imedi /  16 იანვარი 2022, 19:23 / სანდო წყარო

მიხეილ ჩხენკელი: დაარსებიდან დღემდე, ტექნიკურმა უნივერსიტეტმა უზარმაზარი წვლილი შეიტანა საინჟინრო და ტექნიკურ მეცნიერებათა განვითარების საქმეში და ეროვნული საინჟინრო კადრების მომზადებაში

მიხეილ ჩხენკელი

მიხეილ ჩხენკელი

საქართველოს ტექნიკური უნივერსიტეტი 100 წლისაა. პირველი საიუბილეო ღონისძიება საქართველოს პრემიერ-მინისტრმა ირაკლი ღარიბაშვილმა განათლებისა და მეცნიერების მინისტრთან მიხეილ ჩხენკელთან ერთად გახსნა. ამის შესახებ ინფორმაციას საქართველოს განათლებისა და მეცნიერების სამინისტრო ავრცელებს.

უწყების ცნობით, 100 წლის იუბილესთან დაკავშირებით, პრემიერ-მინისტრის გადაწყვეტილებით, წელს საქართველოს ტექნიკური უნივერსიტეტის VI კორპუსის სრული რეაბილიტაცია დაიწყება. შედეგად, შეიქმნება თანამედროვე სტანდარტების შესაბამისი აკადემიური ინფრასტრუქტურა.

ღონისძიების ფარგლებში, საქართველოს განათლებისა და მეცნიერების მინისტრმა მიხეილ ჩხენკელმა დამსწრე საზოგადოებას სიტყვით მიმართა, საქართველოს ტექნიკური უნივერსიტეტის აკადემიურ საზოგადოებას იუბილე მიულოცა და სამომავლო საქმიანობაში წარმატებები უსურვა.

„გილოცავთ საქართველოს ტექნიკური უნივერსიტეტის 100 წლის იუბილეს! საუკუნის წინ, დღევანდელ დღეს – 16 იანვარს – დაარსდა საქართველოს ტექნიკური უნივერსიტეტი. ეს გახლდათ უდიდესი მნიშვნელობის მოვლენა საქართველოს საუნივერსიტეტო განათლების ისტორიაში.

საზოგადოებას კარგად მოეხსენება, რომ საქართველოს ტექნიკური უნივერსიტეტის დაარსებას მასშტაბური მოსამზადებელი საქმიანობა უძღოდა წინ, რომელსაც სათავეში ჩაუდგა საინჟინრო განათლების მქონე ქართველი პროფესიონალების მცირე ჯგუფი. სწორედ მათი თავდაუზოგავი შრომითა და დიდი ძალისხმევით საქმე წარმატებით დაგვირგვინდა.

1918 წელს ქვეყნის გამოჩენილმა მეცნიერებმა შეძლეს პირველი ქართული ეროვნული განათლების კერის – თბილისის სახელმწიფო უნივერსიტეტის გახსნა, რომლის წიაღშიც 1922 წლის 16 იანვარს, საფუძველი ჩაეყარა პოლიტექნიკურ ფაკულტეტს, რომელიც მოგვიანებით უნივერსიტეტად ჩამოყალიბდა. ასე იქცა საქართველოს ტექნიკური უნივერსიტეტი საინჟინრო განათლების პირველ კერად არა მხოლოდ საქართველოში, არამედ სამხრეთ კავკასიის რეგიონში. დაარსებიდან დღემდე უნივერსიტეტმა უზარმაზარი წვლილი შეიტანა საინჟინრო და ტექნიკურ მეცნიერებათა განვითარების საქმეში და ეროვნული საინჟინრო კადრების მომზადებაში.

მინდა ხაზი გავუსვა, რომ 100-წლიანი ტრადიციისა და უდიდესი გამოცდილების უნივერსიტეტი იუბილეს მოდერნიზაციის ამბიციური პროექტით ხვდება, რომლის მიზანია საინჟინრო და ტექნოლოგიური მიმართულებებით ლიდერი ინსტიტუციის პოზიციის შენარჩუნება და გაძლიერება არა მხოლოდ საქართველოს, არამედ რეგიონის მასშტაბით.

