Imedi /  07 აგვისტო 2019, 10:25 / სანდო წყარო

აგვისტოს ომის მე-11 წლისთავთან დაკავშირებით საგარეო უწყება განცხადებას ავრცელებს

საგარეო საქმეთა სამინისტრო

საგარეო საქმეთა სამინისტრო

11 წლის წინ, საერთაშორისო სამართლის ფუნდამენტური ნორმების სრული უგულებელყოფით განხორციელებული სამხედრო აგრესია წარმოადგენდა სუვერენული სახელმწიფოს საზღვრების ძალისმიერი გზით შეცვლის მცდელობას, რამაც სერიოზული საფრთხე შეუქმნა რეგიონისა და მთლიანად ევროპული უსაფრთხოების სისტემას, აცხადებს საგარეო საქმეთა სამინისტრო.

უწყება აღნიშნავს, რომ 2019 წლის 7 აგვისტოს 11 წელი შესრულდა რუსეთის ფედერაციის მიერ საქართველოს წინააღმდეგ განხორციელებული ფართომასშტაბიანი სამხედრო ინტერვენციისა და საქართველოს განუყოფელი რეგიონების - აფხაზეთისა და ცხინვალის რეგიონის/სამხრეთ ოსეთის უკანონო ოკუპაციის შემდეგ.

„რუსეთის ფედერაციას ჯერ კიდევ არ აქვს შესრულებული ევროკავშირის შუამდგომლობით 2008 წლის 12 აგვისტოს დადებული ცეცხლის შეწყვეტის შეთანხმება და კვლავ განაგრძობს საერთაშორისო ვალდებულებების დარღვევას, მიუხედავად საერთაშორისო თანამეგობრობის მუდმივი მოწოდებებისა.

სრულად უგულებელყოფს რა ცეცხლის შეწყვეტის შეთანხმებით ნაკისრ ვალდებულებებს საქართველოს ტერიტორიიდან ჯარების გაყვანის თაობაზე, მოსკოვი კიდევ უფრო აძლიერებს თავის უკანონო სამხედრო ყოფნას ადგილზე და ხელს უშლის უსაფრთხოების საერთაშორისო მექანიზმების შექმნას საქართველოს აფხაზეთისა და ცხინვალის რეგიონებში.

ამასთან, დგამს ნაბიჯებს საქართველოს აფხაზეთისა და ცხინვალის რეგიონების დე ფაქტო ანექსიის მიმართულებით, პარალელურად, კი ცდილობს, ოკუპირებულ ტერიტორიებზე მცხოვრები მოსახლეობა იზოლაციაში მოაქციოს დანარჩენი საქართველოსგან.

ამ მიზნით რუსეთის ფედერაცია მიზანმიმართულად განაგრძობს საოკუპაციო ხაზზე მავთულხლართებისა და ხელოვნური ბარიერების აღმართვას, ე.წ გადასასვლელი პუნქტების დახურვას, თავისუფალი გადაადგილების შეზღუდვას, ადგილობრივი მოსახლეობის გატაცებისა და უკანონო დაკავების პრაქტიკას, რითაც უხეშად არღვევს ადამიანის ფუნდამენტურ უფლებებსა და თავისუფლებებს და გაუსაძლისს ხდის კონფლიქტით დაზარალებული მოსახლეობის ისედაც რთულ ჰუმანიტარულ და სოციალურ-ეკონომიკურ მდგომარეობას.

შეშფოთებას იწვევს აფხაზეთისა და ცხინვალის რეგიონებში დარჩენილი ქართველი მოსახლეობის ეთნიკური ნიშნით დისკრიმინაცია და შევიწროება, მათ შორის, მშობლიურ ენაზე განათლების აკრძალვა და ღირსების შელახვა, ეთნიკური იდენტობის შეცვლის იძულების გზით. კიდევ უფრო საგანგაშოა ეთნიკურ ნიადაგზე წამებისა და მკვლელობის შემთხვევები, რასაც ადასტურებს დავით ბაშარულის, გიგა ოთხოზორიასა და არჩილ ტატუნაშვილის სიცოცხლის ხელყოფის ფაქტები.

