ფიბამ საკვალიფიკაციო ეტაპზე გამართული საქართველო-საბერძნეთის მატჩი გამოარჩია

გასული კვირის ფიბას  სანაკრებო ფანჯარა განსაკუთრებულად დაძაბული გამოდგა. ამ თემაზე სტატიაში ერთ-ერთი წამყვანი ადგილი თბილისში გამართულ მატჩს მიეძღვნა. ამის შესახებ Fiba-ს იფიციალურ ვებგვერდზე ვკითხულობთ. 

ფიბა წერს, რომ ევროპის საკვალიფიკაციო ეტაპის თბილისური მატჩი დასწრების მხრივ მეორე იყო. პუბლიკაციაში ვკითხულობთ, რომ საქართველო-საბერძნეთის მატჩს 9,100 მაყურებელი დაესწრო, რაც კონტინენტზე გასულ კვირაში ჩატარებული მატჩებიდან მხოლოდ თურქეთისა და მონტენეგროს შეხვედრამ (9,500 მაყურებელი) დაჯაბნა.

სტატიაში ვკითხულობთ, რომ დასწრების გარდა თბილისური მატჩი სანახაობისა და დაძაბულობის კუთხითაც გამორჩეული იყო. შეხვედრა 40 წუთს გაგრძელდა. 

ინტენსიური და სანახაობრივი ბრძოლა საფინალო სირენის თანხლებით გადაწყდა. ნიკ კალატესმა სანაკრებო კარიერის ერთ-ერთი საუკეთესო მატჩი ჩაატარა და 34 ქულითა და 8 პასით საბერძნეთს ისტორიული გამარჯვება მოუტანა. ამ მატჩით საბერძნეთი ჩინეთში 2019 წელს გასამართ მსოფლიოს ჩემპიონატზე ოფიციალურად გავიდა.

სტატიაში ასევე ვკითხულობთ მეორე საკვალიფიკაციო ეტაპის ფარგლებში გამართული დაძაბული მატჩების შესახებ. პუბლიკაციაში წერია, რომ დასწრების მხრივ ყურადღება ჩინეთსა და იორდანიას ( 14,000 მაყურებელი), ასევე ლიბანსა და ჩინეთს (7,500 მაყურებელი) შორის გამართულმა მატჩმა მიიპყრო.  

„დინამო თბილისი“ ფიბას ჩემპიონთა ლიგის საკვალიფიკაციო ეტაპის პირველ მატჩში „არისთან“ ანგარიშით 90:64 დამარცხდა. 

გუნდებს შორის განმეორებითი მატჩი 22 სექტემბერს სალონიკში გაიმართება.

ორმატჩიანი ბრძოლის გამარჯვებული „პორტუსა“ (პორტუგალია) და „ნიჟნი ნოვგოროდს“ (რუსეთი) შორის გამარჯვებულს შეხვდება.