imedi /  01 ივლისი 2017, 09:20 / სანდო წყარო

მართვის მოწმობის 100-ქულიანი სისტემა და უკონტაქტო პატრულირება ამოქმედდა

დღეიდან მართვის მოწმობის 100 ქულიანი სისტემა და „უკონტაქტო პატრულირება“ ამოქმედდა. ცვლილების თანახმად, მართვის მოწმობას ყოველი წლის 1 იანვარს 100 ქულა ენიჭება და წლის განმავლობაში სამართალდარღვევებზე შესაბამისი ქულები აკლდება. წინა წელს დარჩენილი ქულები არ ინახება, არ ემატება ახალი წლიდან დარიცხულ 100 ქულას.

ქულების განულების შემთხვეევაში, მძღოლს მართვის უფლება უწყდება, გამოცდას აბარებს ან ელოდება 12 თვის გასვლას.

ქულათა გამოკლების სისტემა მხოლოდ პატრულის მიერ პირისპირ დაჯარიმების შემთხვევაში მოქმედებს და არ ვრცელდება ვიდეოფირზე, ფოტოფირზე დაფიქსირებულ ადმინისტრაციულ სამართალდარღვევებზე.

დარღვევების მიხედვით, ქულების დაკლების სისტემა ასეთია:

30 ქულა - სატრანსპორტო საშუალების სამართავად გადაცემა წინასწარი შეცნობით ალკოჰოლური სიმთვრალის გამო.

40 ქულა - აღნიშნული სამართალდარღვევის განმეორებით ჩადენა 1 წლის განმავლობაში.

40 ქულა - სატრანსპორტო საშუალების სამართავად გადაცემა წინასწარი შეცნობით ნარკოტიკული ან ფსიქოტროპული სიმთვრალის მდგომარეობაში მყოფი პირისთვის.

15 ქულა - იმ ავტოსატრანსპორტო საშუალების მართვა, რომელსაც არ გაუვლია გზისთვის ვარგისობაზე ავტოსატრანსპორტო საშუალების სავალდებულო პერიოდული ტესტირება (გამოცდა) დადგენილი წესით, ან მესაკუთრის ან სხვა მართლზომიერი მფლობელის მიერ სხვა პირისათვის ასეთი სატრანსპორტო საშუალების სამართავად გადაცემა.

5 ქულა - ავტოსატრანსპორტო საშუალებით მოძრაობისას მძღოლის ან მის გვერდით მჯდომი მგზავრის მიერ უსაფრთხოების ღვედის გამოუყენებლობა. 

15 ქულა - მექანიკური სატრანსპორტო საშუალების მართვის დროს მძღოლის მიერ მობილური კომუნიკაციის საშუალებით სარგებლობა.

5 ქულა - მოპედით ან მოტოციკლით მოძრაობისას მძღოლის ან/და მგზავრის მიერ შეკრული მოტოჩაფხუტის გამოუყენებლობა.

5 ქულა - სატრანსპორტო საშუალების მართვა პირის მიერ, რომელსაც თან არ აქვს მართვის მოწმობა, სატრანსპორტო საშუალების რეგისტრაციის დამადასტურებელი დოკუმენტები, ან სატრანსპორტო საშუალების მართვა პირის მიერ, რომელსაც თან არ აქვს სატრანსპორტო საშუალების მართვის დროებითი ნებართვა.

5 ქულა - იმ სატრანსპორტო საშუალების მართვა, რომელსაც აქვს გაუმართავი სამუხრუჭე სისტემა, საჭის სამართავი მექანიზმი ან მისაბმელი მოწყობილობა, ანდა მწყობრიდანაა გამოსული ფარები, უკანასაგაბარიტო მაშუქები დღე-ღამის ბნელ დროს, ან მინის საწმენდი მექანიზმი წვიმის ან თოვლის დროს, ანდა დარღვეულია ძრავის კვების სისტემის ჰერმეტულობა.

10 ქულა - იმ სატრანსპორტო საშუალების მართვა, რომელსაც გამონაფრქვევში აქვს გამაჭუჭყიანებელ ნივთიერებათა ისეთი შემცველობა, რომელიც აჭარბებს დადგენილ ნორმას.

10 ქულა - იმ სატრანსპორტო საშუალების მართვა, რომელიც თვითნებურად არის გადაკეთებული.

