imedi /  25 ნოემბერი 2019, 11:37 / სანდო წყარო

კალაძე: თემა დახურულია, 2020 წლის არჩევნები შერეული საარჩევნო სისტემით ჩატარდება

ქართული ოცნება

2020 წლის არჩევნებზე შერეული საარჩევნო სისტემა შენარჩუნდება. ამის შესახებ პარტიის ცენტრალურ ოფისში გამართული საპარლამენტო უმრავლესობის სხდომის შემდეგ პარტიის გენერალურმა მდივანმა კახა კალაძემ განაცხადა.

„გასული დღეების განმავლობაში, ჩვენი პარტიის სახელით, საზოგადოებას არაერთგზის მკაფიოდ გავაცანით საკუთარი დამოკიდებულება იმ პოლიტიკური პროცესების შესახებ, რომლებიც საარჩევნო სისტემის საკითხის გარშემო განვითარდა. თუმცა, ვინაიდან ამ თემის გარშემო კვლავაც არ წყდება პოლიტიკური სპეკულაციები, გვსურს, საზოგადოებას ჩვენი პოზიცია რამდენიმე გზავნილით კიდევ ერთხელ გავუზიაროთ:
 
პირველი: პროპორციულ საარჩევნო სისტემაზე 2020 წლიდან გადასვლა „ქართული ოცნების“ ცალმხრივი პოლიტიკური ინიციატივა იყო. მიუხედავად გუნდის ხელმძღვანელობის ძალისხმევისა, სამწუხაროდ, კანონპროექტმა პარლამენტის წევრთა შესაბამისი მხარდაჭერა ვერ მიიღო. ეს შედეგი მაჟორიტარი დეპუტატების ბუნებრივ წინააღმდეგობასთან ერთად დესტრუქციული ოპოზიციის უპასუხისმგებლო მოქმედებებმაც განაპირობა.
 
მეორე: ყველასათვის ნათელია, რომ საპარლამენტო უმრავლესობაში არსებული განწყობების გათვალისწინებით, რაიმე ახალი საკონსტიტუციო ცვლილების გარშემო, 113 ხმის მობილიზების რესურსი არ არსებობს. შესაბამისად, ეს თემა დახურულია, 2020 წლისთვის შენარჩუნდება შერეული საარჩევნო სისტემა, რომელიც დემოკრატიულ პრინციპებს სრულად შეესაბამება. აქედან გამომდინარე, პოლიტიკურმა სპექტრმა მთელი თავისი ძალისხმევა არჩევნებისთვის მზადებისა და არჩევნების მაღალი დემოკრატიული სტანდარტით ჩატარებისკენ უნდა მიმართოს.
 
მესამე: „ნაციონალური მოძრაობა“ და მისი დანამატები ფიზიკური დესტრუქციისთვის იურიდიული საბაბის შექმნას ცდილობენ და გვთავაზობენ ე.წ. გერმანულ მოდელს, რომელიც, მათი მტკიცებით, თითქოს, არ ეწინააღმდეგება მოქმედ კონსტიტუციას. აქ ნათლად იკითხება „ნაციონალური მოძრაობის“ ჩვეული ხელწერა, რომელიც სიცრუის ტირაჟირებით ცდილობს საზოგადოების შეცდომაში შეყვანას. ეს არის შეგნებული სიცრუე, რაც უმარტივესი სამართლებრივი, ლოგიკური და არითმეტიკული ანალიზითაც კი დასტურდება. შესაბამის არგუმენტებს აქტიურად ვუზიარებთ საზოგადოებას და მზად ვართ, ეს არგუმენტები ყველა დაინტერესებულ პირს სხვადასხვა საჯარო პლატფორმის მეშვეობით წარვუდგინოთ.
 
