imedi /  20 ოქტომბერი 2020, 19:57 / სანდო წყარო

ეკატერინე ტიკარაძე: ჯანდაცვის სისტემის მდგრადობა და ექიმებისთვის ღირსეული პირობების შექმნა ძალიან მნიშვნელოვანია

ეკატერინე ტიკარაძე

ეკატერინე ტიკარაძე

ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრმა ეკატერინე ტიკარაძემ, რუსთავში, 2020 წლის საარჩევნო პროგრამის ჯანმრთელობისა და სოციალური დაცვის პოლიტიკის შესახებ ისაუბრა

მინისტრმა ჯანმრთელობისა და სოციალური დაცვის პროგრამული მიმართულებებზე ისაუბრა, ყურადღება გაამახვილა ჯანდაცვის სისტემის სამომავლო პოლიტიკასა და პაციენტის უფლებების დაცვაზე, რაც მინისტრის განცხადებით, მომსახურების მაღალ ხარისხსა და ხელმისაწვდომობას გულისხმობს. ეკატერინე ტიკარაძის თქმით, მოქალაქეებმა ჯანდაცვაზე ხელმისაწვდომობა სახელმწიფოს ფინანსური მხარდაჭერით, მომსახურების ადეკვატური ღირებულებით და ფასების გამჭვირვალობით უნდა იგრძნონ. მდგრადი განვითარების პროგრამის პრეზენტაციაზე ჯანდაცვის მინისტრმა აღნიშნა, რომ ქვეყნის წარმატებას მნიშვნელოვნად განსაზღვრავს მოსახლეობის ჯანმრთელობის სტატუსი. მინისტრის განცხადებით, რესურსები მიმართული იქნება პრევენციისა და პირველადი ჯანდაცვის სისტემური რეფორმის განხორციელებაზე. უწყების პირველი პირის განცხადებით, რეფორმის ფარგლებში ჯანდაცვის სამინისტრო 100-მდე ამბულატორიის აღჭურვას ახორციელებს.

„ჯანდაცვის სისტემის მდგრადობა და ექიმებისთვის ღირსეული პირობების შექმნა ძალიან მნიშვნელოვანია. მთავარი ხაზი პაციენტზე გადის, რისთვისაც ჩვენ პროფესიონალი ექიმები გვესაჭიროება. მომდევნო 4 წლის განმავლობაში , მოქალაქეებს მაღალი ჯანდაცვის სისტემას მივაწვდით. საყოველთაო ჯანდაცვას, კი უნივერსალურ და ხარისხიან ჯანდაცვად გარდავქმნით. რაც შეეხება პირველად ჯანდაცვას, სახელმწიფო და სამინისტრო 100-მდე ამბულატორიის აღჭურვას ახორციელებს, რომელიც მომავალში აუცილებლად გაგრძელდება“, - განაცხადა ტიკარაძემ.

მინისტრის განცხადებით, მომსახურების ხარისხის უზრუნველყოფისთვის სახელმწიფოს დაგეგმილი აქვს კომპლექსური ღონისძიებები - მაღალი დონის კლინიკურ სტანდარტებთან შესაბამისობა, ინოვაციური ტექნოლოგიების დანერგვა და სამედიცინო განათლების მიმართულების გაძლიერება. პრეზენტაციაზე ჯანდაცვის მინისტრმა სოციალური კეთილდღეობასა და სოციალურ დაცვაზეც ისაუბრა და აღნიშნა, რომ სახელმწიფო მოქალაქეებს დასაქმებისა და პროფესიული განვითარების ხელშეწყობას შესთავაზებს. მინისტრის თქმით, საკანონმდებლო მექანიზმების საფუძველზე ასაკობრივი პენსიის ოდენობის ზრდა უწყვეტ რეჟიმში გაგრძელდება. რაც შეეხება სოციალურ დაცვას, ეკატერინე ტიკარაძის განცხადებით, მთავრობის ერთ-ერთი მთავარი პრიორიტეტი ოჯახის გაძლიერება, ბავშვების საჭიროებებზე მორგებული ახალი სერვისების დანერგვა და სოციალური მუშაკის სერვისის განვითარებაა.

