კომიტეტების ერთობლივ სხდომაზე სახელოვნებო-შემოქმედებითი უმაღლესი საგანმანათლებლო დაწესებულებების საქმიანობის ანგარიშები მოისმინეს
ფოტო: პარლამენტის პრესსამსახური
განათლების, მეცნიერებისა და ახალგაზრდულ საქმეთა და კულტურის კომიტეტების ერთობლივ სხდომაზე სახელოვნებო-შემოქმედებითი უმაღლესი საგანმანათლებლო დაწესებულებების საქმიანობის ანგარიშები მოისმინეს.
სხდომაზე წარმოდგენილი იყო თბილისის ვანო სარაჯიშვილის სახელობის სახელმწიფო კონსერვატორიის, თბილისის აპოლონ ქუთათელაძის სახელობის სახელმწიფო სამხატვრო აკადემიის, საქართველოს შოთა რუსთაველის თეატრისა და კინოს სახელმწიფო უნივერსიტეტის და გიორგი მთაწმინდელის სახელობის გალობის უნივერსიტეტის ანგარიშები.
თბილისის ვანო სარაჯიშვილის სახელობის სახელმწიფო კონსერვატორიის საქმიანობის ანგარიში კონსერვატორიის რექტორმა გიორგი ვაჩნაძემ წარადგინა.
მისი თქმით, კონსერვატორია საბაკალავრო, სამაგისტრო, სადოქტორო და სასერტიფიკატო საგანმანათლებლო პროგრამებს ახორციელებს. როგორც რექტორმა აღნიშნა, მნიშვნელოვანი სიახლეა, რომ 2025 წელს კონსერვატორიამ პირველად მიიღო საერთაშორისო აკრედიტაცია და მოიპოვა ინგლისურენოვანი პროგრამების განხორციელების უფლება.
მომხსენებელმა ასევე ისაუბრა სამეცნიერო და კვლევით საქმიანობაზე, საერთაშორისო თანამშრომლობასა და არსებულ გამოწვევებზე. მისი თქმით, უმაღლესი განათლების რეფორმის მიუხედავად, კონსერვატორიაში საბაკალავრო პროგრამა 4-წლიან ფორმატში შენარჩუნდა.
სხდომაზე საქართველოს შოთა რუსთაველის თეატრისა და კინოს სახელმწიფო უნივერსიტეტის საქმიანობის ანგარიში უნივერსიტეტის რექტორმა გიორგი შალუტაშვილმა წარადგინა.
მომხსენებელმა უნივერსიტეტის ისტორიაზე ისაუბრა და აღნიშნა, რომ შოთა რუსთაველის თეატრისა და კინოს სახელმწიფო უნივერსიტეტი ერთ-ერთი გამორჩეული უმაღლესი სასწავლებელია მსოფლიოში.
გიორგი შალუტაშვილმა საგანმანათლებლო პროგრამებზე, საგამომცემლო საქმიანობასა და საერთაშორისო პარტნიორობაზე ისაუბრა.
მან განსაკუთრებული ყურადღება საერთაშორისო პროექტებზე გაამახვილა და აღნიშნა, რომ ქართველ თეატრისა და კინოს რეჟისორებზე წიგნი გამოიცემა და ის მსოფლიოში არსებულ უმაღლეს სახელოვნებო სასწავლებლებში განთავსდება.
თბილისის აპოლონ ქუთათელაძის სახელობის სახელმწიფო სამხატვრო აკადემიის რექტორმა ყარამან ქუთათელაძემ კომიტეტების ერთობლივ სხდომაზე ქვეყნისთვის სამხატვრო აკადემიის მნიშვნელობაზე ისაუბრა. მან სხვადასხვა საგანმანათლებლო პროგრამა მიმოიხილა და ყურადღება აკადემიის წინაშე არსებულ გამოწვევებზე გაამახვილა.
გიორგი მთაწმინდელის სახელობის გალობის უნივერსიტეტის საქმიანობაზე უნივერსიტეტის პრორექტორმა თათია ჩხეიძემ ისაუბრა. მისი თქმით, უნივერსიტეტმა 2023 წელს მოიპოვა ავტორიზაცია და უნივერსიტეტის სტატუსი მიენიჭა. როგორც მან აღნიშნა, უნივერსიტეტი საბაკალავრო და სამაგისტრო პროგრამებს ახორციელებს. მისივე ინფორმაციით, ბაკალავრიატის საფეხურზე სწავლა 4 წლიანია, სამაგისტრო საფეხურზე - 2 წლიანი.
