imedi /  09 ოქტომბერი 2020, 12:15 / სანდო წყარო

Forbes: მსოფლიო ტურიზმის ორგანიზაციის მიერ შეხვედრის საქართველოში ჩატარება ხაზს უსვამს ტურიზმის, როგორც გლობალური ვაჭრობის მამოძრავებელ ძალის მნიშვნელობას

,,შავიზღვისპირეთში, კავკასიის ქედებს შორის მოქცეულმა საქართველომ ახლახან, 15-17 სექტემბერს, უმასპინძლა გაეროს მსოფლიო ტურიზმის ორგანიზაციის კონფერენციას, რომელიც ჩატარდა COVID-19-თან დაკავშირებული მოთხოვნების დაცვით. ეს გახლდათ ორგანიზაციის პირველი არა ვირტუალური ღონისძიება პანდემიის პირობებში. 2 კვირის წინ გაიმართა გაეროს გენერალური ასამბლეა ვირტუალურ რეჟიმში, - ,,ფორბსის სტატიას სახელწოდებით ,,პანდემიის მიუხედავად, გაეროს მსოფლიო ტურიზმის ორგანიზაციის სხდომა საქართველოში ჩატარდა“ აქვეყნებს.

როგორც სტატიაშია აღნიშნული, საქართველოს შერჩევა არა ვირტუალური, პირისპირ შეხვედრის ჩასატარებლად 2 მიზეზითაა საინტერესო - პირველი ის, რომ საქართველო ჯერჯერობით კარგად მართავს საზოგადოებრივი ჯანდაცვის საკითხებს და მეორე, ეს ღონისძიება წარმოაჩენს საქართველოს, როგორც დასავლური ორიენტაციის ქვეყანას მისწრაფებებით ნატოსა და ევროკავშირის წევრობისკენ.
ავტორის თქმით, საქართველო ასევე არის ისტორიული აბრეშუმის გზის ნაწილი, რომელიც ერთმანეთთან აკავშირებს აღმოსავლეთსა და დასავლეთს.

,,ეს იყო გაეროს პირველი მასშტაბური შეხვედრა საზღვარგარეთ. ჯერჯერობით საქართველო კარგად მართავს საზოგადოებრივი ჯანდაცვის საკითხებს - გადადგმულია სწრაფი ნაბიჯები და უზრუნველყოფილია მკაფიო რეკომენდაციები და ტესტირება, თუმცა, ბევრი სხვა ქვეყნის მსგავსად, საქართველოში (პატარა ქვეყანა, რომლის მოსახლეობა შეადგენს 3.7 მილიონს) დღეს შეიმჩნევა ინფიცირების შემთხვევათა ზრდა. 7 ოქტომბრის მონაცემებით, საქართველოში დაფიქსირებულ შემთხვევათა ჯამური რაოდენობა დაახლოებით 10 000 იყო. გარდაიცვალა 63 ადამიანი. ესპანეთის საზღვრებს გარეთ პირველი ყოველწლიური კონფერენციის ჩატარებით გაერომ გააჟღერა გზავნილი, რომ მას პანდემია ვერ შეაჩერებს და იგი განაგრძობს ცხოვრებას ჩვეულ რიტმში. ეს ღონისძიება წარმოაჩენს საქართველოს, როგორც დასავლური ორიენტაციის ქვეყანას მისწრაფებებით ნატოსა და ევროკავშირის წევრობასთან დაკავშირებით, რომელიც ცდილობს აშშ-თან თავისუფალი ვაჭრობის შეთანხმების გაფორმებას. თბილისსა და ვაშინგტონს შორის კარგი ურთიერთობები ჩამოყალიბდა. გარდა ამისა, საქართველო არის ისტორიული აბრეშუმის გზის ნაწილი, რომელიც ერთმანეთთან აკავშირებს აღმოსავლეთსა და დასავლეთს. რაც შეეხება ტურიზმის ინდუსტრიას, მხოლოდ 2019 წელს საქართველომ უმასპინძლა 9.4 მილიონ საერთაშორისო სტუმარს“, - ნათქვამია სტატიაში.

როგორც გამოცემა წერს, ტურიზმი შეადგენს საქართველოს მთლიანი შიდა პროდუქტის დაახლოებით 8.1%-ს. მისი თქმით, პალმებით სავსე ზღვისპირა ბათუმი წარმოადგენს გლობალური მოგზაურობისა და ტურიზმის ინდუსტრიის წარმატების ისტორიას უცხოური ინვესტიციების თვალსაზრისით.
ავტორი ყურადღებას ამახვილებს გლობალური ტურიზმის პროგნოზებზე და წერს, რომ მსოფლიო ტურიზმის ორგანიზაციის მიერ თავისი შეხვედრის საქართველოში ჩატარება ხაზს უსვამს ტურიზმის, როგორც გლობალური ვაჭრობის მამოძრავებელ ძალის მნიშვნელობას.

