2 ივნისიდან ბაქო-თბილისი-ყარსის სარკინიგზო ხაზი ოფიციალურად ამოქმედდება
ფოტო: საქართველოს ეკონომიკისა და მდგრადი განვითარების სამინისტრო
ბაქო-თბილისი-ყარსის ახალი სარკინიგზო ხაზი 2 ივნისს ოფიციალურად ამოქმედდება.
საქართველოს ეკონომიკისა და მდგრადი განვითარების სამინისტროს ინფორმაციით, ახალი ხაზი საქართველოს, აზერბაიჯანისა და თურქეთის ერთობლივი სტრატეგიული პროექტია, რომელსაც მნიშვნელოვანი როლი აქვს ევროპასა და აზიას შორის დაკავშირებადობის გაძლიერებაში. ახალი სარკინიგზო მარშრუტი ქმნის დამატებით გამტარუნარიანობას რეგიონში, მნიშვნელოვნად უწყობს ხელს სატვირთო ნაკადების მარშრუტების დივერსიფიცირებას და აძლიერებს რეგიონის დაკავშირებადობას.
მარაბდა-კარწახის სარკინიგზო მონაკვეთის საერთო სიგრძე 180 კილომეტრია. პროექტის ფარგლებში რეაბილიტაცია-რეკონსტრუქცია ჩაუტარდა 153 კილომეტრს, ხოლო აშენდა 27 კილომეტრის სიგრძის სრულიად ახალი, ევროპული სტანდარტების მქონე სარკინიგზო მაგისტრალი.
ბაქო-თბილისი-ყარსის ახალ სარკინიგზო ხაზზე სატვირთო გადაზიდვების მოცულობა ყოველწლიურად მზარდია. ხაზის სრულ ექსპლუატაციაში შესვლით პროექტის გამტარუნარიანობა 5 მილიონ ტონამდე გაიზრდება, რაც რეგიონს ტვირთების დამატებით ნაკადების გატარების საშუალებას მისცემს და მნიშვნელოვნად გააძლიერებს მის სატრანსპორტო შესაძლებლობებს.
აღნიშნული სარკინიგზო მონაკვეთის სრულ ექსპლუატაციაში შესვლა შესაძლებელი გახდა აზერბაიჯანის ქალაქ ბაქოში საქართველოს პრემიერ-მინისტრის ვიზიტის ფარგლებში ეკონომიკისა და მდგრადი განვითარების მინისტრის მარიამ ქვრივიშვილისა და აზერბაიჯანის ციფრული განვითარებისა და ტრანსპორტის მინისტრის რაშად ნაბიევის მიერ ორმხრივი საკოორდინაციო საბჭოს პროტოკოლზე ხელმოწერით შედეგად.
ყველა სიახლე
01 ივნისი 2026, 17:50
რეგიონი
ფონდმა „ქართუმ“ „ციცინათელას“ პარკის მიმდებარედ არსებული 27 714 კვ. მიწის ნაკვეთი სახელმწიფოს უსასყიდლოდ გადასცა
„თითქმის ყველა რეგიონში ჩვენ გვაქვს განხორციელებული სხვადასხვა ტიპის პროექტი, თუმცა განსაკუთრებული ყურადღება ფონდის მხრიდან ერგო აჭარა-გურიის რეგიონს. ამჯერადაც მსგავსი ტიპის ქველმოქმედებასთან გვაქვს საქმე - ფონდი „ქართუ“ გადასცემს ჩუქების ხელშეკრულებით სახელმწიფოს მიწის ნაკვეთს, რომელიც მოხმარდება ახალი პარკის მოწყობას. კიდევ ერთი, ძალიან ლამაზი სივრცე დაემატება ამ რეგიონს, რაც ხელს შეუწყობს როგორც ტურისტულ ნაკადებს, ასევე ჩვენი მოქალაქეების დასვენებას“, - აღნიშნა ფონდი „ქართუს“ გამგეობის თავმჯდომარემ, ნიკოლოზ ჩხეტიანმა.
