imedi /  06 ივნისი 2021, 11:22 / სანდო წყარო

მაია ქურციკიძე: დარჩა ბავშვთა სახლები, რომლებიც სხვადასხვა რელიგიური კონფესიების დაქვემდებარებაშია

მაია ქურციკიძე

მაია ქურციკიძე

დარჩა ბავშვთა სახლები, რომლებიც სხვადასხვა რელიგიური კონფესიების დაქვემდებარებაშია, ბავშვის უფლებათა კოდექსი ითვალისწინებს ამ პროცესის გაგრძელებას, რაც ითვალისწინებს არსებული, ჯერ კიდევ დიდი ზომის ბავშვთა სახლების დახურვასა და ბავშვების ოჯახებში გადაყვანას, - ამის შესახებ გაეროს ბავშთა ფონდის კომუნიკაციის პროგრამის ხელმძღვანელმა, მაია ქურციკიძემ განაცხადა.

„გაეროს ბავშვთა ფონდი 2005 წლიდან ეხმარება საქართველოს, რომ განხორციელებულიყო ბავშვთა ზრუნვის სისტემის რეფორმა, რომლის ფარგლებში დაიხურა დიდი ზომის ბავშვთა სახლები და ბავშვები განთავსდნენ ოჯახურ გარემოში, ან დაუბრუნდნენ საკუთარ ოჯახებს.

დარჩა ბავშვთა სახლები, რომლებიც სხვადასხვა რელიგიური კონფესიების დაქვემდებარებაშია. ბავშვის უფლებათა კოდექსი ითვალისწინებს ამ პროცესის გაგრძელებას, რაც ითვალისწინებს არსებული, ჯერ კიდევ დიდი ზომის ბავშვთა სახლების დახურვასა და ბავშვების ოჯახებში გადაყვანას.

UNICEF-ი მზადაა კვლავ გააგრძელოს მთავრობასთან თანამშრომლობა და დაეხმაროს მათ ამ პროცესში, რომ ბავშვები ოჯახურ გარემოში გადავიდნენ. მთავარი არის ბავშვების შეფასება, რომ შევისწავლოთ ის მიზეზები რის გამოც ეს ბავშვები იყვნენ ამ ბავშვთა სახლში და მოხდეს ამ ბავშვების დახმარება“, - განაცხადა ქურციკიძემ.

დღეს საპატრიარქომ გამოაქვეყნა განცხადება, რომელშიც წერია, რომ გაასაჩივრებენ სასამართლოს გადაწყვეტილებას, რომელიც ნინოწმინდის პანსიონიდან ბენეფიციართა გამოყვანის პროცესს ეხება.

თბილისის საქალაქო სასამართლოს დროებითი განჩინების მიხედვით, „პარტნიორობა ადამიანის უფლებებისთვის“ შუამდგომლობა ნინოწმინდის ბავშვთა პანსიონიდან ყველა ბავშვის გაყვანასთან დაკავშირებით ნაწილობრივ დაკმაყოფილდა.

შეგახსენებთ, არასამთავრობო ორგანიზაციამ „პარტნიორობა ადამიანის უფლებებისთვის“ თავმჯდომარე ანა აბაშიძემ დღევანდელ პრესკონფერენციაზე განაცხადა, რომ სასამართლომ ნინოწმინდის პანსიონიდან ბავშვების გაყვანის გადაწყვეტილება მიიღო.

PHR-მა 4 ივნისს მიმართა სასამართლოს შუამდგომლობით და მოითხოვა, უზრუნველყოფის ღონისძიების სახით ნინოწმინდის ბავშვთა პანსიონიდან დაუყოვნებლივ ყველა ბავშვის გამოყვანა.