აღნიშნულ საქმეებზე დაუსჯელობის სინდრომის დამკვიდრებამ შესაძლებელი გახადა ირაკლი კვარაცხელიას გარდაცვალება უკანონო ტყვეობაში, ოკუპირებულ აფხაზეთში განთავსებულ რუსეთის სამხედრო ბაზაზე.

განსაკუთრებულ წუხილს იწვევს ის ფაქტი, რომ ეთნიკური წმენდის არაერთი ტალღის შედეგად, აფხაზეთისა და ცხინვალის რეგიონებიდან გამოდევნილი ასობით ათასი იძულებით გადაადგილებული პირი და ლტოლვილი კვლავაც მოკლებულია საკუთარ სახლში უსაფრთხოდ და ღირსეულად დაბრუნების შესაძლებლობას.

ამ ფონზე, კიდევ უფრო აშკარაა ოკუპირებულ რეგიონებში ევროკავშირის სადამკვირვებლო მისიის შესვლისა და მანდატის სრულად განხორციელების აუცილებლობა, აგრეთვე აფხაზეთისა და ცხინვალის რეგიონებში ადამიანის უფლებათა დაცვის საერთაშორისო მექანიზმების შეუზღუდავი წვდომის საჭიროება. არსებული გამოწვევების პასუხად, საქართველოს მთავრობა განუხრელად განაგრძობს რუსეთ-საქართველოს კონფლიქტის მშვიდობიანი მოგვარების პოლიტიკას, მოლაპარაკებებისა და დეესკალაციისკენ მიმართული ძალისხმევის გზით.

საქართველომ სრულად შეასრულა 2008 წლის 12 აგვისტოს ცეცხლის შეწყვეტის შეთანხმების პირობები და ცალმხრივად არაერთხელ დაადასტურა ძალის არ გამოყენების ვალდებულების მიმართ ერთგულება, რუსეთის მხრიდან ანალოგიური საპასუხო ნაბიჯის მოლოდინში.

იმ ფონზე, როცა რუსეთის ფედერაცია მიზანმიმართულად ცდილობს სამშვიდობო მოლაპარაკებების ფორმატების დაზიანებას, საქართველო განაგრძობს კონსტრუქციულ ჩართულობას ჟენევის საერთაშორისო მოლაპარაკებებში და ძალისხმევას არ იშურებს რუსეთის უკანონო ოკუპაციის შედეგად დაზარალებული მოსახლეობის უსაფრთხოებისა და ჰუმანიტარული პრობლემების გადასაჭრელად. პარალელურად, საქართველოს მთავრობა დგამს ნაბიჯებს ომითა და საოკუპაციო ხაზებით გაყოფილ მოსახლეობას შორის შერიგებისა და ნდობის აღდგენის უზრუნველსაყოფად, რისი დასტურიცაა სამშვიდობო ინიციატივა „ნაბიჯი უკეთესი მომავლისაკენ“.

დეესკალაციისკენ მიმართული ძალისხმევის ფარგლებში, 2012 წლიდან გადაიდგა ნაბიჯები რუსეთის ფედერაციასთან სავაჭრო-ეკონომიკური და ჰუმანიტარული ურთიერთობების აღსადგენად, ქართულმა მხარემ მიიღო რიგი კონსტრუქციული გადაწყვეტილებები, მაგრამ ამას აუცილებლად უნდა მოჰყვეს რუსეთის შესაბამისი ნაბიჯები კონფლიქტის დარეგულირების კუთხით.

ქართული მხარე დიდად აფასებს საერთაშორისო თანამეგობრობის ურყევ მხარდაჭერას საქართველოს სუვერენიტეტისა და ტერიტორიული მთლიანობის მიმართ და წვლილს რუსეთ-საქართველოს კონფლიქტის მშვიდობიანი დარეგულირების პროცესში.

საგარეო საქმეთა სამინისტრო მიმართავს საერთაშორისო თანამეგობრობას, კონსოლიდირებული ძალისხმევა წარმართოს რუსეთის ფედერაციის მიერ საქართველოს ტერიტორიების დეოკუპაციის, იძულებით გადაადგილებულ პირთა და ლტოლვილთა უსაფრთხო და ღირსეული დაბრუნების უზრუნველსაყოფად.