აუცილებლად უნდა აღინიშნოს, რომ საქართველოს ტექნიკურ უნივერსიტეტს საინჟინრო უმაღლეს სკოლებს შორის ყველაზე ხანგრძლივი ისტორია აქვს – ქართული ტექნიკური აზროვნების ისტორიაში ერთ-ერთი ყველაზე თამამი ჩანაფიქრის – „ენგურჰესის“ მშენებლობიდან დაწყებული და კოსმოსში ქართული კოსმოსური ობიექტის – რეფლექტორის გაშვებით გაგრძელებული.

უნივერსიტეტის მაღალი სამეცნიერო შედეგები მიღწეულია შესაბამისი პროფილის მსოფლიო სახელის მქონე წარმატებულ ინსტიტუტებთან (CERN, KEK, Fermilab და მრავალი სხვა) კოლაბორაციით.

განსაკუთრებულად მსურს გამოვყო საქართველოს ტექნიკური უნივერსიტეტის ბოლოდროინდელი მიღწევები – თანამშრომლობის ახალ ეტაპზე გადასვლა ბირთვული კვლევების ევროპულ ორგანიზაციასთან (CERN), რაც, გამოცდილ მეცნიერებთან ერთად, ჩვენს ახალგაზრდებსაც უხსნის ახალ შესაძლებლობებს“, - განაცხადა მიხეილ ჩხენკელმა.

სიტყვით გამოსვლისას მიხეილ ჩხენკელმა მეცნიერების განვითარების კუთხით მიღწეულ შედეგებზე ისაუბრა და აღნიშნა, რომ გასულ წელს მონაწილეობა მიიღო ისტორიულ მოვლენაში – ბრიუსელში საზეიმოდ მოეწერა ხელი ევროკავშირის კვლევისა და ინოვაციის ახალ ჩარჩო პროგრამა Horizon Europe-ში საქართველოს ასოცირების საერთაშორისო შეთანხმებას. მინისტრის შეფასებით, ეს არის უაღრესად მნიშვნელოვანი წინგადადგმული ნაბიჯი ჩვენი ქვეყნის ევროპულ ოჯახში დაბრუნების მიმართულებით.

მიხეილ ჩხენკელმა ხაზი გაუსვა, რომ Horizon Europe-ის პროგრამის კონკურსებში საქართველოს წარმომადგენლებს ზუსტად ისეთივე პირობები და უფლებები აქვთ, როგორიც ევროკავშირის ქვეყნების მეცნიერებს. საქართველოს სამეცნიერო საზოგადოებას უკვე აქვს წვდომა 95.5 მილიარდი ევროს ბიუჯეტის მქონე კვლევისა და ინოვაციის პროგრამის ფარგლებში გამოცხადებულ კონკურსებზე.

მინისტრის თქმით, საქართველოში დაფუძნდა Horizon Europe-ის ეროვნული ოფისი, რომელსაც უმნიშვნელოვანესი მისია აქვს – ის უზრუნველყოფს ევროკავშირსა და საქართველოს უმაღლეს საგანმანათლებლო დაწესებულებებსა და კვლევით ინსტიტუტებს შორის მედიაციასა და კოორდინირებულ მუშაობას. ასევე დაწყებულია საუნივერსიტეტო სამეცნიერო საგრანტო ოფისების ქსელის შექმნა, რომელიც ეტაპობრივად ყველა უნივერსიტეტს მოიცავს.

100 წლის იუბილესთან დაკავშირებით Horizon Europe-ის ოფისი საქართველოს ტექნიკურ უნივერსიტეტშიც დაფუძნდა. მინისტრმა აღნიშნა, რომ სრულიად საქართველოს სამეცნიერო საზოგადოებასთან ერთად, საქართველოს ტექნიკური უნივერსიტეტის პროფესორებისა და კვლევითი ინსტიტუტების მეცნიერ-თანამშრომლობისთვის Horizon Europe-ის პროგრამის კონკურსებში მონაწილეობით ახალი შესაძლებლობები იხსნება.