01 ივნისი 2026, 17:37
რეგიონი
შეკვეთილში მალე ქვეყანაში ყველაზე დიდი დინო პარკი - „დინოტოპია“ აშენდება
ამ მიზნით, საქველმოქმედო ფონდ „ქართუსა” და სახელმწიფო ქონების ეროვნულ სააგენტოს შორის შეთანხმება შედგა. რომლის თანახმად, ოზურგეთის მუნიციპალიტეტში, „ციცინათელას“ პარკთან მდებარე არასასოფლო-სამეურნეო დანიშნულების მიწის ნაკვეთი, შპს „აკვა ცენტრისგან” შეიძინა ფონდმა “ქართუმ” და იგი სახელმწიფოს უსასყიდლოდ გადასცა. ეს ტერიტორია არსებულ გასართობ სივრცეს შეუერთდება. შედეგად კი, შეიქმნება ერთიანი, მასშტაბური ტურისტული კომპლექსი .
01 ივნისი 2026, 17:34
მსოფლიო
ევროკომისიის ყოფილი კომისარი ვერა იუროვა: უკრაინა ევროკავშირში გაწევრიანების რიგში პირველი არ არის, დასავლეთ ბალკანეთის ქვეყნები მას 20 წელია ელოდებიან
„ბოლო კვირების განმავლობაში ბევრ ადამიანს ვესაუბრე დასავლეთ ბალკანეთიდან და ისინი უკვე დაიღალნენ იმით, რომ ფაქტობრივად 20 წელია „მოსაცდელ ოთახში“ არიან. აუცილებელია, რომ ამ მიმართულებით გარკვეული წინსვლა იყოს და რაღაც ნაბიჯი გადაიდგას. დროთა განმავლობაში კი სულ უფრო მეტად ვრწმუნდები, რომ მათი ევროკავშირში გაწევრიანება ჩვენ უფრო გვჭირდება, ვიდრე მათ სჭირდებათ ევროპა“, - განაცხადა ვერა იუროვამ.
01 ივნისი 2026, 17:34
საზოგადოება
მეუფე იაკობი: ქართველებმა უნდა გავითავისოთ ის, რომ წარსული დიდებით თავი კი არ მოგვქონდეს, შევეცადოთ, მასზე უკეთესი აწმყო და მომავალი შევქმნათ. განათლება ყველაფერს მოგვიტანს
დილიდან ხალხმრავლობაა ბოდბის დედათა მონასტერში. მომლოცველები საქართველოს სხვადასხვა კუთხიდან წმინდა ნინოს საფლავის მოსალოცად ჩავიდნენ. სადღესასწაულო წირვა-ლოცვა ბოდბელმა მთავარეპისკოპოსმა სხვა სასულიერო პირებთან ერთად, წმინდა ნინოს სახელობის ტაძარში აღავლინა.
01 ივნისი 2026, 17:29
სამართალი
პროკურორი ელიზბარ გოზალიშვილი: ჯაშუშობის ბრალდებით დაკავებული პირების მიერ დასტურდება როგორც თანხის აღების, ასევე გადაცემის, შეგროვებისა და უცხო ქვეყნის დაზვერვის სამსახურის წარმომადგენლებთან კავშირის ეპიზოდები
ჯაშუშობის ბრალდებით დაკავებული პირების მიერ დასტურდება როგორც თანხის აღების, ასევე გადაცემის, შეგროვებისა და უცხო ქვეყნის დაზვერვის სამსახურის წარმომადგენლებთან კავშირის ეპიზოდები, - განუცხადა ჟურნალისტებს პროკურორმა, ელიზბარ გოზალიშვილმა.
01 ივნისი 2026, 17:27
მსოფლიო
ევროკომისიის ყოფილი კომისარი ვერა იუროვა: რუსეთი ან ჩინეთი კი არა, აშშ მაშინებს
„რა არ დამაძინებდა ღამით, ახლა რომ კომისარი ვიყო? ზოგადად ევროპაში დემოკრატიისა და კანონის უზენაესობის მდგომარეობა. დღესაც სწორედ ამიტომ ვარ აქ. ჩემს გუნდთან ერთად ვიწყებ ახალ პროექტს, „დემოკრატია 27“, რომელიც მოქალაქეთა ინიციატივაა და შეავსებს იმას, რასაც უკვე აკეთებს ევროკომისია“, - აღნიშნა იუროვამ.