,,როგორც გაეროს მსოფლიო ტურიზმის ორგანიზაციის პრეზიდენტმა, ზურაბ პოლოლიკაშვილმა განაცხადა ხსენებულ ღონისძიებაზე, „დღეს შესაძლებელია უსაფრთხოდ და პასუხისმგებლობით მოგზაურობა მსოფლიოს ბევრ კუთხეში. მნიშვნელოვანია, რომ მთავრობებმა მჭიდროდ ითანამშრომლონ კერძო სექტორთან, რათა გლობალური ტურიზმი ისევ ამოქმედდეს“. მიუხედავად ამისა, საყოველთაოდ ცნობილია, რომ მოგზაურობა მსოფლიოს მასშტაბით მნიშვნელოვნად დაეცა პანდემიასთან დაკავშირებული შეშფოთების გამო. ივნისში საერთაშორისო ტურისტების რაოდენობამ, 2019 წლის იმავე პერიოდის მონაცემებთან შედარებით, იკლო 93%-ით. თბილისის კონფერენციაზე მსოფლიო ტურიზმის ორგანიზაციის მიერ გაცხადებული მონაცემებით, პანდემიამ ძალიან უარყოფითად იმოქმედა ამ სექტორზე. გაეროს მსოფლიო ტურიზმის ორგანიზაციის მსოფლიო ტურიზმის ბარომეტრის ბოლო მონაცემებით, 2020 წლის 1-ელ ნახევარში საერთაშორისო ტურისტების რაოდენობამ 65%-ით იკლო. რაც შეეხება საქართველოს, ტურიზმი შეადგენს მთლიანი შიდა პროდუქტის დაახლოებით 8.1%-ს. პალმებით სავსე ზღვისპირა ბათუმი წარმოადგენს გლობალური მოგზაურობისა და ტურიზმის ინდუსტრიის წარმატების ისტორიას უცხოური ინვესტიციების თვალსაზრისით. აქ Sheraton და Hilton სასტუმროს ნომრების ფასები დღე-ღამეში 300 დოლარს აღემატება. ყოველივე ეს კი ნიშნავს მნიშვნელოვან შემოსავალს პატარა ქვეყნისთვის. სწორედ ამიტომ ჩაატარა გაეროს მსოფლიო ტურიზმის ორგანიზაციამ თავისი შეხვედრა საქართველოში, რათა ხაზი გაუსვას ტურიზმს, როგორც გლობალური ვაჭრობის მამოძრავებელ ძალას. გაეროს მსოფლიო ტურიზმის ორგანიზაციის აღმასრულებელი საბჭოს 112-ე სესია დაიხურა და, რამდენადაც ცნობილია, არცერთი დიპლომატი თუ თარჯიმანი არ დაინფიცირდა. ეს არის ბიზნესსა და საზოგადოებრივ ჯანდაცვასთან დაკავშირებული საგანგებო მდგომარეობის და გონივრული ზრუნვისა და სტრატეგიების თანაარსებობის კარგი მაგალითი“, - წერს ,,ფორბსი“ .

როგორც სტატიის ავტორი აღნიშნავს, საქართველო, თავისი მთებისა და შავიზღვისპირა პლიაჟების წყალობით, იქცევა მსოფლიო დონის ტურისტულ ცენტრად და გურმანები მთელ მსოფლიოში კარგად იცნობენ ადგილობრივ სამზარეულოს, ხოლო ქვეყნის მეღვინეობის ისტორია ათასწლეულებს ითვლის.

მისი თქმით, საქართველო არ არის აქციების ინდივიდუალური ბროკერების ბაზარი და ეს ბაზარი განკუთვნილია ფასიანი ქაღალდების სფეროს წამყვანი ინსტიტუტებისთვის, უფრო კონკრეტულად კი - კორპორატიული ინვესტორებისთვის.

