ცნობილია რა უჯდება სერვისს Apple TV+ ფლაგმანი სერიალების წარმოება

1-ელ ნოემბერს ამოქმედდა პლატფორმა Apple TV+ - სერვისი, რომელიც მხოლოდ Apple-ის ორიგინალურ კონტენტს მოიცავს და რომელზეც კომპანია ინდუსტრიისთვის რეკორდულად დიდ ფულს ხარჯავს. პლატფორმის ფლაგმანი პროექტებია: „დილის შოუ“ ჯენიფერ ენისტონის და რიზ უიზერსპუნის მონაწილეობით და სერიალი „See“ ჯეისონ მომოას მონაწილეობით. სტრიმინგ სერვისი Apple TV+ მსოფლიოს 107 ქვეყანაში ამოქმედდა. საქართველოში ის ჯერ ხელმისაწვდომი არ არის. 

რა სერვისია ეს

Apple TV+ - ვიდეოსერვისია, რომელზეც ხელმისაწვდომია მხოლოდ კომპანია Apple-ის მიერ შექმნილი ორიგინალი სერიალები, ფილმები და დოკუმენტური პროგრამები. გადმოწერა, დაახლოებით, $3 ღირს. ეს დღეს სტრიმინგული სერვისების მიერ შემოთავაზებული ყველაზე იაფი წინადადებაა (მაგალითად, Netflix-ზე გამოწერა თვეში 8-დან 12 ევრომდე ღირს). ასევე, კომპანია პლატფორმაზე წლიურ ოჯახურ წვდომას სთავაზობს ყველა მომხმარებელს, რომელიც იყიდის Apple-ის გაჯეტს  iOS-ის ბოლო ვერსიით.    

Apple TV+-ზე სერიალების ყურება შესაძლებელია აპლიკაციით iPhone-ზე, iPad-ზე, iPod touch-ზე, Mac-ზე და Apple TV-ზე ან ვებგვერდზე.

ყველა პროექტის ნახვა,  ინგლისურის გარდა, შესაძლებელია ასევე გერმანულ, ესპანურ, პორტუგალიურ და ჩინურ ენებზეც.

ჯერჯერობით სერვისის კონტენტი შეზღუდულია

ამ ეტაპზე სერვისი აჩვენებს მხოლოდ მულტფილმებს, დრამებს, ფილმებს ცხოველების შესახებ და ფანტასტიკას. პლატფორმა აცხდებს, რომ კონტენტს ყოველთვიურად განაახლებს, მაგრამ ახლა მხოლოდ თითზე ჩამოსათვლელი პროექტებია. ამასთან, სერვისის სხვა კონკურენტები, მაგალითად, Disney+ აპირებს 629 პროექტით ამუშავებას.

Apple TV+-ზე დღეს ხელმისაწვდომია სერიალები:

- დრამა მედიის შესახებ „დილის შოუ“ ჯენიფერ ენისტონის, რიზ უიზერსპუნის და სტივ კარელის მონაწილეობით (ტრეილერი);

- პოსტაპოკალიპტური სერიალი „See“ ჯეისონ მომოას მონაწილეობით (ტრეილერი);

- მრავალსერიანი დრამა პოეტ ქალზე „დიკინსონი“;

- ფანტასტიკა კოსმოსურ რბოლაზე „მთელი კაცობრიობისთვის“ (ტრეილერი);

- ფენტეზი „მოჩვენების გზავნილები“ მოზარდებისათვის.

მალე გამოვა ასევე მრავალსერიანი ტრილერი „სიმართლე რომ ვთქვათ“ ოკტავია სპენსერის და აარონ პოლის მონაწილეობით, დოკუმენტური ფილმი „ჰალა“ 17 წლის მუსლიმ გოგოზე და ემ ნაიტ შიმალანის საშინელებათა ფილმი „სახლი მოახლეებით“.

ახლა თითქმის ყველა მრავალსერიან პროექტებზე ხელმისაწვდომია 3-4 ეპიზოდი („დიკინსონის“ ყველა), ახალი სერიები ყოველ კვირას დაემატება.

Apple-ის ზოგიერთი შოუ წარმოუდგენლად ძვირადღირებულია

ახალი მომხარებლის მისასალმებელ შეტყობინებაში კომპანია Apple-ი თავისი პროექტების ავტორებს „მსოფლიოს ყველაზე შემოქმედებით ტვინებს“ უწოდებს. ზოგიერთი პროექტის გუნდი მართლაც შთამბეჭდავია, გარდა ემ ნაიტ შიამალანისა - რეჟისორისა, რომელმაც სახელი გაითქვა საშინელებათა ფილმებში ყველაზე მოულონდელი სიუჟეტური ცვლილებებით. სხვა „ძვირადღირებული“ რეჟისორებიც არიან. მაგალითად, 2013 წლის ბერლინის კინოფესტივალის გამარჯვებული დევიდ გორდონ გრინი და რეჟისორი ლინ შელტონი მუშაობენ სერიალზე „დიკინსონი“; სერიალის „მართალი რომ ვთქვათ“ პროდიუსერა ნიშელ დი ტრემბლი „კარგი ცოლის“ პროდიუსერი და სცენარისტი იყო. სერიალზე „დილის შოუ“ სხვებთან ერთად მუშაობდა ოსკარის მფლობელი რეჟისორი დევიდ ფრენკელი. 

სწორედ ამ სერიალის ერთი ეპიზოდი დაუჯდა კომპანიას 15 მილიონი დოლარი (იმდენივე, რაც ღირდა Game of Thrones-ის ფინალური სერიები, მიუხედავად იმისა, რომ ენისტონის სერიალში არანაირი ბატალური სცენები და შთამბეჭდავი სპეცეფექტები არ არის); Variety-ის მონაცემებით, ფანტასტიკური სერიალის „See“ ერთი საათი დაახლოებით 17 მილიონი დოლარი დაჯდა, რაც წარმოუდგენელი ხარჯია ამ ინდუსტრიისთვის. ბუნებრივია, მისი დიდი ნაწილი დაიხარჯა წამყვან მსახიობებზე, სცენარისტებსა და რეჟისორებზე.

მიუხედავად ამისა, როგორც ჩანს, სერიალების წარმოება მხოლოდ Apple-ს არ უძვირდება. მაგალითად, ცნობილია, რომ „მანდალორიელის“ თითოეული სერია, რომელიც Disney+-ზე უკვე მომავალი კვირიდან გავა, 15 მილიონი დოლარი ღირს. ხოლო Amazon-მა „ბეჭდების მბრძანებლის“ მხოლოდ ეკრანიზაციის უფლებისთვის 250 მილიონი დოლარი გადაიხადა.