საგარეო საქმეთა სამინისტრო მოუწოდებს რუსეთის ფედერაციას, შეასრულოს ცეცხლის შეწყვეტის შესახებ 2008 წლის 12 აგვისტოს შეთანხმებით ნაკისრი ვალდებულებები, პატივი სცეს საქართველოს სუვერენიტეტსა და ტერიტორიულ მთლიანობას მის საერთაშორისოდ აღიარებულ საზღვრებში, შეცვალოს ოკუპირებული ტერიტორიების ე.წ. დამოუკიდებლობის აღიარების შესახებ უკანონო გადაწყვეტილება, გადადგას შესაბამისი ნაბიჯები საქართველო-რუსეთის ურთიერთობების დასარეგულირებლად, კონფლიქტის დიალოგის გზით მოწესრიგებისა და რეგიონში მშვიდობის უზრუნველყოფის მიზნით.

საგარეო საქმეთა სამინისტრო სარგებლობს შემთხვევით და სამძიმარს უცხადებს 2008 წლის ომში გმირულად დაღუპული მებრძოლებისა და მშვიდობიანი მოსახლეობის ოჯახებსა და ახლობლებს.“, - აღნიშნულია განცხადებაში. 

2008 წლის აგვისტოს რუსეთ-საქართველოს ომში საქართველოს თავდაცვის სამინისტროს 170 მოსამსახურე, შინაგან საქმეთა სამინისტროს 14 თანამშრომელი და 224 სამოქალაქო პირი დაიღუპა. 

ჯანდაცვის სამინისტროს მონაცემებით, დაჭრილ-დაშავებულ სამოქალაქო და სამხედრო პირთა რაოდენობა სულ 2 232-ია. მათ შორის, 1045 სამხედრო მოსამსახურე იყო.

ყველა სიახლე

ანდრია ჯაღმაიძე

22 იანვარი 2020, 22:21

საქართველო

ჯაღმაიძემ განმარტა რატომ აუკრძალეს ანდრია სარიას მღვდელმსახურება

საპატრიარქოს საზოგადოებასთან ურთიერთობის სამსახურის ხელმძღვანელმა დეკანოზმა ანდრია ჯაღმაიძემ განმარტა მიზეზები, რატომო აუკრძალეს მღვდელმსახურება მღვდელ ანდრია სარიას. მღვდელმონაზონი ანდრია სარია ჭყონდიდის ეპარქიიდან 2019 წლის 13 დეკემბერს გაათავისუფლეს.

ემანუელ მაკრონი

22 იანვარი 2020, 22:03

მსოფლიო

ემანუელ მაკრონი იერუსალიმში პოლიციელებს დაუპირისპირდა

ინციდენტი წმინდა ანას ეკლესიაში მოხდა, რომელიც საფრანგეთს ეკუთვნის. მაკრონის შეშფოთება იმ ფაქტმა გამოიწვია, რომ სამართალდამცველები ეკლესიაში მასზე ადრე შევიდნენ. დაპირისპირების ამსახველი ვიდეო მოგვიანებით სოციალურ ქსელებში გავრცელდა.

კორონავირუსი

22 იანვარი 2020, 21:43

მსოფლიო

ჩინეთში ერთ დღეში კორონავრუსით დაღუპულთა რაოდენობა გაორმაგდა

ინეთში ახალი კორონავირუსით დაღუპულთა რაოდენობა17-მდე გაიზარდა.China Daily ხუბეის პროვინციის ხელისუფლების მიერ გავრცელებულ ინფორმაციას ეყრდნობა. გამოცემის ცნობით, პროვინციაში უკვე 444 ადამიანი დაავადდა. 12 საათის წინ 440 ინფიცირებულის შესახებ იყო ცნობილი.