,,კორპორატიული ინვესტორების შემოსვლასთან ერთად, საქართველო უფრო მომხიბვლელი ხდება ფასიანი ქაღალდების გლობალური ბაზრის თვალსაზრისით, რადგან უოლ-სტრიტი ხედავს, რომ ისინი აქ შემოდიან და რეალურ ფულს აკეთებენ. შავიზღვისპირა პორტების ლოგისტიკური განვითარება, დიდი ალბათობით, საქართველოში ინვესტიციების ყველაზე მნიშვნელოვანი ასპექტია, - აცხადებს ჯარედ გატრი, Commonwealth Frontier Advisors-ის თანამფლობელი და დირექტორი. მისი კომპანია საქართველოში მზარდი საინვესტიციო პორტფელით გამოირჩევა. „ამ პორტების წყალობით, იზრდება საქართველოს წვდომა გლობალურ ეკონომიკაზე და ქვეყანა იქცევა კარიბჭედ ევრაზიის გულში განლაგებული, ზღვაზე გასასვლელის არმქონე 8 ქვეყნისთვის, - ამბობს გატრი, - ეს პორტები ცხადყოფს საქართველოს მზარდ ეკონომიკურ და ბიზნესგარემოს“. მსოფლიო ბანკის ბიზნესის წარმოების სიმარტივის ინდექსში საქართველო მე-7 ადგილზეა. ეს ინდექსი განსაკუთრებით მნიშვნელოვანია პატარა, განვითარებადი ქვეყნებისთვის, რადგან ეს არის საუკეთესო და ყველაზე ლაკონური შეთავაზება კორპორატიული ინვესტორების მოსაზიდად. გასაოცარია, მაგრამ ამ ინდექსში საქართველო მხოლოდ 1 ადგილით ჩამორჩება აშშ-ს (მე-6 ადგილი). Heritage Foundation-ის თავისუფლების ინდექსში კი საქართველო მე-12 ადგილზეა და, რაოდენ მოულოდნელი უნდა იყოს, უსწრებს ევროპულ სახელმწიფოთა უმრავლესობას, აშშ-ს (მე-17 ადგილი) და, მითუმეტეს, ჩინეთს (103-ე ადგილი). მშრომელებს, მათ შორის საჯარო მოხელეებს, შეუძლიათ დამოუკიდებელი პროფესიული კავშირების ჩამოყალიბება და ერთობლივად კანონიერი გაფიცვების მოწყობა და შესაბამისი მოლაპარაკებების წარმოება. ქვეყნამ, ჩინეთისგან განსხვავებით, მიიღო შრომის საერთაშორისო ორგანიზაციის რიგი კონვენციები მშრომელთა უფლებებზე. Transparency International-ის კორუფციის აღქმის ინდექსში საქართველო 44-ე ადგილზეა მსოფლიოს 198 ქვეყანას შორის: უსწრებს BRICS (ბრაზილია, რუსეთი, ინდოეთი, ჩინეთი და სამხრეთ აფრიკა) და მექსიკას და უტოლდება ისეთ მეტ-ნაკლებად უპრობლემო გარემოს მქონე ქვეყნებს, როგორიცაა ჩეხეთი და ლატვია (ორივე 44-ე ადგილზე)“,- ნათქვამია სტატიაში.

როგორც გავლენიანი გამოცემა წერს, საქართველოს აქვს პრეფერენციული ვაჭრობის შეთანხმება 32 ქვეყანასთან, აშშ-ის ჩათვლით, თუმცა დღეს ამ უკანასკნელთან შესაძლო თავისუფალი ვაჭრობის შეთანხმებაზეცაა საუბარი.
ავტორი აღნიშნავს, რომ ამჟამად, პრეფერენციების ზოგადი სისტემის პროგრამის ფარგლებში, საქართველოს შეუძლია რიგი პროდუქტების შეტანა ამერიკის შეერთებულ შტატებში საბაჟო გადასახადების გარეშე. აშშ-ს აქვს ჯანსაღი პოზიტიური სავაჭრო ბალანსი საქართველოსთან.