„რაც შეეხება სოციალურ დაცვას, ქვეყანაში არაერთი მოქალაქე გვყავს , რომლებსაც სოციალური მხარდაჭერა ესაჭიროება. ამ კომპონენტში ჩვენ მხოლოდ ფინანსურ მხარდაჭერას არ ვგულისხმობთ, ჩვენ მოქალაქეების საჭიროებებს ვითვალისწინებთ. აქედან გამომდინარე, გვაქვს კონკრეტული გეგმა“, -განაცხადა ტიკარაძემ.

პრეზენტაციაზე მინისტრმა შრომის პირობებისა და უფლებების დაცულობაზეც ისაუბრა. ჯანდაცვის მინისტრის განცხადებით, შრომითი უფლებების მიმართულებით მნიშვნელოვანი ცვლილელებების განხორციელება იგეგმება, რის შედეგადაც ახლებურად მოწესრიგდება ისეთი მნიშვნელოვანი საკითხები როგორიცაა შრომითი დისკრიმინაცია, შვებულება და შრომის ანაზღაურება.

„რაც შეეხება შრომით უსაფრთხოებას , მისი როლი პანდემიის პირობებში ყველაზე მკვეთრად გამოიხატა, თუ რამდენად მნიშვნელოვანია ადამიანების მუშაობა დაცულ გარემოში და როგორ აისახება ეს მათ ჯანმრთელობაზე. ჩვენ ამ მიმართულებით საკმაოდ დიდი მიღწევები გვაქვს - სამშენებლო სექტორში მნიშვნელოვნადაა შემცირებული ლეტალობა და ფიზიკური დაზიანებები. დარწმუნებული ვარ , რომ ყველა ჩვენი მოქალაქისთვის უსაფრთხო სამუშაო გარემოს უზრუნველვყოფთ. ეს ყველა სახელმწიფოს ვალდებულებაა“-აღნიშნა ეკატერინე ტიკარაძემ მდგრადი განვითარების პროგრამის პრეზენტაციაზე ჯანდაცვის მინისტრმა აღნიშნა, რომ მთავრობის ერთ-ერთი მთავარი პრიორიტეტი მოსახლეობის დასაქმების ხელშეწყობა და შრომის ბაზრის აქტიურ პოლიტიკის გატარებაა. სწორედ ამიტომ, მინისტრის განცხადებით, მოსახლეობის, მათ შორის რთულად დასაქმებადი ჯგუფების ხელშეწყობის მიზნით შეიქმნა უშუალოდ დასაქმებაზე ორიენტირებული უწყება - დასაქმების ხელშეწყობის სააგენტო, რომელიც წარმოადგენს მნიშვნელოვან გამტარს დამსაქმებელსა და სამუშაოს მაძიებელს შორის. ეკატერინე ტიკარაძეს განცხადებით, განსაკუთრებული აქცენტი გაკეთდება სოციალურად დაუცველ და მრავალშვილიან ოჯახებზე.

„დასაქმების კომპონენტი უპირველესია როგორც ჩვენი მოქალაქეების ოჯახებისთვის, ასევე სახელმწიფოსთვის. ამ მიმართულებით ჩვენ ვცდილობთ დავნერგოთ სხვადასხვა პროგრამები. დღეს დასაქმება სოციალური დახმარების მოხსნის მიზეზი აღარ არის. ჩვენი მიზანი მოქალაქეების ხანგრძლივი და სტაბილური დასაქმებაა“, - განაცხადა ეკატერინე ტიკარაძემ პრეზენტაციაზე მინისტრმა იძულებით გადაადგილებულ პირებზეც ისაუბრა და აღნიშნა, რომ დევნილთა საკითხები სახელმწიფოსთვის ერთ-ერთ ყველაზე საპასუხისმგებლო მიმართულებას წარმოადგენს. ეკატერინე ტიკარაძემ ხაზგასმით აღნიშნა, რომ საცხოვრებლით დაკმაყოფილების პროცესი კიდევ უფრო აქტიური ტემპით გაგრძელდება. მისივე თქმით, მიმდინარე წლის ბოლომდე 1 547 დევნილი ოჯახის ახალაშენებული საცხოვრებელი ფართებით უზრუნველყოფაა დაგეგმილი.