ნინოწმინდის ბავშვთა პანსიონში, სავარაუდო ძალადობის შესახებ, თავად ბენეფიციარები „ქრონიკასთან“ ალაპარაკდნენ. ერთ-ერთი ასეთი ფაქტი, მათივე თქმით, ორი დღის წინ მოხდა. არასრულწლოვნები ამბობენ, რომ შემთხვევების შესახებ მეუფე სპირიდონი არ იყო ინფორმირებული, მათზე აღმზრდელები ზემოქმედებნენ. რომელთა ნაწილი გათავისუფლებულია, თუმცა ნაწილი ისევ ადგილზე რჩება. კითხვაზე - იცოდა თუ არა მეუფე სპირიდონმა ამ ფაქტების შესახებ, ბავშვები ამბობენ, რომ მათ ვერ შეძლეს მეუფესთვის ეთქვათ, როგორ ძალადობდნენ მათზე აღმზრდელები და ასევე ვერ მოახერხეს, რომ ეს ამბავი ვინმესთვის ეთქვათ.

3 ივნისს შსს-მ ნინოწმინდის ბავშვთა პანსიონში აღსაზრდელების მიმართ შესაძლო დანაშაულის ჩადენის ფაქტებზე გამოძიება დაიწყო.

სახელმწიფო ზრუნვისა და ტრეფიკინგის მსხვერპლთა, დაზარალებულთა დახმარების სააგენტოს 4 მაისს გავრცელებული განცხადების თანახმად, ნინოწმინდის პანსიონის დატოვების სურვილი 6-მა არასრულწლოვანმა გამოთქვა და სააგენტომ უკვე უზრუნველყო მათი სხვა ზრუნვის ფორმაში გადაყვანა. ამავე განცხადების მიხედვით, კიდევ 10 ბავშვის გადაყვანაზე მიმდინარეობდა მუშაობა. 4 ივნისს ჯანდაცვის სამინისტროს წარმომადგენლებმა ნინოწმინდის პანსიონიდან რამდენიმე არასრულწლოვანი გამოიყვანეს.

ყველა სიახლე

21 ივნისი 2021, 14:56

პოლიტიკა

საარჩევნო რეფორმასთან დაკავშირებულმა სამუშაო ჯგუფმა ვენეციის კომისიის რეკომენდაციებზე იმსჯელა

სამუშაო ჯგუფის თანათავმჯდომარემ, განათლების, მეცნიერებისა და კულტურის კომიტეტის თავმჯდომარემ, შალვა პაპუაშვილმა შეხვედრის დასრულების შემდეგ იმედი გამოთქვა, რომ, ისევე როგორც პირველი მოსმენის შემთხვევაში, მეორე მოსმენაზეც პარტიების მხრიდან სრული კონსენსუსი იქნება.

21 ივნისი 2021, 14:50

რეგიონი

აჭარაში საერთაშორისო ინფოტურები გრძელდება

აჭარის ტურიზმის დეპარტამენტის მოწვევით რეგიონს უკრაინელი ტუროპერატორები სტუმრობენ. ისინი რეგიონის ტურისტულ შესაძლებლობებს, სასტუმრო ინფრასტრუქტურასა და ტურისტულ პროდუქტებს ეცნობიან. აჭარის ტურიზმისა და კურორტების დეპარტამენტის პრესსამსახურის ინფორმაციით, ინფოტურის მონაწილეებისთვის უკვე გაიმართა ორმხრივი შეხვედრები ადგილობრივი ტურისტული კომპანიების წარმომადგენლებთან, სადაც თანამშრომლობისა და ერთობლივი ტურპაკეტების შემუშავების საკითხები განიხილეს.

21 ივნისი 2021, 14:50

სამართალი

დავით სარალიძის მკვლელობაში ბრალდებული გიორგი მენაბდე სასამართლომ პატიმრობაში დატოვა

საქალაქო სასამართლოში ხორავას ქუჩის საქმეზე დაკავებული გიორგი მენაბდის წინასასამართლო სხდომა გაიმართა. მოსამართლე ალექსანდრე იაშვილმა ბრალდებულისთვის შეფარდებული აღკვეთის ღონისძიება - პატიმრობა კვლავ ძალაში დატოვა, რის შემდეგაც, მხარეებმა მტკიცებულებების დასაშვებობის საკითხზე იმსჯელეს.

ირაკლი ქარსელაძე

21 ივნისი 2021, 14:49

პოლიტიკა

ირაკლი ქარსელაძე ნეპოტიზმზე დასმული კითხვის პასუხად: 2021 წელს მეკითხებით, 2013 წლიდან რომ მუშაობს იმ ადამიანზე?

