ბორჯღალოსნებისა და შოტლანდიის ნაკრების შეხვედრა დაიწყო🏉

ედინბურგში შოტლანდიისა და საქართველოს მორაგბეთა ეროვნული ნაკრებების შეხვედრა დაიწყო, რომელსაც ტელეკომპანია „იმედი“ პირდაპირ ეთერში გთავაზობთ.

ეს „ბორჯღალოსნების“ ბოლო მოსამზადებელი შეხვედრაა მსოფლიო ჩემპიონატამდე, რომელიც ორ კვირაში, საფრანგეთში დაიწყება.

ბორჯღალოსნები შოტლანდიას მეექვსედ ერკინებიან და ზედიზედ მესამედ ითამაშებენ „მარიფილდზე“, რომელიც სარაგბო მექაა და 67 ათასზე მეტ მაყურებელს იტევს. განვლილ 5 შეხვედრაში საქართველომ შოტლანდიას გაუტანა 4 ლელო, თავად კი 25 გაუშვა. გატანილ-გაშვებული ქულების სხვაობა 48:186-ზეა.

ევან მაისაშვილის გუნდი შეხვედრას ასეთი შემადგენლობით ატარებს:

ხაზი: 15. დავით ნინიაშვილი, 14. აკაკი ტაბუცაძე, 13. დემე თაფლაძე, 12. მერაბ შარიქაძე (კაპ.), 11. მირიან მოდებაძე, 10. ლუკა მატკავა, 9. ვასილ ლობჟანიძე;

შერკინება: 1. მიხეილ ნარიაშვილი, 2. შალვა მამუკაშვილი, 3. ბექა გიგაშვილი, 4. ლადო ჩაჩანიძე, 5. კოტე მიქაუტაძე, 6. ლუკა ივანიშვილი, 7. მიხეილ გაჩეჩილაძე, 8. თორნიკე ჯალაღონია.

მარქაფა: 16. თენგიზ ზამთარაძე, 17. გურამ გოგიჩაშვილი, 18. გურამ პაპიძე, 19. ლაშა ჯაიანი, 20. სანდრო მამამთავრიშვილი; 21. გელა აფრასიძე, 22. თედო აბჟანდაძე, 23. გიორგი კვესელაძე.