15 ქულა - სატრანსპორტო საშუალების მართვა იმ პირის მიერ, რომელსაც არა აქვს იმ კატეგორიის/ქვეკატეგორიის სატრანსპორტო საშუალების მართვის მოწმობა, რომელი კატეგორიის/ქვეკატეგორიის სატრანსპორტო საშუალებასაც მართავს.

5 ქულა - იმ სატრანსპორტო საშუალების მართვა, რომლის მინები დამუქებულია ან მათი შუქგამტარობა შეზღუდულია საქართველოს შინაგან საქმეთა მინისტრის მიერ დადგენილი წესის დარღვევით.

10 ქულა - იგივე სამართალდარღვევის მეორედ ჩადენა 1 წლის განმავლობაში. 

15 ქულა - იგივე სამართალდარღვევის მესამედ და მის შემდეგ ყოველი მომდევნო ჩადენა 1 წლის განმავლობაში. 

20 ქულა - სატრანსპორტო საშუალების ექსპლუატაციის წესების დარღვევით გათვალისწინებული სამართალდარღვევები, რომლებსაც მოჰყვა სატრანსპორტო საშუალების, ტვირთის, გზის, საგზაო თუ სხვა ნაგებობის, აგრეთვე სხვა ქონების ან ადამიანის სხეულის მსუბუქი დაზიანება.

15 ქულა - სატრანსპორტო საშუალებაზე სპეციალური ციმციმა სიგნალის ან/და ხმოვანი სიგნალის ან/და სპეციალური ხმამაღლა მოლაპარაკე ხელსაწყოს დაყენება ან/და ოპერატიული ან სპეციალური სამსახურის სატრანსპორტო საშუალებებისათვის განსაზღვრული შეფერილობის გამოყენება საქართველოს შინაგან საქმეთა მინისტრის მიერ განსაზღვრული წესის დარღვევით.

20 ქულა - სამართალდარღვევის განმეორებით ჩადენა წლის განმავლობაში.

10 ქულა - სპეციალური ციმციმა სიგნალის ან/და ხმოვანი სიგნალის ან/და სპეციალური ხმამაღლა მოლაპარაკე ხელსაწყოს არადანიშნულებით გამოყენება, ან ასეთი ხელსაწყოთი აღჭურვილი სატრანსპორტო საშუალების შეუფერხებლად გატარების წესების დარღვევა. 

10 ქულა - იმ სატრანსპორტო საშუალების მოძრაობის შეფერხება, რომელზედაც ჩართულია სპეციალური სიგნალი ან რომელიც ახორციელებს ესკორტს ან რომელსაც მიაცილებენ, გარდა შესაბამისი ამოსაცნობი ნიშნების მქონე სასწრაფო-სამედიცინო დახმარების ან სახანძრო-სამაშველო სატრანსპორტო საშუალებისა.

20 ქულა - სასწრაფო-სამედიცინო დახმარების, სახანძრო-სამაშველო ან პოლიციის შესაბამისი ამოსაცნობი ნიშნების მქონე სატრანსპორტო საშუალების მოძრაობის შეფერხება, რომელზედაც ჩართულია სპეციალური სიგნალი.

40 ქულა - როდესაც ბოლო ორ სამართალდარღვევას მოჰყვა სატრანსპორტო საშუალების, ტვირთის, გზის, საგზაო თუ სხვა ნაგებობის, სხვა ქონების ან ადამიანის სხეულის მსუბუქი დაზიანება .

15 ქულა - სატრანსპორტო საშუალების სამართავად გადაცემა არასრულწლოვნისთვის (გარდა იმ პირისა, რომელსაც მინიჭებული აქვს სატრანსპორტო საშუალების მართვის უფლება) ან იმ პირისათვის, რომელსაც არ აქვს სატრანსპორტო საშუალების მართვის უფლება ან ეს უფლება შეჩერებული აქვს სხვა დარღვევისათვის .

25 ქულა - აღნიშნული სამართალდარღვევა, რომელსაც მოჰყვა სატრანსპორტო საშუალების, ტვირთის, გზის, საგზაო თუ სხვა ნაგებობის, სხვა ქონების ან ადამიანის სხეულის მსუბუქი დაზიანება. 

30 ქულა - ამ სამართალდარღვევის განმეორებით ჩადენა 1 წლის განმავლობაში.