ჯეფ ბეზოსი მოჰამედ იბნ სალმანი

22 იანვარი 2020, 21:23

მსოფლიო

გაეროს ექსპერტები ჯეფ ბეზოსის ტელეფონის გატეხვის ფაქტზე გამოძიების დაწყებას ითხოვენ

„ჩვენს მიერ მიღებული ინფორმაციის მიხედვით, შესაძლოა პრინცი ბატონ ბეზოსზე თვალთვალში იყო ჩართული, რომლის მიზანიც Washington Post-ის მიერ საუდის არაბეთში მიმდინარე მოვლენების გაშუქებაზე გავლენის ქონა იყო“, - ნათქვამია ექსპერტების მიერ გავრცელებულ განცხადებაში.

პროკურატურა

22 იანვარი 2020, 20:43

ძალოვნები

საქართველოს გენერალური პროკურორობის კანდიდატთა რაოდენობა შემცირდა

ადვოკატმა გრიგოლ გაგნიძემ კანდიდატურა მოხსნა და ირაკლი შოთაძეს მხარდაჭერა გამოუცხადა. შესაძლოა ანალოგიური გადაწყვეტილება მიიღოს იურისტმა გელა ჩივაძემაც. გენერალური პროკურორის პოსტზე 17 კანდიდატი იყო წარდგენილი.

კორონავირუსი

22 იანვარი 2020, 20:38

საქართველო

ჩინეთში მყოფ საქართველოს მოქალაქეებს საელჩო მოუწოდებს უხანში არ ჩავიდნენ

ჩინეთის სახალხო რესპუბლიკაში საქართველოს საელჩო საქართველოს მოქალაქეებს მოუწოდებს, თავი შეიკავონ ქალაქ უხანში გამგზავრებისაგან, ვინაიდან ეს ქალაქი წარმოადგენს ინფექციის კერას. ბოლო მონაცემებით, ჩინეთში ახალი კორონავირუსის დიაგნოზი 440 პაციენტს დაუსვეს. დაავადებას 17 ადამიანი ემსხვერპლა. ვირუსის შემთხვევები ასევე დაფიქსირდა ტაილანდში, ტაივანში, ჰონგ-კონგში, იაპონიაში, სამხრეთ კორეასა და აშშ-შიც.

კონგრესმენების წერილი

22 იანვარი 2020, 20:33

საქართველო

მთავრობის ადმინისტრაციამ ამერიკელი კონგრესმენების წერილი გამოაქვეყნა

წერილში, რომელიც ჯერი კონოლიმ, ადამ კინზინგერმა, მაიკლ მაკკაულმა და ელიოტ ენჯელიმ გიორგი გახარიას მისწერეს, კონგრესმენები საქართველოში მიმდინარე პროცესებს კრიტიკულად აფასებენ.

ინოვაციებისა და რეფორმების ცენტრი

22 იანვარი 2020, 20:10

საქართველო

საქართველოში საჯარო მმართველობის რეფორმის მონიტორინგის სისტემა იქმნება

„ინოვაციებისა და რეფორმების ცენტრი“ (IRC) ახალ პროექტს იწყებს. ევროკავშირის მხარდაჭერით „საჯარო მმართველობის რეფორმის მონიტორინგის სისტემა შემუშავდება. პროექტის პრეზენტაცია დღეს თბილისში, სასტურმო „რუმსში“ შედგა. ღონისძიებას საჯარო მმართველობის მიმართულებით მომუშავე ადგილობრივი არასამთავრობო, საერთაშორისო და სახელმწიფო ორგანიზაციების წარმომადგენლები ესწრებოდნენ.

გიორგი გახარია ილჰამ ალიევი

22 იანვარი 2020, 20:04

საქართველო

გიორგი გახარია დავოსში ილჰამ ალიევს შეხვდა

ლიდერებმა საქართველოსა და აზერბაიჯანის სტრატეგიულ პარტნიორობასა და რეგიონული მნიშვნელობის სატრანსპორტო-ენერგეტიკულ პროექტებზე ისაუბრებს, რომლებსაც თბილის და ბაქო ერთობლივად ახორციელებენ. ისინი ინტენსიური კომუნიკაციის მომავალში გაგრძელებაზე შეთანხმდნენ.

