Imedi /  04 ნოემბერი 2019, 16:36 / სანდო წყარო

ზალკალიანმა ოკუპირებულ რეგიონებში შექმნილი ვითარება შვედეთში განიხილა

პაულა კარვალო ოლოვსონი დავით ზალკალიანი

დავით ზალკალიანი
პაულა კარვალო ოლოვსონი

საქართველოს საგარეო საქმეთა მინისტრი, დავით ზალკალიანი შვედეთის პრემიერმინისტრის კაბინეტში ევროკავშირის საქმეთა სახელმწიფო მდივანს, პაულა კარვალო ოლოვსონს შეხვდა.

საგარეო საქმეთა სამინისტროს ინფორმაციით, მხარეებმა საქართველო-ევროკავშირის თანამშრომლობის საკითხები განიხილეს, ხაზი გაესვა  შვედეთის განსაკუთრებულ როლს საქართველოს ევროპული ინტეგრაციის მიზნების განხორციელების გზაზე.

„შეხვედრაზე ერთხმად აღინიშნა, რომ  „აღმოსავლეთ  პარტნიორობა“ ისტორიული ინიციატივა იყო, რომელიც მნიშვნელოვან როლს  ასრულებს საქართველოს ევროკავშირთან დაახლოების პროცესში.

ხაზი გაესვა შვედეთის მნიშვნელოვან ძალისხმევას ევროკავშირის ცალკეულ ინსტიტუტებთან და სტანდარტებთან საქართველოს დაახლოების გზაზე, რაც მრავალი მიმართულებით განხორციელებულ პრაქტიკულ დახმარებაშიც გამოიხატება. 

კიდევ ერთხელ ხაზი გაესვა იმ მნიშვნელოვან პროგრესს, რასაც საქართველომ აღმოსავლეთ პარტნიორობის ინიციატივის ფარგლებში და ზოგადად ევროპული ინტეგრაციის გზაზე მიაღწია“, - აცხადებენ საგარეო უწყებაში.  

მინისტრმა შვედურ მხარეს აღმოსავლეთ პარტნიორობის მომავალთან დაკავშირებით საქართველოს პრიორიტეტები გააცნო და აღნიშნა, რომ საქართველო დაინტერესებულია ევროკავშირთან მეტი ფუნქციური ინტეგრაციის ხელშეწყობაზე.

საუბარი ასევე შეეხო ასოცირების შეთანხმების იმპლემენტაციის წარმატებულ პროცესს, ასევე საქართველოს მთავრობის ინიციატივას ევროკავშირში ინტეგრაციის საგზაო რუკის სახით, რაც მიზნად ისახავს სწორედ რომ მეტ ფუნქციურ და ინსტიტუციურ დაახლოებას ევროკავშირთან.

შვედურმა მხარემ გამოხატა მზაობა მომავალშიც განაგრძოს საქართველოს დახმარება და მხარდაჭერა ევროპული ინტეგრაციის გზაზე რეფორმების განხორციელების კუთხით.

„შეხვედრაზე ასევე მიმოიხილეს საქართველოს ოკუპირებულ რეგიონებში შექმნილი მდგომარეობა, რუსეთ-საქართველოს კონფლიქტი და მისი მშვიდობიანი მოგვარების პროცესში ევროკავშირის ჩართულობის მნიშვნელობა.

აღინიშნა როგორც საერთაშორისო დღის წესრიგში, ასევე  რუსეთთან ორმხრივი ურთიერთობის ფორმატში საქართველოს საკითხის აქტუალიზაციის  და ადგილზე შექმნილ რთულ ჰუმანიტარულ ვითარებაზე სათანადო რეაგირების მნიშვნელობა. მინისტრმა მადლობა გადაუხადა შვედურ მხარეს ევროკავშირის სადამკვირვებლო მისიაში აქტიური ჩართულობისთვის რაც უზრუნველყოფს ადგილზე სტაბილურობას და უსაფრთხოებას.

შვედეთის სამეფოში ვიზიტის ფარგლებში საქართველოს საგარეო საქმეთა მინისტრი აღმოსავლეთ პარტნიორობის 10 წელთან დაკავშირებით შვედეთის მიერ ორგანიზებულ ღონისძიებაში მიიღებს მონაწილეობას

მინისტრი ასევე შეხვდება შვედეთის საგარეო საქმეთა და თავდაცვის მინისტრებს, შვედეთის განვითარების სააგენტოს ხელმძღვანელს. დავით ზალკალიანის ვიზიტი შვედეთის სამეფოში 8 წლიანი პაუზის შემდეგ წლის 3-6 ნოემბერს იმართება.

