08 თებერვალი 2021, 16:10 / სანდო წყარო

განათლების სამინისტრო სკოლებისთვის ახალ რეკომენდაციებს ავრცელებს

15 თებერვლიდან საქართველოს მთელ ტერიტორიაზე, მათ შორის, თბილისში, რუსთავსა და ქუთაისში, სასწავლო პროცესის საკლასო ოთახებში გაგრძელებასთან დაკავშირებით საქართველოს განათლების, მეცნიერების, კულტურისა და სპორტის სამინისტრომ სკოლებისთვის რეკომენდაციები განაახლა.

აღნიშნული რეკომენდაციები, ჯანდაცვის სამინისტროს მიერ დადგენილ შესაბამის რეგულაციებთან ერთად, სამინისტრომ ქვეყნის მასშტაბით, ყველა ზოგადსაგანმანათლებლო დაწესებულების ადმინისტრაციას მიაწოდა. სკოლები მოკლე ტექსტური შეტყობინებისა და ელექტრონული ფოსტის მეშვეობით უზრუნველყოფენ მოსწავლეთა მშობლების ინფორმირებას.

„ამ გზით, ყველა მხარეს ექნება ინფორმაცია იმის თაობაზე, თუ რა ღონისძიებებს ახორციელებს სკოლა Covid-19-ის პანდემიის გამოწვევების საპასუხოდ, როგორც სასწავლო პროცესის ორგანიზებასთან, ასევე სკოლაში არსებულ სანიტარულ-ჰიგიენურ ნორმებთან დაკავშირებით. სკოლებში უსაფრთხო საგანმანათლებლო გარემოს შექმნის მიზნით, სამინისტროს ინიციატივით, სკოლებს მშობლებთან კომუნიკაციის სტრატეგიის შემუშავება და დამტკიცება დაევალა“ - აღნიშნულია სამინისტროს განცხადებაში.

უწყება განმარტავს, რომ ეს საშუალებას მისცემს მშობლებს, ყველა ხელმისაწვდომი საკომუნიკაციო საშუალებით (სკოლის Facebook-ის გვერდი, ელფოსტა, მოკლე ტექსტური შეტყობინება, TEAMS-ის პროგრამა, ბანერები, საინფორმაციო შეხვედრები), სისტემატურად მიიღონ ინფორმაცია ისეთ მნიშვნელოვან საკითხებზე, როგორიცაა:

🔹 სკოლის სპეციალური აღჭურვილობებით, დეზობარიერებით, სადეზინფექციო საშუალებებით, პირბადეებითა და უკონტაქტო თერმომეტრებით უზრუნველყოფა

🔹 სკოლის მოვლა-პატრონობისა და დალაგება-დასუფთავების მიზნით გატარებული ღონისძიებები

🔹 სკოლაში სველი წერტილების მდგომარეობა

🔹 საკლასო ჯგუფების ცვლებში განაწილება, მიმდინარე საგაკვეთილო ცხრილი და სსსმ მოსწავლეებისთვის რესურს ოთახით სარგებლობის განრიგი

🔹 სკოლის ეზოსა და შენობაში მოსწავლეთა ნაკადების შესვლის, გასვლისა და გადაადგილების ორგანიზება

🔹 თერმოსკრინინგის უზრუნველყოფა

🔹 სკოლის პერიმეტრზე პირბადის ტარებასთან დაკავშირებული მოთხოვნები

🔹 დისტანციური სწავლების მოთხოვნა საჯარო სკოლის მოსწავლეებისთვის

🔹 სკოლის პერსონალის სავალდებულო ტესტირება

🔹 მშობლებთან კომუნიკაციისთვის გამოყოფილი დრო და ფორმატი.

