დავით გველესიანი პატრიარქზე: ერთხელ კონსერვატორიაში შემხვდა და მითხრა, რომ ბოლო ხანებია ხშირად ვფიქრობ, იქნებ ღმერთს ჩემთვის უფრო მეტი რაღაცის დავალება უნდა, ვიდრე ეს ჩელოაო. შემდეგ მითხრა, რომ ჩემს მოძღვართან წამეყვანა

ისე უკრავდა, ისეთი ბგერა ჰქონდა, რომ მთელს მის შინაგან სამყაროს დაგანახებდა ამ ბგერებით და შესრულებით, - განაცხადა გადაცემა „იმედის კვირასთან“ ანსამბლ „რუსთავის“ წევრმა დავით გველესიანმა საქართველოს კათოლიკოს-პატრიარქ, უწმინდესსა და უნეტარესზე შიო მესამეზე საუბრისას.

მისივე თქმით, ეს იყო ძალიან საინტერესო სამყარო.

„ერთხელ კონსერვატორიაში შემხვდა და მითხრა, რომ დღეს მთელია დღეა, გეძებო. ეს ბოლო ხანები ძალიან ხშირად ვფიქრობ, რომ იქნებ ღმერთს ჩემთვის უფრო მეტი რაღაცის დავალება უნდა, ვიდრე ეს ჩელოაო. შემდეგ მითხრა, რომ ჩემს მოძღვართან წამეყვანა. მაშინ ჩემი მოძღვარი იყო მამა ირაკლი მახარაძე, რომელიც ახლა არის აბბა ალავერდელი დავითი.

იმ დღესვე წავედით სიონის ტაძარში და გავაცანი ერთმანეთს. ერთ წამში გაუგეს ერთმანეთს, საღამოს შვიდი საათიდან ღამის პირველ საათამდე საუბრობდნენ. ერთმანეთის პირისპირ იდგნენ. ბოლოს ძალიან დავიღალე და ვფიქრობდი როდის მორჩებოდნენ საუბარს. რა ვიცოდი მაშინ, რომ ღმერთმა შეახვედრა ორი ამხელა მეუფე ერთმანეთს“, - აღნიშნა დავით გველესიანმა.