ყველა სიახლე

Twitter

12 ნოემბერი 2019, 00:55

ტექნოლოგიები

Twitter-მა ვენესუელის საგარეო უწყების ექაუნთი დაბლოკა

ვენესუელის საგარეო საქმეთა სამინისტრომ Twitter-ზე წვდომა დროებით დაკარგა. კომპანიის პრესსპიკერის განცხადებით, ექაუნთი დროებით დაიბლოკა, მიზეზი შემთხვევითობაა. კომპანიის განმარტებით, ანგარიშის დიდი მოცულობიდან გამომდინარე ის შემთხვევით ე.წ. სპამის კატეგორიაში მოხვდა. პრობლემა ორშაბათს, დღის მეორე ნახევარში აღმოიფხვრა.

პიტ დოერტი

12 ნოემბერი 2019, 00:43

კულტურა

მუსიკოსი პიტ დოერტი პარიზში მეორედ დააკავეს

ბრიტანელი როკ მუსიკოსი პიტ დოერტი, რომელიც პარიზში კოკაინის შეძენისთვის დააკავეს და შემდეგ გაათავისუფლეს, ისევ დააკავეს. ამჯერად მუსიკოსი გისოსებს მიღმა 19 წლის ბიჭთან ჩხუბის გამო მოხვდა. პიტ დოერტი როკჯგუფ Libertines-ის გიტარისტი და ვოკალისტია.

ირანი

12 ნოემბერი 2019, 00:14

მსოფლიო

საფრანგეთი, დიდი ბრიტანეთი და გერმანია ირანს ურანის გამდიდრებაზე გადაწყვეტილების გადახედვას ურჩევენ

საფრანგეთი, დიდი ბრიტანეთი და გერმანია ირანს ურანის გამდიდრების შესახებ გადაწყვეტილების გადახედვას ურჩევენ. ერთობლივ განცხადებაში ქვეყნები შეშფოთებას გამოთქვამენ და თეირანს აფრთხილებენ, უკან წაიღოს ეს გადაწყვეტილება. 7 ნოემბერს თეირანმა ბირთვულ ობიექტ „ფორდოზე“ სამუშაოები განაახლა.

ელის მანრო

12 ნოემბერი 2019, 00:02

კულტურა

ნობელიანტი მწერლის ელის მანროს გარდაცვალების შესახებ ინფორმაცია ყალბი აღმოჩნდა

რამდენიმე საათის წინ McClelland&Stewart-ის Twitter-ის გვერდზე გავრცელდა ცნობა, რომ კანადელი მწერალი და ლიტერატურის დარგში ნობელის პრემიის ლაურეატი ელის მანრო გარდაიცვალა. მოგვიანებით გაირკვა, რომ ეს გამომცემლობის ყალბი გვერდია და პოსტიც წაიშალა.

თორნიკე შენგელია

11 ნოემბერი 2019, 23:47

სპორტი

თორნიკე შენგელია ესპანეთის ჩემპიონატის მე-8 ტურის საუკეთესო მოთამაშე გახდა

თორნიკე შენგელიას წინამძღოლობით ბასკურმა გუნდმა ობრადორიო 92:79 დაამარცხა, ქართელი ლეგიონერი კი ორივე გუნდის შემადგენლობაში საუკეთესო იყო. შენგელიამ ბასკონიაში პირადსარეკორდო 29 ქულა ჩააგდო, რასაც 7 მოხსნა, 2 პასი, 2 ჩაჭრა და 1 დაფარება მოაყოლა.

ფაბიანო

11 ნოემბერი 2019, 23:31

სპორტი

პრემიერ ლიგის მე-12 ტურში საუკეთესო გოლი დასახელდა

ინგლისის პრემიერ ლიგის მე-12 ტურში საუკეთესო გოლის ავტორი „ლივერპულის“ ნახევარმცველი ფაბიანო გახდა. ბრაზილიელმა ფეხბურთელმა შორიდან დარტყმით გოლი „მანჩესტერ სიტის“ გაუტანა. მატჩი ანგარიშით 3:1 დასრულდა.

აშშ

11 ნოემბერი 2019, 23:04

მსოფლიო

აშშ-ში თვითმფრინავი დაშვებისას დაცურდა. ვიდეო

აშშ-ში, ჩიკაგოში, ოჰარას საერთაშორისო აეროპორტში თვითმფრინავი მოცურდა. ამის მიზეზი მძიმე მეტეოროლოგიური პირობები გახდა. სახიფათო შემთხვევისას მგზავრები არ დაშავებულან. ბორტზე მყოფი 38 მგზავრი და ეკიპაჟის სამი წევრი თვითმფრინავიდან უსაფრთხოდ გადაიყვანეს.