მეოთხე: ჯერ კიდევ 2017 წელს, „ქართული ოცნების“ პოლიტიკური გუნდის ცალმხრივი ინიციატივითა და ძალისხმევით, კონსტიტუციაში აისახა 2024 წლიდან პროპორციულ სისტემაზე გადასვლის გადაწყვეტილება. შეგახსენებთ, რომ ამ პროცესს „ნაციონალურმა მოძრაობამ“ და მისმა განშტოებებმა ბოიკოტი გამოუცხადეს.
დღესაც სწორედ ეს ადამიანები, ზუსტად იგივე შემადგენლობით, დგანან ქუჩაში და კანონსაწინააღმდეგო დესტრუქციული ნაბიჯებით ცდილობენ, პრობლემა შეუქმნან ქვეყნის მშვიდობიან და დემოკრატიულ განვითარებას. ეს ის გუნდია, რომელმაც 2008 წლის მარტში ხალხის გადაწყვეტილების, ანუ რეფერენდუმის შედეგების რევიზია, საპარლამენტო კენჭისყრის გზით, საკუთარი ვიწროპარტიული და საარჩევნო მიზნებიდან გამომდინარე განახორციელა და მაჟორიტარული კომპონენტი გააძლიერა, კერძოდ - 50 მაჟორიტარული მანდატი 75-მდე გაზარდა, ხოლო პროპორციული წესით ასარჩევი 100 დეპუტატის რიცხოვნობა 75-მდე შეამცირა. ეს ის გუნდია, რომელმაც 2010 წლის საკონსტიტუციო რეფორმის განხორციელებისას, საარჩევნო სისტემის ცვლილება განხილვის საგნადაც კი არ აქცია.

მოგვიანებით, ამავე გუნდმა და მისმა ლიდერმა, სააკაშვილმა სრულად პროპორციულ საარჩევნო სისტემაზე გადასვლის შესახებ დისკუსია ტაბუდადებულ თემადაც კი გამოაცხადა. შეგახსენებთ, რომ 2010 წლის ანტიდემოკრატიული საკონსტიტუციო ცვლილებები იმ პარტიების, არასამთავრობო ორგანიზაციებისა და ე.წ. ექსპერტების თანამონაწილეობით განხორციელდა, რომლებიც დღესაც ნაციონალური მოძრაობის ინტერესებს ემსახურებიან და მის გვერდით დგანან. ამ პოლიტიკურ სუბიექტებს არა აქვთ არავითარი მორალური უფლება, პროპორციულ სისტემაზე დასანანი ვერგადასვლის გამო, „ქართულ ოცნებას“ რაიმე პოლიტიკური ბრალდება წაუყენონ. მათ კიდევ ერთხელ მოვუწოდებთ, თავი შეიკავონ დესტრუქციული მოქმედებებისგან, დაიცვან კანონი და საკუთარი ძალისხმევა დემოკრატიულ არჩევნებში მონაწილეობისკენ მიმართონ;
 
მეხუთე: როგორც მოგეხსენებათ, საპარლამენტო უმრავლესობაში არის მაჟორიტარ დეპუტატთა ჯგუფი, რომელიც სრულად მაჟორიტარულ სისტემაზე გადასვლის ინიციატივით გამოდის. გუშინ და დღეს გუნდში გამართული კონსულტაციების შედეგად, ჩვენ ისინი დავარწმუნეთ, რომ გუნდი 2020 წლის არჩევნებისთვის ვერცერთ ახალ ინიციატივას ვერ განიხილავს. თუმცა, ჩვენ გაგებით ვეკიდებით მათ ზოგად ინიციატივას და შევთანხმდით, რომ ისინი გააგრძელებენ ამ მიმართულებით საქმიანობას, ოღონდ იმ პირობით, რომ საარჩევნო რეფორმის საკითხი საერთო-სახალხო კენჭისყრაზე 2020 წლის საპარლამენტო ან 2021 წლის ადგილობრივი თვითმმართველობის არჩევნების დღეს დადგება.
 
