როგორი უნდა იყოს ქალი 2019 წელს. რჩევები

როგორ დავრჩეთ მუდმივად ქალად და მთავარია, როგორ ქალად? ამ თემას 21-ე საუკუნეში განსაკუთრებული აქტუალურობა შესძინა ქალების აქტივობამ და კერძოდ #MeToo მოძრაობამ, რომელიც ქალების მიმართ სექსუალურ ძალადობას ებრძვის.

როგორი უნდა იყოს ქალი 2019 წელს? სპეციალურად BBC-ის ბრიტანელმა ჟურნალისტმა ქეითლინ მორანმა საკუთარი ცხოვრებისეული დასკვნები გაუზიარა. ის ავტორია წიგნის How to be Wooman, რომელიც 2011 წელს დაწერა.

1. თავად გადაწყვიტე პრობლემები და გაიაზრე მიზეზი

ქეითლინი 15 წლის იყო, როდესაც ფემინისტი გახდა. მან გაიგო, რომ არსებობდა წიგნი „ქალი საჭურისი“. თავიდან გადაწყვიტა, რომ ეს იყო რაღაც უცენზურო ნაწარმოები, ამიტომ ამ შთაბეჭდილების შესამოწმებლად ბიბლიოთეკაში წავიდა. ამ ფემინისტურმა წიგნმა მისი ცხოვრება სამუდამოდ შეცვალა. 

„ჟარმენ გრირი გვასწავლის, რომ ყველაზე მნიშვნელოვანი რაც შეიძლება ფემინისტმა გააკეთოს, ეს არის ის, რომ ყველაფერი თავად გაიაზროს და აღიქვას“, - ჰყვება ქეითლინი. 

„ფემინიზმი ეს არ არის ქცევის წესების და მაგალითების სია, ლოგიკური მსჯელობა, რომლითაც შენ ხსნი შენ წარუმატებლობებს, რატომ მოხდა ეს ასე და როგორ შეცვლი ამას“, - განმარტავს ჟურნალისტი.

2. არ ეძებო ბიჭი, რომელიც კარგად გაკოცებს. ეძებე სასიამოვნო მოსაუბრე

ქეითლინს ბიჭებთან სასიყვარულო ურთიერთობებში დიდად არ უმართლებდა, სანამ ინგლისის პროვინციულ ქალაქ ვულვერჰემპტონში იზრდებოდა. როდესაც მოზარდობის ასაკში ლონდონში ჩამოვიდა, გადაწყვიტა, რომ ფლირტი ესწავლა.

„ჩემი ცხოვრების ყველაზე დიდი გამოცდილება იმ პერიოდში) იყო ის, რომ შენ შეგიძლია ადამიანს უბრალოდ სთხოვო რომ გაკოცოს და უმეტეს შემთხვევაში ადამიანი ასრულებს ამ თხოვნას“. ჟურნალისტის თქმით, როგორც წესი ყველაზე კარგად კოცნაობს სწორედ ის, ვისაც შენთან ლაპარაკი მოსწონს. „ისინი გისმენენ თქვენ და რეაგირებენ თქვენს ემოციებზე“, - განმარტავს ქეითლინი.

3. იმისათვის, რომ დაადგინო, არის თუ არა აქ სექსიზმი, უპასუხე ერთ კითხვას 

როდესაც ქეითლინი დამწყები ჟურნალისტი იყო მუსიკალურ გამოცემაში, მისმა უფროსმა სთხოვა, რომ მის მუხლებზე დამჯდარიყო. ამ თხოვნამ ის საერთოდ დააბნია. 

„ხანდახან, როდესაც სექსისტური რამ ხდება, შენ შეიძლება პანიკაში ჩავარდე და ვერ მიხვდე ბოლომდე, სექსისტურია თუ არა ახლა ეს? როდესაც ეჭვი გიჩნდება, დაუსვით თქვენს თავს კითხვა: ვარდებიან თუ არა კაცებიც ამავე სიტუაციაში? ეგუებიან თუ არა კაცები ასეთ სულელურ სიტუაციას?“, - განმარტავს ჟურნალისტი და ამბობს, რომ თუ პასუხია „არა“, ესე იგი სექსიზმის მსხვერპლი ნამდვილად ხარ. 