20 ქულა - “B” კატეგორიის ან „A1“ ან „B1“ ქვეკატეგორიის სატრანსპორტო საშუალების მართვის უფლების მქონე 18 წლამდე ასაკის პირის მიერ მგზავრთა გადაყვანა შემოსავლის (მოგების) მიღების მიზნით (მათ შორის, ტაქსით) ან შრომითი ურთიერთობის საფუძველზე მძღოლად მუშაობა. 

10 ქულა - სატრანსპორტო საშუალების მართვა წინასწარი შეცნობით სახელმწიფო სანომრე ნიშნის გარეშე, ან სხვაგვარად შეცვლილი სახელმწიფო სანომრე ნიშნით, ან სატრანსპორტო საშუალების საქარე მინაზე დამაგრებული სახელმწიფო სანომრე ნიშნით.

20 ქულა - სატრანსპორტო საშუალების მართვა, რომელიც არ არის რეგისტრირებული დადგენილი წესით. 

30 ქულა - სატრანსპორტო საშუალების მართვა წინასწარი შეცნობით სხვისი ან შენიღბული სახელმწიფო სანომრე ნიშნით. 

15 ქულა - საგზაო-სატრანსპორტო შემთხვევის მონაწილე მძღოლის მიერ შემთხვევის ადგილის მიტოვება ან საგზაო-სატრანსპორტო შემთხვევის მონაწილე სატრანსპორტო საშუალების შემთხვევის ადგილიდან გადაადგილება, გარდა კანონით გათვალისწინებული შემთხვევებისა.

20 ქულა - სატრანსპორტო საშუალების გაჩერების შესახებ იმ პოლიციელის მოთხოვნის შეუსრულებლობა, რომელიც უზრუნველყოფს საგზაო მოძრაობის მონაწილეთა უსაფრთხოებას და ზედამხედველობს საგზაო მოძრაობის წესების დაცვას.

35 ქულა - აღნიშნული ბოლო ორი სამართალდარღვევა, რომლებსაც მოჰყვა საავარიო ვითარების შექმნა ან საგზაო მოძრაობის შეფერხება.

10 ქულა - სატრანსპორტო საშუალების მძღოლის მიერ მოძრაობის დადგენილი სიჩქარის გადაჭარბება 15 კმ/სთ-ზე მეტი სიჩქარით .

20 ქულა - სატრანსპორტო საშუალების მძღოლის მიერ მოძრაობის დადგენილი სიჩქარის გადაჭარბება 40 კმ/სთ-ზე მეტი სიჩქარით. 

25 ქულა -სიჩქარის გადაჭარბებაზე (15კმ/სთ, 40 კმ/სთ) სამართალდარღვევის ჩადენა იმ პირის მიერ, რომელიც ახორციელებს ადგილობრივ საქალაქო, საქალაქთაშორისო ან საქართველოს საერთაშორისო ხელშეკრულებებითა და შეთანხმებებით დადგენილ საერთაშორისო რეგულარულ სამგზავრო გადაყვანას.

30 ქულა - თუ დადგენილი სიჩქარის გადაჭარბებას 15 კმ/სთ-ზე და 40კმ/სთ-ზე მეტი სიჩქარით, მოჰყვა საავარიო ვითარების შექმნა. 

40 ქულა - თუ დადგენილი სიჩქარის გადაჭარბებას 15 კმ/სთ-ზე და 40კმ/სთ-ზე მეტი სიჩქარით, მოჰყვა სატრანსპორტო საშუალების, ტვირთის, გზის, საგზაო თუ სხვა ნაგებობის, სხვა ქონების ან ადამიანის სხეულის მსუბუქი დაზიანება.

10 ქულა - ქვეითებთან მიმართებით მძღოლის მიერ საგზაო მოძრაობის წესების დარღვევა.

15 ქულა - აღნიშნული სამართალდარღვევის განმეორებით ჩადენა 1 წლის განმავლობაში. 

