პიტერ ჰორნი მსოფლიო რაგბის პრეზიდენტის ვიზიტზე: ის, რომ ბატონი ბომონტი პირადად ჩამოვა საქართველოში და ქართული რაგბის მესვეურებს თანამშრომლობაზე ესაუბრება, ნათელი დადასტურებაა, რამდენად მნიშვნელოვანია საქართველო მსოფლიო სარაგბო ოჯახისთვის

„ის, რომ ბატონი ბომონტი პირადად ჩამოვა საქართველოში და ქართული რაგბის მესვეურებს სტრატეგიულ თანამშრომლობაზე ესაუბრება, ნათელი დადასტურებაა, თუ რამდენად მნიშვნელოვანია საქართველო მსოფლიო სარაგბო ოჯახისთვის“, – პანდემიის შემდეგ ეს მისი პირველი ვიზიტი იქნება ცალკე აღებულ ერთ ქვეყანაში“, – განაცხადა მსოფლიო რაგბის მაღალი მიღწევების მიმართულების ხელმძღვანელმა.

პიტერ ჰორნი საქართველოს ბილ ბომონტის ვიზიტამდე რამდენიმე დღით ადრე ეწვია.

„ჩვენ ქართველ კოლეგებს ვესაუბრებით თამაშის ახლებურ სტრატეგიაზე და ასევე რაგბის კომერციალიზაციაზე, განვიხილავთ ქართული რაგბის სასპონსორო ბიუჯეტსაც და შეჯიბრებების ახლებურ სტრუქტურას, რომელიც საშუალებას მისცემს ქართველ მორაგბეებს, მეტად იყვნენ წარმოდგენილნი საერთაშორისო ასპარეზზე“, – დასძინა მან.

მსოფლიო რაგბის პრეზიდენტი ბილ ბომონტი, თავისი ადმინისტრაციის მაღალჩინოსნებთან ერთად, საქართველოს ოფიციალური ვიზიტით 26 სექტემბერს ეწვევა.