ბოლოს: მივიღეთ გადაწყვეტილება, არ დავაყენოთ ჩვენი კანდიდატები იმ მაჟორიტარულ საარჩევნო ოლქებში, სადაც, „ნაციონალური მოძრაობის“ ორი ძირითადი ფრთისა და მისი დანამატების გარდა, დანარჩენი ოპოზიციის ნებისმიერ წარმომადგენელს ან დამოუკიდებელ კანდიდატს ექნება გამარჯვების რეალური შანსი.
შედეგად, უზრუნველვყოფთ მომავალი პარლამენტის მაქსიმალურ პოლიტიკურ მრავალფეროვნებას.
გზას გავუხსნით ორგანიზაციულად სუსტ, მაგრამ ავტორიტეტის მქონე პოლიტიკურ ჯგუფებს და აქტიურ ადამიანებს, რათა მათ უშუალო და ქმედითი მონაწილეობა მიიღონ ხელისუფლების განხორციელების პროცესში, რაც იყო კიდეც ჩვენს მიერ ივნისში წარდგენილი საარჩევნო შეთავაზების მთავარი იდეა“, - განაცხადა კალაძემ.

პროპორციულ საარჩევნო სისტემაზე გადასვლის საკითხზე რეფერენდუმის ან პლებისციტის ჩატარების ინიციატივით ჯანმრთელობის დაცვისა და სოციალურ საკითხთა კომიტეტის თავმჯდომარე აკაკი ზოიძე გამოვიდა. მანამდე კი დიმიტრი ხუნდაძემ ქვეყანას სრულ მაჟორიტარულ სისტემაზე გადასვლა შესთავაზა

14 ნოემბერს პარლამენტმა პროპორციულ სისტემაზე გადასვლას მხარი არ დაუჭირა, რასაც პარლამენტს გარეთ პროტესტი, შენობაში კი ხმაური მოჰყვა. ამ გადაწყვეტილების გამო უმრავლესობა რამდენიმე წევრმა დატოვა. 

ყველა სიახლე

დაჭრა

10 დეკემბერი 2019, 00:52

ძალოვნები

თბილისში ქალის განზრახ მკვლელობის მცდელობის ბრალდებით კაცი დააკავეს

როგორც შინაგან საქმეთა სამინისტროში აცხადებენ, ცხელ კვალზე ჩატარებული ოპერატიულ-სამძებრო და საგამოძიებო მოქმედებების შედეგად, 1980 წელს დაბადებული, წარსულში ნასამართლევი ლ.კ. განზრახ მკვლელობის მცდელობის ბრალდებით დააკავეს.

10 დეკემბერი 2019, 00:32

მსოფლიო

პუტინი ზელენსკისთან შეხვედრით კმაყოფილია

რუსეთისა და უკრაინის პრეზიდენტები ერთმანეთს პირისპირ შეხვდნენ. მოლაპარაკებები „ნორმანდიული ოთხეული“ ფორმატში გაიმართა და საათნახევარს გაგრძელდა. შეხვედრის დასრულების შემდეგ ვლადიმერ პუტინმა განაცხადა, რომ ვოლოდიმირ ზელენსკისთან მოლაპარაკებებით კმაყოფილია.

10 დეკემბერი 2019, 00:18

კულტურა

ლოს-ანჯელესის კინოკრიტიკოსთა ასოციაციამ წლის ფილმი დაასახელა

ლოს-ანჯელესის კინოკრიტიკოსთა ასოციაციის ვერსიით, 2019 წლის საუკეთესო ფილმი პონ ჯუნ ჰოს „პარაზიტი“ გახდა. ექსპერტებმა ეს ფილმი ასევე გამოარჩიეს კატეგორიებში „საუკეთესო სარეჟისორო ნამუშევარი“ და „საუკეთესო მეორეხარისხოვანი როლი“.