„ვიცით რა პირობების დატოვება მოუწიათ დევნილებს და ეს ყველას ტკივილია. ამ მიმართულებით არაერთი მნიშვნელოვანი პროექტი განვახორციელეთ. ჩვენ გვაქვს ვალდებულება დევნილი მოქალაქეების წინაშე. იძულებით გადაადგილებულ პირებს წლის ბოლომდ 1547 ბინას კიდევ გადავცემთ. შემდეგი 4 წლის განმავლობაში ჩვენი პროგრამა უპრეცედენტო იქნება და 13 000-ზე მეტ დევნილ მოქალაქეს განვასახლებთ“, - განაცხადა ტიკარაძემ.

მინისტრის განცხადებით, აღნიშნული პრიორიტეტები საზოგადოებამდე ხარისხიანი სერვისების სახით იქნება მიწოდებული.

ყველა სიახლე

დონალდ ტრამპი

27 ნოემბერი 2020, 20:25

მსოფლიო

დონალდ ტრამპი: ბაიდენი თეთრ სახლში პრეზიდენტის რანგში შესვლას მხოლოდ მაშინ შეძლებს, როდესაც დაამტკიცებს, რომ „80 მილიონი ხმა“ თაღლითურად არ მიიღო

აშშ-ის პრეზიდენტმა, დონალდ ტრამპმა ჯო ბაიდენის თეთრ სახლში პრეზიდენტის რანგში შესვლის პირობა დაასახელა.

ილია მეორე

27 ნოემბერი 2020, 20:23

საზოგადოება

ილია მეორე მრევლს მიმართავს

საპატრიარქო საქართველოს კათოლიკოს-პატრიარქის, ილია მეორის მრევლისადმი მიმართვას ავრცელებს. „ეპიდემიის მიზეზით შექმნილი ვითარების გამო, სასულიერო პირებს ეძლევათ ლოცვა-კურთხევა, იკონომიის წესით, საჭიროებისამებრ, მისცენ ნება მორწმუნეთ რძის ნაწარმის გამოყენებისა და არ შეუქმნან მათ დაბრკოლება წმ.ზიარების მისაღებად“, - ნათქვამია პატრიარქის მიმართვაში.

27 ნოემბერი 2020, 20:17

ეკონომიკა

New York Times-ი „საპარტნიორო ფონდის“ მხარდაჭერით შექმნილი ქართული ღვინის გლობალური ბრენდის შესახებ სტატიას აქვეყნებს

„საპარტნიორო ფონდის“ მხარდაჭერით შექმნილი, აშშ-ის ბაზრისთვის მორგებული ქართული ღვინის გლობალური ბრენდის „Lost Eden“-ის პროდუქცია აშშ-ის ბაზარზე წარმატებით იმკვიდრებს ფეხს. ღვინის შესახებ ცნობილი გამოცემა „The New York Times“-ი სტატიას აქვეყნებს.

ბექა დოჭვირი

27 ნოემბერი 2020, 20:15

COVID19

ბექა დოჭვირი: რეგულაციები მიმართულია იქითკენ, რომ მოხდეს მოქალაქეების მობილობის შემცირება, იმისათვის, რომ შემცირდეს პანდემიის გავრცელება ქვეყნის ტერიტორიაზე

დღევანდელი რეგულაციები, რომელიც 28 ნოემბრიდან ამოქმედდება და 2 თვის განმავლობაში იმოქმედებს, მიმართულია იქითკენ, რომ მოხდეს მოქალაქეების მობილობის შემცირება, იმისათვის, რომ შემცირდეს პანდემიის გავრცელება ქვეყნის ტერიტორიაზე, - ამის შესახებ მთავრობის საპარლამენტო მდივანმა, ბექა დოჭვირმა განაცხადა. მისი თქმით, რეგულაციების შემოღებამდე მთავრობა კონსულტაციებს აწარმოებდა ყველა დაინტერესებულ მხარესთან და მაქსიმალურად მოხდა პოზიციების შეჯერება.