მინისტრმა ასევე ისაუბრა სამინისტროს პოლიტიკაზე უმაღლესი განათლების ინტერნაციონალიზაციის თვალსაზრისით და ამ მიმართულებით საქართველოს ტექნიკური უნივერსიტეტის ბოლოდროინდელი მიღწევები განსაკუთრებულად გამოყო, კერძოდ, ისაუბრა ფრანგულ-ქართულ უნივერსიტეტთან ნაყოფიერ თანამშრომლობაზე, რომლის ფარგლებში ორდიპლომიანი საგანმანათლებლო პროგრამები ამოქმედდა. გარდა ამისა, უნივერსიტეტში მზადდება 6 პროგრამა ამერიკის ინჟინერიისა და ტექნოლოგიების სააკრედიტაციო საბჭოს (ABET) აკრედიტაციის მისაღებად.

მიხეილ ჩხენკელი უმაღლესი და პროფესიული განათლების საფეხურების ერთმანეთთან მჭიდროდ დაკავშირებასაც შეეხო და აღნიშნა, რომ საქართველოს ტექნიკურ უნივერსიტეტთან თანამშრომლობით მალე გაიხსნება ნიკო ნიკოლაძის სახელობის აგრარული კოლეჯი.

მინისტრმა ხაზი გაუსვა, რომ საქართველოს ტექნიკური უნივერსიტეტი მხარდაჭერას უცხადებს სასკოლო განათლებასაც. ათასწლეულის ინოვაციის 2021 წლის რიგით მე-7 კონკურსის გამარჯვებული და პირველი ადგილის მფლობელი უნივერსიტეტის ინფორმატიკისა და მართვის სისტემების ფაკულტეტის საინჟინრო ფიზიკის დეპარტამენტთან არსებული მოსწავლეთა გუნდი გახდა. ახალგაზრდები ამერიკის შეერთებულ შტატებში გაემგზავრებიან და NASA-ს კოსმოსური ცენტრის უნივერსიტეტის სასწავლო პროგრამასა და საზაფხულო ბანაკში მიიღებენ მონაწილეობას.

სრულიად საქართველოს კათოლიკოს-პატრიარქმა ილია II-მ, დაარსებიდან 100 წლისთავთან დაკავშირებით, საქართველოს ტექნიკურ უნივერსიტეტს განათლებისა და მეცნიერების განვითარებისა და ქვეყნის აღორძინებაში შეტანილი გამორჩეული წვლილისათვის საქართველოს მართლმადიდებელი ეკლესიის უმაღლესი ჯილდო – წმინდა გიორგის ოქროს ორდენი მიანიჭა.

საქართველოს ტექნიკური უნივერსიტეტის პირველი საიუბილეო ღონისძიების ფარგლებში ადმინისტრაციული კორპუსის მიმდებარე სკვერში სტუმრებმა მომავლის სტუდენტებისთვის კაფსულა ჩადეს, რომელიც 2072 წელს, 150 წლის იუბილეზე გაიხსნება. გზავნილში სამომავლო სურვილებია გადმოცემული.

ღონისძიების ფარგლებში ასევე გამოიფინა უნივერსიტეტის სტუდენტებისა და თანამშრომლების ნამუშევრები, საარქივო მასალები და სტუ-ს მიმდებარე სარეკრეაციო ზონის მოწყობის გეგმის მოდელირებული ესკიზები. გარდა ამისა, გაიმართა დიღომში მშენებარე სტუ-ს ჰიდროტექნიკისა და ჰიდრავლიკის სამეცნიერო-სასწავლო კვლევითი ლაბორატორიის პრეზენტაცია.

აღსანიშნავია, რომ საქართველოს ტექნიკური უნივერსიტეტის 100 წლის იუბილესთან დაკავშირებით, მთელი წლის განმავლობაში არაერთი ღონისძიება გაიმართება, მათ შორის, ოქტომბრის თვეში, ახალი სასწავლო წლის დაწყებისას, დაგეგმილია მთავარი საიუბილეო ღონისძიება, რომელსაც დაესწრებიან მოწვეული სტუმრები უცხოეთიდან – აკადემიური წრეების თვალსაჩინო წარმომადგენლები.

