imedi /  06 მარტი 2019, 12:58 / სანდო წყარო

შეწყალების კომისია იუსტიციის სამინისტროში გადავა

სალომე ზურაბიშვილი

სალომე ზურაბიშვილი

საქართველოს პრეზიდენტმა პირველი საპარლამენტო გამოსვლისას შეწყალებისა და მოსამართლეთა უვადოდ დანიშვნების საკითხებთან დაკავშირებით ისაუბრა.

,,შეწყალება, სასამართლო სისტემა და მასთან დაკავშირებული გამოწვევები, ეროვნული უსაფრთხოების საბჭოს შექმნა სწორედ ის საკითხებია, რომლებიც დღეს საზოგადოების მაღალ ინტერესს იწვევს. შეწყალების ის პრაქტიკა, რომელიც წინა პრეზიდენტების დროს არსებობდა, ზოგჯერ უფრო ამნისტიას ემსგავსებოდა, ვიდრე იმ კონცეფციას, რომელიც საფუძვლად უდევს პრეზიდენტის დისკრეციულ უფლებას", - განაცხადა პრეზიდენტმა.

ზურაბიშვილის განმარტებით, პრეზიდენტის დისკრეციული უფლება არ არის პირობით ვადამდე გათავისუფლება და სასამართლოს ხარვეზების გამოსწორება.

„შეწყალების დისკრეციული უფლება ნიშნავს პრეზიდენტის მიერ განსაკუთრებული და გამორჩეული ინდივიდუალური საქმის შერჩევას, სადაც უპირატესობა ჰუმანურ პრინციპებს ენიჭება. ამ პრინციპების ზედმიწევნით დაცვა ნიშნავს იმას, რომ შეწყალების აქტების რაოდენობა საგრძნობლად შემცირდება. ეს ასევე საზოგადოებისთვის შეამცირებს იმ რისკებს, რომეიც ყოველთვის თან ახლდა მასობრივ შეწყალებას", - აღნიშნა პრეზიდენტმა.

ზურაბიშვილის თქმით, შეწყალების კომისია იუსტიციის სამინისტროში გადავა, ხოლო კომისიაში დამატებით ჩაერთვებიან სხვადასხვა ადმინისტრაციული ორგანოს წარმომადგენლები.

„კომისია განიხილავს იმ განცხადებებს, რომლებიც დააკმაყოფილებს ახალ კრიტერიუმებს და მოამზადებს შესაბამის რეკომენდაციებს. საბოლოო გადაწყვეტილება კი რჩება პრეზიდენტის პრეროგატივად. გადაწყვეტილების მიღებისას ვერ იქნება გათვალისწინებული პირადი, სოციალური, რელიგიური თუ პოლიტიკური ხასიათის ჩარევები. შეწყალება გამორიცხავს იმასაც, რომ საზოგადოებას ან კონკრეტულ ადამიანებს განემარტოთ რომელიმე კონკრეტულ საქმეზე შეწყალების მიღების ან მასზე უარის თქმის საფუძველი", - განაცხადა სალომე ზურაბიშვილმა.

რაც შეეხება მოსამართლეების უვადოდ დანიშვნის საკითხს, საქართველოს პრეზიდენტი მიიჩნევს, რომ მთავარი მამოძრავებელი პრინციპი არის სასამართლოს მიმართ ნდობის გამყარება და გაძლიერება.

,,ვიმედოვნებ, მხოლოდ ამ საზომით იმსჯელებს საკანონმდებლო ორგანო, რომელიც მოსამართლეების განწესებისთვის აუცილებელ კრიტერიუმებზე მუშაობს. მოსამართლეების შერჩევის პროცესში პრეზიდენტის პირადი შეხედულებების გაჟღერება მიუღებელია, რამეთუ ეს იქნება ჩარევა სასამართლო და საკანონმდებლო ორგანოების კომპეტენციაში. ერთადერთი რამ, რაც პრეზიდენტს შეუძლია, შეახსენოს ყველა მოსამართლეს, რომ მათ პროფესიის შესაფერისი თავშეკავება ევალებათ. მიუღებელია მათგან პოლიტიკური განცხადებები. ეს უარყოფითად აისახება სასამართლოს მიმართ ნდობაზე. მოგეხსენებათ, რომ მოსამართლეთა უვადოდ დანიშვნას მხარს უჭერს ვენეციის კომისიაც. ასევე, უვადოდ დანიშვნის პრაქტიკა არსებობს რიგ ქვეყნებში, თუმცა მათი შერჩევის პროცედურები ძალიან მაღალი მოთხოვნებითა და კრიტერიუმებით ხასიათდება", - განაცხადა პრეზიდენტმა.