,,გარდა ამისა, საქართველომ ხელი მოაწერა ღრმა და ყოვლისმომცველი თავისუფალი სავაჭრო სივრცის შეთანხმებას ევროკავშირთან და თავისუფალი ვაჭრობის შეთანხმებას ჩინეთთან. უცხოელ ინვესტორებს მონაწილეობა აქვთ მიღებული სახელმწიფოს კუთვნილი ქონების პრივატიზაციების უმრავლესობაში. აშშ-ის საერთაშორისო განვითარების საფინანსო კორპორაციამ, რომელსაც საქართველოში საქმიანობის ხანგრძლივი ისტორია აქვს, ეკონომიკის სხვადასხვა სეგმენტში უკვე განახორციელა ნახევარი მილიარდი დოლარის ოდენობის ინვესტიციები. სასტუმროები, საავადმყოფოები, პორტის ტერმინალები, საბანკო სექტორი და სასოფლო-სამეურნეო პროდუქცია შეადგენს ქვეყანაში ხსენებული კორპორაციის საინვესტიციო პორტფელის დიდ ნაწილს. საქართველოს პრემიერ-მინისტრთან, გიორგი გახარიასთან ახლახან გამართული სატელეფონო საუბრის შემდეგ კორპორაციის პრეზიდენტმა, ადამ ბოილერმა გამოხატა ინტერესი საქართველოში კომპანიის რეგიონული ოფისის გახსნასთან დაკავშირებით, რომლის საქმიანობაც მოიცავს ქვეყნებს შავი ზღვიდან კასპიის ზღვამდე. საქართველო და ჩინეთის ახალი აბრეშუმის გზა ჩინეთისთვის საქართველო წარმოადგენს შავი ზღვის გავლით ევროპისკენ მიმავალ მარშრუტს. ჩინეთი უკვე აკონტროლებს რამდენიმე პორტს მეზობელ თურქეთში, თუმცა საქართველოს საპორტო პროექტებში ინვესტიციების განხორციელება ჯერ ვერ მოახერხა. 2015 წელს ჩინეთის საოკეანო გადაზიდვების კომპანიამ და სატრანსპორტო კომპანიამ China Merchants Holdings განახორციელა 1 მილიარდი დოლარის ოდენობის ინვესტიცია თურქეთის საპორტო ტერმინალში (კუმპორტი) მარმარილოს ზღვის ევროპულ ნაწილში, რომელიც შეემატა ჩინეთის 42 უცხოური პორტების რიცხვს. ჩინელებმა „ალყა“ შემოარტყეს ხმელთაშუა ზღვას, მათ შორის პირეოსის (საბერძნეთი) აქციების საკონტროლო პაკეტის და გენუისა და მარსელის პორტების აქციების დიდი ნაწილი ხელში ჩაგდების გზით. „ისინი ინვესტიციებს ახორციელებენ საპორტო ლოგისტიკაში არა მხოლოდ ევროპაში, არამედ მთელ მსოფლიოში, - აცხადებს ნოზარ ჰაშემზადე (ეკონომიკის პროფესორი ვირჯინიის რედფორდის უნივერსიტეტში), - ისინი ყიდულობენ პორტებს ან მათი აქციების საკონტროლო პაკეტებს ყველგან, სადაც კი მიუწვდებათ ხელი“. პანდემიის გამო, შეჩერდა დიდი ინფრასტრუქტურული გარიგებების მნიშვნელოვანი ნაწილი. შავი ზღვის პროექტების უსაფრთხოება აშკარად გასათვალისწინებელია. ზოგიერთი მსხვილი პროექტი ჩავარდა. საქართველოს ანაკლიის პროექტი ვერ განხორციელდა ჩინეთის ერთი სარტყლის - ერთი გზის გაყოლებაზე ტვირთის აუცილებელი მოცულობის უზრუნველყოფის შეუძლებლობის გამო, რაც იქნებოდა შესაბამისი დაფინანსების წინაპირობა. შედეგად, პროექტი შეჩერებულია. ქვეყანაში უკვე არსებობს სასიცოცხლოდ მნიშვნელოვანი ინფრასტრუქტურის გარკვეული რაოდენობა და არსებობს იმედი, რომ საქართველო იქცევა მონაცემთა გლობალური ტრანზიტის ცენტრად, რომელიც ახალი მარშრუტებით ერთმანეთთან დააკავშირებს ევროპას, აზიას და შუა აღმოსავლეთს. 2019 წლის აგვისტოში „კავკასუს ონლაინმა“ (ერთ-ერთი უმსხვილესი ტელეკომუნიკაციების კომპანია, რომლის დაახლოებით 1 000 კილომეტრის სიგრძის წყალქვეშა ოპტიკურ-ბოჭკოვანი სადენები აკავშირებს რეგიონს ევროკავშირთან), ხელისუფლების წინასწარი თანხმობის გარეშე, მიჰყიდა თავისი აქციების 49% აზერბაიჯანულ კომპანიას. შემდეგ ეს შეთანხმება ჩავარდა, რადგან საქართველოს სურს ციფრული აბრეშუმის გზის პროექტის განხორციელებაში მონაწილეობა, რომელიც საქართველოს გავლით ერთმანეთთან დააკავშირებს ევრაზიის უმსხვილეს ბაზრებს. საქართველოს მიზნებშია თავისი სტრატეგიული წყალქვეშა ოპტიკურ-ბოჭკოვანი ქსელების გამოყენება ევროპასა და შუა აღმოსავლეთს შორის დერეფნის შესაქმნელად, რის შედეგად სამხრეთ კავკასია გახდება მონაცემთა უსაფრთხო და სანდო მატარებელი“,- წერს გამოცემა.

სტატიის დასასრულს ამერიკის ელჩის , კელი დეგნანის ციტატაა მოყვანილი, რომლის თანახმად, ოქტომბრის ბოლოს თავისუფალი და სამართლიანი არჩევნების ჩატარება წარმოადგენს კიდევ ერთ შესაძლებლობას ქვეყნისთვის.