5 ქულა - სატრანსპორტო საშუალების მძღოლის მიერ საგზაო ნიშნის ან საგზაო მონიშვნის, ბუქსირების, გარე სანათი ხელსაწყოთი, ხმოვანი სიგნალით ან საავარიო შუქსიგნალიზაციით სარგებლობის, სასწავლო სვლის, საცხოვრებელ ზონაში ან საგზაო მოძრაობის წესების, სამარშრუტო სატრანსპორტო საშუალების მოძრაობის პრიორიტეტის ან/და საჭაპანო ტრანსპორტის მართვის წესების დარღვევა, ან მოტოციკლით ან სხვა სატრანსპორტო საშუალებით ჯგუფურ მოძრაობაში მონაწილეობა, რაც აფერხებს საგზაო მოძრაობას ან საშიშროებას უქმნის მოძრაობის უსაფრთხოებას.

10 ქულა - სატრანსპორტო საშუალებებით ორგანიზებულად გზის გადაკეტვა ან ჯგუფურ მოძრაობაში მონაწილეობა ქალაქში ან სხვა დასახლებულ პუნქტში, რა დროსაც სრულად არის დაკავებული გზის სავალი ნაწილი.

10 ქულა - გზის სავალ ნაწილზე სატრანსპორტო საშუალებათა განლაგების, მოძრაობის დაწყების ან/და მანევრირების წესების დარღვევა.

5 ქულა - სატრანსპორტო საშუალებაზე საცნობი ნიშნის დამაგრების წესის დარღვევით მოძრაობა.

15 ქულა - მარეგულირებლის ან შუქნიშნის ამკრძალავ ნიშანზე გავლის წესების, პრიორიტეტული („დაუთმე გზა“, „მოძრაობა გაუჩერებლად აკრძალულია“) ან ამკრძალავი („შესვლა აკრძალულია“, „მოძრაობა აკრძალულია“) ნიშნის მოთხოვნის დაუცველობა, გასწრების, გზაჯვარედინის, რკინიგზაზე გადასასვლელის გავლის წესების დარღვევა, გავლის უპირატესობის მქონე სატრანსპორტო საშუალებისათვის დაბრკოლების შექმნა .

10 ქულა - შემხვედრი სატრანსპორტო ნაკადის გამყოფი უწყვეტი ღერძულა ხაზის გადაკვეთა.

20 ქულა - ამ სამართალდარღვევის განმეორებით ჩადენა 1 წლის განმავლობაში.

30 ქულა - შემხვედრი სატრანსპორტო ნაკადის გამყოფი უწყვეტი ღერძულა ხაზის გადაკვეთა და მოძრაობის საპირისპირო მიმართულებით მოძრაობა.

20 ქულა - ქვეითებთან მიმართებით მძღოლის მიერ საგზაო მოძრაობის წესების დარღვევას მოჰყვა საავარიო ვითარების შექმნა.

20 ქულა - თუ სატრანსპორტო საშუალების მძღოლის მიერ საგზაო ნიშნის ან საგზაო მონიშვნის, ბუქსირების, გარე სანათი ხელსაწყოთი, ხმოვანი სიგნალით ან საავარიო შუქსიგნალიზაციით სარგებლობის, სასწავლო სვლის, საცხოვრებელ ზონაში ან საგზაო მოძრაობის წესების, სამარშრუტო სატრანსპორტო საშუალების მოძრაობის პრიორიტეტის ან/და საჭაპანო ტრანსპორტის მართვის წესების დარღვევას, ან მოტოციკლით ან სხვა სატრანსპორტო საშუალებით ჯგუფურ მოძრაობაში მონაწილეობას, რაც აფერხებს საგზაო მოძრაობას ან საშიშროებას უქმნის მოძრაობის უსაფრთხოებას, ასევე შემხვედრი სატრანსპორტო ნაკადის გამყოფი უწყვეტი ღერძულა ხაზის გადაკვეთას და მოძრაობის საპირისპირო მიმართულებით მოძრაობას მოჰყვა საავარიო ვითარების შექმნა ან მოძრაობის ისეთი შეფერხება, რომელმაც გამოიწვია საცობის შექმნა. 