მომხსენებლის თქმით, მნიშვნელოვანი სიახლეა, რომ გიორგი მთაწმინდელის სახელობის გალობის უნივერსიტეტი ახალ შენობაში გადადის.
თათია ჩხეიძემ საუნივერსიტეტო აქტივობებზე, სტუდენტურ ექსპედიციებსა და საერთაშორისო პარტნიორობაზე გაამახვილა ყურადღება.
როგორც სხდომაზე აღინიშნა, მნიშვნელოვანია არსებულ გამოწვევებზე ღიად საუბარი და მათი განხილვა. ასევე, პრობლემების დროულად მოგვარებისთვის აუცილებელია მხარეებს შორის დიალოგი.
განათლების, მეცნიერებისა და ახალგაზრდულ საქმეთა და კულტურის კომიტეტების ერთობლივ სხდომაზე წარმოდგენილი ანგარიშები ცნობად მიიღეს.
ინფორმაციას პარლამენტის პრესსამსახური ავრცელებს.
ყველა სიახლე
30 მარტი 2026, 18:30
პოლიტიკა
ნინო წილოსანი: თემურ ალასანია საჯაროდ არ მონაწილეობდა ქართულ პოლიტიკაში, თუმცა იყო გარკვეულწილად ჩრდილოვანი და რუხი კარდინალი, რომელიც მნიშვნელოვნად განაპირობებდა მიხეილ სააკაშვილის მავნებლობებს
პარლამენტის თავმჯდომარის მოადგილე, ნინო წილოსანი საქართველოს ყოფილი პრეზიდენტის, მიხეილ სააკაშვილის ბიძის, თემურ ალასანიას განცხადებას გამოეხმაურა, რომელმაც ქართველ ხალხს შეურაცხყოფა მიაყენა და თქვა, რომ ქართველ ერს ავადმყოფობები აქვს.
30 მარტი 2026, 18:30
ჯანდაცვა
მიხეილ სარჯველაძე: კონკურენციის მიმართულებით აუცილებლად, მუდმივად თვალ-ყურის დევნება სჭირდება თვითონ ფარმაცევტულ სექტორს და ამის დასტურია კონკურენციის სააგენტოს მიერ ბოლო წლებში განხორციელებული რამდენიმე გამოკვლევა ამ მიმართულებით
კონკურენციის მიმართულებით აუცილებლად, მუდმივად თვალ-ყურის დევნება სჭირდება თვითონ სექტორს და ამის დასტურია კონკურენციის სააგენტოს მიერ ბოლო წლებში განხორციელებული რამდენიმე გამოკვლევა ამ მიმართულებით, რომელიც ფარმაცევტულ სექტორს შეეხებოდა, - განაცხადა გადაცემაში „დღის ქრონიკა“ ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრმა, მიხეილ სარჯველაძემ.
30 მარტი 2026, 18:14
ჯანდაცვა
ნინო წილოსანი: დღევანდელ სხდომაზე ვისაუბრეთ თუ რამდენად გარიგებულები არიან მედიკამენტების მწარმოებლები ექიმებთან და ხომ არ ვხვდებით ისეთ შემთხვევებს, როცა ექიმები დაინტერესებულები არიან დანიშნოს კონკრეტული წამალი
საქართველოს პარლამენტის ვიცე-სპიკერმა ნინო წილოსანმა „დღის ქრონიკასთან“ სასურსათო პროდუქციის, მედიკამენტებისა და საწვავის ფასწარმოქმნის სტრუქტურის შემსწავლელი კომისიის დღევანდელი სხდომის დეტალებზე ისაუბრა.