,,აუცილებელია ქვეყნის მდებარეობის გამოყენება, ეკონომიკური რეფორმების და ინვესტორთათვის ხელსაყრელი გარემოს შენარჩუნება და უცხოელი ინვესტორების მოზიდვა არა მხოლოდ ტურიზმში, არამედ სხვა სექტორებშიც, როგორც ეს ხაზგასმით აღნიშნა გაეროს მსოფლიო ტურიზმის ორგანიზაციამ. „საქართველომ მიაღწია ეკონომიკურ წარმატებას, - ამბობს იანუშ ბუგაისკი (ევროპის სტრატეგიული ანალიზის ცენტრის უფროსი მეცნიერ-თანამშრომელი), - ისინი ცდილობენ, აქციონ ქვეყანა კავკასიის ირლანდიად“,- ნათქვამია ,,ფორბსის“ მიერ გამოქვეყნებულ სტატიაში.

ყველა სიახლე

ანრი ოხანაშვილი

20 ოქტომბერი 2020, 17:50

პოლიტიკა

ანრი ოხანაშვილი უკრაინულ ჟურნალისტურ გამოძიებაზე: ეს არის იმ ჯგუფის ხელწერა, რომელთანაც დაკავშირებულია ძალადობა, კრიმინალი, ბიზნესის ტერორი და სტრასბურგის სასამართლოს განცვიფრება

იურიდიულ საკითხთა კომიტეტის თავმჯდომარე, ანრი ოხანაშვილი მიიჩნევს, რომ ჟურნალისტ, გიორგი გაბუნიას სიცოცხლის მოსპობის მცდელობის აღკვეთით სახელმწიფო უსაფრთხოების სამსახურმა ადამიანის სიცოცხლე გადაარჩინა და თუ ვისი სცენარით და ხელწერით იგეგმებოდა ეს კრიმინალი, ამას პასუხს გამოძიება და სასამართლო გასცემს.

20 ოქტომბერი 2020, 17:27

რეგიონი

ფრეზეთის დევნილთა დასახლებაში თანამედროვე სტანდარტების შესაბამისი საბავშვო ბაღი აშენდა

ფრეზეთის დევნილთა დასახლებაში თანამედროვე სტანდარტების შესაბამისი საბავშვო ბაღი აშენდა, - ამის შესახებ ინფორმაციას დევნილთა, ეკომიგრანტთა და საარსებო წყაროებით უზრუნველყოფის სააგენტო ავრცელებს. მათივე ინფორმაციით, 50 ბავშვზე გათვლილი სკოლამდელი აღზრდის დაწესებულება დევნილთა სააგენტოს დირექტორმა, ბესარიონ სიმონიშვილმა და მცხეთა-მთიანეთის მხარეში სახელმწიფო რწმუნებულის მოვალეობის შემსრულებელმა მანანა ნარიმანიძემ გახსნეს.

სოზარ სუბარი

20 ოქტომბერი 2020, 17:26

პოლიტიკა

სოზარ სუბარი: ნოღაიდელის ჩვენების დეტალებმა კიდევ ერთხელ დაამტკიცა ის, რაც ისედაც ყველამ ვიცოდით, სააკაშვილმა და მისმა ხელისუფლებამ პრაქტიკულად სამშობლოს ღალატის აქტი ჩაიდინეს

მისი თქმით,ზურა ნოღაიდელს რომ არ ეთქვა, ისედაც ძალიან კარგად ჩანდა იმ განცხადებებში, რომელიც 2001, 2007, 2012 წლებში გააკეთეს მაშინდელი ხელისუფლების წარმომადგენლებმა, როცა ისინი პირდაპირ ამბობდნენ, რომ ეს არის ისტორიული ბედის უკუღმართობა, რომ ეს ტერიტორიები არის აზერბაიჯანის ტერიტორია, მაშინ როდესაც ყველა დეტალი საწინააღმდეგოს ამტკიცებდა.

მაია ცქიტიშვილი

20 ოქტომბერი 2020, 17:26

პოლიტიკა

მაია ცქიტიშვილი დავით გარეჯზე: ჩემთვის გაუგებარია, რატომ ეწინააღმდეგება ასე ძალიან ოპოზიცია, რომ ფასი დაუკარგონ ამ რუკებს

ჩემთვის გაუგებარია, რატომ ეწინააღმდეგება ასე ძალიან ოპოზიცია, მათ შორის გაერთიანებული ოპოზიცია, ამაში ისინი ერთიანები აღმოჩნდნენ, რომ ფასი დაუკარგონ ამ მტკიცებულებებს, ამ დოკუმენტებს, ამ რუკებს, - ამის შესახებ საქართველოს ვიცე-პრემიერმა, მაია ცქიტიშვილმა ჟურნალისტებს დავით გაერჯის საკითხზე საუბრისას განუცხადა.

