imedi /  16 მაისი 2021, 13:26 / სანდო წყარო

ირაკლი შოთაძე: ეთერში გასული განზრახ დამახინჯებული ინფორმაცია ჩემი ოჯახის საკუთრებაში არსებულ უძრავ ქონებასთან დაკავშირებით მიზნად ისახავს საზოგადოების შეცდომაში შეყვანას და ჩემს პიროვნულ დისკრედიტაციას

 ირაკლი შოთაძე

ირაკლი შოთაძე

საქართველოს გენერალური პროკურორი ირაკლი შოთაძე ზოგიერთ მასმედიის საშუალებებში გასულ ინფორმაციას ეხმაურება. მისი თქმით გავრცელდა სრული დეზინფორმაცია და რეალობის გადამოწმების მიზნით მას არავინ არ დაკავშირებია.

როგორც შოთაძე განმარტავს, ინფორმაცია, რომ თითქოს ცაგარელის ქუჩაზე მდებარე სახლის რემონტში მილიონი ლარი დახარჯა, ტყუილია და სიმართლეს არ შეესაბამება. მისივე თქმით, სიუჟეტის ეთერში გასვლის შემდეგ მას სახლის რეალური მფლობელი დაუკავშირდა და აღმოჩნდა, რომ აღნიშნული ბინა ცაგარელის ქუჩის სულ სხვა მისამართზე მდებარეობს, როცა შოთაძის ბინის მისამართი 82 ნომერია.

„საზოგადოების ინფორმირების მიზნით, მსურს გამოვეხმაურო ზოგიერთ მასმედიის საშუალებებში გასულ განზრახ დამახინჯებულ ინფორმაციას ჩემი ოჯახის საკუთრებაში არსებულ უძრავ ქონებასთან დაკავშირებით. პირველ რიგში, ხაზი მინდა გავუსვა იმას, რომ არც ერთ ამ მედიასაშუალებას დამახინჯებული ფაქტის ანონსში გასვლამდე არ ჰქონია მცდელობა დამკავშირებოდა მე ან საზოგადოებასთან ურთიერთობის სამსახურს და სიუჟეტში გასული ინფორმაციის რეალობა გადაემოწმებინა, მხოლოდ გადაცემის ეთერში გასვლამდე ცოტა ხნით ადრე დაუკავშირდნენ პროკურატურის პრესსამსახურს, რაც ცალსახად უსვამს ხაზს მათ არაობიექტურობას, ინფორმაციის ცალმხრივად და სუბიექტურად გაშუქების მოტივაციას, რაც საბოლოო ჯამში მიზნად ისახავს საზოგადოების შეცდომაში შეყვანას და ჩემს პიროვნულ დისკრედიტაციას, ჩემი საქმიანობიდან გამომდინარე.

ასევე აღსანიშნავია, მიუხედავად იმისა, რომ ჩემი თანამდებობის პირის დეკლარაციაში, რომელიც საჯაროა და ყველასთვის ხელმისაწვდომია, საკმაოდ დეტალურად და გასაგებად მაქვს აღწერილი ინფორმაცია ჩემი ოჯახის საკუთრებაში არსებული ქონების თაობაზე, მასმედიის საშუალებებმა მაინც განზრახ დამახინჯებულად გაავრცელეს ინფორმაცია, რაც მიზანმიმართული ორკესტრირებული ცილისმწამებლური პიარკამპანიის კიდევ ერთი ნათელი მტკიცებულებაა.