30 მარტი 2026, 18:09
ეკონომიკა
ნინო წილოსანი: მაღაზიებთან, ქსელურ მარკეტებთან, დისტრიბუტორებსა თუ სასურსათო პროდუქტების მწარმოებლებთან შეხვედრებმა დაგვანახა, რომ დიდია შესაძლებლობა, პროდუქტები გაიაფდეს
„მინდა გავაჟღერო არაერთხელ დასმული კითხვა, რომ ფასების კომისიის მუშაობის პროცესში რატომ არ გაიაფდა პროდუქტებსა თუ მედიკამენტებზე ფასები. მინდა ავხსნა, რომ ეს ვერ იქნებოდა და არც უნდა ყოფილიყო მყისიერი შედეგის მომტანი. ჩვენ აქ არც ვინმეს დასაშინებლად ვართ და არც არასწორი მექანიზმებით არ ვოპერირებთ. პარლამენტის კომისია გულისხმობს, რომ საჯაროდ იყოს განხილული ამ პრობლემის ყველა მდგენელი, საზოგადოება საქმის კურსში იყოს, სად არის ის რესურსი, რომელსაც სახელმწიფო აუცილებლად გამოიყენებს, რომ ეს საკითხი დაარეგულიროს.
30 მარტი 2026, 18:04
ჯანდაცვა
მიხეილ სარჯველაძე: ვფიქრობთ, რომ უნდა გაფართოვდეს წრე იმ მედიკამენტებისა, რომელზეც დაწესდება რეფერენტული ფასები. სახელმწიფო აქტიურად ჩაერევა იმ პროცესში, რომ რაც შეიძლება მეტად და ეფექტიანად დავიცვათ მომხმარებლების ინტერესი
თუკი ბიზნესისგან მოდის ეს ინიციატივა, რომ გადაიხედოს მედიკამენტების რეფერენტული ფასები, ვშიშობ ამ შემთხვევაში იგულისხმება მოთხოვნა ფასების გაზრდასთან დაკავშირებით. ეს არ არის ჩვენთვის პრიორიტეტული მიმართულება, - განაცხადა გადაცემაში „დღის ქრონიკა“ ჯანდაცვის მინისტრმა მიხეილ სარჯველაძემ მედიკამენტების ფასებზე საუბრისას.
30 მარტი 2026, 17:59
ჯანდაცვა
მიხეილ სარჯველაძე: სამართლიანი რეგულირება ნიშნავს იმას, რომ ოპტიმალურ ფასად, სამართლიან ფასად მიეწოდებოდეს მედიკამენტი პაციენტს და მეორეს მხრივ, მოხერხებადი იყოს ბიზნესისთვის
სამართლიანი რეგულირება ნიშნავს იმას, რომ ოპტიმალურ ფასად, სამართლიან ფასად მიეწოდებოდეს მედიკამენტი პაციენტს და მეორეს მხრივ, მოხერხებადი იყოს ბიზნესისთვის, - განაცხადა ჯანდაცვის მინისტრმა „დღის ქრონიკაში“.
30 მარტი 2026, 17:54
ჯანდაცვა
ჯანმრთელობის დაცვისა და სოციალურ საკითხთა კომიტეტმა „ადამიანის სისხლისა და მისი კომპონენტების ხარისხისა და უსაფრთხოების შესახებ“ კანონში ცვლილებებს მხარი დაუჭირა
კანონპროექტთა პაკეტი სხდომაზე ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრის მოადგილემ ირინა წაქაძემ წარადგინა. მისი განმარტებით, საკანონმდებლო პაკეტი ეხება სისხლის დაწესებულებების ინსტიტუციური მოწყობის თვისობრივად ახალ მოდელზე გადასვლას.
30 მარტი 2026, 17:50
პოლიტიკა
საფინანსო-საბიუჯეტო კომიტეტმა რატიფიცირებისთვის წარდგენილ შეთანხმებებს მხარი დაუჭირა
საფინანსო-საბიუჯეტო კომიტეტმა საქართველოს მთავრობის მიერ რატიფიცირებისათვის წარმოდგენილი ორი შეთანხმება განიხილა.