მისი თქმით, სამუშაო პროცესში ნაჩქარევი გადაწყვეტილებების მიღება სასურველი არ იქნება.

„საბოლოოდ, საკანონმდებლო ორგანო პასუხისმგებელია, მიიღოს ისეთი გადაწყვეტილება, რომელიც, ერთი მხრივ, გაითვალისწინებს საერთაშორისო სტანდარტებს, ხოლო მეორე მხრივ, ყველაზე უკეთ მოერგება ქართულ რეალობას. ამის შედეგი სასამართლოს მიმართ ნდობის ამაღლება იქნება. ჩვენი საზოგადოების კონსოლიდაცია და ქვეყნის ეკონომიკური განვითარება სასამართლო სისტემის გაძლიერებაზე გადის. აღსანიშნავია, რომ საზღვარგარეთ გამართული ყველა ჩემი შეხვედრის დროს ჩვენი პარტნიორები ხაზს უსვამენ სასამართლო რეფორმის გაგრძელებისა და სასამართლო სისტემის მდგრადობის მნიშვნელობას. მე ამ პროცესს დიდი ყურადღებით ვაკვირდები'', - განაცხადა სალომე ზუაბიშვილმა.

ყველა სიახლე

23 მაისი 2019, 10:38

ტაბლოიდი

ბრიტანელ ქალს 10 წლის წინ მოპარული საფულე დაუბრუნეს

2009 წელს ბეკა მისლომი, რომელიც მაშინ 18 წლის იყო, გაძარცვეს: მისი ავტომობილი მაშინ გატეხეს, როდესაც გოგო ძაღლს ასეირნებდა. მაშინ ავტომობილიდან საფულე წაიღეს.10 წლის შემდეგ ქალმა გზავნილი მიიღო, რომელიც მამამისის მისამართზე მივიდა: მასში მოპარული საფულე და საბუთები იყო.

ტერეზა მეი

23 მაისი 2019, 10:26

მსოფლიო

Times: დიდი ბრიტანეთის პრემიერმინისტრი სავარაუდოდ თანამდებობას დატოვებს

დიდი ბრიტანეთის პრემიერმინისტრმა ტერეზა მეიმ შეიძლება თანამდებობა დატოვოს. ამის შესახებ წყაროზე დაყრდნობით The Times-ი წერს. სავარაუდოდ, მეი წასვლის შესახებ განცხადებას კონსერვატიული პარტიის მაღალჩინოსანთან გრემ ბრედისთან შეხვედრის შემდეგ გააკეთებს.

კალებ ევანი

23 მაისი 2019, 09:58

სპორტი

ჯირო დ'იტალიას მე-11 ტურის გამარჯვებული კალებ ევანი გახდა

მრავალდღიანი ველორბოლის ჯირო დ'იტალიას მე-11 ტურის გამარჯვებული კალებ ევანი გახდა. ავსტრალიელმა სპორტსმენმა 221 კილომეტრი 5 საათში, 17 წუთსა და 26 წამში გაიარა. მეორე ადგილზე ფრანგი არნო დემარა გავიდა, მესამეზე კი გერმანელი პასკალ აკერმანი.

23 მაისი 2019, 09:39

საქართველო

გიორგი გახარია ნატოს სამეკავშირეო ოფისის ხელმძღვანელს შეხვდა

გიორგი გახარიამ, როსარია პუგლისის, ახლადშექმნილი ეროვნული უსაფრთხოების საბჭოს კონცეფციისა და მიზნების შესახებ მიაწოდა ინფორმაცია. შეხვედრაზე, მხარეებმა ორმხრივი თანამშრომლობის კიდევ უფრო გაღრმავების პერსპექტივებზე იმსჯელეს.

23 მაისი 2019, 09:23

ტექნოლოგიები

YouTube-ს მუშაობაში შეფერხებებია

სერვისი შეფერხებებით მუშაობს საფრანგეთში, გერმანიაში, დიდ ბრიტანეთში, ბულგარეთში, რუმინეთში, უკრაინაში, რუსეთსა და აგრეთვე აშშ-სა და იაპონიაში. მომხმარებლების განმარტებით, პრობლემა ძირითადად ვიდეოს ტრანსლაციას უკავშირდება.

მერაბ კოსტავა

23 მაისი 2019, 08:56

კულტურა

ეროვნულ არქივში მერაბ კოსტავასადმი მიძღვნილი გამოფენა გაიხსნა

საგამოფენო პავილიონში წარმოდგენილია მერაბ კოსტავას პირადი არქივში, კერძო კოლექციებსა და საქართველოს ეროვნულ არქივში დაცული საარქივო მასალა და ასევე ფოტოები, რომელთა უმრავლესობა საზოგადოებისთვის დღემდე უცნობი იყო. გამოფენა 7 ივნისამდე გაგრძელდება. დათვალიერება თავისუფალია.

