ქუთაისში, აფხაზეთის ომში დაღუპულთა მემორიალი ყვავილებით შეამკეს

ქუთაისში, „ქართული ოცნება- დემოკრატიული საქართველოს" ახალგაზრდული ორგანიზაციის წევრებმა, მაჟორიტარობისა და მერობის კანდიდატებთან ერთად, აფხაზეთის ომში დაღუპულთა მემორიალი ყვავილებით შეამკეს და კიდევ ერთხელ გაიხსენეს გმირები, რომლებმაც ქვეყანა საკუთარი სიცოცხლის ფასად დაიცვეს.

„თანამედროვე საქართველოს ისტორიაში, ესაა ერთ-ერთი ყველაზე მძიმე და ტრაგიკული დღე, როდესაც დავკარგეთ სოხუმი, აფხაზეთი და დაიღუპა ჩვენი ქვეყნის ეროვნული გმირი, ჟიული შარტავა, რომელიც წელში გამართული შეხვდა სიკვდილს და თავდადების მარადიული მაგალითი აჩვენა. ბევრი რამ გაკეთდა დევნილი მოსახლეობისთვის და მე, ჩემს გუნდთან ერთად, პირობას ვდებ, ყველაფერს გავაკეთებ იმისთვის, რომ მათ ღირსეული ცხოვრებისა და განათლების საშუალება ჰქონდეთ. დარწმუნებული ვარ, რომ ჩვენი დევნილების თავიანთ მშობლიურ ადგილებზე დაბრუნება ქუთაისიდან დაიწყება“ - განაცხადა „ქართული ოცნება - დემოკრატიული საქართველოს" ქუთაისის მერობის კანდიდატმა, იოსებ ხახალეიშვილმა.

„უმძიმესია დღე, როდესაც ჩვენი სოხუმი დაეცა. ამ ტრაგიკული დღიდან 27 წელი გავიდა. კიდევ ერთხელ, პატივს მივაგებთ ყველა გარდაცვლილის ხსოვნას. რა თქმა უნდა, ამ დღეს არც ერთი ქართველი არ დაივიწყებს“ - აღნიშნა „ქართული ოცნება - დემოკრატიული საქართველოს" ქუთაისის მაჟორიტარი დეპუტატობის კანდიდატმა, ზაზა ლომინაძემ.

„ეს დღე თითოეული ჩვენგანისთვის, ახალგაზრდისთვის, ძალიან დიდი ტკივილია. გადავწყვიტეთ, დღეს ახალგაზრდები აქ მოვსულიყავით და პატივი მიგვეგო ჩვენი გმირებისთვის“ - განაცხადა„ქართული ოცნება - დემოკრატიული საქართველოს" ქუთაისის ახალგაზრდული ორგანიზაციის წევრმა, სალომე სებუამ.

სოხუმის დაცემიდან 27 წელი გავიდა. ამ ღესთან დაკავშირებით, მთავრობის ადმინისტრაციის შენობაზე სახელმწიფო დროშა დაეშვა.