SpaceX

11 ნოემბერი 2019, 22:33

ტექნოლოგიები

SpaceX-მა გლობალური ინტერნეტისთვის კიდევ 60 თანამგზავრი გაუშვა

ილონ მასკის კომპანია SpaceX-მა პროექტ Starlink-ის ფარგლებში გლობალური ინტერნეტისთვის კიდევ 60 თანამგზავრი გაუშვა. Falcon 9 60 თანამგზავრით ფლორიდის შტატში მდებარე კოსმოდრომიდან გაუშვეს. თანამგზავრები ორბიტაზე გასვლის შემდეგ საჭირო სიმაღლეზე ავლენ.

ლინას ლინკევიჩუსი

11 ნოემბერი 2019, 22:15

საქართველო

ლინკევიჩუსი: ხმები ნატოს გარდაცვალების შესახებ გადაჭარბებულია

„ხმები ნატოს გარდაცვალების შესახებ უკიდურესად გადაჭარბებულია“, - ასე პასუხობს ლიეტუვის საგარეო საქმეთა მინისტრი „ნატოს ტვინის სიკვდილზე“ საფრანგეთის პრეზიდენტის, მაკრონის განცხადებას. ლინკევიჩუსმა „ქრონიკასთან“ თქვა, რომ „ოპონენტებს არგუმენტები არ უნდა მივცეთ, ნატო ძლიერია, რაც ისტორიამ ძალიან ბევრჯერ დაამტკიცა.

მიხეილ დაუშვილი

11 ნოემბერი 2019, 21:53

ეკონომიკა

ბიზნესომბუდსმენის პოსტზე მიხეილ დაუშვილის კანდიდატურა განიხილება

გია ვოლსკის განცხადებით, ბიზნესომბუდსმენის პოსტზე მიხეილ დაუშვილის კანდიდატურა განიხილება.„ფაქტია, რომ ამ თანამდებობას ახალი ენერგია სჭირდება. თავად ლექვინაძე არის ჩამოყალიბებული წესიერი ადამიანი, მაღალი დონის პროფესიონალი, ის გუნდს არ დასცილდება“- განაცხადა ვოლსკიმ.

ლინას ლინკევიჩუსი

11 ნოემბერი 2019, 21:40

საქართველო

ლინკევიჩუსი ჟენევის ფორმატზე: პროცესი შედეგი არ არის

„ე. წ. ბორდერიზაციის გაგრძელება, გადაკვეთის პუნქტების ჩაკეტვა, ინციდენტი ევროკავშირის მონიტორებთან დაკავშირებით-ეს მოვლენების ნეგატიური განვითარებაა“, ამის შესახებ „ქრონიკას“ ლიეტუვის საგარეო საქმეთა მინისტრმა განუცხადა. „ვიქნებით მაქსიმალურად ყურადღებით და გამოვიყენებთ ყველა მექანიზმს სიტუაციის შესაცვლელად“.

სკუბი-დუ

11 ნოემბერი 2019, 21:21

კულტურა

„სკუბი-დუს“ პირველი ტრეილერი გამოქვეყნდა

სტუდია Warner Bros.-მა მოლაპარაკე ძაღლის სკუბი-დუს შესახებ მულტფილმის პირველი ტრეილერი გამოაქვეყნა. თავის მეგობართან ერთად ძაღლი პარანორმალურ მოვლენასთან დაკავშირებულ დანაშაულს იძიებს. მულტფილმის პრემიერა 2020 წლის 15 მაისს გაიმართება.

გიორგი ჩაკვეტაძე

11 ნოემბერი 2019, 21:10

სპორტი

ესპანური მედია: „ვალენსია“ გიორგი ჩაკვეტაძით დაინტერესდა

TodoFichajes.com-ის ინფორმაციით, ნაკრების ერთ-ერთი წამყვანი ფიგურის, ჩაკვეტაძის გადაბირების საკითხს კლუბი უკვე აქტიურად განიხილავს. ესპანური მედია წერს, რომ 20 წლის ჩაკვეტაძე ძველ კონტინენტზე ერთ-ერთ ყველაზე დიდი მომავლის მქონე ფეხბურთელად მიიჩნევა.