დამსწრე საზოგადოებას სიტყვით მიმართა ტექნიკური უნივერსიტეტის რექტორმა დავით გურგენიძემ და სტუმრებს მობრძანებისთვის მადლობა გადაუხადა.

საქართველოს ტექნიკური უნივერსიტეტის პირველ საიუბილეო ღონისძიებას ესწრებოდნენ აღმასრულებელი და საკანონმდებლო ხელისუფლების, დიპლომატიური კორპუსისა და საქართველოს სამეცნიერო საზოგადოების წარმომადგენლები.

ყველა სიახლე

ირაკლი ღარიბაშვილი

21 მაისი 2022, 20:22

პოლიტიკა

ირაკლი ღარიბაშვილი: პირადად ვთქვი, რომ არ დავუშვებთ არცერთი სანქცირებული ინდივიდისა თუ კომპანიის ოპერირებას საქართველოში, იმისთვის, რომ მათ გამოიყენონ ჩვენი ტერიტორია სანქციების გვერდის ავლისთვის

მორიგი სრული ბოდვა, ცილისწამება, უპასუხისმგებლობა და ბინძური პროპაგანდა. სხვა რა შეიძლება ითქვას. ჩვენ არა ერთხელ გვითქვამს საჯაროდ, იცით, რომ სრულ კოორდინაციაში ვართ ჩვენს პარტნიორებთან ერთად და მე პირადად ვთქვი, რომ არ დავუშვებთ არცერთი სანქცირებული ინდივიდისა თუ კომპანიის ოპერირებას საქართველოში, იმისთვის, რომ მათ გამოიყენონ ჩვენი ტერიტორია სანქციების გვერდის ავლისთვის, - ამის შესახებ საქართველოს პრემიერ-მინისტრმა ირაკლი ღარიბაშვილმა ჟურნალისტების კითხვის საპასუხოდ განაცხადა, რომელიც ვოლოდიმირ ზელენსკის ადმინისტრაციის ხელმძღვანელის განცხადებას ეხებოდა იმის შესახებ, რომ საქართველო არის იმ ქვეყნებს შორის, რომლებიც ხელს უწყობენ რუსეთს, აუაროს გვერდი სანქციებს.

ირაკლი ღარიბაშვილი

21 მაისი 2022, 20:16

რეგიონი

ირაკლი ღარიბაშვილი: წყალტუბოს განვითარების შემაფერხებელი იყო წყალი, რომელიც კერძო კომპანიის მფლობელობაში იყო, წყლის დაბრუნების შემდეგ ინვესტორები მარტივად შემოვლენ

„ნათქვამი იყო, რომ წყალტუბოში დაწყებულია ძალიან ბევრი პროექტი. მინდა გითხრათ, რომ ჩვენ თვის ბოლოს ვასრულებთ, ტენდერზე გამოგვაქვს ყველა ის სასტუმრო, რომელიც იქ მანამდე იყო გაპარტახებული წინა მთავრობის დროს. მოგეხსენებათ, რომ ჩემი გადაწყვეტილებით წყალი დეკემბერში დავიბრუნეთ. წყალტუბოს წყალი იყო მთავარი შემაფერხებელი ბარიერი, რის გამოც ინვესტორები არ შემოდიოდნენ. მთავარი ღირებულება, სიმდიდრე წყალტუბოსი იყო წყალი, რომელიც იყო კერძო კომპანიის მფლობელობაში. ეს დავიბრუნეთ, 8 მლნ დოლარი გადავიხადეთ, რომელიც რეალურად უფრო მეტი ღირდა, 17 თუ 16 მლნ დოლარი. ახლა უკვე ძალიან მარტივად შემოვლენ ინვესტორები, ინტერესთა გამოხატვა უკვე გამოცხადებულია, აუცილებლად გამოვიტანთ სასტუმროებსაც და ძალიან მალე დაიწყება ეს მშენებლობები. ეს არის ჩვენი გეგმა“,- აღნიშნა პრემიერ-მინისტრმა.