მე მგონია, რომ არაფერია დამალული. უფრო მეტიც, ჩვენი უწყება აღიარებულია, როგორც ყველაზე გამჭვირვალე და საჯარო ინფორმაციაზე ყველაზე დროულად და კარგად პასუხის გამცემი უწყება, - ასე უპასუხა რეგიონული განვითარებისა და ინფრასტრუქტურის მინისტრმა, ირაკლი ქარსელაძემ მთავრობის სხდომის შემდეგ გამართულ ბრიფინგზე ჟურნალისტების კითხვას, რომელიც ნეპოტიზმს შეეხებოდა.

შარლ მიშელი

21 ივნისი 2021, 14:45

მსოფლიო

ევროკავშირმა ბელარუსს სანქციების მეოთხე პაკეტი დაუწესა

ევროკავშირმა ბელარუსს სანქციების მეოთხე პაკეტი დაუწესა. ამის შესახებ ევროპული საბჭოს პრეზიდენტმა, შარლ მიშელმა განაცხადა.

კახა კუჭავა

21 ივნისი 2021, 14:40

პოლიტიკა

კახა კუჭავა სოციალური კოდექსზე: ეს არის ნამდვილად გარდამტეხი მომენტი ჩვენი ქვეყნის განვითარებისა და იმ საკითხების გადაწყვეტისთვის, რომელიც ნამდვილად სჭირდება ჩვენს საზოგადოებას

ეს არის ნამდვილად გარდამტეხი მომენტი ჩვენი ქვეყნის განვითარებისა და იმ საკითხების გადაწყვეტისთვის, რომელიც ნამდვილად სჭირდება ჩვენს საზოგადოებას, - ამის შესახებ საქართველოს პარლამენტის თავმჯდომარემ, კახა კუჭავამ სოციალური კოდექსის პრეზენტაციაზე განაცხადა. მისი თქმით, პარლამენტის სოციალური კოდექსზე მუშაობის პროცესში პირველივე დღიდან ჩაერთვება.

თამარ გაბუნია

21 ივნისი 2021, 14:35

COVID19

თამარ გაბუნიამ განმარტა, როდის გახდება შესაძლებელი პირბადის გამოყენების ვალდებულების შემსუბუქება

„ჩვენთვის ყველაზე ქმედით შეზღუდვად კვლავაც ღამის საათებში მოძრაობის შეზღუდვა და ასევე პირბადის გამოყენება რჩება. პირბადის გამოყენება კვლავ ძალიან მნიშვნელოვანი ინსტრუმენტია და ვიდრე ვაქცინაციით მოსახლეობის სულ მცირე 30%-ს არ მოვიცავთ, მანამდე პირბადის გამოყენების ვალდებულების შემსუბუქებაზე საუბარი ნაადრევია“, - განაცხადა გაბუნიამ.

ეკატერინე ტიკარაძე

21 ივნისი 2021, 14:34

პოლიტიკა

ეკატერინე ტიკარაძე: სოციალური კოდექსი არის ევროპული სახელმწიფოების მონაპოვარი და ღირებულება

„სოციალური კოდექსი არის ევროპული სახელმწიფოების მონაპოვარი და ღირებულება. მას, ჯერ კიდევ რამდენიმე საუკუნის წინ ჩაეყარა გერმანიაში საფუძველი. სწორედ გერმანიიდან გავრცელდა ის ევროპის სხვა სახელმწიფოებში“, - ამის შესახებ ჯანდაცვის მინისტრმა, ეკატერინე ტიკარაძემ სოციალური კოდექსის პრეზენტაციაზე განაცხადა.