მაია ცქიტიშვილი

20 ოქტომბერი 2020, 17:25

პოლიტიკა

მაია ცქიტიშვილი: ევროკავშირის სრულფასოვანი წევრობა არის არა მხოლოდ ჩვენი ფასეულობები და გაცხადებული პოლიტიკური მიზანი, არამედ - ხალხის არჩევანი

ევროკავშირის სრულფასოვანი წევრობა არის არა მხოლოდ ჩვენი ფასეულობები და გაცხადებული პოლიტიკური მიზანი, არამედ ეს არის ჩვენი ხალხის არჩევანი, - ამის შესახებ ვიცე-პრემიერმა, რეგიონული განვითარებისა და ინფრასტრუქტურის მინისტრმა მაია ცქიტიშვილმა „ქართული ოცნების“ მდგრადი განვითარების პროგრამის პრეზენტაციის შემდეგ განაცხადა.

სერგი კაპანაძე

20 ოქტომბერი 2020, 17:24

პოლიტიკა

სერგი კაპანაძე დავით გარეჯზე: საუბარი იმაზე, რომ წინა ხელისუფლება ამ ტერიტორიებს აძლევდა აზერბაიჯანს არის უბრალოდ არასწორი

„არაფერი ხელმოსაჭიდი, აბსოლუტურად არანაირი არგუმენტი პროკურატურას არ გააჩნია და საუბარი იმაზე, რომ წინა ხელისუფლება ამ ტერიტორიებს აძლევდა აზერბაიჯანს არის უბრალოდ არასწორი. ყველა ფაქტი მიუთითებს სხვა რამეზე. თუ არსებობს განცხადებები, სადაც არის საუბარი, რომ დავით გარეჯის დიდი კომპლექსის რამდენიმე ძეგლი არის ტერიტორიაზე, რომელიც კონტროლდება აზერბაიჯანი მხრიდან, ეს არ არის შეფასება, ეს არის ფაქტი, რომელიც ბოლო რამდენიმე ათწლეულია, საბჭოთა კავშირის დროიდან მოყოლებული ასე არის“, - განაცხადა კაპანაძემ.

ირაკლი ბერაია

20 ოქტომბერი 2020, 17:23

პოლიტიკა

ირაკლი ბერაია: ზურაბ ნოღაიდელის ჩვენებით ირკვევა, რომ სააკაშვილს აბსოლუტურად ანტისახელმწიფოებრივი პოზიცია ჰქონდა

ზურაბ ნოღაიდელის ჩვენებით ირკვევა, რომ საქართველოს მაშინდელ პრეზიდენტს აბსოლუტურად ანტისახელმწიფოებრივი პოზიცია ჰქონდა და მაშინდელ ხელისუფლებაში არსებობდა ჩვენი ქვეყნის ეროვნული ინტერესების საზიანო კონსენსუსი დავით გარეჯის სამონასტრო კომპლექსის მეზობელი ქვეყნის ტერიტორიაზე მდებარეობასთან დაკავშირებით, - ამის შესახებ საგარეო ურთიერთობათა კომიტეტის თავმჯდომარე ირაკლი ბერაიამ განაცხადა.

ანრი ოხანაშვილი

20 ოქტომბერი 2020, 17:19

პოლიტიკა

ანრი ოხანაშვილი: ყველანი ვხვდებით, რომ ორი ექსპერტის დონეზე დავით გარეჯის საკითხი არ გადაწყდებოდა

ჩვენ ხომ ყველანი ვხვდებით, რომ ორი ექსპერტის დონეზე ეს საკითხი საბოლოოდ არ გადაწყდებოდა, რომ არა შეთანხმება ქვეყნის უმაღლესი თანამდებობის პირებთან, ამ შემთხვევაში - სააკაშვილთან, - ამის შესახებ იურიდიულ საკითხთა კომიტეტის თავმჯდომარემ, ანრი ოხანაშვილმა განაცხადა.