ევროპარლამენტი

23 მაისი 2019, 08:39

მსოფლიო

დღეს ევროპარლამენტის არჩევნები იწყება

საკუთარ არჩევანს პირველები ბრიტანელები და ნიდერლანდელები დააფიქსირებენ. შაბათს არჩევნები ჩატარდება ლიტვაში, მალტასა და სლოვაკეთში, დანარჩენი ქვეყნები კი მათ კვირას შეუერთდებიან. ამასთან, ბელგიაში, ლუქსემბურგში, ბულგარეთში, საბერძნეთსა და კვიპროსზე ხმის მიცემა სავალდებულოა, წინააღმდეგ შემთხვევაში ამომრჩევლებს ჯარიმა ემუქრებათ.

ვან ი

23 მაისი 2019, 08:15

საქართველო

საქართველოს ჩინეთის საგარეო საქმეთა მინისტრი ეწვევა

საქართველოს დღეს პირველი ოფიციალური ვიზიტით ჩინეთის საგარეო საქმეთა მინისტრი ვან ი ეწვევა. საგარეო საქმეთა სამინისტროს ცნობით, ორი ქვეყნის საგარეო უწყების ხელმძღვანელთა შეხვედრაზე ორმხრივი თანამშრომლობის საკითხებს განიხილავენ, მათ შორის სავაჭრო-ეკონომიკური ურთიერთობების მიმართულებით.

23 მაისი 2019, 08:01

საქართველო

ბაქოში საქართველოსა და აზერბაიჯანის სახელმწიფო საზღვრის სადელიმიტაციო კომისიის სხდომა გაიმართება

საქართველოსა და აზერბაიჯანის სახელმწიფო საზღვრის სადელიმიტაციო კომისიის სხდომა ბაქოში 23-24 მაისს გაიმართება. საგარეო საქმეთა სამინისტროს წარმომადგენლის ვლადიმერ კონსტანტინიდის თქმით, ქართული მხარე მოწადინებულია, პროცესი აზერბაიჯანთან, როგორც სტრატეგიულ პარტნიორთან ურთიერთობის სულისკვეთებით წარიმართოს.

23 მაისი 2019, 01:07

ეკონომიკა

ფლორიდაში გიტარის ფორმის სასტუმრო გაიხსნება

ფლორიდაში გიტარის ფორმის სასტუმრო გაიხსნება. 1.5 მილიარდი დოლარის ღირებულების შენობა ფლორიდაში Hard Rock ჯგუფის ერთ-ერთი უდიდესი პროექტის ნაწილია, რომელიც ასევე მოიცავს სხვა $2.2 მილიარდიანი სასტუმროებისა და კაზინოს მშენებლობას.

ჯონ როკფელერი

23 მაისი 2019, 00:49

ეკონომიკა

Bloomberg: ჯონ როკფელერი ბილ გეითსზე სამჯერ მდიდარი იყო

სააგენტო Bloomberg-მა წარსულის ზოგიერთი ყველაზე მდიდარი ადამიანის ქონება მილიარდერების თანამედროვე რეიტინგების ლიდერთა შემოსავლებს შეადარა. რისთვისაც ეკონომისტ სემუელ უილიამსონის მეთოდოლოგია გამოიყენა. აღმოჩნდა, რომ როკფელერი იყო სამჯერ უფრო მდიდარი, ვიდრე Microsoft-ის დამფუძნებელი ბილ გეითსი.

მიხეილ სააკაშვილი

23 მაისი 2019, 00:38

მსოფლიო

სააკაშვილი ზელენსკის უკრაინის მოქალაქეობის დაბრუნებას სთხოვს

საქართველოს ექსპრეზიდენტმა და ოდესის ოლქის ყოფილმა გუბერნატორმა მიხეილ სააკაშვილმა პრეზიდენტ ვოლოდიმირ ზელენსკის უკრაინის მოქალაქეობის დაბრუნება სთხოვა. სააკაშვილის ადვოკატმა რუსლან ჩერნოლუცკიმ შესაბამისი წერილით უკრაინის პრეზიდენტის ადმინისტრაციას უკვე მიმართა.

სახელმწიფო დეპარტამენტი

23 მაისი 2019, 00:27

მსოფლიო

აშშ ეჭვობს რომ ასადის რეჟიმმა ქიმიური იარაღი ისევ გამოიყენა

სახელმწიფო დეპარტამენტის განცხადებით, სირიის მთავრობა შესაძლოა, კვლავ ქიმიურ იარაღს იყენებდეს. ამის შესახებ The New York Times-ი იტყობინება. შეერთებული შტატები ეჭვობს, რომ ფაქტი სამთავრობო ძალების მიერ იდილბის პროვინციაზე განხორციელებული საჰაერო იერიშების დროს მოხდა.