ეკატერინე ტიკარაძე

21 ივნისი 2021, 14:21

COVID19

ეკატერინე ტიკარაძე: კოვიდპანდემიამ უკეთ დაგვანახა სისტემაში არსებული ხარვეზები და ის, თუ რა ცვლილებებია საჭირო

„კოვიდპანდემიამ უკეთ დაგვანახა სისტემაში არსებული ხარვეზები და ის, თუ რა ცვლილებებია საჭირო. სახელმწიფოს მხრიდან, არა მხოლოდ გადაუდებელ საჭიროებებზეა რეაგირება მნიშვნელოვანი, არამედ - საჭიროა სისტემური მიდგომა“, - ამის შესახებ ჯანდაცვის მინისტრმა, ეკატერინე ტიკარაძემ სოციალური კოდექსის პრეზენტაციაზე განაცხადა.

თამარ ჟვანია

21 ივნისი 2021, 14:19

პოლიტიკა

თამარ ჟვანია არჩევნების შემსწავლელი დროებითი საგამოძიებო კომისიის წევრების კითხვებს პასუხობს

თამარ ჟვანია არჩევნების შემსწავლელი დროებითი საგამოძიებო კომისიის კითხვებს პასუხობს. დეპუტატებს ცესკოს თავმჯდომარისგან ძირითადად აინტერესებთ არჩევნების პირველადი შედეგების გამოცხადების დრო და კომისიის წევრთა კომპეტენციასთან დაკავშირებული საკითხები. თამარ ჟვანიას შეხვედრის დაწყებამდე კომენტარი არ გაუკეთებია.

21 ივნისი 2021, 14:12

პოლიტიკა

იაგო ხვიჩიას თქმით, პარტიების წარმომადგენლების სერტიფიცირება ვერ მოესწრება

„9 პარტიას ჰყავს წარმომადგენელი საოლქო და ცენტრალურ საარჩევნო კომისიაში და დღევანდელი კანონმდებლობით საჭიროა მათი სერტიფიცირება. ჩვენ უბრალოდ გვაქვს პოზიცია იმასთან დაკავშირებით, რომ ეს უბრალოდ ვერ მოესწრება ფიზიკურად და აქედან გამომდინარე, პარტიული წარმომადგენლები სხვადასხვა საარჩევნო კომისიაში სერტიფიცირებას არ დაექვემდებარებიან“, - აღნიშნავს „გირჩის“ ერთ-ერთი ლიდერი იაგო ხვიჩია.

არჩილ თალაკვაძე

21 ივნისი 2021, 14:11

საზოგადოება

არჩილ თალაკვაძე: თეა წულუკიანის ინიციატივა მისასალმებელია - კულტურის სფეროს ფინანსური მხარდაჭერა, განსაკუთრებით პოსტპანდემიურ პერიოდში, საჭირო და სწორი გადაწყვეტილებაა

თეა წულუკიანის ინიციატივა მისასალმებელია - კულტურის სფეროს ფინანსური მხარდაჭერა, განსაკუთრებით პოსტპანდემიურ პერიოდში, საჭირო და სწორი გადაწყვეტილებაა, - ამის შესახებ საქართველოს პარლამენტის ვიცე-სპიკერმა, არჩილ თალაკვაძემ განაცხადა.

21 ივნისი 2021, 14:09

მსოფლიო

გერმანიაში რუსეთის სასარგებლოდ ჯაშუშობის ბრალდებით ერთ-ერთი უნივერსიტეტის მეცნიერ-ასისტენტი დააკავეს

გერმანიაში რუსეთის სასარგებლოდ ჯაშუშობის ბრალდებით ერთ-ერთი უნივერსიტეტის მეცნიერ-ასისტენტი დააკავეს. ინფორმაციას ამის შესახებ Euronews-ი გერმანიის პროკურატურაზე დაყრდნობით ავრცელებს.

21 ივნისი 2021, 14:00

COVID19

დღე-ღამეში უკრაინაში 16 კოვიდინფიცირებული გარდაიცვალა

უკრაინის ჯანდაცვის სამინისტროს მონაცემებით, ქვეყანაში გასული დღე-ღამის განმავლობაში კორონავირუსის 323 შემთხვევა გამოვლინდა, ხოლო ვირუსს 16 ადამიანი ემსხვერპლა. პანდემიის დაწყებიდან დღემდე, უკრაინაში კორონავირუსის 2 229 846 შემთხვევა დადასტურდა, 52 032 ადამიანი გარდაიცვალა, ხოლო 2 152 140 პაციენტი გამოჯანმრთელდა.

