„ჩელსი“ მსოფლიო საკლუბო ჩემპიონატის ფინალში გავიდა

ლონდონის „ჩელსიმ“ ამერიკის შეერთებულ შტატებში მიმდინარე მსოფლიო საკლუბო ჩემპიონატის ნახევარფინალში ბრაზილიური „ფლუმინენსე“ ანგარიშით 2:0 დაამარცხა და ტურნირის ფინალში ასპარეზობის უფლება მოიპოვა.

ორივე გოლი ლონდონელთა ახალწვეულმა, ჟოაო პედრომ გაიტანა.

აღსანიშნავია, რომ ჟოაო პედრო სწორედ „ფლუმინენსეს“ აღზრდილია და ბრაზილიურ კლუბში 2019 წლამდე თამაშობდა.

ბრაზილიელმა თავდამსხმელმა „ჩელსის“ მაისურით სადებიუტო გოლები მხოლოდ მეორე მატჩში გაიტანა.

ის „ჩელსის“ ივლისის დასაწყისში „ბრაიტონიდან“ შეუერთდა.

ფინალში „ჩელსი“ „რეალსა“ და „პსჟ“-ს შორის გამარჯვებულს შეხვდება.

მსოფლიო საკლუბო ჩემპიონატი წელს პირველად ტარდება 32 გუნდის მონაწილეობით და 13 ივლისს დასრულდება.