„საბურთალომ“ სამ ფეხბურთელთან კონტრაქტი გააფორმა

საფეხბურთო კლუბი „საბურთალო“ სამი ფეხბურთელით გაძლიერდა. ჰოლანდიელებმა, 25 წლის ცენტრალურმა მცველმა ჯულიუს ბლეიკმა და 24 წლის მარჯვენა ნახევარმცველმა ჟეროენ ლუმუმ, ასევე 24 წლის პორტუგალიელმა მარცხენა მცველმა ჟარდელ როდრიგეს ნაზარემ კლუბთან 1+1 სისტემის კონტრაქტი გააფორმეს.

ბლეიკი 2017-2019 წლებში ჰოლანდიის პირველი დივიზიონის კლუბებში, „დორდრეხტსა“ და „იგლზში“ თამაშობდა. ლუმუ კი 2012 წელს ჰოლანდიის 17-წლამდე ნაკრების შემადგენლობაში ევროპის ჩემპიონი გახდა.

რაც შეეხება ნაზარეს, პორტუგალიელმა მარცხენა მცველმა 2017 წელს „სტუმბრასის“ რიგებში ლიეტუვის თასის მოიგო.

„საბურთალო“ ორ დღეში მეორე მოსამზადებელი შეკრების გასავლელად ესპანეთის ქალაქ ვალენსიაში გაემგზავრება. კრისტალბეთ ლიგის გათამაშებას კი 1-ელ მარტს, საჩხერის „ჩიხურასთან“ საშინაო შეხვედრით დაიწყებს.