23 მაისი 2019, 00:02

კულტურა

Prada 2020 წლიდან ნატურალურ ბეწვს აღარ გამოიყენებს

მოდის სახლი Prada 2020 წლიდან ცხოველების ბეწვს აღარ გამოიყენებს. ამის შესახებ Fur Free Alliance, FFA-ს ხელმძღვანელმა ჯონ ვინდინგმა განაცხადა. FFA აერთიანებს 50 ორგანიზაციას, რომლებიც ცხოველების დასაცავად გამოდიან. Prada ცხოველების ბეწვს არ გამოიყენებს ახალ მოდელებში.

მარადონა

22 მაისი 2019, 23:57

მსოფლიო

მარადონა დააკავეს

ლეგენდარული არგენტინელი ფეხბურთელი დიეგო მარადონა ბუენოს აირესის აეროპორტში დააკავეს. ინფორმაციას ამის შესახებ The Sun-ი ავრცელებს. როგორც ირკვევა, მეხიკოდან დაბრუნებული მარადონას დაკავების მიზეზი ყოფილი მეგობარი ქალის როსიო ოლივას საჩივარი გახდა.

ბენქსი ვენეციაში

22 მაისი 2019, 23:36

კულტურა

ბენქსიმ თავისი ნამუშევარი ვენეციის ბიენალეზე ინკოგნიტოდ გამოფინა. ვიდეო

ინსტალაციას უწოდეს „Venice in Oil“ (სიტყვების თამაში, რაც შეიძლება ნიშნავდეს, როგორც „ვენეციას ზეთში“, ასევე „ვენეციას ნავთობში“). ის ზეთით შექმნილ, ერთი სიუჟეტის მქონე რამდენიმე სურათს აერთიანებს. ეს არის საკრუიზო ლაინერი ვენეციის პორტში, რომელიც გარემოს აბინძურებს.

ანდრეა ლიდსომი
ბრიტანეთის თემთა პალატის ლიდერი

22 მაისი 2019, 23:25

მსოფლიო

ბრიტანეთის თემთა პალატის ლიდერი თანამდებობიდან გადადგა

ბრიტანეთის თემთა პალატის ლიდერმა ანდრეა ლიდსომმა მინისტრთა კაბინეტი დატოვა. ლიდსომმა განაცხადა, რომ Brexit-თან დაკავშირებით ხელისუფლების მიდგომების არ სჯერა. მისი თანამდებობიდან წასვლა Brexit-თან დაკავშირებით ბრიტანეთის პრემიერმინისტრის ტერეზა მეის და დეპუტატ კონსერვატორების დაპირისპირების ფონზე მოხდა.

22 მაისი 2019, 23:17

მსოფლიო

ნატოს მოკავშირეთა საიუბილეო სამიტი ლონდონში, დეკემბერში ჩატარდება

ნატოს მომდევნო სამიტს ლონდონი 3-4 დეკემბერს უმასპინძლებს. ამის შესახებ ალიანსის გენერალურმა მდივანმა იენს სტოლტენბერგმა განაცხადა. ნატო-ს ვებგვერდზე განთავსებულ ინფორმაციაში აღნიშნულია, რომ ალიანსი ამ ფორმით აღნიშნავს ნატოს 70-ე იუბილეს.

ადვოკატი, ქეთევან გაგოევა

22 მაისი 2019, 23:02

ძალოვნები

7 თვის ჩვილის მკვლელობის საქმეზე არასრულწლოვან დედას ბრალი წაუყენეს

პროცესის შემდეგ ბრალდებულ არასრულწლოვანს რუსთავში მე-5 კოლონიაში გადაიყვანენ. საზოგადოებრივი დამცველი განმარტავს, რომ მუხლიდან გამომდინარე შესაძლოა, საქმე ნაფიცნა მსაჯულებმა განიხილონ. მუხლიდან გამომდინარე შესაძლოა, საქმე ნაფიცმა მსაჯულებმა განიხილონ.

მაღაროელები

22 მაისი 2019, 22:50

საქართველო

სამართლებრივი დავის დაწყების შესახებ ჯორჯიან მანგანეზის მიმართვას მაღაროელებმა უპასუხეს

ასე უპასუხეს გაფიცულებმა ჯორჯიან მანგანეზის დღევანდელ განცხადებას, რომელშიც კომპანია უკანონო გაფიცვაზე მიუთითებს და ამის გამო სასამართლო დაცვის დაწყებას აპირებს. ჯორჯიან მანგანეზის ეს მიმართვა პროტესტის მონაწილეებმა მუქარად აღიქვეს.