მოჰამედ ჯავად ზარიფი

27 ნოემბერი 2020, 20:12

მსოფლიო

ოფიციალური თეირანი ირანელი მეცნიერის მკვლელობაში ისრაელის კვალზე საუბრობს

ირანის საგარეო საქმეთა მინისტრი, მოჰამედ ჯავად ზარიფი აცხადებს, რომ სერიოზული მინიშნებები არსებობს იმის თაობაზე, რომ ისრაელს ირანელი ფიზიკოსის, მოჰსენ ფახრიზადეს მკვლელობასთან კავშირი აქვს.

ბექა დოჭვირი

27 ნოემბერი 2020, 20:07

ეკონომიკა

ბექა დოჭვირი მოქალაქეების და კერძო სექტორის მხარდაჭერის პაკეტებზე: ეს არის მინიმალური მხარდაჭერა მთავრობის მხრიდან

ეს არის მინიმალური მხარდაჭერა მთავრობის მხრიდან იმისთვის, რომ მოქალაქეებს შეუმსუბუქდეს წნეხი, რომელიც მათ პანდემიიდან გამომდინარე აქვთ, - ამის შესახებ მთავრობის საპარლამენტო მდივანმა, მთავრობის ადმინისტრაციის უფროსის მოადგილე ბექა დოჭვირმა განაცხადა.

აქსელ ფიშერი

27 ნოემბერი 2020, 19:58

პოლიტიკა

აქსელ ფიშერი: საქართველოს წინააღმდეგ წარმოებული ჰიბრიდული ომის პარალელურად რუსეთი ქვეყნის ორი რეგიონის ანექსიას განაგრძობს

გერმანიის ბუნდესტაგის წევრი აქსელ ფიშერი (ქრისტიან-დემოკრატიული პარტია-CDU) და გერმანულ-ქართული ფორუმის თავმჯდომარე, 2020 წლის 12 ივნისს, სოჭში შეხვედრის ფარგლებში, ვლადიმირ პუტინისა და აფხაზეთის საოკუპაციო რეჟიმის ლიდერის ასლან ბჟანიას შეთანხმებას ერთიანი სოციალურ-ეკონომიკური სივრცის შექმნასთან დაკავშირებით სოციალურ ქსელში ეხმაურება.

სვეტლანა ტიხანოვსკაია

27 ნოემბერი 2020, 19:44

მსოფლიო

სვეტლანა ტიხანოვსკაიამ უახლოეს მომავალში ჯო ბაიდენთან შეხვედრა დააანონსა

ბელარუსის ოპოზიციის ლიდერმა, სვეტლანა ტიხანოვსკაიამ უახლოეს მომავალში ჯო ბაიდენთან შეხვედრა დააანონსა.

ალეკო ელისაშვილი

27 ნოემბერი 2020, 19:42

პოლიტიკა

ალეკო ელისაშვილი: დაფინანსება მიღებული ხმების მიხედვით ანგარიშდება, შესაბამისად, თუ იღებ თანხას, აღიარებ ცესკოს დაწერილ შედეგს

პარტიებს დაფინანსება მიღებული ხმების მიხედვით უანგარიშდებათ, შესაბამისად, თუ იღებ თანხას, აღიარებ ცესკო-ს დაწერილ შედეგს, - ამის შესახებ Facebook-ზე „მოქალაქეების“ ლიდერი, ალეკო ელისაშვილი წერს.

27 ნოემბერი 2020, 19:28

COVID19

ქუთაისში კორონავირუსით ექიმი გარდაიცვალა

ქუთაისში COVID19-ით ექიმი ზურაბ არდაზიშვილი გარდაიცვალა. ის ტრავმატოლოგი იყო და ინტრვენციული მედიცინის ცენტრში მუშაობდა. არსებული ინფორმაციით, მას ვირუსი რამდენიმე დღის წინ დაუდასტურდა.