4. შეყვარებულთან პრობლემების შესახებ უწყვეტად ლაპარაკობთ? მგონი ჯობს ურთიერთობა დაასრულოთ

ქეითლინის პირველი შეყვარებული, მისი თქმით, იყო „ზარმაცი და რთული ხასიათის“. ის როკჯგუფში უკრავდა და გოგო სულ იტანჯებოდა. ამის გამო მუდმივად ურეკავდა მის დას ყოველდღე და უყვებოდა, თუ როგორ დაიღალა ამ ურთიერთობისგან.  

„როდესაც გოგო ბედნიერია ურთიერთობაში, ეს უცნაურია, მაგრამ ბევრს არ ლაპარაკობს“, - ჰყვება ჟურნალისტი.

5. რაც შეეხება მოდას, მიჰყევით 4 მარტივ წესს

ა) ლეოპარდის პრინტი - ეს ნეიტრალური პრინტია;

ბ) რაც გინდათ ის ჩაიცვით იმის გათვალისწინებით, რომ გეცმევათ შავი კოლგოტი და ჩექმა;

გ) კანცელარიული სკოტჩი არ არის საკმარისი იმისათვის, რომ ფეხებს შორის გახეული კოლგოტი დაამაგრო; 

დ) არასდროს იყიდოთ ისეთი ტანსაცმელი, რომელსაც აუცილებლად ქიმიური წმენდა სჭირდება. 

6. ქორწილის ფული არ გაქვთ? მოაწყვეთ წვეულება თქვენი ქორწინების ბოლოს და არა დასაწყისში

ქორწილების ნომერ პირველი პრობლემა უფულობაა. ამიტომ რატომ არ უნდა წავიდეთ სხვა გზით? „საშუალოდ, ბრიტანეთში ქორწილი 20 ათასი დოლარი ჯდება. სიყვარულის ფიცის დადება, გაცილებით მომგებიანი და გულწრფელი იქნება, როდესაც უკვე 60-70 წლისები ვართ, მაშინ როდესაც იპოთეკა გადახდილია და უკვე დაზუსტებით შეგვიძლია ვთქვათ „მეყვარები სიცოცხლის ბოლომდე“ და მართლა შევასრულებთ ამ დანაპირებს“, - ამბობს ქეითლინი.

7. დედობა არ გასწავლის არაფერს ისეთს, რასაც სხვა გზით ვერ გაიგებდი

„სამყარომ დაარწმუნა საკუთარი თავი იმაში, რომ ქალები არასრულფასოვნები არიან თუ ბავშვები არ ჰყავთ; რომ დედობა განიჭებს ისეთ ცოდნას, რომელსაც შენ სხვა მდგომაროებაში ვერ მიიღებ და რომ ნებისმიერი მცდელობა იყო რეალიზებული ცხოვრებაში, დედობის ჩანაცვლების უსუსური მცდელობაა. ეს ნამდვილად არ არის ასე“, - ამბობს ჟურნალისტი. 

8. დაიცავი შენი უფლება, გქონდეს ბედნიერების უფლება!

ქალებს მიაჩნიათ, რომ იმისათვის, რომ „რამეს დაემსგავსონ“ უნდა დახარჯონ უამრავი დრო და ფული. გამოასწორონ წონა, გარეგნობა, დაღლილობა, არასექსუალურობა.

ქეითლინის თქმით, დღევანდელი ფემინიზმი აცხადებს, რომ ქალებს ბედნიერების უფლება აქვთ და მათ ამ უფლებისთვის ბრძოლაში ეხმარებიან. ავტორის თქმით, ყველა ზემოთჩამოთვლილ ტრივიალურ მოთხოვნებს თვალი უნდა გაუსწოროთ და ხმამაღლა გაიცინოთ.