01 ივნისი 2026, 17:22
რეგიონი
ცოტნე ანანიძე: ბავშვთა უფლებების დაცვით იწყება ძლიერი საზოგადოებისა და სახელმწიფოს შენება
„თუ ჩვენ გვინდა ძლიერი სახელმწიფო, ინსტიტუტები, სოლიდარული საზოგადოება, პირველი სამიზნე ყოველთვის არიან ბავშვები. მათი უფლებების დაცვა, ჩამოყალიბება, ადამიანებისადმი პატივისცემა იწყება ოჯახიდან. ამიტომაც სახელმწიფოს, ჩვენს ხელისუფლებას განსაკუთრებული სამართლებრივი, პოლიტიკური და ფილოსოფიური ხედვა აქვს ოჯახური ინსტიტუციის, მისი ფასეულობების გაძლიერებასთან დაკავშირებით. საჯარო პოლიტიკური მხარდაჭერა განსაკუთრებით მნიშვნელოვანია ამ ოჯახებისთვის და რა თქმა უნდა, მნიშვნელოვანია, ცენტრალური, რეგიონალური თუ მუნიციპალური მხარდაჭერა. ჩვენ, როგორც ავტონომიურ რესპუბლიკას, ამ მხრივ გამორჩეული შესაძლებლობები გვაქვს“,- აღნიშნა უმაღლესი საბჭოს თავმჯდომარემ, ცოტნე ანანიძემ.
01 ივნისი 2026, 17:17
ეკონომიკა
საქართველოში წელს რიგით მეორე „თბილისის ფინანსური სამიტი“ ჩატარდება
27-28 ოქტომბერს საქართველო მასშტაბურ საერთაშორისო ღონისძიებას „თბილისის ფინანსურ სამიტს“ უმასპინძლებს. წლევანდელი სამიტის მთავარი თემა იქნება „რეგიონული ეკონომიკური კორიდორების შექმნა პოლიტიკის, ფინანსებისა და ტექნოლოგიების გადაკვეთის წერტილში“.
01 ივნისი 2026, 17:17
პოლიტიკა
ზვიად შალამბერიძე: ჩვენი საზოგადოება ნამდვილად იმსახურებს პოლიტიკურ ველს, რომელშიც ადგილი არ ექნება სიძულვილის ენას და ეს ნაბიჯი, რომელიც გადადგა ჩვენმა მთავრობამ, არის მიმართული ამ ველის გაჯანსაღებისკენ
ჩვენი საზოგადოება ნამდვილად იმსახურებს პოლიტიკურ ველს, რომელშიც ადგილი არ ექნება სიძულვილის ენას და ეს ნაბიჯი, რომელიც გადადგა ჩვენმა მთავრობამ, არის მიმართული ამ ველის გაჯანსაღებისკენ, - განაცხადა რეგიონული პოლიტიკისა და თვითმმართველობის საპარლამენტო კომიტეტის თავმჯდომარის პირველმა მოადგილემ ზვიად შალამბერიძემ.
01 ივნისი 2026, 17:12
მსოფლიო
ნეთანიაჰუმ ბეირუთის სამხრეთ გარეუბნებზე თავდასხმის ბრძანება გასცა
„არ იქნება ისეთი სიტუაცია, როდესაც „ჰეზბოლა“ თავს დაესხმება ჩვენს ქალაქებსა და ჩვენს მოქალაქეებს, ხოლო მისი ტერორისტული შტაბ-ბინა ბეირუთში, დაჰიაში, ხელშეუხებელი დარჩება“, - განაცხადა ნეთანიაჰუმ ვიდეომიმართვაში. მისივე თქმით, ისრაელი აგრძელებს სახმელეთო აქტივობის გაღრმავებას ლიბანში, სადაც ისრაელის ჯარებმა სამხრეთში თვითგამოცხადებული უსაფრთხოების ზონა შექმნეს, რაც ჩრდილოეთ ისრაელის „ჰეზბოლას“ თავდასხმებისგან დაცვას ისახავს მიზნად.
01 ივნისი 2026, 17:11
საზოგადოება
შემოსავლების სამსახურის უფროსის მოადგილედ ია ახალაია დაინიშნა
ფინანსთა სამინისტროს შემოსავლების სამსახურის ხელმძღვანელმა, მიხეილ მაღლაკელიძემ თანამშრომლებს ახალი მოადგილე, ია ახალაია წარუდგინა.
