მსოფლიოში სპორტის ყველაზე სასაცილო სახეობები. ვიდეო

მსოფლიოში სპორტის უამრავი სახეობა არსებობს. მათი ნაწილი ცნობილია და თითქმის ყველა ქვეყანაში თამაშობენ, თუმცა არსებობს სპორტის ისეთი სახეობებიც, რომელსაც სპორტის მოყვარულები ნაკლებად იცნობენ. Imedinews-ი გთავაზობთ მათგან ისეთებს, რომელიც ნაკლებადაა ცნობილი და როგორც მოთამაშეებს, ისე - მაყურებელსაც ძალიან ახალისებს.

1. Sepak Takraw - ეს სპორტი პოპულარულია სამხრეთ აზიაში. ის ძალიან ჰგავს ფრენბურთს, მაგრამ მოთამაშეები ხელების ნაცვლად, იყენებენ ფეხებს, გულმკერდსა და თავს. თამაშისას კი, ჩვეულებრივი ბურთის მაგივრად რბილი ხისგან დამზადებული ბურთი გამოიყენება. მსოფლიოში ამ სპორტის ფედერაციაც არსებობს, რომელშიც დაახლოებით 100 ქვეყნის გუნდია გაერთიანებული. 

2. ქვიდიჩი - ერთ-ერთი „ჯადოქრული სპორტი“ ჯოან როულინგის ნაწარმოებებში. ქვიდიჩს თამაშობენ მფრინავი ცოცხების საშუალებით. ქვიდიჩის გუნდში არის შვიდი მოთამაშე და ოთხი ბურთი: ქუაფილი, ორი ბლაჯერი და სნიჩი. ქუაფილი დაახლოებით ფეხბურთის ბურთის ზომის წითელი ბურთია, რომლითაც მოთამაშეები გოლს იტანენ, თითოეული გოლი ათი ქულაა. ბლაჯერები ქუფილზე ოდნავ პატარა შავი ბურთებია, რომლებიც მოთამაშეებს თავს ესხმიან და მათი ცოცხიდან ჩამოგდებას ცდილობენ. სნიჩი მოზრდილი კაკლის ტოლა ოქროს ბურთია, რომელსაც ვერცხლის ფრთები აქვს, იგი ძალიან სწრაფია, ძნელად დასაჭერი და მას გადამწყვეტი როლი უკავია თამაშში. გუნდში შვიდი მოთამაშეა: სამი ჩეიზერი, რომლებიც ქუაფილის კარში გატანას ცდილობენ. მეკარე-რომელიც კარს იცავს. ორი ბიტერი, რომლებიც მოთამაშეებს ბლაჯერებისგან იცავენ. სიკერი-რომელიც სნიჩს დასდევს და სანამ მას არ დაიჭერს თამაში არ მთავრდება, სნიჩის დაჭერა 150 ქულაა.

3. Tuna Tossing - სპორტის ამ სახეობის სამშობლო სამხრეთ ავსტრალიაა. ოდესღაც ამით ადგილობრივი მეთევზეები ერთობოდნენ. გამარჯვებული ის იყო, ვინც 9 კილოგრამიან თევზს უფრო შორს ისროდა. ავსტრალიაში ყოველწლიურად ტარდება ჩემპიონატი სპორტის ამ სახეობაში, თუმცა ნამდვილი თევზის ნაცვლად, რეზინის თევზს იყენებენ. 

4. toe wrestling - ეს სპორტი ჰგავს მკლავჭიდს, მაგრამ ამ დროს სპორტსმენები არა ხელებს, არამედ - ფეხებს იყენებენ. ჩემპიონატები 1970-იანი წლებიდან იმართება.