ზაალ უდუმაშვილი

20 ოქტომბერი 2020, 17:17

პოლიტიკა

ზაალ უდუმაშვილი დავით გარეჯის საქმეზე: ეს წმინდა წყლის პოლიტიკური გამოძიებაა

„ის საზღვარი ჯერ არ არის დადგენილი, მაგრამ რეალურად არ შეცვლილა იქ ვითარება ამ წლების განმავლობაში. შესაბამისად, არანაირი სარჩული არ არსებობდა იმის თაობაზე, რომ რაიმე სახის გამოძიება დაწყებულიყო. ეს წმინდა წყლის პოლიტიკური გამოძიებაა, ამიტომ ახლა მნიშვნელობა იმის კი არ აქვს, ვინ რა ჩვენებას იძლევა. მნიშვნელობა აქვს იმას, რომ ხელისუფლება და სახელმწიფოს და ქვეყნის ინტერესებს იყენებს წინასაარჩევნოდ“, - განაცხადა უდუმაშვილმა.

20 ოქტომბერი 2020, 17:14

რეგიონი

ბორჯომის ცენტრში, მესხეთის ქუჩაზე საყრდენი კედლის რეაბილიტაცია მიმდინარეობს

ბორჯომის ცენტრში, მესხეთის ქუჩაზე საყრდენი კედლის რეაბილიტაცია მიმდინარეობს. მუნიციპალიტეტის მერიის ინფორმაციით, პროექტის ფარგლებში, საყრდენი კედლის იერსახე მოწესრიგდება, გაკეთდება შუშის ღობე, ტერიტორია გამწვანდება და დამონტაჟდება გარე-განათება.

ვოლოდიმირ ზელენსკი

20 ოქტომბერი 2020, 17:01

მსოფლიო

ვოლოდიმირ ზელენსკი: მათ, ვინც ყირიმი ბრძოლის გარეშე ჩააბარა, პასუხი უნდა აგონ

უკრაინის პრეზიდენტის, ვოლოდიმირ ზელენსკის განცხადებით, მათ, ვინც ყირიმი ბრძოლის გარეშე ჩააბარა, პასუხი უნდა აგონ.

20 ოქტომბერი 2020, 16:57

რეგიონი

EBRD-ისა და ევროკავშირის/ აღმოსავლეთ ევროპის ენერგოეფექტურობისა და გარემოს დაცვის საპარტნიორო ფონდის დახმარებით შეძენილი ავტობუსები უკვე ბათუმშია

ახალი ავტობუსების მეშვეობით გაუმჯობესდება ქალაქის მაცხოვრებლებისა და სტუმრების მომსახურების დონე, საზოგადოებრივი ტრანსპორტის სანდოობის, უსაფრთხოებისა და ეფექტიანობის ამაღლებისა და, ამავე დროს, გამონაბოლქვის შემცირების გზით, რაც ხელს შეუწყობს გარემოს გაჯანსაღებას.

20 ოქტომბერი 2020, 16:54

საზოგადოება

საბავშვო ბაღები, სადაც საარჩევნო უბნებია განთავსებული, 28 ოქტომბრიდან 2 ნოემბრის ჩათვლით დაიხურება

თბილისის საბავშვო ბაგა-ბაღების მართვის სააგენტოს გადაწყვეტილებით, ის საბავშვო ბაგა-ბაღები, რომელთა შენობებშიც საარჩევნო უბნებია განთავსებული, 28 ოქტომბრიდან 2 ნოემბრის ჩათვლით, არ იმუშავებს. საბავშვო ბაგა-ბაღების მართვის სააგენტოს ხელმძღვანელის, კახაბერ გვანცელაძის განცხადებით, არჩევნების მეორე დღეს, 2 ნოემბერს ყველა ასეთ ბაღში ჩატარდება მასშტაბური სადეზინფექციო სამუშაოები, იმისთვის, რომ 3 ნოემბერს სკოლამდელი აღზრდის დაწესებულებებმა სააღმზრდელო პროცესი კვლავ უსაფრთხო გარემოში განაახლონ.

მაია ცქიტიშვილი

20 ოქტომბერი 2020, 16:53

რეგიონი

მაია ცქიტიშვილი: 2012-2020 წლებში რეგიონული განვითარების ფონდის დაფინანსებით ათასობით ადგილობრივი მნიშვნელობის ინფრასტრუქტურული პროექტი განხორციელდა

„2012-2020 წლებში მუნიციპალური ბიუჯეტებით, რეგიონული განვითარების ფონდის დაფინანსებითა და სოფლის მხარდაჭერის პროგრამის ფარგლებში, ათასობით ადგილობრივი მნიშვნელობის ინფრასტრუქტურული პროექტი განხორციელდა. მხოლოდ 2013 – 2020 წლებში კი რეგიონებში განსახორციელებელი პროექტების ფონდიდან მილიარდ 750 მილიონი ლარი მიემართა მუნიციპალიტეტებში სხვადასხვა ტიპის მცირე მუნიციპალური ინფრასტრუქტურის განვითარებისთვის“.

