მეუფე იაკობი: ამბობენ, თითქოს, ეკლესია და სახელმწიფო რაღაცაზე შევთანხმდით, გარეჯს რომ ვინმე აბრუნებდეს, იმის მხარეს დავდგებოდი, რუკის გამო არსად არ დავდგები

„გარეჯს რომ ვინმე აბრუნებდეს, იმის მხარეს დავდგებოდი, აფხაზეთს რომ გვიბრუნებდნენ, დავდგებოდი მის მხარეს, მაგრამ მე თუ დღეს რაღაც აზრი მაქვს, რუკის გამო არსად არ დავდგები, - ამის შესახებ ბოდბელმა ეპისკოპოსმა, მეუფე იაკობმა ქადაგებისას განაცხადა.

მეუფე იაკობის განცხადებით, სასიხარულოა, რომ იპოვეს რუკა, რომლითაც უნდა იხელმძღვანელონ, თუმცა, ეს იმას არ ნიშნავს, რომ ეკლესია ვინმეს მხარეს დაიჭერს.

მისი თქმით, თუ ქვეყანაში რაიმე ხდება, პოლიტიკური ძალები და ტელევიზიები ყველაფერს არჩევნებს უკავშირებენ

„უდანაშაულობის პრეზუმფცია არ უნდა დავარღვიოთ, არ უნდა ვეძახოთ მოღალატე, მალე გამოჩნდება შეგნებულად, თუ რის გამო კეთდებოდა. კომისია რასაც აკეთებდა, ეს არის უგულობა, როდესაც არ შეგიძლია წადი, გვერდზე გადი და ნუ იქნება იმ საქმეში, რაც შენი საქმე არ არის. არ დააბრალო, რომ ხელმძღვანელობა მყავდა. მე თუ რამეს ვერ გავაკეთებ, ჩემი ბრალი იქნება. რამე თანამდებობაზე თუ ვიქნები და ვერ გავაკეთებ, ჩემი ბრალი იქნება.

ოღონდ ეკლესიას აგინონ, იმასაც იძახიან, თითქოს ეკლესია და სახელმწიფო რაღაცაზე შევთანხმდით და იმის გამო, რომ რუკა იპოვეს, მხარი უნდა დავუჭიროთ. ეს არის მხოლოდ რუკა, მადლობა რომ დღეს გამოჩნდა.

გარეჯს რომ ვინმე აბრუნებდეს, იმის მხარეს დავდგებოდი, აფხაზეთს რომ ვინმე აბრუნებდეს, იმის მხარეს დავდგებოდი, რუკის გამო არსად არ დავდგები. ძაბავენ სიტუაციას, მოვა დრო, დაჯდება ორივე მხარე და ორივე მხარესთვის დადებითად გადაწყდება - ქართველებიც გაიხარებენ და აზერბაიჯანელებიც. ტყუილად ძაბავენ სიტუაციას, თორემ აზერბაიჯანული მხარე განაცხადებდა, არ გაუჭირდებოდა ამის თქმა.

თითოეულ კაცს რომ დასდევენ იმიტომ, რომ პოლიტიკური სარჩული მოუძებნონ, ეს ძალიან ცუდია. ჩვენ არავის მხარეს არ ვიჭერთ და თავი გაგვანებონ, მართლა ნუ გვაიძულებენ მხარე დავუჭიროთ. გადახედონ, ვისაც მხარს ვუჭერდით მათ „სასიკეთოდ“ არ მთავრდებოდა არასდროს, ამიტომ თავი გაგვანებონ.

ნახეს ის რუკა, რომლითაც უნდა იხელმძღვანელონ, მარტივი გასაგებია. მარტივად გეტყვით - რომელი რუკითაც იხელმძღვანელეს, აღმოჩნდა, რომ ქედი იყო გაყოფილი, რაღაც მეტრები იქეთ რჩებოდა და მოხდა რა? როდესაც პროფესიონალი ხარ, რაღაც თანამდებობაზე ხარ, ყოველთვის უნდა შეგეძლოს იმის განსაზღვრა, რას რა მოჰყვება. როდესაც იმ რუკას იყენებ, რომელიც იმ მიწას სადავოს არ ხდის და იქეთ არის, საზღვარი აქეთ გამოდის, ჩემი ბრალია?!“, - განაცხადა მეუფე იაკობმა.