კუპატა

22 იანვარი 2020, 19:41

ტაბლოიდი

პოპულარულ ქუჩის ძაღლ კუპატას ბათუმში ვარსკვლავი გაუხსნეს

აჭარის ტურიზმის დეპარტამენტის ინფორმაციით, ბათუმში პოპულარულ ქუჩის ძაღლ კუპატას უკვე თავისი კერა აქვს. „მიზნად მხოლოდ ბავშვების უსაფრთხოდ ქუჩაზე გადასვლა ჰქონდა, მაგრამ აშკარად უფრო მეტი გამოუვიდა 😊დეპარტამენტის თანამშრომლებმა ვუყიდეთ კერა წარწერით „ხალხის რჩეული“, რაც ნამდვილად დაიმსახურა❤️“, -წერს უწყება სოციალურ ქსელში. ბათუმელი ქუჩის ძაღლი საერთაშორისო მედიის ყურადღების ცენტრში მოექცა. ABC News-მა გამოაქვეყნა ძაღლის ვიდეო სათაურით „ქუჩის ძაღლი აცილებს ბავშვებს გადასასვლელზე აღმოსავლეთ ევროპის ქვეყანა საქართველოში.“

Tesla

22 იანვარი 2020, 19:31

ეკონომიკა

Tesla-ს კაპიტალიზაციამ $100 მილიარდს პირველად გადააჭარბა

21 იანვარს Tesla-ს ერთი აქციის ღირებულებამ $555,1 დოლარი შეადგინა, კომპანიის კაპიტალიზაცია კი 110,1 მილიარდ დოლარს მიაღწია. მეორე დღეს აქციის ღირებულება 547,2 დოლარამდე შემცირდა, კაპიტალიზაცია კი 98,6 მილიარდამდე. აქციების ფასის ზრდა 2019 წლის მესამე კვარტალში კომპანიის ფინანსურმა წარმატებამ და ჩინეთში ქარხნის გახსნას უკავშირდება.

წყნეთის აგარაკები

22 იანვარი 2020, 19:11

ეკონომიკა

წყნეთის სამთავრობო აგარაკებზე გამოცხადებული აუქციონი ჩაიშალა

წყნეთის სამთავრობო აგარაკებს მყუდველი არ გამოუჩნდა. 23 დეკემბერს გამოცხადებული აუქციონი ცოტა ხნის წინ დასრულდა. სახელმწიფო ქონების ეროვნულ სააგენტოში ჯერ არ ამბობენ, როდის და რა პირობებით გამოცხადდება ახალი აუქციონი.

სასამართლო

22 იანვარი 2020, 18:48

ძალოვნები

ზუგდიდში, პოლიციელზე თავდასხმის მცდელობაში ბრალდებულს პატიმრობა შეეფარდა

ზუგდიდში, პოლიციელზე თავდასხმის მცდელობაში ბრალდებულ 51 წლის გელა ქანთარიას, რაიონულმა სასამართლომ აღკვეთ ღონისძიებად პატიმრობა შეუფარდა. გადაწყვეტილება მოსამართლე ნატრული აკობიამ მიიღო. შსს-ს ინფორმაციით, გელა ქანთარიამ მიმდინარე წლის 17 იანვარს ზუგდიდში, ჭავჭავაძის ქუჩაზე სამართალდამცველების მისამართით გაისროლა და შემთხვევის ადგილიდან მიიმალა.

წყალბურთი

22 იანვარი 2020, 18:28

სპორტი

წყალბურთელთა ეროვნულმა ნაკრებმა ევროპის ჩემპიონატზე თურქეთი დაამარცხა

ეროვნულმა ნაკრებმა ევროპის ჩემპიონატზე ისტორიაში საუკეთესო შედეგი აჩვენა. დღეს, რევაზ ჩომახიძის მომზადებულმა გუნდმა თურქეთის ნაკრები 12:6 დაამარცხა და ათეულში ადგილი მოიპოვა. ეროვნული ნაკრების შემადგენლობაში ყველაზე მეტი 3-3 ბურთი ანდრია ბითაძემ და მიხეილ ბაღათურიამ გაიტანეს.