გატაცება

11 ნოემბერი 2019, 21:00

ძალოვნები

ოკუპანტებმა კოდისწყაროს 2 მკვიდრი გაიტაცეს

ოკუპანტებმა საქართველოს ორი მოქალაქე გაიტაცეს. კოდისწყაროს მკვიდრების ე.წ. საზღვრის უკანონო კვეთის ბრალდებით დაკავებას ადასტურებს სახელმწიფო უსაფრთხოების სამსახური. მომხდარის შესახებ ინფორმირებულია ევროკავშირის სადამკვირვებლო მისია და ამოქმედებულია ცხელი ხაზი.

სტადიონი

11 ნოემბერი 2019, 20:42

ტაბლოიდი

არგენტინაში სტადიონი ლომის უზარმაზარი ჰოლოგრამით გახსნეს. ვიდეო

არგენტინული საფეხბურთო კლუბი „ესტუდიანტესი“ მშობლიურ სტადიონზე დაბრუნდა. ღონისძიება უჩვეულოდ ეფექტური აღმოჩნდა: სტადიონზე ცეცხლოვანი ლომის უზარმაზარი ჰოლოგრამა გამოჩნდა. ეს ცხოველი კლუბის ერთ-ერთი სიმბოლოა.

11 ნოემბერი 2019, 20:07

მსოფლიო

დანიაში ებრაული საფლავები შეურაცხყვეს

დანიაში დაუდგენელმა პირებმა XIX საუკუნის ებრაულ სასაფლაოზე 80-ზე მეტ საფლავს საღებავი შეასხეს. შემთხვევა იუტლანდიის ნახევარკუნძულზე მდებარე ქალაქ რანერსში მოხდა.მედიის ცნობით, ეს ვანდალიზმის ეს ფაქტი სავარაუდოდ „ბროლის ღამეს“ ეძღვნება.

გარყვნილი ქმედება

11 ნოემბერი 2019, 19:55

ძალოვნები

ხარაგაულში მოსწავლის მიმართ გარყვნილი ქმედების ბრალდებით მასწავლებელი დააკავეს

ხარაგაულის მუნიციპალიტეტში, მოსწავლის მიმართ გარყვნილი ქმედების ბრალდებით მასწავლებელი დააკავეს. როგორც Imedinews-ს შინაგან საქმეთა სამინისტროში განუცხადეს, მომხდარზე გამოძიება სისხლის სამართლის კოდექსის 141-ე მუხლით დაიწყო, რაც გარყვნილ ქმედებას გულისხმობს. ეს მუხლი 10-დან 13-წლამდე პატიმრობას ითვალისწინებს.

ერგნეთი

11 ნოემბერი 2019, 19:36

საქართველო

ერგნეთში ხვალ მეშვიდე ტექნიკური შეხვედრა ჩატარდება

დღეს ერგნეთში მეშვიდე ტექნიკური შეხვედრა გაიმართება. მთავარი საკითხი კი ისევ სოფელ ჩორჩანასთან განვითარებული მოვლენები იქნება. ამ საკითხზე მხარეების პოზიციები პრინციპულად უცვლელია. დეფაქტო ცხინვალი ჩორჩანასთან პოლიციის საგუშაგოს აღებას ისევ ითხოვს.

ბერლინი, პოლიცია

11 ნოემბერი 2019, 19:21

მსოფლიო

ბერლინში მეორე მსოფლიო ომისდროინდელი ბომბი გაანეიტრალეს

გერმანიაში, აღმოსავლეთ ბერლინში სამართალდამცველებმა მეორე მსოფლიო ომისდროინდელი ბომბი გაანეიტრალეს. ბომბი 250 კილოგრამს იწონიდა. ბომბის განეიტრალების პროცესში ამ ტერიტორიიდან 13 000 ადამიანის ევაკუაცია მოხდა. ადგილობრივი პოლიციის ცნობით, მოხდა დეტონატორის ამოჭრა, ტერიტორიიდან გატანა და აფეთქება.

პროკურატურა

11 ნოემბერი 2019, 19:10

ძალოვნები

პროკურატურამ 3 ადამიანი, მათ შორის მაკო გომური დაზარალებულად ცნო

რაც შეეხება მიმდინარე გამოძიების ფარგლებში სხვა პირების დაზარალებულად ცნობის საკითხს, საგამოძიებო პროცედურების დასრულების შემდეგ თითოეულ ფაქტთან დაკავშირებით მიღებული იქნება შესაბამისი სამართლებრივი გადაწყვეტილება, რის შესახებაც საზოგადოებას პერიოდულად მიეწოდება ინფორმაცია“.