21 მაისი 2022, 20:09

რეგიონი

საქართველოს პრემიერ-მინისტრმა მეღვრეკისში საბავშვო ბაღის სამშენებლო სამუშაოები დაათვალიერა

განხორციელებული და დაგეგმილი სამუშაოების შესახებ ინფორმაცია მთავრობის მეთაურს რეგიონული განვითარებისა და ინფრასტრუქტურის მინისტრმა ირაკლი ქარსელაძემ გააცნო. მისი თქმით, საბავშვო ბაღი გათვლილია 75 აღსაზრდელზე. სამშენებლო სამუშაოები 2021 წელს დაიწყო და მისი დასრულება უახლოეს პერიოდში იგეგმება. ბაღი მოემსახურება გამყოფი ხაზის მიმდებარედ არსებული ორი სოფლის - მეღვრეკისისა და ერგნეთის მოსახლეობას.

21 მაისი 2022, 20:02

სამართალი

პოლიციამ თბილისში, საზოგადოებრივ ტრანსპორტში მომხდარი მკვლელობა ცხელ კვალზე გახსნა - დაკავებულია ერთი პირი

„გამოძიებით დადგინდა, რომ ბრალდებულმა, მიმდინარე წლის 21 მაისს, თბილისში, გურამიშვილის გამზირზე, საზოგადოებრივ ტრანსპორტში, ეჭვიანობის ნიადაგზე მეუღლეს - 1991 წელს დაბადებულ ს.კ.-ს, ცივი იარაღით მრავლობითი ჭრილობა მიაყენა, რის შედეგადაც ს.კ. ადგილზე გარდაიცვალა“.

ირაკლი ღარიბაშვილი

21 მაისი 2022, 19:36

რეგიონი

ირაკლი ღარიბაშვილი: ჩემი სურვილია, რომ მიმდინარე სამუშაოები პირადად მოვინახულო ყველგან რათა დავრწმუნდე, რომ ყველაფერი რიგზეა და ჩვენს მოქალაქეებს მაქსიმალურად მივაქციოთ ყურადღება, ეს არის ჩვენი ამოცანა და პირდაპირი ვალდებულება

ჩემი სურვილია, რომ მიმდინარე სამუშაოები პირადად მოვინახულო ყველგან რათა დავრწმუნდე, რომ ყველაფერი რიგზეა, - ამის შესახებ საქართველოს პრემიერ-მინისტრმა ირაკლი ღარიბაშვილმა გორში, ჟურნალისტებთან საუბარში განაცხადა.

ირაკლი ღარიბაშვილი

21 მაისი 2022, 19:34

პოლიტიკა

ირაკლი ღარიბაშვილი: მთავარი დოკუმენტი, რაც განსაზღვრავს ევროკავშირში ჩვენი ქვეყნის ინტეგრაციას, არის ასოცირების შეთანხმება, რომელზეც ხელმოწერის პატივი მე მხვდა წილად

ჩვენმა მთავრობამ, თუ რაიმე გააკეთა რომელიმე მთავრობამ ერთად აღებული ევროკავშირთან ინტეგრაციის გზაზე, ჩვენ ყველაზე მეტი გავაკეთეთ; შეგახსენებთ, რომ ბატონი ივანიშვილის და ჩვენი ხელისუფლების მოსვლის დღიდან ევროკავშირის გზაზე ჩვენ ყველაზე დიდ პროგრესს მივაღწიეთ, - ამის შესახებ საქართველოს პრემიერ-მინისტრმა ირაკლი ღარიბაშვილმა ჟურნალისტებს გორში განუცხადა.

ირაკლი ღარიბაშვილი

21 მაისი 2022, 19:25

პოლიტიკა

ირაკლი ღარიბაშვილი: წელს 152 განაცხადი იყო შესული სტრასბურგში, სააკაშვილის დროს - 3 000, 4 000, იყო შემთხვევები 5 000 განცხადებაც კი შესულა სტრასბურგში, აქ მოქალაქეები სამართალს ვერ პოულობდნენ

