თელავში, ეკონომიკის სამინისტროს ბალანსზე არსებული ბინები მოსახლეობას დაუკანონდება

imedinews-ის ინფორმაციით, თელავში ე.წ. ლეგიონის ბინები, რომელიც ეკონომიკის სამინისტროს ბალანსზეა იქ მცხოვრებ ადამიანებს უახლოეს პერიოდში ოფიციალურად დაუკანონდება. დაგეგმილია საკითხის მთავრობის სხდომაზე გატანაც, რის შემდეგაც ბინებს მოსახლეობას ეტაპობრივად გადასცემენ. 

თელავის მერის შოთა ნარეკლიშვილის განმარტებით, მუნიციპალიტეტსა და ცენტრალურ ხელისუფლებას შორის საკითხის დროულად მოგვარებასთან დაკავშირებით მოლაპარაკებები დიდიხანია მიმდინარეობს და ეს თემა დასკვნით ეტაპზეა.

„გიდასტურებთ, რომ მიმდინარეობს აქტიური სამუშაოები მუნიციპალიტეტსა და ცენტრალურ ხელუსფლებას შორის. მუნციპალიტეტი აქტიურად არის ჩართული, თუმცა საცხოვრებელი ფართების გადაცემასთან დაკავშირებით საბოლოო გადაწყვეტილება მაინც მთავრობამ უნდა მიიღოს. შესაბამისი გადაწყვეტილების შემდეგ მუნიციპალიტეტი მზად არის თავისი კომპეტენეციის ფარგლებში იმოქმედოს“, - განაცხადა თელავის მერმა.

„სამხედრო ქალაქში“ მცხოვრებმა ადამიანებმა „ნაციონალური მოძრაობის“ ხელისუფლებაში ყოფნის პერიოდში ბინების საკუთრებაში გადაცემა რამდენჯემე მოითხოვეს, თუმცა მრავალწლიანი მოთხოვნის შემდეგ სახლები მათი ხელისუფლებაში ყოფნის მიწურულს, 2012 წლის საპარლამენტო არჩევნებამდე ცოტა ხნით ადრე, მხოლოდ სამი მრავალსართულიანი შენობის ბინადრებს სიმბოლურ ფასად - 1 ლარად გაუფორმეს.

დანარჩენი 9 კოპრსუსის მაცხოვრებლები ამ დრომდე საკუთრების უფლებით ვერ სარგებლობენ. ამ თემაზე საუბარი „ქართული ოცნების“ ხელისუფლების პირობებში ისევ განახლდა და მოსახლეობას ბინების გადაცემასთან დაკაშირებით შესაბამისი საბუთების შეგროვება დაევალა.

მოგვიანებით ცნობილი გახდა, რომ თავდაცვის სამინისტროს ბალანსზე არსებული რამდენიმე საცხოვრებელი კორპუსი ეკონომიკის სამინისტროს გადაეცა, რის შემდეგაც უწყება კორპუსის მცხოვრებლებისთვის შესაბამისი ფართებით დაკმაყოფილებაზე მუშაობას.