რესტორანი

20 ოქტომბერი 2020, 16:51

ეკონომიკა

სარესტორნო ბიზნესის წარმომადგენლები სამუშაო საათების გაზრდას, საგადასახადო შეღავათებსა და სახელმწიფოს მხრიდან ბანკებთან შუამდგომლობას ითხოვენ

„ჩვენი მოთხოვნებია, შესაბამისი რეგულაციების დაცვით სამუშაო საათები გაიზარდოს, რათა სამუშაო ადგილების შენარჩუნება მოხდეს. სახელმწიფოს შუამდგომლობა ბანკებთან აუცილებელია, ასევე საგადასახადო წნეხი, რომელიც არსებობს და შესაძლებლობას არ აძლევს სექტორს იფუნქციონიროს COVID-ის პირობებში, მოიხსნას. გვაქვს გამოსავლის შესაძლებლობები, რომლებიც შეგვიძლია სახელმწიფოს შევთავაზოთ და რეალურად განვახორციელოთ პრემიერთან შეხვედრის შემდეგ. წინააღმდეგ შემთხვევაში, პრობლემა იმდენად დიდია 300 000 ადამიანი სამსახურს დაკარგავს და საერთოდ აღარ იარსებებს სარესტორნო სფერო“,- აღნიშნა ბურჯანაძემ.

WhatsApp

20 ოქტომბერი 2020, 16:49

ტექნოლოგიები

WhatsApp-ს ახალი ფუნქცია ემატება

პოპულარულ მესენჯერ WhatsApp-ს ახალი ფუნქცია ემატება. აპლიკაციის ახალი ვერსიის მომხმარებლებს კომპიუტერიდან აუდიო და ვიდეოზარების განხორციელება შეეძლებათ. ამის შესახებ გამოცემა WABetaInfo წერს.

სოსო ფხაკაძე

20 ოქტომბერი 2020, 16:48

ეკონომიკა

სოსო ფხაკაძე: ხელისუფლება, სავარაუდოდ, 200-ლარიანი დახმარების გაცემას გააგრძელებს

საქართველოს ბიზნეს-ასოციაციის პრეზიდენტი სოსო ფხაკაძე აცხადებს, რომ ხელისუფლება სავარაუდოდ, 200-ლარიანი დახმარების გაცემას გააგრძელებს. ამის შესახებ მან ბიზნეს სექტორის წარმომადგენლებისა და პრემიერ-მინისტრის შეხვედრის შემდეგ ჟურნალისტებს განუცხადა.

სოსო ფხაკაძე

20 ოქტომბერი 2020, 16:45

ეკონომიკა

სოსო ფხაკაძე: ბიზნესმა პრემიერთან ორი მოთხოვნა დააყენა, საგადასახადო შეღავათები და სამუშაო ადგილების შენარჩუნება

საქართველოს ბიზნეს ასოციაციის პრეზიდენტის სოსო ფხაკაძის განცხადებით, კერძო სექტორმა პრემიერ-მინისტრს შეხვედრაზე ორი მოთხოვნით მიმართა. ამის შესახებ მან გიორგი გახარიასთან შეხვედრის დასრულების შემდეგ, მთავრობის ადმინისტრაციაში გამართულ ბრიფინგზე განაცხადა. მისი თქმით, ორივე საკითხი სამუშაო ადგილების შენარჩუნებას ეხება.

20 ოქტომბერი 2020, 16:44

COVID19

იტალიის ხელისუფლებამ ლომბარდიის რეგიონში კომენდანტის საათი აამოქმედა

იტალიაში, ლომბარდიის რეგიონში კომენდანტის საათი ამოქმედდა. ადგილობრივი დროით, 23:00 საათზე იქ კომერციული საქმიანობა შეწყდება, ადგილობრივი მოსახლეობა კი დილის 5 საათამდე, სახლის დატოვებას მხოლოდ საპატიო მიზეზით შეძლებენ. შეზღუდვები 13 ნოემბრამდე იმოქმედებს.

20 ოქტომბერი 2020, 16:39

COVID19

ბელგიის ხელისუფლებამ კორონავირუსის საკითხებში სამთავრობო კომისარი დანიშნა

ბელგიის ხელისუფლებამ კორონავირუსის საკითხებში სამთავრობო კომისარი დანიშნა. მთავრობამ განმარტა, რომ ახალი პოსტის შემოღების აუცილებლობა კორონავირუსის მეორე ტალღამ და მჭიდრო კოორდინაციის აუცილებლობამ გააჩინა. კოვიდ-19-ის საკითხებში კომისარი 39 წლის პედრო ფაკონია. ფაკონი ამბობს, რომ ხარვეზები ჯერ კიდევ არის, მაგრამ ბელგია გაცილებით კარგად არის მომზადებული მეორე ტალღისთვის.