თამარ ჩუგოშვილი

09 დეკემბერი 2019, 23:31

საქართველო

ჩუგოშვილი არ გამორიცხავს რომ მელიასთვის მანდატის ჩამორთმევას და მოსამართლეობის კანდიდატების კენჭისყრას მხარს არ დაუჭერს

როგორც თამარ ჩუგოშვილი განმარტავს, მოსამართლეობის კანდიდატებს შორის არის რამდენიმე ადამიანი, ვინც პროცესს ღირსეულად გაართვა თავი, თუმცა ყველაფერი დამოკიდებული იქნება იმაზე, როგორ წარიმართება პროცესები იურიდიულ კომიტეტში.

ბენქსი

09 დეკემბერი 2019, 23:05

კულტურა

ბენქსიმ საშობაო გრაფიტი დახატა. ვიდეო

„ღმერთო, დალოცე ბირმინგემი“- ასეთი აღწერა აქვს ვიდეოს. როგორც ბენქსი წერს, 20 წუთის განმავლობაში, სანამ გადაღებები მიმდინარეობდა, უსახლკარო კაცის როლის შემსრულებელთან გამვლელები მივიდნენ. მათ კაცს ცხელი სასმელი, 2 შოკოლადი და სანთებელა შესთავაზეს, მიუხედავად იმისა, რომ მას არაფერი უთხოვია.

არტურ ანქვაბი

09 დეკემბერი 2019, 22:52

ძალოვნები

აფხაზეთის ე.წ. პრეზიდენტობის ყოფილი კანდიდატი არტურ ანქვაბი დააკავეს

აფხაზეთის ე.წ. პრეზიდენტობის ექს კანდიდატი არტურ ანქვაბი 2 თვით დააპატიმრეს. როგორც რუსული მედია წერს, ის ბიზნესმენ არმენ გრიგორიანის გატაცებაშია ეჭვმიტანილი. არტურ ანქვაბი ოკუპირებული აფხაზეთის 2019 წლის ე.წ. საპრეზიდენტო არჩევნებში მონაწილეობდა.

დონალდ ტრამპი

09 დეკემბერი 2019, 22:38

მსოფლიო

ჩრდილოეთ კორეელი ლიდერები ტრამპს კატასტროფული შედეგის თავიდან ასაცილებლად დაფიქრებას ურჩევენ

ჩრდილოეთ კორეელი ლიდერები აშშ-ის პრეზიდენტს დონალდ ტრამპს შეურაცხმყოფელი განცხადებების შეწყვეტისკენ მოუწოდებენ. მმართველი პარტიის ვიცეპრეზიდენტი რი სუ იონგის თქმით, ტრამპი განცხადებებამდე ორჯერ უნდა დაფიქრდეს, თუ კატასტროფული შედეგის მიღება არ სურს.

ნინო ბურჯანაძე

09 დეკემბერი 2019, 21:59

საქართველო

ნინო ბურჯანაძე: პარასკევს ვაჟა გაფრინდაშვილი სახლში იქნება

ნინო ბურჯანაძის ინფორმაციით, ე.წ. საზღვრის უკანონო კვეთის ბრალდებით დაკავებული ქართველი ექიმი ვაჟა გაფრინდაშვილი პატიმრობიდან ყველაზე გვიან, პარასკევს გათავისუფლდება. გაფრინდაშვილის ე.წ. სასამართლო პროცესი, სავარაუდოდ, პარასკევს, 13 დეკემბერს გაიმართება.

ცხინვალი

09 დეკემბერი 2019, 21:44

ძალოვნები

ოკუპანტებმა სოფელ ახმაჯთან საქართველოს 3 მოქალაქე დააკავეს

დაკავებულები არიან სოფელ ბოჟამის მკვიდრი ემზარ გამხიტაშვილი, სოფელ ლამისყანას მკვიდრი გიორგი ზარიძე და სოფელ სამთავისის მკვიდრები მერაბ და ავთო გამხიტაშვილები. 2005 წელს დაბადებული ავთო გამხითაშვილი, როგორც არასრულწლოვანი გაათავისუფლეს.