სამინისტრო მოუწოდებს მშობლებს, ყურადღებით გაეცნონ სკოლის მიერ მიწოდებულ ინფორმაციას და ზედმიწევნით დაიცვან შესაბამისი რეკომენდაციები:

🔹 სკოლაში წასვლამდე აკონტროლონ მოსწავლის ტემპერატურა

🔹 ცხელების ან სხვა სიმპტომების გამოვლენისთანავე დროულად მიაწოდონ სკოლას ინფორმაცია

🔹 უზრუნველყონ მოსწავლის დროული გამოცხადება სკოლაში

🔹 ცხელების დაფიქსირების შესახებ შეტყობინების მიღებისთანავე, უმოკლეს ვადაში უზრუნველყონ მოსწავლის სკოლიდან წაყვანა

🔹 დაესწრონ სკოლის მიერ ორგანიზებულ საინფორმაციო ონლაინ შეხვედრებს.

აღსანიშნავია, რომ მოსწავლეთა მშობლებს კვლავ ეძლევა შესაძლებლობა, გააკეთონ არჩევანი დასწრებით სწავლებასა და დისტანციური სწავლების ფორმას შორის. აღნიშნული მიდგომა მხოლოდ თბილისის, ქუთაისის, რუსთავის, ზუგდიდის, თელავის, ზესტაფონის, გარდაბნის, ფოთის, მარნეულის, ბათუმის, ქობულეთისა და გორის საჯარო სკოლებს შეეხება.

ამასთან, მთელი ქვეყნის მასშტაბით, სამინისტრო შესაძლებლობას აძლევს რისკჯგუფში მყოფ მასწავლებლებს, შესაბამისი სამედიცინო დასკვნის საფუძველზე, სკოლის ადმინისტრაციაში განაცხადონ მუშაობის დისტანციურ ფორმატში გაგრძელების თაობაზე. ასეთ შემთხვევაში, სკოლას აქვს შესაძლებლობა, კონკრეტული საგანი გადაიტანოს დისტანციურ ფორმატში, ან პედაგოგი სხვა მასწავლებლით ჩაანაცვლოს. მნიშვნელოვანია, რომ აღნიშნული პროცესი მასწავლებლის უფლებების გათვალისწინებითა და მასთან შეთანხმებით წარიმართოს.

საქართველოს მასშტაბით სკოლებში უკვე მიმდინარეობს მასწავლებელთა და სკოლის ადმინისტრაციული პერსონალის მინიმუმ 20%-ის სავალდებულო სისტემატური ტესტირება, 2 კვირაში ერთხელ ჯანდაცვის სამინისტროსთან ერთად შემუშავებული პროტოკოლის საფუძველზე.

აღსანიშნავია, რომ ძალაში რჩება 2020-2021 სასწავლო წლის დასაწყისში სამინისტროს მიერ გაცემული რეკომენდაციები სასწავლო პროცესის ორგანიზებასთან დაკავშირებით. კერძოდ, სკოლას შეუძლია თავად განსაზღვროს: გაკვეთილის ხანგრძლივობა, საგაკვეთილო პროცესის დაწყების დრო საფეხურების/კლასების მიხედვით, მოქნილად დაგეგმოს ცვლები, მოსწავლეების უსაფრთხოებისა და სკოლის ინფრასტრუქტურის გათვალისწინებით დაგეგმოს შერეული სწავლების საკუთარი მოდელი, შერეული მოდელის დაგეგმვისას I-IV კლასის მოსწავლეებისთვის სავალდებულოდ განსაზღვროს ფიზიკურად სასკოლო სივრცეში გაკვეთილების ჩატარება.

ყველა სიახლე

თამთა მეგრელიშვილი

01 მარტი 2021, 17:23

პოლიტიკა

თამთა მეგრელიშვილი: ახალი და საინტერესო ინფორმაცია მომივიდა „გლავკანალიდან“- სააკაშვილს მძიმე საუბარი ჰქონია გვარამიასთან, არ გამოიყენეთ სწორად და კარგად ნამახვანის საპროტესტო აქციაო

მიშა სააკაშვილს, რბილად რომ ვთქვათ, მძიმე საუბარი ქონია გვარამიასთან და უხეშად საყვედურობდა, არ გამოიყენეთ სწორად და კარგად ნამახვანის საპროტესტო აქცია, არც იმას მიაქციეთ ყურადღება რომ მე სპეციალური განცხადებით გამოვეხმაურე და ზოგადად ამ თემას რომ არ მიაქციეთ ყურადღება სათანადო, ლუზერები ხართო, - ამის შესახებ იურისტი, თამთა მეგრელიშვილი სოციალურ ქსელში წერს.

