ილია მეორეს სასულიერო აკადემიის ჰონორის კაუზას წოდება მიენიჭა

თბილისის სასულიერო აკადემიამ საქართველოს კათოლიკოს-პატრიარქს, ილია მეორეს ჰონორის კაუზას წოდება მიენიჭა.

„იმედინიუსთან“ საუბრისას, აკადემიისა და სემინარიის რექტორმა, პროტოპრესვიტერმა გიორგი ზვიადაძემ განმარტა, რომ ესაა თბილისის სასულიერო აკადემიის საპატიო დოქტორის წოდება, რომელიც პირველად სწორედ პატრიარქს მიენიჭა.

„ესაა პირველი შემთხვევა, როცა აკადემია გასცემს ასეთ უმაღლეს ჯილდოს და მას გადასცემს პატრიარქს, მისი განსაკუთრებული დამსახურების გამო ქვეყნისა და ეკლესიის წინაშე“, - განაცხადა დეკანოზმა.

მისივე განმარტებით, უნივერსიტეტს აქვს უფლება, ხარისხის დაუცველად, ადამიანს მიანიჭოს აღნიშნული წოდება.

„ესაა პატრიარქის მიერ დაარსებული, პირველი უმაღლესი საღვთისმეტყველო სკოლა. მან უდიდეს წარმატებას მიაღწია, პატრიარქისვე თანადგომითა და საერთაშორისო ავტორიტეტით“, - განაცხადა დეკანოზმა გიორგი ზვიადაძემ.