25 ქულა - თუ სატრანსპორტო საშუალების მძღოლის მიერ საგზაო ნიშნის ან საგზაო მონიშვნის, ბუქსირების, გარე სანათი ხელსაწყოთი, ხმოვანი სიგნალით ან საავარიო შუქსიგნალიზაციით სარგებლობის, სასწავლო სვლის, საცხოვრებელ ზონაში ან საგზაო მოძრაობის წესების, სამარშრუტო სატრანსპორტო საშუალების მოძრაობის პრიორიტეტის ან/და საჭაპანო ტრანსპორტის მართვის წესების დარღვევას, ან მოტოციკლით ან სხვა სატრანსპორტო საშუალებით ჯგუფურ მოძრაობაში მონაწილეობას, რაც აფერხებს საგზაო მოძრაობას ან საშიშროებას უქმნის მოძრაობის უსაფრთხოებას; გზის სავალ ნაწილზე სატრანსპორტო საშუალებათა განლაგების, მოძრაობის დაწყების ან/და მანევრირების წესების დარღვევას; მარეგულირებლის ან შუქნიშნის ამკრძალავ ნიშანზე გავლის წესების, პრიორიტეტული („დაუთმე გზა“, „მოძრაობა გაუჩერებლად აკრძალულია“) ან ამკრძალავი („შესვლა აკრძალულია“, „მოძრაობა აკრძალულია“) ნიშნის მოთხოვნის დაუცველობას, გასწრების, გზაჯვარედინის, რკინიგზაზე გადასასვლელის გავლის წესების დარღვევა, გავლის უპირატესობის მქონე სატრანსპორტო საშუალებისათვის დაბრკოლების შექმნას; ამკრძალავი ნიშნის „გაჩერება აკრძალულია“ და „დგომა აკრძალულია“ მოთხოვნის დაუცველობა, აგრეთვე დგომა-გაჩერების წესებით გათვალისწინებული სხვა მოთხოვნის დაუცველობას მოჰყვა სატრანსპორტო საშუალების, ტვირთის, გზის, საგზაო თუ სხვა ნაგებობის, აგრეთვე სხვა ქონების ან ადამიანის სხეულის მსუბუქი დაზიანება.

30 ქულა - ქვეითებთან მიმართებით მძღოლის მიერ საგზაო მოძრაობის წესების დარღვევას მოჰყვა ქონების ან ადამიანის ხეულის მსუბუქი დაზიანება. 

10 ქულა - საქართველოს კანონმდებლობით დადგენილი საავტომობილო ტრანსპორტით მგზავრთა გადაყვანის ან ტვირთის გადაზიდვის წესების დარღვევა, ან არაგაბარიტული სატრანსპორტო საშუალებით გზაზე მოძრაობა შესაბამისი უფლებამოსილ ორგანოსთან შეთანხმების გარეშე. 

20 ქულა - სატრანსპორტო საშუალებით ბავშვთა გადაყვანის უსაფრთხოების წესების დარღვევა.

25 ქულა - საქართველოს საერთაშორისო ხელშეკრულებით, შეთანხმებითა და კონვენციებით დადგენილი საავტომობილო ტრანსპორტით მგზავრთა გადაყვანისა და ტვირთის გადაზიდვის წესების დარღვევა.

20 ქულა - საქართველოს კანონმდებლობით დადგენილი საავტომობილო ტრანსპორტით მგზავრთა გადაყვანის ან ტვირთის გადაზიდვის წესების დარღვევას, ან არაგაბარიტული სატრანსპორტო საშუალებით გზაზე მოძრაობას შესაბამისი უფლებამოსილ ორგანოსთან შეთანხმების გარეშე მოჰყვა სატრანსპორტო საშუალების, ტვირთის, გზის, საგზაო თუ სხვა ნაგებობის, სხვა ქონების ან ადამიანის სხეულის მსუბუქი დაზიანება.

15 ქულა - საერთაშორისო საავტომობილო გადაზიდვა-გადაყვანის „საერთაშორისო საავტომობილო მიმოსვლის მწარმოებელი სატრანსპორტო საშუალებების ეკიპაჟების მუშაობის შესახებ“ ევროპის შეთანხმების (AETR) წესების დარღვევით განხორციელება .

15 ქულა - გზაზე იმ სატრანსპორტო საშუალებით მოძრაობა, რომლის თითოეულ წამყვან ან არაწამყვან ღერძზე მაქსიმალური დატვირთვა აღემატება 10 ტონას (გარდა ერთწამყვანღერძიანი ავტოსატრანსპორტო საშუალებისა, რომლის წამყვან ღერძზე მაქსიმალური დატვირთვა არ უნდა აღემატებოდეს 11,5 ტონას) ან/და ფაქტობრივი მასა აღემატება 44 ტონას ან/და ფაქტობრივი მასა აღემატება ნებადართულ მაქსიმალურ მასას.