01 მარტი 2021, 17:22

პოლიტიკა

მამუკა ხაზარაძე: წინააღმდეგი ვარ გზის გადაკეტვის მაშინ, როცა ამის საჭიროება არაა - ეს მოსახლეობას დისკომფორტს უქმნის

„როცა ოპოზიცია სპონტანურად ან დაგეგმილად იკრიბება, გარდაუვალი ხდება ქუჩის გადაკეტვა და ეს გრძელდება, ბუნებრივია, პროცესი უმართავი ხდება. ამ დროს, პროტესტი გამოხატვა უკვე სხვა ამბავში გადადგის. მაგრამ თუ ამის საჭიროება არაა და სავალი გზა ერთი ან ორი კარვით იკეტება მაშინ, როცა ტრანსპორტი სულ ორი დღის წინ გაიხსნა და ეს ჩვენს ისედაც გაჭირვებულ მოსახლეობას დისკომფორტს უქმნის, ამის წინააღმდეგი ვარ“ - აღნიშნა მამუკა ხაზარაძემ.

გიორგი ვაშაძე

01 მარტი 2021, 17:07

პოლიტიკა

გიორგი ვაშაძე: ჩვენი მხრიდან კომპრომისი რიგგარეშე არჩევნების ნაცვლად პლებისციტზე თანხმობა იქნება

„ჩვენს მხარესთან იყო თხოვნა, რომ, რა თქმა უნდა, უნდა ვიყოთ გარკვეულწილად კომპრომისულები. ჩვენ კომპრომისის მაგალითი ვთქვით, რომ რიგგარეშე არჩევნების ნაცვლად შეგვიძლია წავიდეთ პლებისციტზე. ჩემი აზრით, ეს ფუნდამენტური და დიდი კომპრომისია, რომელიც ოპოზიციას გაცხადებული აქვს. აქედან გამომდინარე, შევხედოთ, რა გზით წავა მოლაპარაკების პროცესი“, - განაცხადა ვაშაძემ.

ნიკოლა სარკოზი

01 მარტი 2021, 17:06

მსოფლიო

სასამართლომ ნიკოლა სარკოზი დამნაშავედ ცნო და 3 წლით თავისუფლების აღკვეთა მიუსაჯა

სასამართლომ ნიკოლა სარკოზი დამნაშავედ ცნო კორუფციასა და სამსახურებრივი უფლებამოსილების ბოროტად გაყიდვაში. სასამართლომ მას 3 წლით თავისუფლების აღკვეთა მიუსაჯა. აქედან ორი წლით თავისუფლების აღკვეთა პირობით სასჯელს გულისხმობს.

თამარ ქიტიაშვილი

01 მარტი 2021, 17:05

საზოგადოება

პრაქტიკული სწავლების განახლების პარალელურად პროფესიული კოლეჯების მონიტორინგი სისტემატურად გაგრძელდება

სასწავლო პროცესის აუდიტორიაში განახლების პარალელურად, განათლების, მეცნიერების, კულტურისა და სპორტის სამინისტრომ მხარდაჭერაზე ორიენტირებული მონიტორინგის პროცესი დაიწყო. ამ მიზნით დღეს პროფესიულ კოლეჯ „იკაროსს“ მინისტრის მოადგილე თამარ ქიტიაშვილი ეწვია და პროფესიულ საგანმანათლებლო დაწესებულებებში არსებულ უსაფრთხოების ნორმებს ადგილზე გაეცნო.

