ლევან ნიკოლეიშვილი: ირაკლი ღარიბაშვილის მინისტრობის პერიოდში თავდაცვის უწყებაში დიდი რეფორმები განხორციელდა

ექსპერტი ლევან ნიკოლეიშვილი პარლამენტში ირაკლი ღარიბაშვილის ანგარიშს ეხმიანება და განსაკუთრებული აქცენტს თავდაცვის უწყებაზე აკეთებს, სადაც, მისი თქმით, ღარიბაშვილის მინისტრობის პერიოდში დიდი რეფორმები განხორციელდა.

„ჩემთვის, როგორც ადამიანისთვის, რომელსაც ცხოვრების უმეტესი წლები სწორედ თავდაცვის სფეროში აქვს ნამუშევარი, პრემიერ მინისტრ ირაკლი ღარიბაშვილის დღევანდელი გამოსვლიდან განსაკუთრებით საინტერესო გახლდათ ის ნაწილი, სადაც მან სახელმწიფოს ყველაზე უმნიშვნელოვანესი ინსტიტუტის გაძლიერება-განვითარებაზე ისაუბრა. კარგად მახსოვს რა წვალებით და ენთუზიაზმით შენდებოდა შეიარღებული ძალები: სხვადასხვა ომებგამოვლილ ჯარისკაცებსა და ოფიცრებს ხშირად არ ჰქონდათ საკმარისი საკვები, დროულად არ რიგდებოდა ხელფასები (ზოგჯერ თვეების დაგვიანებით!), სამხედრო ფორმა კი ძირითად ის იყო რასაც რომელიმე ქვეყანა საჩუქრად გამოგვიგზავნიდა. დრო გავიდა ნელ-ნელა ჯარმა ფეხზე დადგომა დაიწყო, მაგრამ სააკაშვილის ავანტიურამ კინაღამ განადგურების პირზე მიიყვანა მთელი თავდაცვის სისტემა.. ამ ბოლო წლებში, რამდენჯერმე მომეცა თავდაცვის უწყებაში მისვლის შესაძლებლობა, და ჩემს გულწრფელ აღფრთოვანებას ვერ დაგიმალავთ, რაც იქ ვნახე ეს არ იყო წინგადადგმული ნაბიჯი, არამედ რეალურად სერიოზული ნახტომი-ამიტომაც ვამბობ მარტო თავდაცვის სამინისტროზე და თავდაცვის ძალებზე, რომ იყოს დამოკიდებული ჩვენ უკვე ჩრდილოატლანტიკური ალიანსის-ნატოს წევრები ვიქნებოდით. ამ ყველაფრის მიზეზი კი მარტივია, დღევანდელი პრემიერის, ყოფილი თავდაცვის მინისტრის ირაკლი ღარიბაშვილის დამოკიდებულება თავდაცვის უწყებისადმი. მოდით გულწრფელად ვთქვათ სულისკვეთება და პატრიოტიზმი ჩვენს სამხედროებს არასოდეს აკლდათ, მაგრამ სახელმწიფოდან ყურადღებისა და სერიოზულად აღქმის რა მოგახსენოთ. სწორედ ამიტომ არ ვსაუბრობ პრემიერ-მინისტრის დღევანდელ გამოსვლის სხვა არანაკლებ მნიშვნელოვან აქცენტებზე, და ხაზს ვუსვამ იმას რაც ჩვენი ქვეყნისთვის ყველაზე საჭირბოროტოა. როგორც ირაკლი ღარიბაშვილმა განაცხადა: „ჩვენი გრძელვადიანი პრიორიტეტია ჯავშანსაწინააღმდეგო, საჰაერო თავდაცვის, საარტილერიო, დაზვერვისა და თვალთვალის, საინჟინრო შესაძლებლობების განვითარება” და ასევე - „უახლოეს მომავალში დელტას ბაზაზე, ებრაულ კომპანიასთან ერთად, დავიწყებთ ამერიკული M4-ის ტიპის შაშხანების წარმოებას. მომავალი წლიდან, საერთაშორისო პარტნიორებთან თანამშრომლობით, ვგეგმავთ უპილოტო საფრენი აპარატების წარმოებას ადგილზე, დელტას ბაზაზე. სამხედროების ბინებით უზრუნველყოფის ჩვენი პროექტის ფარგლებში, უკვე გაისად 1000-ზე მეტი სამხედრო მოსამსახურე მიიღებს ბინას და ეს პროცესი მომავალშიც გაგრძელდება. 2030 წელს ჩვენ გვექნება ეფექტიანი, თანამედროვედ აღჭურვილი საბრძოლო ძალა, რომელიც შეძლებს ადეკვატურად მოახდინოს საფრთხეებზე დროული რეაგირება“. სამხედროების სოციალური პაკეტის კიდევ უფრო გაუმჯობესება, სამხედრო მრეწველობის აღორძინება და თავდაცვისუნარიანობის უმაღლეს სტანდარტზე აყვანა!
მგონი სადავო არ უნდა იყოს თავდაცვის სისტემის არა მარტო გაძლიერება, არამედ იქ მომსახურე სამხედროებისა და მომუშავე სამოქალაქო პირების ყოველდღიურობის პრესტიჟულ სამსახურად გადაქცევა, სწორედაც, პასუხისმგებლიანი ხელისუფლების ღირსეული საქმე გახლავთ“ - წერს ლევან ნიკოლეიშვილი facebook - ის გვერდზე.