5 აკრძალვა, რომელსაც სამეფო ოჯახი არღვევს

BBC-მ სამეფო ოჯახის წევრებზე სტატია გამოაქვეყნა, რომელშიც ეტიკეტით აკრძალულ ქცევები აღწერა. კოდექსი, რომელიც ბრიტანეთის სამეფო ოჯახის წევრების საჯარო სივრცეში ქცევებს არეგულირებს, დაუწერელი კანონია, მაგრამ მას რამდენიმე ასწლეულია, ტრადიციებისამებრ, იცავენ.

ადრე ამ წესებს მკაცრად იცავდნენ და ოჯახის წევრების ქცევას მკაცრად აკონტროლებდნენ, თუმცა უკვე წლებია, დროის ცვლილება სიმკაცრესაც დაეტყო. გამოცემა 5 წესზე წერს, რომელსაც უინძორების ოჯახის წევრები უკვე ხშირად არღვევენ.

ავტოგრაფების დარიგება

სამეფო ოჯახის წევრებს არ აქვთ უფლება დაარიგონ ავტოგრაფები. მიიჩნევა, რომ მათი ხელმოწერის გაყალბება შემდგომ თაღლითებს შეუძლიათ. გარდა ამისა, მათ არ უნდა გადაიღონ ხალხთან ერთობლივი სელფი ერთ-ერთი მიზეზი კი ისაა, რომ სამეფო ოჯახის წევრს ზურგით არ უნდა შეუტრიალდე, სელფის გადაღების დროს კი ხშირად ასე გამოდის. 

ხვევნა-კოცნა და ხელჩაკიდებული სიარული

მონარქის ოჯახის წევრზე ფიზიკური შეხება შეუძლებელია, სანამ ის თვითონ არ გამოგიწოდებთ ხელს. უინძორების ახალი თაობა, მთლიანად აიგნორებს ამ წესს და როგორც გამოცემა წერს, ეს პრინცესა დიანას დამსახურებაა, რომელიც ყოველთვის ეხებოდა ჩვეულებრივ ადამიანებს. 

ერთად მოგზაურობა

წარსულში მოგზაურობა, განსაკუთრებით დიდ გზაზე, სარისკო იყო და შესაძლოა ტრაგედიით დასრულებულიყო, ამიტომ ცალ-ცალკე მოგზაურობა ძალიან მკაცრი წესი იყო. თუ ოჯახის ერთ წევრს რამე დაემართებოდა, არსებობდა მეორე, რომელიც შეძლებდა საქმის გაგრძელებას. 

კაცებს ეკრძელბათ ნიშნობის ბეჭდის ტარება

სამეფო ოჯახში როგორც წესი კაცები არ ატარებენ ნიშნობის ბეჭედს. პრინცი ჰარის ბაბუა, მამა და ძმა ამ ტრადიციას იცავდა, ხოლო ჰარი და მეგანი, რომელიც დღეს მონარქების ოჯახის ყველაზე თანამედროვე წყვილად მიიჩნევა, ატარებენ ბეჭდებს.

განქორწინებულზე დაქორწინება არ შეიძლება

ტრადიციისამებრ, სამეფო ოჯახის წევრები არ ქორწინდებიან იმათზე, ვინც უკვე იყო ქორწინებაში, თუმცა ბოლო თაობამ ეს კანონი უკვე ორჯერ დაარღვია. პრინცესა დიანას ყოფილი ქმარი პრინცი ჩარლზი ჰერცოგინია კამილაზე დაქორწინდა, მას შემდეგ რაც ის თავის ქმარს გაშორდა. მეგან მარკლიც ასევე იმყოფებოდა ქორწინებაში, თუმცა მოგვიანებით ის მეუღლეს გაშორდა.