30 მარტი 2026, 17:48
საზოგადოება
სურსათის დანაკარგებისა და ნარჩენების შემცირების საკითხებზე ეროვნული ფორუმი გაიმართა
„სურსათის დანაკარგები წარმოადგენს მნიშვნელოვან გლობალურ გამოწვევას, მათ შორის საქართველოშიც, და გავლენას ახდენს როგორც მწარმოებლებზე, ისე ქვეყნის ეკონომიკაზე. ამიტომ მისი მართვა სახელმწიფოებრივი მნიშვნელობის საკითხია და საჭიროებს კერძო და საჯარო სექტორის ერთობლივ ჩართულობას. საქართველოს პარლამენტმა მიიღო შესაბამისი კანონი და სტრატეგია, ხოლო გარემოს დაცვისა და სოფლის მეურნეობის სამინისტრო აქტიურად მუშაობს სურსათის უსაფრთხოებისა და დანაკარგების შემცირების მიმართულებით. ამ პროცესში სურსათის ეროვნული სააგენტო უზრუნველყოფს საქველმოქმედო საქმიანობის ავტორიზაციას, რაც ხელს უწყობს სურსათის ეფექტიან და მიზნობრივ განაწილებას“, - აღნიშნა ლაშა ავალიანმა.
30 მარტი 2026, 17:34
ეკონომიკა
მარიამ ჩახვაშვილი: შეიძლება ითქვას, რომ ელექტროენერგიის ტარიფის ზრდა გამართლებულია
შეიძლება ითქვას, რომ ელექტროენერგიის ტარიფის ზრდა გამართლებულია, რადგან საბოლოო მომხმარებელი ხარისხის გაუმჯობესებას მიიღებს, - განაცხადა „გალთ ენდ თაგარტის“ ანალიტიკოსმა მარიამ ჩახვაშვილმა და სემეკის დღევანდელი გადაწყვეტილება შეაფასა.
30 მარტი 2026, 17:30
მსოფლიო
ვოლოდიმირ ზელენსკი: თუ რუსეთი მზად არის არ დაარტყას უკრაინის ენერგეტიკას, ჩვენც არ ვუპასუხებთ დარტყმით მათ ენერგეტიკაზე
უკრაინის პრეზიდენტმა აღნიშნა, რომ ახლო აღმოსავლეთში მიმდინარე სამხედრო ოპერაციის გამო, პარტნიორები ივიწყებენ, რომ უკრაინას თავდაცვისთვის რაკეტსაწინააღმდეგო საშუალებები სჭირდება. კერძოდ, პატრიოტის სისტემები.
30 მარტი 2026, 17:30
სამართალი
ხელისუფლების დამხობის მცდელობის საქმეზე 14 ბრალდებულის სასამართლო პროცესი გაიმართა
სხდომაზე ბრალდების მხარის მტკიცებულებები განიხილეს, მათ შორის ვიდეო-მტკიცებულებები. პროკურატურის განცხადებით, საქმეში არსებული მტკიცებულებებით დაკავებულების ბრალეულობა დასტურდება.
30 მარტი 2026, 17:16
მსოფლიო
ირანის საგარეო საქმეთა სამინისტროში თეირანსა და ვაშინგტონს შორის პირდაპირი მოლაპარაკებების მიმდინარეობას უარყოფენ
ირანის საგარეო უწყებაში ამბობენ, რომ თეირანსა და ვაშინგტონს შორის პირდაპირი დიალოგი ამ დრომდე არ დაწყებულა და მხარეები შუამავლების საშუალებით ლაპარაკობენ. საგარეო საქმეთა სამინისტროს წარმომადგენელმა ისმაილ ბაგაიმ ვაშინგტონის მიერ ირანისთვის გადაცემულ მოთხოვნებს გადაჭარბებული და არარეალისტური უწოდა. ჰორმუზის სრუტის ჩაკეტვა კი აგრესიის გამო ირანის ლეგიტიმურ ქმედებად შეაფასა.
30 მარტი 2026, 17:15
პოლიტიკა
არჩილ გორდულაძე: საქართველოში არსებობენ ძალები, რომლებიც გარედან ფინანსდებიან - ათწლეულების განმავლობაში მათი მიზანია ქართული ეკლესიის ჩამონგრევა, რადგან სურთ ამ ქვეყანაში არ არსებობდეს ინსტიტუცია, რომელსაც ხალხი მოუსმენს და ენდობა
პარლამენტის იურიდიულ საკითხთა კომიტეტის თავმჯდომარე, არჩილ გორდულაძე აცხადებს, რომ მართლმადიდებელი ეკლესიის წინააღმდეგ მიზანმიმართული კამპანია მიმდინარეობს და კონკრეტული ჯგუფების მიზანი ეკლესიის დისკრედიტაციაა. როგორც მან აღნიშნა, კამპანია ეკლესიის წინააღმდეგ გარედან არის მართული.