რაც შეეხება უძრავ ქონებას, კერძოდ საცხოვრებელ ბინას ცაგარელის ქუჩაზე. სიუჟეტში გავიდა, რომ თითქოს ცაგარელის ქუჩაზე მდებარე ჩემი საცხოვრებელი ბინის რემონტში დახარჯული მაქვს მილიონი ლარი, ამ შემთხვევაში სიუჟეტში გასული ინფორმაციის ციტირებას მოვახდენ - “ 100 ათასი ლარზე მეტი მხოლოდ სამზარეულოში, შპალერი სპეციალური შეკვეთით ევროპიდან, ექსკლუზიური სარემონტო მასალები გენერალური პროკურორის რეზიდენციისთვის, საიდან მოიტანა მილიონი ლარი ევრორემონტისთვის”. ამავე სიუჟეტში გაჟღერებული ინფორმაციის დასადასტურებლად აჩვენეს ჩემთვის უცნობი საცხოვრებელი სახლის და არა ჩემი ბინის ინტერიერის სურათები (აქვე მივუთითებ ბმულს იმ ვებგვერდისა, საიდანაც აღებულია ეს სურათები). როდესაც გაჟღერებული ინფორმაციის გადამოწმება საკმაოდ მარტივია, სიუჟეტის ავტორს, არც კი უცდია რაიმეს გადამოწმება და ყოველგვარი მტკიცებულების გარეშე, ამტკიცებს, რომ ინტერნეტსივრცეში არსებული ბინის ინტერიერის სურათები არის ჩემი ბინის სურათები. საცხოვრებელი ბინა ცაგარელის ქუჩაზე, სადაც მე დღესაც ვცხოვრობ, შევიძინე 2016 წელს, იმავე წელს დავიწყე რემონტი და დავამთავრე 2017 წელს, რემონტის დროს არანაირი ექსკლუზიური მასალა ევროპიდან არ ჩამომიტანია, ყველაფერი შეძენილი მაქვს ადგილობრივ ბაზარზე და რემონტის ღირებულება მითითებული მაქვს დეკლარაციაში.

ყველაზე მთავარი არის ის, რომ სიუჟეტის ეთერში გასვლის შემდეგ დაგვიკავშირდა ამ ბინის რეალური მესაკუთრე და აღმოჩნდა, რომ არსებული ბინა მდებარეობს ცაგარელის ქუჩაზე სულ სხვა მისამართზე, როცა ჩემი რეალური საცხოვრებელი ბინა მდებარეობს ცაგარელის 82 ნომერში. მოვუწოდებ ხსენებული სიუჟეტის ავტორებს ან წარმოადგინონ მათ ეთერში გასული ინფორმაციის დამადასტურებელი რაიმე მტკიცებულება, ან გამოიჩინონ თუნდაც მცირედი ჟურნალისტიკური ეთიკა და უარყონ მათ მიერ გავრცელებული ყალბი ინფორმაცია.

რაც შეეხება მიწის ნაკვეთს სოფელ წავკისში, აღნიშნულ შენაძენზეც ჩემს დეკლარაციაში მაქვს საკმაოდ დეტალური ინფორმაცია მითითებული, საიდანაც ძალიან ნათლად ჩანს, რომ ნაკვეთი შეძენილი მაქვს ძირითადად ბანკიდან აღებული იპოთეკური კრედიტით და შეძენილი მაქვს მთლიანი ნაკვეთის მხოლოდ 35 პროცენტი, კერძოდ 1305 კვ.მ, რომელშიც გადავიხადე 123 100 აშშ დოლარი. ნაკვეთის 65 პროცენტს ჰყავს სხვა მესაკუთრე, რაც საჯარო რეესტრის ამონაწერიდან ნათლად ჩანს. მიუხედავად იმისა, რომ ზემოაღნიშნული ინფორმაცია საკმაოდ ცხადად ჩანს, როგორც ჩემი დეკლარაციიდან, ისე საჯარო რეესტრის ამონაწერიდან, სიუჟეტის ავტორები მაინც რამდენიმეჯერ იმეორებენ თითქოსდა ეს ნაკვეთი, სრულად მე მაქვს შეძენილი და თვითღირებულებაც სრულად მე მაქვს გადახდილი, რაც ხაზს უსვამს ამ სიუჟეტის სუბიექტურობას და სიყალბეს. ერთადერთი მიზეზი იმისა, რომ ეს ნაკვეთები შეძენისთანავე არ გაიმიჯნა და დღევანდელი მდგომარეობითაც არ არის გაყოფილი, არის ის, რომ აღნიშნულ ნაკვეთზე არსებობს ერთიანი განაშენიანების რეგულირების გეგმა, შესაბამისად ახლა მიმდინარეობს კანონით განსაზღვრული პროცედურები ამ გეგმის ცვლილებაზე, რის შემდგომაც უახლოეს მომავალში მოხდება ამ ნაკვეთების გამიჯვნა და არსებული რეალობის ასახვა საჯარო რეესტრში. ასევე, იმ კითხვის დასმა, საიდან შევიძინე ეს ნაკვეთი, არის კიდევ ერთი ნათელი დადასტურება ამ სიუჟეტის სუბიექტურობისა, ვინაიდან ჩემი საჯარო დეკლარაციიდან ძალიან ცხადად ჩანს რა წყაროებით მაქვს შეძენილი ნაკვეთი და ეს წყარო ძირითადად არის ბანკის მრავალწლიანი იპოთეკური კრედიტი, ხოლო შედარებით მცირე ნაწილი გადახდილი მაქვს პირადი დანაზოგით, რაც ასევე ცხადად მაქვს ნაჩვენები დეკლარაციაში. რაც შეეხება სიუჟეტის ავტორის კიდევ ერთ აბსურდულ მოსაზრებას, რომ ვინაიდან ეს ნაკვეთი არ არის იპოთეკით დატვირთული, შესაბამისად ეს ბანკის ხელშეკრულება არის ფიქცია, განვმარტავ, რომ იპოთეკით კრედიტის სანაცვლოდ დაიტვირთა ჩემი ოჯახის საკუთრებაში არსებული საცხოვრებელი ბინა ცაგარელზე, რაც ასევე მარტივად გადასამოწმებელი იყო საჯარო რეესტრის მონაცემებით, თუმცა როგორც არაერთხელ აღვნიშნე, სიუჟეტის ავტორების მიზანი არ ყოფილა სიმართლის გარკვევა, არამედ მხოლოდ ყალბი ინფორმაციის გავრცელება ჩემი დისკრედიტაციის მიზნით.

