ქუთაისში ძლიერი წვიმის შედეგად, მერიის მიმდებარე ტერიტორია დაიტბორა

ქუთაისში, ძლიერი წვიმის შედეგად, ქალაქის მერიის მიმდებარე ტერიტორია და ე.წ. მწვანე ბაზრის პერიმეტრი დაიტბორა. აღნიშნულ მონაკვეთებზე გადაადგილება შეუძლებელია. უხვმა ნალექმა სანიაღვრე არხები გაჭედა. ინფორმაციას სააგენტო „პირველი“ ავრცელებს.

„მდგომარეობა რთულია. ძალინ ძლიერი წვიმა მოვიდა, რამაც სანიაღვრე არხები გაჭედა. ქუჩაში ფაქტობრივად მდინარეები მოედინება. ადგილზე გასულია ჩვენი მანქანები და კიდევ მიმდნარეობს ტექნიკის მობილიზება“, - აცხადებს „სპეციალური სერვისების“ საზოგადოებასთან ურთიერთობის სამსახურის ხელმძღვანელი გიორგი მჟავანაძე.

გუშინ წვიმამ ასევე პრობლემები შეუქმნა ქობულეთის მუნიციპალიტეტს, სადაც უხვი ნალექის გამო მეწყერული პროცესები განვითარდა.