეყრის ადგილებშიც". ასე უპასუხა პრეზიდენტმა ჟურნალისტებს სალობიეში სტუმრობასთან დაკავშირებით, რასაც სოციალურ მედიაში აქტიურად განიხილავდნენ.

სნუპ დოგი

16 დეკემბერი 2019, 11:21

სპორტი

სნუპ დოგი კომპიუტერული თამაშის კომენტატორი იქნება

ჰოკეის კომპიუტერული თამაშის, NHL 20-ის პრეზენტაცია სექტემბერში შედგა, სადაც ორგანიზატორებმა განაცხადეს, რომ სნუპ დოგის გარდა, პროექტის კიდევ უფრო მეტი პოპულარიზაციის მიზნით, თამაშში ისეთი ვარსკვლავების ჩართვას გეგმავენ, როგორებიც არიან ვილ ფარელი და დრეიკი.

ათონელის რეზიდენცია

16 დეკემბერი 2019, 11:17

საქართველო

დღეიდან მოქალაქეები ათონელის რეზიდენციის დათვალიერებას შეძლებენ

საქართველოს პრეზიდენტის სალომე ზურაბიშვილის განცხადებით, დღეიდან, ათონელის რეზიდენცია დამთვალიერებლებისთვის გაიხსნება. ამის შესახებ პრეზიდენტმა ევროპის საბჭოს საპარლამენტო ასამბლეის კონფრენეციაზე განაცხადა.

არჩილ თალაკვაძე

16 დეკემბერი 2019, 11:04

საქართველო

არჩილ თალაკვაძე: 2020-ის არჩევნების დემოკრატიულად ჩატარებისთვის კანონში ცვლილებების რესურსი არსებობს

არჩილ თალაკვაძის თქმით, შემდგომი კონსულტაციები აჩვენებს, თუ რაზე შეიძლება შეთანხმდეს ოპოზიცია და ხელისუფლება, "ამ დღეების განმავლობაში იქნება მოსამზადებელი სამუშაოები რომ განვსაზღვროთ შეხვედრის შემდგომი თემები", - განაცხადა მან.