რაულ თუთარაული

27 ნოემბერი 2020, 19:19

სპორტი

რაულ თუთარაულმა ბრძოლა 14 წამში მოიგო

რაულ თუთარაულმა „ასა 114“-ის ორგანიზაციის ეგიდით პირველი ბრძოლა 14 წამში მოიგო. ქართველი მებრძოლის მეტოქე ბოსნიელი დრაგოლუბ სტანოიევიჩი იყო. მეტოქისთვის მიყენებული რამდენიმე უძლიერესი დარტყმის შემდეგ ექიმებმა ბოსნიელისთვის დახმარება სცადეს, თუმცა მან წამოდგომა ვეღარ შეძლო და ოქტაგონიც სამედიცინო პერსონალის დახმარებით დატოვა.

27 ნოემბერი 2020, 19:06

COVID19

Reuters: ჩრდილოეთ კორეელმა ჰაკერებმა კორონავირუსის ვაქცინის მწარმოებელ კომპანია AstraZeneca-ზე კიბერთავდასხმა განახორციელეს

ჩრდილოეთ კორეელმა ჰაკერებმა კორონავირუსის ვაქცინის მწარმოებელ კომპანია AstraZeneca-ზე კიბერთავდასხმა განახორციელეს. ინფორმაციას ამის შესახებ საინფორმაციო სააგენტო Reuters-ი წყაროებზე დაყრდნობით ავრცელებს.

მარიამ ქვრივიშვილი

27 ნოემბერი 2020, 19:05

პოლიტიკა

მარიამ ქვრივიშვილი: მჯერა, რომ ტურიზმი ისევ გახდება ქვეყნის ეკონომიკის მამოძრავებელი ინდუსტრია

„მთავარია ორი თვის განმავლობაში წარმატებულად ვმართოთ ის პროცესი, რომელსაც წარმატებულად შევეჭიდეთ და მჯერა, რომ ტურიზმი ისევ გახდება ქვეყნის ეკონომიკის მამოძრავებელი ინდუსტრია“, - ამის შესახებ ტელეკომპანია „იმედის“ ეთერში, გადაცემა „დღის ქრონიკაში“ქართული ოცნების“ პარტიული სიის წევრმა მარიამ ქვრივიშვილმა განაცხადა.

ხატია დეკანოიძე

27 ნოემბერი 2020, 18:50

პოლიტიკა

ხატია დეკანოიძე: თუ ოპოზიციური პარტიები დაფინანსებას არ მიიღებენ, ეს ფული კორუფციაში გაიფლანგება

თუ ოპოზიციური პარტიები საბიუჯეტო დაფინანსებას არ მიიღებენ, ეს ფული კორუფციაში გაიფლანგება, - ამის შესახებ Facebook-ზე „ნაციონალური მოძრაობის“ ერთ-ერთი ლიდერი ხატია დეკანოიძე წერს.

27 ნოემბერი 2020, 18:36

მსოფლიო

ირანული მედია: ირანის ბირთვული იარაღის პროექტის ხელმძღვანელი თეირანის მახლობლად მოკლეს

ირანული მედიის ინფორმაციით, ირანელი ფიზიკოსი, მოჰსენ ფახრიზადე, რომელიც ირანის ბირთვული იარაღის პროექტის ხელმძღვანელად მიიჩნევა, თეირანის მახლობლად მოკლეს.

მარიამ ქვრივიშვილი

27 ნოემბერი 2020, 18:34

ეკონომიკა

მარიამ ქვრივიშვილი: ჩვენი მთავარი მისიაა გვერდში დავუდგეთ ეკონომიკის იმ დარგებს, რომლებიც სამუშაო ადგილებს ქმნიან

ჩვენი მთავრი მისია დღეს ისაა, რომ მხარში დავუდგეთ იმ ეკონომიკურ დარგებს, რომელიც პირველ რიგში ქმნიან სამუშაო ადგილებს, - ეს განცხადება ტელეკომპანია „იმედის“ ეთერში გადაცემა „დღის ქრონიკაში“ „ქართული ოცნების“ პარტიული სიის წევრმა მარიამ ქვრივიშვილმა გააკეთა.