 

ყველა სიახლე

19 თებერვალი 2019, 12:12

საქართველო

საქართველოს ქალაქებში მწვანე სივრცეებს კაპიტალური მშენებლობისგან კანონი დაიცავს

ქალაქის სტატუსის მქონე დასახლებაში არსებული ყველა პარკი და მწვანე ზონა საკანონმდებლო დონეზე იქნება დაცული. საპარლამენტო უმრავლესობა ახალი ინიციატივით გამოდის. კანონპროექტის სახელწოდებაა „მწვანე ხაზები“.

კობა დავითაშვილი

19 თებერვალი 2019, 12:07

საქართველო

კობა დავითაშვილი პოლიტიკაში ბრუნდება

ის ამბობს, რომ 2019 წლის შუალედურ არჩევნებში კენჭის იყრის როგორც დამოუკიდებელი კანდიდატი, რადგან ქართული ოცნების მიერ გაცნობიერებულმა თუ გაუცნობიერებლობით გადადგმული ნაბიჯები შესაძლებელს ხდის ქავეყანის სათავეში „ნაციონალურო მოძრაობა“ დაბრუნდეს, რაც მისთვის კატეგორიულად მიუღებელია.

19 თებერვალი 2019, 11:51

საქართველო

ძლიერმა ქარმა სამგორის რაიონში საწყობის სახურავი მოგლიჯა

ძლიერმა ქარმა თბილისში შენობები დააზიანა. დიღმის მასივში, ახმეტელის ქუჩაზე მე-11 სართულიდან აივნის კონსტრუქცია ჩამოვარდა, სამგორის რაიონში კი პოლიციის ქუჩაზე ერთ-ერთი საწყობის სახურავი მოგლიჯა.

ივანე მაჭავარიანი

19 თებერვალი 2019, 11:49

საქართველო

მაჭავარიანი: ანაკლიას და „თიბისი ბანკს“ არ ემუქრება არანაირი საფრთხე

ფინანსთა მინისტრმა ივანე მაჭავარიანმა მამუკა ხაზარაძის ანაკლიის პროექტის შეფერხებასთან დაკავშირებით კომენტარი გააკეთა. „მე გამოვრიცხავდი, რომ ანაკლიას უკავშირდებოდეს, პირიქით, ანაკლიის პროექტის შემთხვევაში ხელისუფლება მაქსიმალურად მხარს უჭერს ამ პროექტის განვითარებას.

19 თებერვალი 2019, 11:47

მსოფლიო

ამერიკელმა მეხანძრეებმა გაფუჭებული ატრაქციონიდან 16 ადამიანი ჩამოიყვანეს

BBC-ის ინფორმაციით გონდოლაზე ჩარჩენილი რამდენიმე ადამიანი უსაფრთხოების სპეციალური ქამრებით ჩამოიყვანეს. ადგილობრივი პოლიციის განცხადებით ატრაქციონის მუშაობა ძლიერმა ქარმა შეაფერხა. ამინდის ეროვნული სააგენტოს თქმით ინციდენტის დროს +9 გრადუსი იყო.

19 თებერვალი 2019, 11:41

საქართველო

ლიბიაში გარდაცვლილი ქართველი მეზღვაურის ცხედარს ოჯახი 44 დღეა ელოდება

ლიბიაში გარდაცვლილი ქართველი მეზღვაური სამშობლოში დღემდე არ გადმოუსვენებიათ. დავით რაზმაძის ცხედარს ოჯახი 44 დღეა ელოდება. გარდაცვლილის ახლობლები სახელმწიფო უწყებებს დროულ რეაგირებას სთხოვენ.

19 თებერვალი 2019, 11:39

კულტურა

ვივიენ ვესტვუდმა მოდურ ჩვენებაზე პოლიტიკური პერფომანსი გამართა

ბრიტანელმა დიზაინერმა ვივიენ ვესტვუდმა ლონდონის მოდის კვირეულზე პოლიტიკური პერფომანსი მოაწყო. პოდიუმზე მოდელებმა გლობალური დათბობის მიმართ დამოკიდებულება გამოხატეს, ასევე Brexit-ის და ხელოვნური ინტელექტის თაობაზე.