ამდენად, ვიმედოვნებ ამ სიუჟეტების შემქმნელები ამ ეტაპზე მაინც იხელმძღვანელებენ მინიმალური ჟურნალისტური სტანდარტებით და ეთიკური ნომრებით, წარმოადგენენ საჯაროდ მათ მიერ გავრცელებული ინფორმაციის დამადასტურებელ რაიმე მტკიცებულებას, თუ არა და უარყოფენ მათ მიერ გავრცელებულ, ყალბ ინფორმაციას“, - განაცხადა შოთაძემ.

ყველა სიახლე

14 ივნისი 2021, 09:07

რეგიონი

დღეს ქუთაისში შშმ პირების დასაქმების ფორუმი გაიმართება​

დასაქმების ფორუმზე, სამუშაოს მაძიებელ შშმ პირებს 22 საშუალო და მსხვილი კომპანია 100-ზე მეტ აქტიურ ვაკანსიას შესთავაზებს. ასევე, წარმოადგენენ შრომის ბაზარზე არსებულ სამუშაო ადგილებს სხვადასხვა სფეროდან, მათ შორის: სამომხმარებლო, გაყიდვების, სადაზღვევო, კვების წარმოებისა და ვაჭრობის სფეროებიდან.

14 ივნისი 2021, 08:51

COVID19

„სინოვაკით“ ვაქცინაციის მსურველთათვის სარეგისტრაციო პორტალი კვლავ განახლდა

დღეიდან „სინოვაკის“ ვაქცინით აცრის მსურველთათვის სარეგისტრაციო პორტალი კვლავ განახლდა. მოქალაქეებს შეეძლებათ პირველ და მეორე დოზაზე დარეგისტრირება.

14 ივნისი 2021, 08:29

პოლიტიკა

დღეს არჩევნების შემსწავლელი დროებითი საგამოძიებო კომისიის სხდომა გაიმართება

ასევე გაანალიზდება პროკურატურის მიერ მიწოდებული ინფორმაცია. დროებითმა საგამოძიებო კომისიამ ხელახლა გადაითვალა შემთხვევითობის პრინციპის საფუძველზე შერჩეული 20 უბანი, სადაც, როგორც კომისიის წევრები აცხადებენ, მნიშვნელოვანი დარღვევები არ დადასტურებულა.

