გვარამია გაბუნიას მონოლოგზე: ბილწსიტყვაობა არ არის დასაშვები

ტელეკომპანია "რუსთავი 2"-ის გენერალური დირექტორი ნიკა გვარამია არხის ეთერში გიორგი გაბუნიას მიერ ვლადიმერ პუტინის მიმართ გამოთქმულ განცხადებებს გამოეხმაურა. როგორც გვარამიამ Facebook ლაივის დროს თქვა, რომ ის "პუტინის გინების გამო ბოდიშის მოხდას არ აპირებს". 

"ვიზიარებ ზოგადად პათოსს, მაგრამ მიმაჩნია, რომ მშვენივრად შეიძლებოდა ამ დამოკიდებულების ჩატევა ორ სიტყვაში, რომელიც ჩვენი ფანტასტიკური აქციის წევრებმა გააკეთეს და იმღერეს "პუტინ ხუილო"... ომი რუსეთმა საქართველოსთან არ დაასრულა და ეს ხელისუფლება ეხმარება საქართველოს ოკუპაციაში თავისი რბილი ძალის მეშვეობით და არა გაბუნიას გინების წამქეზებლობის გზით. რა თქმა უნდა, მიუღებელია ამგვარი ფორმით თვითგამოხატვა, ეს არ არის არხის დამოკიდებულება, მიუხედავად იმისა რომ ეს გაბუნიას საავტორო პოზიციაა, არხი მაინც გამოთქვამს თავის უკმაყოფილებას ამგვარი ფორმით აზრის მოწოდების თაობაზე და არ იწონებს ამგვარ განცხადებებს. სხვა მხრივ მიგვაჩნია, რომ პუტინი ჩვენი სამშობლოს ნომერ პირველი მტერია... რადიკალური შეფასება არ გულისხმობს გულისამრევ ბილწსიტყვაობას და ეს არ არის დასაშვები", - განაცხადა ნიკა გვარამიამ.

ტელეკომპანია "რუსთავი 2"-ის პირდაპირ ეთერში, გადაცემა "P.S"-ის წამყვანმა, გიორგი გაბუნიამ რუსეთის პრეზიდენტს ვლადიმერ პუტინს რუსულად არაეთიკურად მიმართა. 

ამასთან დაკავშირებით განცხადება გაავრცელა საქართველოს პრემირმინისტრმა მამუკა ბახტაძემ: "ეს არის პროვოკატორების ომი საკუთარი ქვეყნის წინააღმდეგ, ბინძური და ამაზრზენი თამაში სახელმწიფოსა და მოქალაქეების უსაფრთხოებასთან", - განაცხადა პრემიერმა.

განცხადება გაავრცელა თბილისის მერმა კახა კალაძემაც. "დაუშვებელია „პატრიოტიზმით“ შენიღბული ამ მასშტაბის პროვოკაცია მკაცრი რეაგირების გარეშე დავტოვოთ", - თქვა მან. 

ასევე შეფასება გააკეთა საქართველოს პრეზიდენტმა სალომე ზურაბიშვილმა. 

"რუსთავი 2"-ის პირდაპირი ეთერიდან წამყვანის მიერ წარმოთქმულ სიტყვებთან დაკავშირებით, განცხადება გაავრცელა საქართველოს ჟურნალისტური ეთიკის ქარტიამაც.