დიდი ბრიტანეთის სამეფო ოჯახმა საზოგადოებას მადლობა გადაუხადა

დიდი ბრიტანეთის სამეფო ოჯახმა უინძორში მყოფ საზოგადოების სხვადასხვა ფენის წარმომადგენლებს მადლობა პრინცი ჰარის და მეგან მარკლის ქორწილზე დასწრებისთვის გადაუხადა. ამის შესახებ BBC წერს. 

ათასობით ადამიანი უინძორში რიგს რამდენიმე დღის განმავლობაში იკავებდა, რათა სამეფო წყვილი ახლოდან ენახა. 

პრინცი ჰარის და მეგან მარკლის ქორწილი 200-კაციანი ღონისძიებით დასრულდა, რომელსაც წყვილის ოჯახის წევრები და ახლო მეგობრები ესწრებოდნენ. 

მსოფლიო მასშტაბით წყვილის ქორწილს სატელევიზიო ეთერით მილიონობით ადამიანმა მიადევნა თვალი. მხოლოდ BBC-ის პირდაპირ ეთერს 13-მილიონზე მეტმა ადამიანმა უყურა. 

დღესვე გამოქვეყნდა ინფორმაცია იმის შესახებ, თუ რა დაჯდა სასექსის ჰერცოგისა და ჰერცოგინიას ქორწილი. ასევე ცნობილი გახდა, თუ რატომ თქვა უარი, მეგან მარკლმა ქეით მიდლტონის გვირგვინზე. გამოქვეყნდა ინფორმაცია რატომ დარჩა თავისუფალი ადგილი ქორწილში და რა აჩუქა პრინცმა ჰარიმ სასექსის ჰერცოგინიას.