ჰელგა მარია შმიდი

14 ივნისი 2021, 08:18

პოლიტიკა

დღეს ეუთოს გენერალური მდივანი საქართველოში ოფიციალურ ვიზიტს იწყებს

ეუთოს გენერალური მდივანი ჰელგა მარია შმიდი დღეს საქართველოში ორდღიან ოფიციალურ ვიზიტს იწყებს. ის საქართველოს პრეზიდენტს, პრემიერმინისტრს, პარლამენტის თავმჯდომარეს და საგარეო საქმეთა მინისტრს შეხვდება.

14 ივნისი 2021, 08:02

პოლიტიკა

დღეს ბრიუსელში ნატოს სამიტი გაიმართება

დღეს ბრიუსელში გაიმართება ნატოს სამიტი, რომელზეც საქართველოს საკითხიც განიხილება. მნიშვნელოვანია, რომ საქართველოს საკითხი მოხვდა სამიტის დღის წესრიგის იმ ნაწილში, რომელიც წესებზე დაფუძნებული საერთაშორისო წესრიგის მხარდაჭერას ეხება.

კადრი ფილმიდან „ბეჭდების მბრძანებელი“

14 ივნისი 2021, 00:51

კულტურა

„ბეჭდების მბრძანებლის“ მოტივებზე ანიმეს გადაიღებენ

სიუჟეტი პიტერ ჯექსონის ტრილოგიის მოვლენებამდე 250 წლით ადრე განვითარდება და ჯონ ტოლკინის შექმნილი სამყაროს - შუახმელეთის ერთ-ერთი სახელმწიფოს, როჰანის ლეგენდარულ მეფეზე - ჰელმ ჰამერჰენდზე მოგვითხრობს. პროექტის ავტორები აღნიშნავენ, რომ ფილმი Amazon-ის ახალ სერიალთან, რომელსაც ასევე ტოლკინის ნაწარმოების მიხედვით იღებენ, არ იქნება დაკავშირებული.

კახა კალაძე

14 ივნისი 2021, 00:12

საზოგადოება

კახა კალაძე ძმის გარდაცვალებაზე: შევძელი მომენახა ძალა, რომ ჩემი მშობლებისთვის ცხოვრების სტიმული მიმეცა

„ამ თემაზე საუბარი არ მიყვარს, რადგან ეს არის ჭრილობა, რომელიც სანამ ვცოცხლობ, ყოველთვის ჩემს გულში იქნება. ამ ყველაფრის გადატანა ძალიან მძიმე იყო ჩემთვის, დედაჩემისთვის, მამაჩემისთვის, ოჯახისთვის. მე პირადად შევძელი ჩემს თავში მომენახა ძალა, რომ ჩემი მშობლებისთვის ცხოვრების სტიმული მიმეცა. ყოველთვის ვამბობ და ახლაც ვიტყვი, მე რომ თავი დამეხარა ამ პრობლემის წინაშე და თუნდაც ჩემი კარიერის გაგრძელება ვერ მომეხერხებინა, ვერ მომეხერხებინა, რომ წარმატებული ვყოფილიყავი, ეს ჩემი ოჯახისთვის, მშობლებისთვის, კიდევ უფრო დიდი ტრაგედია იქნებოდა. ისინი ამ ტრაგედიის შემდეგ ჩემი წარმატებით ცხოვრობენ და ცოცხლობენ“, - განაცხადა კალაძემ.

კახა კალაძე

14 ივნისი 2021, 00:03

საზოგადოება

კახა კალაძე მშობლებზე: თუ რაიმე წარმატებას მივაღწიე სპორტში, ცხოვრებაში, ამ ადამიანების გვერდით დგომითა და მხარდაჭერით მოხდა ეს ყველაფერი

„დღეს გულწრფელად, ადამიანურად ამ ორი ადამიანის ძალიან დიდი მადლობელი ვარ, იმიტომ რომ თუ რაიმე წარმატებას მივაღწიე სპორტში, ცხოვრებაში, ამ ადამიანების გვერდით დგომითა და მხარდაჭერით მოხდა ეს ყველაფერი, რასაც ალბათ ვერასდროს გადავიხდი“, - განაცხადა კალაძემ.