01 ივნისი 2026, 16:45
ეკონომიკა
საქართველოს ინოვაციების და ტექნოლოგიების სააგენტოს (GITA) ორგანიზებით, Web Summit 2026-ში მონაწილეობის მისაღებად ქართული სტარტაპების განაცხადების მიღება მიმდინარეობს
საქართველოს ინოვაციების და ტექნოლოგიების სააგენტოს (GITA) დაფინანსებით, 6 ქართული სტარტაპი მსოფლიოს ერთ-ერთ ყველაზე მასშტაბურ და მნიშვნელოვან ტექნოლოგიურ ღონისძიება Web Summit-ში მონაწილეობას მიიღებს, რომელიც პორტუგალიის ქალაქ ლისაბონში გაიმართება.
01 ივნისი 2026, 16:37
საზოგადოება
აფხაზეთიდან დევნილ ბავშვებს უფასო სამედიცინო კონსულტაციები ჩაუტარდათ
ბავშვთა დაცვის საერთაშორისო დღესთან დაკავშირებით, აფხაზეთის ავტონომიური რესპუბლიკის ჯანმრთელობისა და სოციალური დაცვის სამინისტროს მხარდაჭერითა და სამედიცინო ცენტრი „აფხაზეთის“ ინიციატივით, ზუგდიდში, აფხაზეთიდან დევნილი ბავშვებისთვის უფასო სამედიცინო კონსულტაციები გაიმართა.
01 ივნისი 2026, 16:36
საზოგადოება
სურსათის უვნებლობის მოთხოვნების დარღვევით მოქმედი ფრინველთა სასაკლაო დაჯარიმდა და დაიხურა
სურსათის ეროვნული სააგენტოს შიდა ქართლის დეპარტამენტის ინსპექტორებმა არაგეგმური სახელმწიფო კონტროლის განხორციელებისას ფრინველთა არალეგალური სასაკლაო გამოავლინეს. ფიზიკური პირი ნ.მ. (მისამართი: გორის მუნიციპალიტეტი, სოფ. პატარა გარეჯვარი) სურსათის უვნებლობის მოთხოვნების დარღვევით, კუსტარულად მოწყობილ სივრცეში, რეალიზაციის მიზნით კლავდა ფრინველს. ამავდროულად, მეწარმე არ იყო რეგისტრირებული ეკონომიკურ საქმიანობათა რეესტრში და არ ჰქონდა სააგენტოს მიერ მინიჭებული სავალდებულო აღიარება.
01 ივნისი 2026, 16:30
პოლიტიკა
ეკა სეფაშვილი: გერმანული მხარის მიერ საქართველოს ელჩის დანიშვნის გაჭიანურება მოწმობს იმას, რომ ის ახორციელებს გარკვეულ ზეწოლას საქართველოს ხელისუფლებაზე
პარტია „ხალხის ძალის“ საერთაშორისო ურთიერთობათა მდივანი, ეკა სეფაშვილი მედიასთან გამოეხმაურა გერმანული მხარის მიერ საქართველოს ელჩის გერმანიაში, ალექსანდრე კარტოზიას დანიშვნის გაჭიანურებას. დეპუტატმა განაცხადა, რომ ეს ნაბიჯი უნდა მეტყველებდეს ზეწოლაზე საქართველოს ხელისუფლების მიმართ. სეფაშვილმა გაიხსენა ისიც, რომ გერმანიის საგარეო უწყების ოფიციალურ ვებ-გვერდზე საქართველოს პრეზიდენტად ჯერ კიდევ სალომე ზურაბიშვილია მოხსენიებული:
01 ივნისი 2026, 16:28
სამართალი
პროკურატურის მიერ წარდგენილი მტკიცებულებების საფუძველზე, გიგა ავალიანის სისხლის სამართლის საქმეზე, სასამართლომ ცრუ ჩვენების მიცემის ფაქტზე ბრალდებული დამნაშავედ ცნო
თბილისის საქალაქო სასამართლომ სრულად გაიზიარა პროკურატურის მიერ წარდგენილი მტკიცებულებები და გიგა ავალიანის სისხლის სამართლის საქმეზე, ცრუ ჩვენების მიცემის ფაქტზე არასრულწლოვანი ბრალდებული დამნაშავედ ცნო.
