იტალიელი ტურისტი ქართველებს: გთხოვთ, შეასრულოთ რეკომენდაციები, რომ კახეთში ღვინის დასაგემოვნებლად დავბრუნდე

„ჩვენ, იტალიაში ცუდი პერიოდი გვიდგას, თუმცა ჩვენ გვაქვს იმის შესაძლებლობა, რომ გადავრჩეთ და ისევ გამოვხატოთ ჩვენი სიყვარული“, - ამ სიტყვებით იტალიის მოქალაქე ქართველებს Facebook-ის საშუალებით მიმართავს.

ნუჩო გარილი იმედოვნებს, რომ საქართველოში დაბრუნდება, ამისთვის კი საქართველოს მოქალაქეებს სთხოვს, რეკომენდაციები რაც შეიძლება ზედმიწევნით შეასრულონ.

„ფრთხილად იყავით, გაიკეთეთ ნიღბები და მიჰყევით თქვენთვის მოცემულ ინსტრუქციებს. თქვენ ამის გაკეთება შეგიძლიათ და ეს აუცილებლად უნდა შეძლოთ, რადგან მსურს, დავბრუნდე კახეთში, რომ დავაგემოვნო თქვენი საუკეთესო ღვინო და ჩვენი გამარჯვების სადღეგრძელო ვთქვა“, - წერს იტალიელი ტურისტი.

ჯანდაცვის მსოფლიო ორგანიზაციამ კორონავირუსთან დაკავშირებით პანდემია 2020 წლის 11 მარტს გამოაცხადა. მანამდე კი, 30 იანვარს ჯანმომ კორონავირუსი გლობალურ საფრთხედ გამოაცხადა. ჩინეთში პნევმონიის აფეთქება 2019 წლის დეკემბერში დაიწყო. ის გამოწვეულია კორონავირუსის აქამდე უცნობი შტამით.

21 იანვარს ჩინეთმა დაადასტურა, რომ კორონავირუსი გადამდებია. მომხდარის გამო ქვეყნის ორ ქალაქში კარანტინი გამოცხადდა.

მართალია თუ არა, რომ კორონავირუსმა უხანის სამეცნიერო ლაბორატორიიდან გაჟონა? ამ ბმულზე ნახეთ.

რა უნდა ვიცოდეთ პანდემიის შესახებ, წაიკითხეთ აქ.