კახა კალაძე

13 ივნისი 2021, 23:50

საზოგადოება

კახა კალაძე: სამტრედიაში მითხრეს, რომ ჩემგან ფეხბურთელი არ დადგებოდა

„როდესაც წამოვიზარდე, გარდატეხის ასაკში ვიყავი, დაახლოებით 14-15 წლის. სამტრედიაში მითხრეს, რომ ჩემგან ფეხბურთელი არ დადგებოდა და კარგი იქნებოდა, თუ ამ საქმიანობას შევეშვებოდი. ბავშვისთვის ეს ძალიან დამთრგუნველი იყო. როდესაც მთელი გულით მონდომებული ხარ და ოცნებობ იმაზე, რომ ფეხბურთელი გამოხვიდე, ეს ჩემთვის ძალიან მძიმე მოსასმენი იყო.

კახა კალაძე

13 ივნისი 2021, 23:46

საზოგადოება

როგორს ხედავს კახა კალაძე მომავლის თბილისს

„მომავლის თბილისი მინდა იყოს დედაქალაქი, სადაც ყველა თაობის ადამიანს ეცხოვრება კომფორტულად: ბავშვს, ახალგაზრდას, მოხუცებულს. ყველასთვის უნდა იყოს კომფორტული. ქალაქი, სადაც გამართულია ინფრასტრუქტურა, სადაც არის ეკოლოგიურად სუფთა, ძალიან ბევრი რეკრეაციული სივრცე, მწვანე ზონები, გამართული საზოგადოებრივი ტრანსპორტი. როდესაც ვსაუბრობ კომფორტზე ეს ყველაფერს მოიცავს და ძალიან დიდი ჟინი და სურვილი მაქვს ასეთი ქალაქი შევქმნათ მომდევნო წლების განმავლობაში“, - განაცხადა კალაძემ.

კახა კალაძე

13 ივნისი 2021, 23:40

პოლიტიკა

იყრის თუ არა თბილისის მერის პოსტზე კენჭს ხელმეორედ კახა კალაძე

მყავს ახალგაზრდების ძალიან დიდი გუნდი, ვინც ჩემთან ერთად ამ სამი წლის განმავლობაში მაქსიმალურად ცდილობს და ვაკეთებთ საქმეს, რათა რადიკალურად შევცვალოთ, ქალაქში არსებული ვითარება, - ამის შესახებ პარტია „ქართული ოცნების“ გენერალურმა მდივანმა კახა კალაძემ გადაცემაში „ნოესთან“ განაცხადა. კითხვაზე, იყრის თუ არა კენჭს მეორედ კახა კალაძე, მან განაცხადა, რომ ამაზე საუბარი ჯერ ადრეა.

კახა კალაძე

13 ივნისი 2021, 23:36

საზოგადოება

კახა კალაძე: ყველაფერს ვაკეთებ იმისთვის, რომ ხალხს დავამახსოვრდე როგორც კარგი და მზრუნველი მერი

„როდესაც ამირჩიეს, 2017 წელს, მაშინ ერთ-ერთ ინტერვიუში ვთქვი და აბსოლუტურად გულწრფელი სიტყვები იყო, რომ როდესაც დავამთავრებ ჩემს საქმიანობას, ძალიან დიდი სურვილი მაქვს იმის, რომ ქალაქის მოსახლეობის დიდმა ნაწილმა თქვას, რომ კახა კარგი მერი იყო. გულწრფელად ყველაფერს ვაკეთებ იმისთვის, რომ ხალხს მართლა დავამახსოვრდე როგორც კარგი და მზრუნველი მერი“, - განაცხადა კალაძემ.

ირაკლი კობახიძე და კახა კალაძე

13 ივნისი 2021, 23:11

პოლიტიკა

კახა კალაძე ირაკლი კობახიძესთან დაპირისპირებაზე: ეს არის ძალიან დიდი ტყუილები, ჭორები

„ეს არის ძალიან დიდი ტყუილები, ჭორები, მიზანმიმართული და კონკრეტულად ხდება ოპოზიციური ტელევიზიების მხრიდან, რომ საზოგადოებაში შექმნან განცდა, თითქოს მმართველ გუნდში არის დაპირისპირება. თვითონ იგონებენ ჯერ სისულელეს, შემდეგ მოდიან, გისვამენ კითხვას და შენ ვალდებული ხარ უპასუხო. აი ეს არის“, - განაცხადა კალაძემ.