01 ივნისი 2026, 16:26
პოლიტიკა
მამუკა მდინარაძე ჯაშუშობის ბრალდებით დაკავებულებზე: ეს უნდა იყოს ნიშანი, გნებავთ გაფრთხილება, ყოველგვარი მუქარის გარეშე, საიმისოდ, რომ ჩვენს ქვეყანაში, ერთხელ და სამუდამოდ, ვერც ერთმა სხვა ქვეყნის ფარულმა წარმომადგენელმა თავი დაცულად ვერ იგრძნოს, ქართული სახელმწიფო ასეთი ძლიერი ამ მიმართულებითაც არასდროს ყოფილა
ეს უნდა იყოს ნიშანი, გნებავთ გაფრთხილება, ყოველგვარი მუქარის გარეშე, საიმისოდ, რომ ჩვენს ქვეყანაში ერთხელ და სამუდამოდ ვერც ერთმა სხვა ქვეყნის ფარულმა წარმომადგენელმა თავი დაცულად ვერ იგრძნოს, როგორც მინიმუმ, - განაცხადა ვიცე-პრემიერმა, სამართალდამცავი ორგანოების კოორდინაციის საკითხებში სახელმწიფო მინისტრმა მამუკა მდინარაძემ ჟურნალისტის კითხვის პასუხად, რომელიც ჯაშუშობის ბრალდებით დაკავებულ პირებს შეეხებოდა. მამუკა მდინარაძის თქმით, ქართული სახელმწიფო ასეთი ძლიერი, როგორიც დღეს არის აღნიშნული მიმართულებით, არასდროს ყოფილა.
01 ივნისი 2026, 16:26
პოლიტიკა
მამუკა მდინარაძე: კარგი მთავრობის ინდექსი და ამაში ლიდერობა, ნიშნავს ობიექტურ კრიტერიუმებზე, ფაქტობრივ მოცემულობაზე და არა კლიშეებსა და დაბრალებებზე აგებულ რეალობას
ამაყად ვსაუბრობთ იმაზე, რომ საქართველო არის ისე დამოუკიდებელი, როგორც არასდროს, ეს არის უზრუნველყოფს ყველა დანარჩენი კარგ ამბებს, რაც გვესმის ხოლმე, - განაცხადა ვიცე-პრემიერმა, სამართალდამცავი ორგანოების კოორდინაციის საკითხებში სახელმწიფო მინისტრმა მამუკა მდინარაძემ.
01 ივნისი 2026, 16:20
პოლიტიკა
ვლადიმერ ბოჟაძე მოლდოვის საგარეო საქმეთა მინისტრის განცხადებაზე: იმ ფაქტის დაშვება, რომ გახდე სხვა სახელმწიფოს ნაწილი მხოლოდ იმიტომ, რომ გახდეს ევროკავშირის წევრი, ძალიან საშიში პრეცედენტია
„ეს არის გარედან დაკვეთა. სავარაუდოდ, ამ თემაზე რეფერენდუმიც უნდა ჩატარდეს და გადაწყვეტილება მოლდოველმა ხალხმა უნდა მიიღოს. თუმცა, თუ ჩვენ გავითვალისწინებთ წინა არჩევნების შედეგებს, ფაქტობრივად გაყალბებულ არჩევნებს, როდესაც არა მოლდოველებმა, ვინც მოლდოვაში ცხოვრობს, არამედ ვინც ქვეყნის გარეთ, გადაწყვიტეს ქვეყნის პრეზიდენტის და ასევე, ქვეყნის პარლამენტის ბედი, რა თქმა უნდა, რეფერენდუმიც შესაძლოა, სხვაგვარი შედეგებით დასრულდეს. თუმცა, თავად იმ ფაქტის დაშვება, რომ გახდე სხვა სახელმწიფოს ნაწილი მხოლოდ იმიტომ, რომ გახდეს ევროკავშირის წევრი, მით უმეტეს, ფაქტობრივად ტერიტორიაზე თქვას უარი, ძალიან საშიში პრეცედენტია“, - აღნიშნა ბოჟაძემ.