ჯეიმს აპატურაი

22 იანვარი 2020, 18:23

საქართველო

აპატურაი: ნატო რუსეთთან ყოველთვის წამოჭრის საქართველოს საკითხს და აგრესიულ პოლიტიკას დაგმობს

„ნატო რუსეთთან კომუნიკაციის დროს ყოველთვის წამოჭრის საქართველოს საკითხს და მეზობლების მიმართ რუსეთის აგრესიულ პოლიტიკას დაგმობს, “- ეს განცხადება კავკასიასა და ცენტრალურ აზიაში ნატო-ს გენერალური მდივნის სპეციალურმა წარმომადგენელმა, ჯეიმს აპატურაიმ „ქრონიკასთან“ ექსკლუზიურ ინტერვიუში გააკეთა.

კახა კალაძე

22 იანვარი 2020, 18:16

საქართველო

კახა კალაძე ევროპარლამენტარებზე: საგარეო მიმართულებით მუშაობა ჩვენი მხრიდანაც გასაძლიერებელია

კახა კალაძის განცხადებით, ბოლო პერიოდში პარტნიორი ქვეყნების წარმომადგენლების მხრიდან გაკეთებული განცხადებებით აშკარად იკვეთება, რომ მათ არ აქვთ სრულყოფილი ინფორმაცია საქართველოში არსებულ ვითარებაზე, „ან კარგად იციან რა ხდება, მაგრამ ეს მათი სუბიექტური განცხადებებია“.

კახა კალაძე

22 იანვარი 2020, 18:05

საქართველო

კალაძე: პარლამენტთან რეაბილიტაციაზე განცხადებები მიუღებელია, აზრის გამოხატვაში არავინ იზღუდება

კახა კალაძის თქმით, პარლამენტის წინ ტერიტორიის რეაბილიტაციაზე გაკეთებული განცხადებები მისთვის კატეგორიულად მიუღებელია. მისი თქმით, პარლამენტის წინ ტერიტორიის რეაბილიტაციის პროექტი მერიამ 2019 წლის მაის-ივნისში შეისყიდა და წინასწარ იყო დაგეგმილი იქ სამუშაოები, რადგან არსებული მდგომარეობა „ძალიან მძიმეა“.

კრისტიან ტერეში

22 იანვარი 2020, 18:03

საქართველო

ევროპარლამენტარი ტერეში: დასანანია, რომ ბევრი ევროპარლამენტარი სხვადასხვა ქვეყნების წარმომადგენლებთან საუბარს პოლიტიკური ქულების დასაწერად იყენებს

„მე გული დამწყდა იმის გამო თუ როგორ იყო განხილული საქართველოს საკითხი. დასანანია, რომ ბევრი მათგანი ამ შესაძლებლობას იყენებს პოლიტიკური ქულების დასაწერად“. - განაცხადა ევროპარლამენტის ვიცეპრეზიდენტმა.

პარლამენტი

22 იანვარი 2020, 17:55

საქართველო

პარლამენტთან გაკეთებულ კონსტრუქციაზე აქტივისტებმა და ოპოზიციამ წარწერები დატოვეს

პარლამენტთან მოძრაობა „გაბედეს“ წევრები მივიდნენ და მიმდებარე ტერიტორიას, რომელიც რკინის კონსტრუქციით არის შემოსაზღვრული, მავთულხლართი შემოავლეს და ამ ფორმით გააპროტესტეს თბილისის მერიის გადაწყვეტილება პარლამენტის წინ ინფრასტრუქტურული სამუშაოების ჩატარებაზე.

ლიბია

22 იანვარი 2020, 17:28

მსოფლიო

ლიბიასთან ავიამიმოსვლა შეწყდა

სარაკეტო დაბომბვის შემდეგ ტრიპოლის აეროპორტი დაიხურა, რომელიც ლიბიაში ბოლო მოქმედი აეროპორტი იყო. ინფორმაციას Reuters-ი ტრიპოლის აეროპორტის ადმინისტრაციაზე დაყრდნობით ავრცელებს. გამოცემის ცნობით, აეროპორტმა ტუნისის თვითმფრინავი არ მიიღო, რომელიც ტრიპოლიდან 200 კილომეტრით დაშორებით მდებარე აეროპორტში გადაამისამართეს.