კახა კალაძე

13 ივნისი 2021, 22:51

საზოგადოება

კახა კალაძე 13 ივნისის მოვლენებზე: უმძიმესი დღეები იყო, მაგრამ ახალგაზრდების ჩართულობამ პირადად მე დიდი სტიმული მომცა

„უშუალოდ ადგილზე ვიმყოფებოდი და ძალიან კარგად მახსოვს თუ რა ხდებოდა იმ დროს, განსაკუთრებით სვანიძის ქუჩაზე, სადაც ძალიან ბევრი ადამიანი ცხოვრობს. უმძიმესი მდგომარეობა იყო რამდენიმე დღის განმავლობაში. სრული შოკი. უძლური გახდა დედაქალაქი, მისი მოსახლეობა ამ პრობლემის წინაშე. თუმცა ამ უბედურების ფონზე, მეორე დღეს ყველაზე მთავარი და მნიშვნელოვანი რაც იყო და რაც მესიამოვნა, ეს იყო როდესაც გამოჩნდა ახალგაზრდების ძალიან დიდი არმია - ჩვეულებრივი რიგითი მოქალაქეები, ამ ქალაქზე შეყვარებული ადამიანები“, - განაცხადა კალაძემ.

ნაფტალი ბენეტი

13 ივნისი 2021, 22:37

მსოფლიო

ისრაელის პარლამენტმა ქვეყნის ახალი მთავრობა დაამტკიცა

ბენეტი პრემიერის პოსტზე 2023 წლის სექტემბრამდე დაიკავეს, შემდეგ კი ძალაუფლებას 2 წლით ცენტრისტების ლიდერს, იეშ ატიდს გადასცემს. ნეთანიაჰუ პარტია „ლიკუდის“ თავმჯდომარედ დარჩება და ისრაელის ოპოზიციის ლიდერი გახდება.

მერაბ ბოლქვაძე

13 ივნისი 2021, 22:30

საზოგადოება

მერაბ ბოლქვაძე: მწვანე ქალაქის კონცეფციით თბილისში დამატებით რეკრეაციული სივრცეები უნდა შეიქმნას

თბილისის გენერალური გეგმის ერთ-ერთი ავტორი მერაბ ბოლქვაძის განცხადებით, ჯანსაღი ურბანული გარემოსა და უნიკალური ლანდშაფტური ღირებულების შენარჩუნება თბილისის გენერალური განვითარების გეგმის პრიორიტეტია. სტრატეგიული გეგმით კი, გამწვანებული ტერიტორიის ფართობმა დროთა განმავლობაში თითოეულ მოსახლეზე 10 კვადრატულ მეტრს უნდა მიაღწიოს.

13 ივნისი 2021, 22:27

ტექნოლოგიები

როგორ მოქმედებს ალცჰაიმერის საწინააღმდეგო მედიკამენტი, რომელიც აშშ-ის სურსათისა და წამლის სააგენტომ დაამტკიცა

Aducanumab-ით მკურნალობის დასაწყებად აუცილებელია პაციენტს დადასტურებული ჰქონდეს ალცჰაიმერი. მედიკამენტი ეფექტიანია დაავადების საწყის ეტაპზე. მკურნალობა ამ პრეპარატის ყოველთვიურ ინტრავენურ გადასხმას გულისხმობს, რაც საშუალოდ თვეში 4 ათასი დოლარი ჯდება. თუმცა, მედიკამენტი ჯერ ახალია და სპეციალისტები დროსთან ერთად, მისი ხელმისაწვდომობის გაზრდასაც პროგნოზირებენ.