ოპოზიცია

09 დეკემბერი 2019, 21:31

საქართველო

ოპოზიციამ 12 დეკემბრისთვის პარლამენტის პიკეტირება დაგეგმა

ოპოზიცია პარლამენტის პიკეტირებას ისევ გეგმავს. აქციების შესახებ გეგმები ოპოზიციის ლიდერებმა „ლეიბორისტების“ ოფისში გამართულ შეხვედრაზე დასახეს. ოფისიდან გამოსვლის შემდეგ გიორგი ვაშაძემ თქვა, რომ პიკეტირება პარლამენტში მოსამართლეების საკითხის განხილვას დაემთხვევა.

პოლ უოლკერი

09 დეკემბერი 2019, 21:23

მსოფლიო

ამერიკელი ეკონომისტი პოლ უოლკერი გარდაიცვალა

პოლ უოლკერი 60 წელზე მეტ ხანს აშშ-ის ეკონომიკური პოლიტიკის ჩამოყალიბებაში მონაწილეობდა. 1979-1987 წელს ის ფედერალურ სარეზერვო სისტემის მმართველი იყო. სააგენტოში მუშაობისას ის ინფლაციასთან ბრძოლის კომპანიას ხელმძღვანელობდა. ამ პერიოდში აშშ-ში ინფლაცია 11,20%-დან 3,66%-მდე შემცირდა.

პაველ კოლობკოვი

09 დეკემბერი 2019, 21:01

სპორტი

რუსეთის სპორტის მინისტრი: დოპინგსკანდალის მოსაგვარებლად ყველაფერს ვაკეთებთ

ეს კომენტარი მსოფლიოს ანტიდოპინგური სააგენტოს (WADA) გადაწყვეტილებას მოჰყვა, რომლის თანახმადაც რუსეთს 4 წლის განმავლობაში საერთაშორისო სპორტულ ღონისძიებებში, მათ შორის მსოფლიო ჩემპიონატებსა და ოლიმპიადებში მონაწილეობა აეკრძალა.

ნორმანდიული ოთხეული

09 დეკემბერი 2019, 21:00

მსოფლიო

პარიზში ნორმანდიული ოთხეულის შეხვედრა იმართება

პარიზში, ელისეს სასახლეში საფრანგეთის, გერმანიის, რუსეთისა და უკრაინის ლიდერების შეხვედრა დაიწყო. მოლაპარაკებები „ნორმანდიული ოთხეული“ ფორმატში იმართება და უკრაინის სამხრეთ-აღმოსავლეთ ნაწილში კონფლიქტის დარეგულირებას ეძღვნება.

ვაჟა გაფრინდაშვილი

09 დეკემბერი 2019, 20:15

საქართველო

ევრონესტის საპარლამენტო ასამბლეა ექიმ ვაჟა გაფრინდაშვილის დაუყოვნებლივ გათავისუფლებას მოითხოვს

ევრონესტის საპარლამენტო ასამბლეა გმობს დეფაქტო ხელისუფლების მიერ ექიმის უკანონო დაკავებას და მოუწოდებს, მოიხსნას მის წინააღმდეგ წაყენებული ყველა ბრალდება და უზრუნველყოფილი იყოს რეგიონისადმი დაუბრკოლებელი წვდომა საერთაშორისო ჰუმანიტარული სამართლის შესაბამისად;

ევრონესტი

09 დეკემბერი 2019, 19:59

საქართველო

არჩილ თალაკვაძე ევრონესტის სესიის გახსნაზე: აღმოსავლეთ პარტნიორობამ არაერთი შესაძლებლობა მოგვცა

ყოველწლიური სესია მისასალმებელი სიტყვით არჩილ თალაკვაძემ გახსნა. პარლამენტის თავმჯდომარის განცხადებით, სესიას სტრატეგიული მნიშვნელობა აქვს, რადგან მისი მიმდინარეობისას იმ სამომავლო ნაბიჯებს განიხილავენ, რომელიც საერთო მიზნების მისაღწევად უნდა გადაიდგას.