01 მარტი 2021, 16:59

რეგიონი

გორის მუნიციპალიტეტის 5 საბავშვო ბაღში სწავლის პროცესი ვერ განახლდა

გორის მერი კონსტანტინე თავზარაშვილი, მოადგილესთან პაატა ივანიშვილთან და სკოლამდელი აღზრდის სააგენტოს ხელმძღვანელთან ლია კოვზიაშვილთან ერთად, სააღმზრდელო პროცესს #11 საბავშვო ბაღში გაეცნო. გორის მუნიციპალიტეტის ყველა სააღმზრდელო დაწესებულებაში სასწავლო პროცესი COVID19-ის გავრცელების პრევენციული ზომების დაცვით მიმდინარეობს.

01 მარტი 2021, 16:56

საზოგადოება

2021 წელს ფუნდამენტური კვლევების კონკურსისთვის 8 მილიონი ლარი გამოიყოფა

წინა წლებთან შედარებით, ეს თითქმის გაორმაგებული ბიუჯეტია, რაც საშუალებას მისცემს მეცნიერებს, უფრო აქტიურად ჩაერთონ საგრანტო კონკურსში. კონკურსს ადმინისტრირებას გაუწევს შოთა რუსთაველის საქართველოს ეროვნული სამეცნიერო ფონდი, რომელმაც კონკურსის მოსამზადებელი სამუშაო პროცესი უკვე დაასრულა.

01 მარტი 2021, 16:55

პოლიტიკა

პარლამენტი „გარემოსდაცვითი პასუხისმგებლობის შესახებ“ კანონპროექტს მიმდინარე კვირაში მესამე მოსმენით მიიღებს

„გარემოსდაცვითი პასუხისმგებლობის შესახებ“ კანონპროექტი და მისგან გამომდინარე 7 პროექტისაგან შემდგარი საკანონმდებლო პაკეტი განიხილა გარემოს დაცვისა და ბუნებრივი რესურსების კომიტეტმა დღევანდელ სხდომაზე, - ამის შესახებ ინფორმაციას საქართველოს პარლამენტის პრესსამსახური ავრცელებს. მათივე ინფორმაციით, კანონპროექტი ორი მოსმენით განხილულია IX მოწვევის პარლამენტში და დღეს ის მესამე მოსმენით განიხილეს.

01 მარტი 2021, 16:52

სამართალი

დიდი ოდენობით ქრთამის აღების ფაქტზე სამგორის გამგეობის თანამშრომელი დააკავეს

სახელწიფო უსაფრთხოების სამსახურის ანტიკორუფციული სააგენტოს თანამშრომლებმა, თბილისის მუნიციპალიტეტის მერიის შესაბამის სამსახურებთან თანამშრომლობით, დიდი ოდენობით ქრთამის მოთხოვნისა და აღების ფაქტზე, თბილისის მუნიციპალიტეტის მერიის სამგორის რაიონის გამგეობის თანამშრომელი დააკავეს.

მამუკა ხაზარაძე

01 მარტი 2021, 16:42

პოლიტიკა

მამუკა ხაზარაძე: ჩემი შეთავაზება იყო, რომ პროცესი მედიაციიდან გადავიდეს კონკრეტულ მოდერატორობაში

ქვეყანა გაყოფილია ორად, საზოგადოება დაპირისპირებულია და ამიტომ ერთადერთი გამოსავალი, მომავალში სახელმწიფოებრივი მშენებლობა რომ გავაგრძელოთ, რიგგარეშე არჩევნებია, - ამის შესახებ „ლელო საქართველოსთვის“ ლიდერმა მამუკა ხაზარაძე განაცხადა. მისი თქმით, ევროპული საბჭოს პრეზიდენტთან ოპოზიციის შეხვედრა საინტერესო იყო.

გიგა ბოკერია

01 მარტი 2021, 16:41

პოლიტიკა

გიგა ბოკერია: მნიშვნელოვანია, რომ შარლ მიშელმა ოპოზიციისგან მოისმინა როგორც დეტალები, ისე არგუმენტები

„ეს იყო ძალიან მნიშვნელოვანი შეხვედრა, ჩვენი სტრატეგიული პარტნიორი აშშ-თან ერთად არის ევროკავშირი და ამ რანგის თანამდებობის პირისთვის ძალიან მნიშვნელოვანი იყო ჩვენი ოპოზიციური დემოკრატიული სპექტრის მთლიანი შემადგენლობისგან მოესმინა ერთი გზავნილი - კრიზისი საქართველოში განიმუხტება მხოლოდ იმ შემთხვევაში, როდესაც პოლიტიკური დევნა შეწყდება და შესაძლებელი იქნება დასხდომა და საუბარი, როგორ მივდივართ ვადამდელ, თავისუფალ, სამართლიან არჩევნებამდე“, - განაცხადა გიგა ბოკერიამ.