19 თებერვალი 2019, 11:35

საქართველო

ევროპის საინვესტიციო ბანკი საქართველოს 250 მილიონ ევროს გამოუყოფს

პრემიერ-მინისტრი მამუკა ბახტაძე ევროპის საინვესტიციო ბანკის ვიცე-პრეზიდენტს ვაზილ ჰუდაკს შეხვდა.ბანკი საქართველოს 250 მილიონი ევროს ოდენობის ფინანსურ რესურსს გამოყოფს.ბანკის მიერ საჯარო სექტორში დაფინანსებული საინვესტიციო პროექტების მოცულობა 1,33 მილიარდ ევროს შეადგენს.კერძო სექტორში კი 215,8 მილიონი ევროს ოდენობის ფინანსური რესურსი აქვს გამოყოფილი.

19 თებერვალი 2019, 11:17

საქართველო

სტიქიური უბედურების პრევენციისთვის 70 მილიონი დოლარი დაიხარჯება

საქართველოს მთავრობა იწყებს 70 მილიონი აშშ დოლარის ღირებულების შვიდწლიანი პროგრამის განხორციელებას, რომლის მიზანია საქართველოს მოსახლეობის დაცვა კლიმატის ცვლილებით განპირობებული ბუნებრივი კატასტროფებისაგან.

სალომე ზურაბიშვილი

19 თებერვალი 2019, 11:05

საქართველო

ზურაბიშვილი მაკრონთან შეხვედრაზე: ეს იქნება მოთხოვნების შეხვედრა

სალომე ზურაბიშვილი ფრანგ კოლეგას, ემანუელ მაკრონს ელისეს სასახლეში დღეს შეხვდება. შეხვედრის შემდეგ, ორი ქვეყნის პრეზიდენტები ხელს მოაწერენ თანამშრომლობის დეკლარაციას „დიმიტრი ამილახვრის სახელობის ფრანგულ-ქართული დიალოგის“ დაფუძნების შესახებ.

დღგ

19 თებერვალი 2019, 10:43

ეკონომიკა

19 თებერვლიდან ბიზნესს დღგ-ის ზედმეტობის დაბრუნება ავტომატურ რეჟიმში შეუძლია

ამ სისტემის ამოქმედების შემდეგ, 2019 წლის იანვრისა და შემდგომი საანგარიშო პერიოდების დეკლარაციების შეფასება, ავტომატიზებული სისტემის მეშვეობით მოხდება. დაბალი რისკის დეკლარაციები, რომელთა რაოდენობა წარმოდგენილი დეკლარაციების არანაკლებ 90% იქნება, ყოველთვიურად აისახება დღგ-ის დაბრუნების ბარათზე.

19 თებერვალი 2019, 10:20

მსოფლიო

გაერო: ავსტრალიის გვალვა უპირველეს ყოვლისა აზიანებს ბავშვებს

ავსტრალიის დიდი ნაწილი რამდენიმე თვის განმავლობაში ძლიერი გვალვის გამო იტანჯებოდა. გვალვამ განსაკუთრებით დააზიანა სოფლის მეურნეობა. გაეროში აცხადებენ, რომ ბავშვებს დრო აღარ აქვთ სკოლისთვის და გართობისთვის და ისინი მშობლებს ეხმარებიან მუშაობაში.

დაკავება

19 თებერვალი 2019, 10:13

ძალოვნები

პოლიციამ რუსთავში ჯგუფურად ჩადენილი ქურდობის ფაქტზე 2 ადამიანი დააკავა

„გამოძიებამ დაადგინა, რომ დაკავებულებმა მიმდინარე წლის 13 თებერვალს რუსთავში, „ნოკიას“ ფირმის ტექნიკის მაღაზიიდან მობილური ტელეფონები მოიპარეს. სამართალდამცველებმა ორივე პირი მომხდარიდან მეორე დღეს დააკავეს, მოპარული ნივთები კი ნივთმტკიცებად ამოიღეს"- ნათქვამია უწყების მიერ გავრცელებულ ინფორმაციაში.