მარიამ ქვრივიშვილი

27 ნოემბერი 2020, 18:25

ეკონომიკა

მარიამ ქვრივიშვილი: დღეს გვაქვს ორი მთავარი ამოცანა - შევასუსტოთ ვირუსის გავრცელება და გვერდში დავუდგეთ ბიზნესს

დღეს ქვეყანაში უკვე 4700-ზე მეტი ინფიცირებული გამოვლინდა და ახლა აუცილებელია, შევასუსტოთ ვირუსის გავრცელების ტემპი. სამწუხაროდ, ეს შეზღუდვები ნეგატიურად აისახება ბიზნესსა და უშუალოდ დასაქმებულებზე. დღეს გვაქვს ორი მთავარი ამოცანა - შევასუსტოთ ვირუსის გავრცელება და გვერდში დავუდგეთ ბიზნესს, რომელსაც პანდემიამ ზიანი მიაყენა, - ამის შესახებ ტელეკომპანია „იმედის“ გადაცემაში „დღის ქრონიკა“ „ქართული ოცნების“ პარტიული სიის წევრმა, მარიამ ქვრივიშვილმა განაცხადა.

27 ნოემბერი 2020, 18:21

რეგიონი

ანანურში ტურისტული ინფრასტრუქტურის მოწყობის მეორე ეტაპის სამუშაოები მიმდინარეობს

პროექტის ფარგლებში მოეწყო საფეხბურთო მოედანი და კალათბურთის კორტები, ორი ფრენბურთისა და ერთი საბავშვო გასართობი მოედანი. იგეგმება ფანჩატურების განლაგება , გაკეთდება გასახდელები, დაცვისა და ტექნიკური ოთახები, განთავსდება ბიოტუალეტები. სკვერში მოეწყო ბილიკები, გარე განათების სისტემა, სასმელი წყლის ფანტანები, სანაპირო ზოლზე კი - პლაჟი. სკვერს ექნება საკუთარი ავტოპარკინგი.

გიორგი ახვლედიანი

27 ნოემბერი 2020, 18:19

პოლიტიკა

გიორგი ახვლედიანი: ამ პროცესში ელისაშვილი და „გირჩი“ გაცილებით თანმიმდევრული ჩანან

უკვე აღარ არსებობს კვალიფიციური სუბიექტი, არსებობს საპარლამენტო სუბიექტი. როდესაც ოპოზიცია ამბობს, რომ არ აღიარებს არჩევნებს, არ აღიარებენ, რომ მათ აიღეს ამდენი ხმა, არ აღიარებენ შედეგებს, მაგრამ ითხოვენ ფულს. არ აღიარებენ შედეგებს, ითხოვენ ფულს და თანაც იმდენს, რამდენი ხმაც მიიღეს, - ამის შესახებ პოლიტიკის ექსპერტმა, გიორგი ახვლედიანმა „დღის ქრონიკაში“ განაცხადა. „ის ვინც არ ითხოვს, მაგალითად ელისაშვილი ან „გირჩი“, ისინი გაცილებით თანმიმდევრული ჩანან ამ სიტუაციაში. თუ არ ვაღიარებ იმას, რომ 1% მაქვს, გასაგებია უტყდებათ, რომ 1% აქვთ, რთულია ამის აღიარება, ხალხს რომ უმტკიცებ, პრემიერ მინისტრი უნდა გავხდეო და თურმე 3% გაქვს. და როდესაც ამბობ, რომ კი, მე არ მაქვს ეს 3% მაგრამ 3%-ის ფული მომეცი, ირიბად კი არა პირდაპირ აღიარებ შედეგს. და ვინც არ აკეთებს ამას, ის რა თქმა უნდა, უფრო თანმიმდევრულია“, - განაცხადა ახვლედიანმა

ალექსეი ნავალნი

27 ნოემბერი 2020, 18:16

მსოფლიო

ალექსეი ნავალნი: ევროკავშირმა ვლადიმერ პუტინის გარემოცვის წევრებს სანქციები უნდა დაუწესოს

რუსმა ოპოზიციონერმა, ალექსეი ნავალნიმ განაცხადა, რომ ევროკავშირმა ვლადიმერ პუტინის გარემოცვის წევრებს სანქციები უნდა დაუწესოს.