„ამიტომ, ეს რეალობა, ეს კონტრასტი, რაც დღეს მივიღეთ, საშინელი პერიოდი იყო და დღეს, რეალურად გვაქვს ქვეყანაში დემოკრატია, სიტყვის თავისუფლება, ადამიანის უფლებები არ ირღვევა, გვაქვს სრული გამჭვირვალობა, ანგარიშვალდებულება, საზოგადოების, თქვენს წინაშე - მედიის წინაშე, ამას, მეგობრებო, სჭირდება დანახვა. რომ ავიღოთ ევროპის ქვეყნების, ევროკავშირის წევრი ქვეყნების სასამართლო სისტემის და მართლმსაჯულების საშუალო რეიტინგები და გამოკითხვის შედეგები, რომ შევადაროთ ჩვენს სისტემას, ჩვენ, არა თუ ამ პარამეტრებში ვჯდებით, არამედ ბევრ ევროპულ ქვეყანას წინ ვუსწრებთ ყველა მიმართულებით, მართლმსაჯულების, კორუფციის მართვის, თუ ადამიანის უფლებების მიმართულებით, ეკონომიკის თავისუფლების, ყველა მიმართულებით ჩვენ გვაქვს სრული პროგრესი ბოლო 8 წლის განმავლობაში“, - განაცხადა მთავრობის მეთაურმა.

ირაკლი ღარიბაშვილი

21 მაისი 2022, 19:24

პოლიტიკა

ირაკლი ღარიბაშვილი: ძალიან ცნობილმა ლიდერებმა მითხრეს, რა უბედურება გჭირთ, ჩამოდიან თქვენი ოპოზიციის წარმომადგენლები და გვეუბნებიან, რამენაირად იქნებ არ იყოს პოზიტიური გადაწყვეტილება მიღებული საქართველოსთან მიმართებაში

მაშინ, როცა ჩვენი მთავრობა მუშაობდა ინტენსიურად იმისთვის, რომ ჩვენს მოქალაქეებს უვიზო რეჟიმი მიეღოთ, ჩვენი ევროპელი კოლეგები, გაოცებული, მეც მიყვებოდნენ და ჩვენს კოლეგებსაც, რომ ოპოზიციის წარმომადგენლები დადიოდნენ ევროკავშირში და სთხოვდნენ, ემუდარებოდნენ, ათას ცილისწამებას და დეზინფორმაციას ავრცელებდნენ, რომ რამენაირად არ მიეროთ ჩვენს მოქალაქეებს უვიზო რეჟიმი ევროკავშირისგან, - ამის შესახებ საქართველოს პრემიერ-მინისტრმა ირაკლი ღარიბაშვილმა ჟურნალისტებს გორში განუცხადა.

ირაკლი ღარიბაშვილი

21 მაისი 2022, 19:18

პოლიტიკა

ირაკლი ღარიბაშვილი: სწორედ ბატონი ივანიშვილის მიერაა დაწყებული ძირითადი სტრატეგიული ხაზი, რაც ქვეყნის ევროპასთან ინტეგრაციას უკავშირდება

ჩადიან ეს ანტისახელმწიფოებრივი, მტრული ძალები და ეხვეწებიან ევროპელ ლიდერებს, როგორმე ის პროგრესი, რომელსაც ჩვენ მივაღწიეთ, არ იყოს ასახული, - ამის შესახებ საქართველოს პრემიერ-მინისტრმა, ირაკლი ღარიბაშვილმა ჟურნალისტებს განუცხადა.

ირაკლი ღარიბაშვილი

21 მაისი 2022, 19:16

პოლიტიკა

ირაკლი ღარიბაშვილი: ბიძინა ივანიშვილის მთავრობამ მოაწერა ხელი ასოცირების შეთანხმებას, მოიტანა უვიზო რეჟიმი, თავისუფალი ვაჭრობა და განაცხადი ევროკავშირში

მთავრობის მეთაურმა აღნიშნა, რომ ოპოზიციის მხრიდან გაკეთებული აბსტრაქტული, ცილისმწამებლური, ზედაპირული განცხადებები დამაბნეველია, თუმცა მას სჯერა, რომ ქართველ ხალხს და ევროპელ ლიდერებს რაიმე სხვა აზრი არ ექნებათ.