19 თებერვალი 2019, 09:58

კულტურა

სიუზი კუატროს ახალი ალბომი მარტის ბოლოდან გაიყიდება

68 წლის სიუზი კუატრომ ახალ სინგლზე გადაღებული კლიპი გაავრცელა. სიმღერა No Soul/No Control ალბომში No Control არის შესული, რომელიც გაყიდვაში 29 მარტს გამოვა. სუზი კუატრომ მუსიკალური კარიერა გასული საუკუნის 60-იან წლებში დაიწყო. ის პირველი ბას გიტარისტი ქალია, რომელიც როკ მუსიკის ერთ-ერთ ყველაზე წარმატებულ შემსრულებლად იქცა.

ჯანეტ ოსბორნი

19 თებერვალი 2019, 09:35

ტექნოლოგიები

მეცნიერებმა სიბრმავის წინააღმდეგ გენური თერაპია პირველად გამოიყენეს

მეცნიერების განმარტებით, სიბერის პარალელურად გენები, რომლებიც პასუხს აგებს თვალების დაცვაზე, შეფერხებით მუშაობს, რაც თავის მხრივ მხედველობის დაქვეითებას იწვევს. გენური თერაპიისას თვალის უკანა ნაწილში კეთდება ინექცია, რომელიც სინთეტიკურ გენს შეიცავს და მეცნიერების მტკიცებით, სრულიად უვნებელია.

უოლეს სმით ბროკერი

19 თებერვალი 2019, 09:11

მსოფლიო

ტერმინის „გლობალური დათბობა“ ავტორი გარდაიცვალა

გეოლოგი ისეთი ცნობილი ტერმინის ავტორია, როგორიცაა გლობალური დათბობა. ბროკერმა ეს ტერმინი პირველად 1975 წელს ჟურნალ Science-ში გამოქვეყნებულ სტატიაში გამოიყენა, რომლის სახელწოდება იყო "კლიმატის ცვლილება: ვიმყოფებით თუ არა მკვეთრი გლობალური დათბობის ზღვარზე?“

ბოლივია ავარია

19 თებერვალი 2019, 08:48

მსოფლიო

ბოლივიაში ავარიას 24 ადამიანი ემსხვერპლა

ბოლივიაში ავტოსაგზაო შემთხვევას სულ მცირე 24 ადამიანი ემსხვერპლა, 12 კი დაშავდა. შემთხვევა ქვეყნის სამხრეთ ნაწილში ქალაქ პოტოსთან მოხდა. ერთმანეთს სამგზავრო ავტობუსი და სატვირთო შეეჯახა. პოლიციის ცნობით, ავტობუსში 45 მგზავრი იყო.

აშშ-მექსიკის საზღვარი

19 თებერვალი 2019, 08:32

მსოფლიო

16 შტატის კოალიციამ საგანგებო მდგომარეობის გამოცხადების გამო ტრამპს უჩივლა

ამერიკის 16 შტატის კოალიციამ დონალდ ტრამპის ადმინისტრაციის წინააღმდეგ სასამართლოში სარჩელი შეიტანა. ამის მიზეზი მექსიკის საზღვართან კედლის აშენების დაფინასებასთან დაკავშირებით კონგრესთან უთანხმოების გამო საგანგებო მდგომარეობის გამოცხადება გახდა.

სირია აფეთქება

19 თებერვალი 2019, 08:11

მსოფლიო

სირიაში აფეთქებას 15 ადამიანი ემსხვერპლა

ინციდენტი ამბოხებულების მიერ კონტროლირებად ტერიტორიაზე მოხდა. გავრცელებული ცნობით, დანაღმული მანქანა ქალაქის მთავარ ქუჩაზე აფეთქდა, ადგილზე მაშველების მისვლის შემდეგ კი მეორე აფეთქებაც მოხდა. მომხდარზე პასუხისმგებლობა ჯერჯერობით არც ერთ დაჯგუფებას არ აუღია.

კანონპროექტი

19 თებერვალი 2019, 07:59

საქართველო

იურიდიულ საკითხთა კომიტეტმა 9 დეპუტატის მიერ ინიცირებულ კანონპროექტს მხარი არ დაუჭირა

ოხანაშვილის განცხადებით, ეს არის იმ დეპუტათა შეურაცხყოფა, რომლებმაც კომიტეტის თავმჯდომარის არჩევაში მიიღეს მონაწილეობა და აქტიურად ეწევიან საკანონმდებლო საქმიანობას. კომიტეტის სხდომაზე ასევე კამათი იყო მამუკა მდინარაძესა და ლევან კობერიძეს შორის.