30 მარტი 2026, 17:11
პოლიტიკა
გიორგი ვოლსკი თემურ ალასანიას განცხადებაზე: ქართველი ერი საკმაოდ უხერხული „პარტნიორი“ გამოდგა მათთვის, ვინც ცდილობს, რომ საქართველო დაჩაგროს. ეს ჯგუფი შესაბამის დამოკიდებულებას გამოხატავს იმ ხალხის მიმართ, ვინც მათ ჭკუაზე არ დადის
ვერ ვიტყოდი, რომ ეს მხოლოდ თემურ ალასანიას მოსაზრებაა ასეთი. მან უბრალოდ ღიად გამოხატა ეს მოსაზრება საკმაოდ უხეში და მძიმე სიტყვებით და შეფასებებით, - განაცხადა პარლამენტის პირველმა ვიცე-სპიკერმა.
30 მარტი 2026, 17:09
მსოფლიო
ბრიტანეთმა Apple-ის შვილობილი კომპანია რუსეთის წინააღმდეგ სანქციების დარღვევისთვის დააჯარიმა
Apple-ის ირლანდიაში რეგისტრირებულმა ფილიალმა შავ სიაში შეყვანილ რუსულ კომპანიას 2022 წლის ივნისსა და ივლისში, ჯამურად 635 ათასი გირვანქა სტერლნგის ოდენობის თანხა ორჯერ გადაურიცხა. ბრიტანეთის მთავრობის განცხადებით, რუსული სტრიმინგ პლატფორმა, რომელთან ტრანზაქციის გამოც Apple-ი დაჯარიმდა, 2022 წლის მაისამდე რუსეთის უმსხვილეს ბანკს, „სბერბანკს“ ეკუთვნოდა.
30 მარტი 2026, 16:33
პოლიტიკა
ნინო ცხვარაძე: თავისუფალი მედია ნიშნავს პასუხისმგებლობას და არა ფაქტებით მანიპულირებას. ისწავლეთ წყაროს გადამოწმება და ნუ აკადრებთ საზოგადოებას იმას, რაც პროფესიულ და მორალურ სტანდარტებთან ახლოსაც არ არის
„როდესაც მედია ოფიციალური ვიზიტის შინაარსს ადამიანურ მღელვარებაზე თავდასხმით ანაცვლებს, ეს აღარ არის ჟურნალისტიკა — ეს მანიპულაციაა. მიზანი ერთია, ხალხმა განიკითხოს ქალი და დედა, ნაცვლად იმისა, რომ დაინახოს ის სახელმწიფოებრივი საქმე, რომელიც ქვეყნის სახელით კეთდება“ - განაცხადა საკრებულოს წევრმა.
30 მარტი 2026, 16:31
პოლიტიკა
პარლამენტის ბიურომ მიმდინარე სასესიო კვირის პლენარული სხდომების დღის წესრიგზე იმსჯელა
პარლამენტის ბიურომ მიმდინარე სასესიო კვირის პლენარული სხდომების დღის წესრიგი შეიმუშავა და ახალ საკანონმდებლო ინიციატივებზე იმსჯელა.
30 მარტი 2026, 16:29
რეგიონი
სურსათის ეროვნული სააგენტო: ზუგდიდის ცენტრიდან აყვანილ მიუსაფარ ძაღლებს ჩაუტარდებათ შესაბამისი ვეტერინარული მანიპულაციები და ვაქცინაცია, რის შემდეგაც ეკიპაჟები მათ უკან დააბრუნებენ
ძაღლების ჰიპერპოპულაციის მართვის პროგრამის ფარგლებში, ზუგდიდის მერიასთან კოორდინაციით, სურსათის ეროვნული სააგენტოს ეკიპაჟებმა, ქალაქ ზუგდიდის ცენტრიდან (დადიანების სასახლის მიმდებარე ტერიტორია) მიუსაფარი ძაღლები ქუთაისის მუნიციპალურ თავშესაფარში გადაიყვანეს.