ირაკლი ღარიბაშვილი

21 მაისი 2022, 19:11

პოლიტიკა

ირაკლი ღარიბაშვილი: ჩადიან მავნებლურად ეს ანტისახელმწიფოებრივი და მტრული ძალები და ეხვეწებიან ევროპელ ლიდერებს, რომ ის პროგრესი, რომელსაც მივაღწიეთ, არ იყოს ასახული

რამდენიმე დღის წინ, როცა ბრიუსელი ვიყავი, ძალიან ცნობილმა ლიდერებმა მითხრეს, რა ხდება, რა უბედურება გჭირთ, რომ ჩამოდიან თქვენი ოპიზიციის წარმომადგენლები და და გვეუბნებიან, რამენაირად იქნება არ იქნეს პოზიტიური გადაწყვეტილება მიღებული საქართველოსთან მიმართებაში - ასეთი მავნებლობა და ქვეყნის მტრობა უბრალოდ დანაშაულია, - ამის შესახებ ჟურნალისტებს პრემიერ-მინისტრმა, ირაკლი ღარიბაშვილმა განაცხადა.

ირაკლი ღარიბაშვილი

21 მაისი 2022, 19:00

პოლიტიკა

ირაკლი ღარიბაშვილი: მიუხედავად იმისა, რომ წალენჯიხის მერმა ვადები და პროცედურები დაარღვია, ჩვენ შესაბამის განკარგულებას გამოვცემთ - წალენჯიხის მოსახლეობა ყველა სახელმწიფო პროგრამით ისარგებლებს

„როდესაც, წინა საარჩევნო კამპანიის დროს დავდიოდი რეგიონებში, მაშინ ერთ-ერთ ჩემს გამოსვლაში ვთქვი, რომ თუ აირჩევდნენ ოპოზიციის წარმომადგენელს, გამოჩნდებოდა, რომ ისინი სწორ გადაწყვეტილება არ მიიღებდნენ. ფაქტი სახეზეა - წალენჯიხის მერმა სამწუხაროდ დაარღვია და წალენჯიხის მოქალაქეებს არ მიეცათ შესაძლებლობა, რომ სახელმწიფო პროგრამებით ესარგებლათ“, - განაცხადა ირაკლი ღარიბაშვილმა.

ირაკლი ღარიბაშვილი

21 მაისი 2022, 18:52

პოლიტიკა

ირაკლი ღარიბაშვილი: ნებისმიერი ადამიანი, რომელიც კანონს დაარღვევს, უნდა დაისაჯოს, ასეთია მოწყობა ნებისმიერი სამართლებრივი სახელმწიფოსი

ჩვენ თუ გვინდა სამართლებრივი სახელმწიფო, სადაც პირველ რიგში, კანონის უზენაესობაა დაცული და არცერთი ადამიანი არაა კანონზე მაღლა, მაშინ კითხვები არ უნდა გაგვიჩნდეს, - ამის შესახებ საქართველოს პრემიერ-მინისტრმა, ირაკლი ღარიბაშვილმა ჟურნალისტებს ნიკა გვარამიას საქმეზე საუბრისას განუცხადა.

ირაკლი ღარიბაშვილი

21 მაისი 2022, 18:51

პოლიტიკა

ირაკლი ღარიბაშვილი: ჩვენ კარგად გვახსოვს, როგორი სასამართლო ჩავიბარეთ 2012 წელს - ეს იყო რეალურად პროკურატურის დანაყოფი

ჩვენ კარგად გვახსოვს, როგორი სასამართლო ჩავიბარეთ 2012 წელს - ეს იყო რეალურად პროკურატურის დანაყოფი, - ამის შესახებ ჟურნალისტებს პრემიერ-მინისტრმა, ირაკლი ღარიბაშვილმა განაცხადა.

ირაკლი ნღარიბაშვილი

21 მაისი 2022, 18:43

პოლიტიკა

პრემიერი: მე კანონით მეკუთვნის სახელმწიფო მანქანები, მაგრამ მიუხედავად ამისა, ჩემი მანქანით გადავადგილდები

„მე ვარ საქართველოს პრემიერ-მინისტრი, გვარამია იყო კერძო კომპანიის დირექტორი, რომელმაც მოიპარა ფული თუ გააკოტრა კომპანია. მე და ჩემი ოჯახის წევრებს რომ მადარებთ, რატომ სარგებლობს თურმე პრემიერ-მინისტრის ოჯახი სახელმწიფო მანქანებით, ამას ეუბნებით ხალხს, ეს არის ტყუილი“, - განაცხადა ირაკლი ღარიბაშვილმა.