ჯილ ბაიდენი, დედოფალი ელისაბედი, ჯო ბაიდენი

13 ივნისი 2021, 22:16

მსოფლიო

ელისაბედ მეორემ ჯო ბაიდენსა და მის მეუღლეს უინძორის სასახლეში უმასპინძლა

ჯო და ჯილ ბაიდენები უინძორში კორნუოლიდან ჩავიდნენ, სადაც „დიდი შვიდეულის“ სამიტი გაიმართა. დახვედრის ცერემონიის შემდეგ თეთრი სახლის მეთაურმა და მისმა მეუღლემ დედოფალთან ერთად ჩაი დალიეს, რის შემდეგაც ვიზიტი დასრულდა.

ლულიანა-საბინა ჯოჯა

13 ივნისი 2021, 22:00

პოლიტიკა

ლულიანა-საბინა ჯოჯა: ნატოსთან თავსებადობის კუთხით საქართველოს გაცილებით დიდი პროგრესი აქვს, ვიდრე უკრაინას

„საქართველოს გაცილებით დიდი პროგრესი აქვს, ვიდრე უკრაინას, რომელიც ჯერ კიდევ საბრძოლო ქმედებებშია. მოწვევაზე კონსენსუსამდე მთავარია ვიმუშაოთ იმაზე, როგორ მიიღოს საქართველოს უფრო მეტი უსაფრთხოების გარანტიები, რაც ყველაზე მეტად სჭირდება. ამაზე საბოლოო სიტყვა სტრატეგიულმა პარტნიორმა - ამერიკის შეერთებულმა შტატებმა უნდა თქვას. განვიხილოთ, მაგალითად, საქართველოში განგრძობადი როტაციის სამხედრო აშშ-ის სამხედრო პერსონალის ყოფნა, რომელთა მიზანიც ჯარისკაცების ადგილზე გაწვრთნა იქნება. მომავალი ერთი წლის განმავლობაში აქტიურად ვიმუშავებთ ვაშინგტონსა და ევროპულ დედაქალაქებს შორის მადრიდის სამიტისთვის და იმედი ვიქონიოთ, რომ 2022 წლისთვის შევძლოთ არსებით პროგრესს მივაღწიოთ „მაპის“ საკითხებზე.

ნიკოლას უილიამსი

13 ივნისი 2021, 21:48

პოლიტიკა

ნიკოლას უილიამსი: არცერთი პარტნიორი არ არის ნატოსთან ისე ახლოს, როგორც საქართველო

„სამიტზე ელოდებით ძლიერ მხარდაჭერას, ერთგულებას ბუქარესტის სამიტის გადაწყვეტილებისადმი და ლიდერების დონეზე იმის დემონსტრირებას, რომ საქართველო ნატო-ს ძლიერი ასპირანტია. ვიცი, ეს ქართველ ხალხს არაერთხელ მოუსმენია, მაგრამ ამ სიტყვების დეკლარაციაში გამეორება არის ის, რასაც საქართველო წევრობამდე მიჰყავს. ღია კარის პოლიტიკაზე ცალკე პარაგრაფი იქნება. „მაპის“ მინიჭებაზე ამჯერად არ იმსჯელებენ, მაგრამ კომუნიკე იტყვის, რომ „მაპი“ ინტეგრაციის პროცესის ნაწილია. „მაპი“ პროცედურული ეტაპია. საქართველოსთვის „მაპი“ და მიწვევა ორგანიზაციაში პოლიტიკური გადაწყვეტილებაა. არცერთი პარტნიორი არ არის ნატოსთან ისე ახლოს, როგორც საქართველო. ამას ყველა აღიარებს და ეს თვალსაჩინოა. ალიანსის წევრებს გაწევრიანებისთვის დროის ჭკვიანურად შერჩევა სურთ, რადგან რუსეთი ისევ აგრესიულია. უგუნური ნაბიჯებით გამოირჩევა და დემოკრატიების ძირგამომთხრელი საქმიანობით არის დაკავებული. თქვენ იცით რას ნიშნავს რუსეთის აგრესია და ამიტომაც გსურთ ნატოში. ეს სურვილის ნატოსა და საქართველოს აერთიანებს, მაგრამ ალიანსმა უნდა შეარჩიოს ყველაზე საუკეთესო მომენტი, რათა საქართველომ ხელი შეუწყოს კოლექტიურ თავდაცვასა და უსაფრთხოებას. ასე ფიქრობს წევრთა ნაწილი“, - აცხადებს უილიამსი.