კვლევა: გამოკითხულ ქართველთა მხოლოდ 17% მიიღებდა ოჯახში მუსლიმს

Pew Research Centre-ი  კვლევის თანახმად, რომელიც 2015-2017 წლებში 34 ქვეყანაში ჩატარდა, საქართველოში გამოკითხულთა მხოლოდ 17% მიიღებდა მუსლიმს მისი ოჯახის წევრად, ხოლო ებრაელის მიღებას მხოლოდ 27% დათანმხდა, რაც ევროპის მასშტაბით ყველაზე დაბალი მაჩვენებელია. 

რეიტინგში პირველ ადგილზე ნიდერლანდები გავიდა, რომელთა მოსახლეობის 88% ამბობს, რომ მუსლიმს ოჯახის წევრად თავისუფლად მიიღებდა, ხოლო ებრაელების შემთხვევაში – 96%.

საქართველოს მეზობელი ქვეყნებიდან, სომხეთის მოსახლეობის მხოლოდ 7%-ია თანახმა მიიღოს მუსლიმი ოჯახში და ებრაელების შემთხვევაში შედეგი 28%-ია. უკრაინელების 25% ამბობს, რომ მუსლიმს ოჯახის წევრად მიიღებდა, ხოლო რუსეთში კი 34%. რაც შეეხება ებრალებს შედეგები შესაბამისად გადანაწილდა - 43% და 40%.

კვლევის ცენტრმა კვლევა ჩაატარა რწმენის შესახებაც, რომელშიც საქართველო პირველ ადგილზე გავიდა.  კვლევის ცნობით, გამოკითხულთა 99% სჯერა ღმერთის, ხოლო 1% ათეისტია. საქართველოს შემდეგ მოდის სომხეთი 95%-ით და მოლდოვა 95%.