01 მარტი 2021, 16:38

სამართალი

გარდაბანში, აფეთქების შედეგად, 15 წლის მოზარდი დაიღუპა

გარდაბანში, აფეთქების შედეგად, მოზარდი დაიღუპა. არსებული ინფორმაციით, 15 და 11 წლის მოზარდები სკოლიდან სახლში ბრუნდებოდნენ, რა დროსაც, სახლისკენ მიმავალ გზაზე, მინდორში, აფეთქება მოხდა. შედეგად, 15 წლის მოზარდი დაიღუპა, მეორე ბავშვის სიცოცხლეს საფრთხე არ ემუქრება.

ემანუელ მაკრონი

01 მარტი 2021, 16:35

COVID19

ემანუელ მაკრონი აცხადებს, რომ ქვეყანაში კომენდანტის საათის შენარჩუნება კიდევ 4-6 კვირის განმავლობაშია საჭირო

საფრანგეთის პრეზიდენტმა, ემანუელ მაკრონმა განაცხადა, რომ ქვეყანაში კომენდანტის საათის შენარჩუნება კიდევ 4-6 კვირის განმავლობაშია საჭირო.

გიორგი ვაშაძე

01 მარტი 2021, 16:35

პოლიტიკა

გიორგი ვაშაძე შარლ მიშელთან შეხვედრის შემდეგ: იყო თხოვნა, რომ ვიყოთ კომპრომისულები

ორი დღის წინ ვთქვი, რომ რამდენიმე კვირის განმავლობაში ველოდები, რომ შეთანხმება იქნება. ამ შეხვედრის შემდეგ ვიტყვი, რომ ვფიქრობ, ასეთი შეთანხმება იქნება მარტის ბოლომდე. რაღაც შეთანხმებამდე უნდა მივიდეთ, - ამის შესახებ გიორგი ვაშაძემ შარლ მიშელთან ოპოზიციის შეხვედრის შემდეგ განაცხადა. „სტრატეგია აღმაშენებლის“ ლიდერმა აღნიშნა, რომ ევროპული საბჭოს პრეზიდენტმა მხარეებს კომპომისის მოძებნისკენ მოუწოდა.

სალომე სამადაშვილი

01 მარტი 2021, 16:28

პოლიტიკა

სალომე სამადაშვილი: შარლ მიშელთან საფუძვლიანი საუბარი გვქონდა, თუ როგორ უნდა გაძლიერდეს ევროკავშირის როლი პოლიტიკური კრიზისის დაძლევაში

ჩვენი ევროპელი მოკავშირეებისა და სტრატეგიული პარტნიორების შეშფოთება ქვეყანაში შექმნილ ვითარებასთან დაკავშირებით არის უკიდურესად მაღალი, - ეს განცხადება „ნაციონალური მოძრაობის“ წევრმა სალომე სამადაშვილმა ევროპული საბჭოს პრეზიდენტთან შარლ მიშელთან ოპოზიციური პარტიების შეხვედრის დასრულების შემდეგ განაცხადა.