„მოჩვენებებზე მონადირეები“

09 დეკემბერი 2019, 19:36

კულტურა

„მოჩვენებებზე მონადირეების“ ახალი ნაწილის პირველი ტრეილერი გამოქვეყნდა

სიუჟეტის თანახმად, დედა და მისი 2 შვილი პატარა ამერიკულ ქალაქ სამერვუილში გადადიან. ფილმის რეჟისორი ჯეისონ რაითმანია. ის აივან რაითმანის შვილია, რომელმაც კინოსერიალის პირველი და მეორე ნაწილი გადაიღო. უფროსი რაითმანი ამჯერად პროდიუსერია.

ჯენერალ მოტორსი

09 დეკემბერი 2019, 19:32

ეკონომიკა

ავტოკონცერნი General Motors-ი რუსეთის ბაზრიდან გავიდა

ამერიკული ავტოკონცერნი General Motors-ი რუსეთში თავის ბოლო აქტივს ყიდის. კომპანიის 50-%-ს რუსული „ავტოვაზი“ ყიდულობს, რის შემდეგ GM ავტოვაზი 100%-ით რუსული კომპანია გახდება. ინფორმაციას რუსული მედია ავრცელებს. მანქანათმშენებელი საწარმო ამ დრომდე ერთობლივი იყო.

09 დეკემბერი 2019, 19:25

თემა

კონტრაცეფტივი ქალის ჯანმრთელობას ვნებს? ვისთვის შეიძლება და ვისთვის არა?

თანამედროვე სამყაროში აქტიური კამპანიაა, რომელიც კულტურული, რელიგიური და სოციალური სტერეოტიპებისგან ადამიანის გათავისუფლებას გულისხმობს. ამ პროცესის მნიშვნელოვანი ნაწილი ქალის რეპროდუქციულ თავისუფლებას უკავშირდება, რაციმას ნიშნავს, რომ ქალს აქვს უფლება საკუთარი სხეული სურვილისამებრ განკარგოს:მას უნდა ჰქონდეს ისეთი სექსუალური ცხოვრება, როგორიც თავად სურს, დამოუკიდებლად მიიღოს გადაწყვეტილება იმის შესახებ, დაფეხმძიმებისთვის არის თუ არა მზად ან არასასურველი ორსულობა ხელოვნურად შეწყვიტოს. ჰორმონალური კონტრაცეფციის გაჩენამ ქალებს საკუთარი ორგანიზმის კონტროლის საშუალება მისცა. სტატისტიკის მიხედვით, აშშ-ში 15-დან 44 წლამდე ქალების 45%-ი ჰორმონალურ კონტრაცეფციას ანიჭებს უპირატესობას.

პირდაპირი უცხოური ინვესტიციები

09 დეკემბერი 2019, 19:05

ეკონომიკა

საქართველოს 20 უმსხვილესი ინვესტორი ქვეყანა ცნობილია

საქართველოს სტატისტიკის სამსახურის (საქსტატი) მონაცემებით, 2019 წლის მესამე კვარტლის მონაცემებით, აზერბაიჯანმა საქართველოს უმსხვილესი ინვესტორი ქვეყნის სტატუსი დაკარგა, რაც პირველ რიგში მაგისტრალური მილსადენის პროექტის მშენებლობის დასრულებას უკავშირდება. უმსხვილესი ინვესტორი ქვეყნების რეიტინგში პირველ ადგილზეა თურქეთი.

ოქროს გლობუსი

09 დეკემბერი 2019, 18:55

კულტურა

ოქროს გლობუსის ნომინანტები დასახელდნენ

ნომინაციების მიხედით, ნოა ბაუმბაკას „ქორწინების ისტორია“ ლიდერობს, რომელშიც მთავარ როლებს სკარლეტ იოჰანსონი და ადამ დრაივერი ასრულებენ. ნომინაციაში „საუკეთესო დრამატული ფილმი“ „ქორწინების ისტორიასთან“ წარდგენილია „ირლანდიელი“, „1917“, „ჯოკერი“ და „ორი მამით“.