21 მაისი 2022, 18:20

რეგიონი

მთავრობის მეთაური შიდა ქართლის რეგიონული ტურნეს ფარგლებში, სოფელ ქვემო ნიქოზში, საოჯახო სასათბურე მეურნეობას ეწვია და ადგილობრივ ფერმერებს შეხვდა

მთავრობის მეთაურს ადგილზე მასპინძელმა ფერმერებმა, ელზა ოქროპირიძემ და ვლადიმერ მარიამიძემ უმასპინძლეს, რომელთაც სოფელ ქვემო ნიქოზში 1.10 ჰა მიწა აქვთ რეგისტირებული და პრემიერის მიერ ინიცირებული „სასოფლო-სამეურნეო დანიშნულების მიწის ნაკვეთების მესაკუთრეთა ხელშეწყობის სახელმწიფო პროგრამით” სარგებლობენ.

გია აბაშიძე

21 მაისი 2022, 17:50

პოლიტიკა

გია აბაშიძე გიორგი მშვენიერაძეს: წადი, დითირამბები მიუძღვენი ბელად სააკაშვილს! ეგ უფრო მეტ-ნაკლებად გამოგდის

ვერც კოლექტიური მშვენიერაძეები და ვერც მისნაირი უტვინო ნაცპოლიტიკანები ვერაფერს დამაკლებენ, როცა სიმართლე ჩემი და თანამოაზრეების მხარეზეა- ასე ეხმიანება ანალიტიკოსი გია აბაშიძე გიორგი მშვენიერაძის ფეისბუქ სტატუსს.

ზაალ ანჯაფარიძე

21 მაისი 2022, 17:25

პოლიტიკა

ზაალ ანჯაფარიძე: დერეკ შოლე ან საერთოდ არ იცნობს აქაურ მედიის მდგომარეობას ან იმ ცნობილი „შემადგენლობის“ ჩაწოდებული კლიშეებით და დეზინფორმაციით იკვებება

2012 წლიდან რომელი და რამდენი მედია დაიხურა საქართველოში ხელისუფლების ჩარევით? მე ვიცი რომ არცერთი, გახსნით კი ბევრი გაიხსნა. ვინც ჩვენს ტელესივრცეს თვალს ადევნებს, ვის შეუძლია მოუბრუნდეს ენა, და თქვას, რომ იქ დებატების სივრცე შეზღუდულია?- წერს ექსპერტი ზაალ ანჯაფარიძე აშშ-ის სახელმწიფო მდივნის უფროსი მრჩევლის დერეკ შოლეს განცხადების შესახებ, სადაც მწუხარებას გამოთქვამს მედიის თავისუფლების და ღია დებატებისთვის სივრცის დახურვის გამო.

21 მაისი 2022, 17:21

რეგიონი

პრემიერ-მინისტრმა ქარელში ახალი საცურაო აუზი დაათვალიერა

როგორც პრემიერმა აღნიშნა, სპორტული ინფრასტრუქტურის განვითარების მიმართულებით მთავრობა ქვეყნის მასშტაბით მნიშვნელოვან ნაბიჯებს დგამს, რაც ჯანსაღი ცხოვრების წესის ხელშეწყობისთვის მნიშვნელოვანი სტიმულია.

ჯო ბაიდენი
ენტონი ბლინკენი

21 მაისი 2022, 17:08

მსოფლიო

რუსეთმა ჯო ბაიდენსა და ენტონი ბლინკენს ქვეყანაში შესვლა აუკრძალა

„ამერიკის შეერთებული შტატების მიერ მუდმივად დაწესებულ ანტირუსულ სანქციებზე რეაგირების კონტექსტში, რუსეთის საგარეო საქმეთა სამინისტრო აქვეყნებს იმ ამერიკელი მოქალაქეების სიას, რომლებსაც ეკრძალებათ რუსეთის ფედერაციაში შემოსვლა მუდმივ რეჟიმში“, - ნათქვამია სამინისტროს ვებგვერდზე.