21 ივნისი 2021, 13:59

სპორტი

ბერძნულ-რომაული სტილით მოჭიდავე ჭაბუკთა ნაკრებმა ევროპის ჩემპიონატზე 6 მედალი მოიპოვა

აჩიკო ბოლქვაძის (80 კგ) და ანრი ფუტკარაძის (65 კგ) მიერ 19 ივნისს მოპოვებულ ოქროსა და ვერცხლის მედლებს, 20 ივნისს თამაზ ღლონტმა (51 კგ) ვერცხლი მიამატა, ანრი ხოზრევანიძემ (45 კგ), რატი ხოზრევანიძემ (60 კგ) და გორ აივაზიანმა (92 კგ) კი ბრინჯაოები.

21 ივნისი 2021, 13:53

სპორტი

ქართველი მოკრივე ანა ხუნჯუა ევროპის ჩემპიონატის ბრინჯაოს პრიზიორია

ქართველი მოკრივე ანა ხუნჯუა ევროპის ჩემპიონატის ბრინჯაოს პრიზიორია. იტალიაში მიმდინარე კონტინენტის 22 წლამდე პირველობაზე 21 წლის ხუნჯუამ გამოსვლა მეოთხედფინალში ანასტასია ლისინკას დამარცხებით დაიწყო და მომდევნო ეტაპზე გასვლით საპრიზო ადგილი გაინაღდა.

21 ივნისი 2021, 13:52

საზოგადოება

თეა წულუკიანმა იაპონიის ელჩთან კულტურის, სპორტისა და ახალგაზრდობის მიმართულებით თანამშრომლობის გაღრმავების საკითხი განიხილა

საქართველოს კულტურის, სპორტისა და ახალგაზრდობის მინისტრი, თეა წულუკიანი იაპონიის საგანგებო და სრულუფლებიან ელჩს საქართველოში, იმამურა აკირას შეხვდა. ინფორმაციას საქართველოს კულტურის, სპორტისა და ახალგაზრდობის სამინისტრო ავრცელებს. მათივე ინფორმაციით, მხარეებმა საქართველოსა და იაპონიას შორის კულტურის, სპორტისა და ახალგაზრდობის სფეროებში თანამშრომლობის გაფართოების შესაძლებლობები განიხილეს.

21 ივნისი 2021, 13:51

სპორტი

ზაფხულის ტესტ-მატჩებს ბორჯღალოსნები ქალთა მიმართ ძალადობას წინააღმდეგ ბრძოლას მიუძღვნიან

საქართველოს მორაგბეთა ეროვნული ნაკრები ზაფხულის ტესტ-მატჩებს ქალთა მიმართ ძალადობის წინააღმდეგ ბრძოლას მიუძღვნის. ინიციატივის ფარგლებში, ბორჯღალოსნები 2 და 9 ივლისს მოედანზე კვართებზე დატანილი გაეროს ქალთა ორგანიზაციის ლოგოთი გავლენ.

21 ივნისი 2021, 13:48

COVID19

ინდოეთში ე.წ. ინდური შტამის ახალი სახეობით ინფიცირების 20 შემთხვევა დაფიქსირდა

ინდოეთის შტატ მაჰარაშტრაში ე.წ. ინდური შტამის (ვარიანტი „დელტა“) ახალი სახეობით ინფიცირების 20 შემთხვევა დაფიქსირდა.

21 ივნისი 2021, 13:44

რეგიონი

აჭარის უმაღლეს საბჭოში ხმაურია

ხმაურია აჭარის უმაღლეს საბჭოში - სხდომაზე მოქალაქეები, რომლებიც ბობოყვათში 28 ჰექტარი მიწის ნაკვეთის აუქციონზე გატანას აპროტესტებენ, დეპუტატებს დაუპირისპირდნენ. ისინი ამტკიცებენ, რომ ნაკვეთები მათი წინაპრების საკუთრებაა, სურთ აუქციონის გაუქმება და მიწების დაკანონება.