01 მარტი 2021, 16:26

სპორტი

საფეხბურთო კლუბ „ბარსელონას“ ოფისში პოლიცია შევიდა - დაკავებულია რამდენიმე ადამიანი

„ვაწარმოებთ ოპერაციას ფინანსური დანაშაულის განყოფილების აგენტებთან ერთად”, - აცხადებს პოლიციის წარმომადგენელი, თუმცა დაკავებულთა რაოდენობასა და მათ ვინაობას არ ასახელებს. კლუბი ადასტურებს, რომ მათ ცენტრალურ ოფისში პოლიციაა შესული, თუმცა დამატებით დეტალებს არ ასაჯაროებენ. გასულ წელს კლუბის პრეზიდენტმა, ხოსეპ მარია ბართომეუმ ​„ბარსელონაში“ თანამდებობა დატოვა. მისი გადადგომის ერთ-ერთ მიზეზად მკვეთრად გაუარესებული ფინანსური მდგომარეობა სახელდებოდა.

შარლ მიშელი

01 მარტი 2021, 16:24

პოლიტიკა

შარლ მიშელმა საქართველოში ევროკავშირის წარმომადგენლობის ახალი ოფისი გახსნა

ახალი ოფისები განთავსებულია თბილისში, ილია ჭავჭავაძის გამზირის 64 ბ ნომერში მდებარე თანამედროვე და ენერგოეფექტურ შენობაში. ოფისებში 60-ზე მეტი ადამიანი იმუშავებს. ინტერიერი გაფორმებულია საქართველოში წარმოებული ავეჯითა და ქართული დიზაინის ელემენტებით, რაც ხაზს უსვამს ევროკავშირსა და საქართველოს შორის არსებულ მჭიდრო კავშირებს.

ხათუნა სამნიძე

01 მარტი 2021, 16:17

პოლიტიკა

ხათუნა სამნიძე: დასავლეთი და ევროკავშირი არ აპირებენ, რომ ყურადღება მოადუნონ და მხოლოდ განცხადებებით შემოიფარგლონ

ევროკავშირი საკუთარ ძალიან დიდ როლს ხედავს იმაში, რომ ქვეყანაში შექმნილი პოლიტიკური კრიზისი აუცილებელია გადაწყდეს ისე, რომ პირველ რიგში ხელისუფლებამ გაიაზროს, რომ პირველი ტვირთი არის მასზე და შესთავაზოს ოპოზიციას კომპრომისები, - ამის შესახებ „რესპუბლიკური პარტიის“ ლიდერმა ხათუნა სამნიძემ, ევროპული საბჭოს პრეზიდენტ, შარლ მიშელთან გამართული შეხვედრის შემდეგ ჟურნალისტებთან საუბრისას განაცხადა.

იაგო ხვიჩია

01 მარტი 2021, 16:17

პოლიტიკა

იაგო ხვიჩიამ განმარტა, რატომ არ ესწრებოდა შარლ მიშელთან შეხვედრას

„ზურაბ ჯაფარიძე „გირჩის“ სახელით იყო წარმომადგენელი, ისევე როგორც ლიტველ პარლამენტის წევრთან შეხვედრაზე. როგორც ჩანს, საზოგადოებაში ჯერ არ არის დალექილი ის ამბავი, რომ ზურა ჯაფარიძე „გირჩს“ აღარ წარმოადგენს. აქედან გამომდინარე ჩვენ მოგვიბოდიშეს და გვითხრეს, რომ სხვა შემთხვევაში ამას გაითვალისწინებენ. ეს არ იყო ოპოზიციაზე დამოკიდებული. ეს პროტოკოლი შეთანხმებული იყო სტუმართან. ამ შემთხვევაში ჩვენ ვიცით, რას მოუყვებიან მას და ჩვენი პოზიციები საჯაროდ არის ცნობილი“, - განაცხადა იაგო ხვიჩიამ.

01 მარტი 2021, 15:53

სამართალი

ქარელში, მასწავლებელი მოსწავლის მიმართ გარყვნილი ქმედების ბრალდებით დააკავეს

მოსწავლის მიმართ გარყვნილი ქმედების ბრალდებით შიდა ქართლში მასწავლებელი დააკავეს, - ამის შესახებ „იმედინიუსს“ შინაგან საქმეთა სამინისტროში განუცხადეს.მომხდარზე გამოძიება სისხლის სამართლის კოდექსის 141-ე მუხლით მიმდინარეობდა, რაც გარყვნილ ქმედებას გულისხმობს.