ლევან ნიკოლეიშვილი: რუსეთისთვის რამის გადაცემაზე საუბრობს იმ მავნებლური კლასტერის პროპაგანდის მანქანის ისეთი პროვოკატორი, როგორიც გიორგი გაბუნიაა

„რა არ იხარშება ზოგიერთი ვითომ ჟურნალისტის ტვინში, რას არ გაიგებ ხოლმე ადამიანი, თუმცა როცა საუბარი ისეთ „პიროვნებაზეა“ როგორც გიორგი გაბუნიაა, წესით არ უნდა გაგიკვირდეს, ხომ იცით რომელ გაბუნიაზე ვსაუბრობ, შარშან რომ პუტინს აგინა, მერე სააკაშვილი გასაღება/მოკვლას რომ უპირებდა, უფრო მანამდე კი უცხოეთის თვალში რუსეთთან მებრძოლი და შეუპოვარი ჟურნალისტის იმიჯის მორგებას“, - ამის შესახებ ლევან ნიკოლეიშვილი Facebook-ზე წერს.

„აი ამ „დიდმა“ ჟურნალისტმა ამჯერად თავისი უნიკალური განათლება კომუნიკაციების მარეგულირებელი კომისიის კანონზე შემოგვთავაზა, ცხადია თავისი ინტერპრეტაციით და ნაციონალ მავნებელთა შეკვეთით რასაკვირველია.

ნახეთ რას ამბობს ჯერ კიდევ გუშინ სააკაშვილის მიერ მოსაკლავად და პოლიტიკური მიზნებისათვის შეწირული პროვოკატორი გაბუნია: „როგორც ანაკლიის პროექტი ჩაშალა „ქართულმა ოცნებამ“ რუსეთის სასარგებლოდ, იმისთვის რომ ჩვენ არ გვქონოდა წყალზე დამოუკიდებელი კავშირი დასავლეთთან, ახლა იგივეს შვება წყალში.

საბოლოოდ ჩვენი დამოუკიდებელი ინტერნეტკავშირის კაბელსაც რუსეთს მოუქცევენ ალბათ ხელში...“ არადა ანაკლიასთან დაკავშირებით, როგორც მახსოვს ერთადერთი ამერიკული კომპანია „კონტი ჯგუფი“ იყო, რომელიც საოცარი ოსტატობით ჩაანაცვლეს „ლელოს“ დღევანდელმა ლიდერებმა ყაზახური კომპანიით, რომელსაც სწორედ რუსეთთან ჰქონდა საკმაოდ მჭიდრო კავშირები.

სწორედ ასეთი მოულოდნელობის თავიდან აცილების მიზნითაა კომუნიკაციების მარეგულირებელი კომისიის კანონი, რომლის მიხედვითაც სწორედაც, რომ სახელმწიფოსა და დასავლური ღირებულებების დაცვა და დაზღვევა ხდება.

ისე, რაც შეეხება რუსეთისთვის რამის გადაცემას ყველაზე დიდი უბედურება ალბათ ისაა, რომ ამის თაობაზე საუბრობს იმ პოლიტიკური თუ მავნებლური კლასტერის პროპაგანდის მანქანის ისეთი პროვოკატორი, როგორიც გაბუნია...

თქვენ კი არ გიყვართ და გინდათ ამოშალოთ და დაივიწყოთ, მაგრამ ჩვენი ქვეყნის ტერიტორიის 20 % სწორედ თქვენს მიერაა გადაცემული და ხონჩით მირთმეული რუსეთზე, რომელსაც ვითომ გააფრთებით ებრძვით, სინამდვილეში კი ასეთი პარტნიორი როგორც თქვენი კლასტერია რუსეთს რეალურად არც ჰყოლია“, - წერს ლევან ნიკოლეიშვილი.