ისტორიაში უმძლავრესი ტელესკოპი „ჯეიმს ვები“ კოსმოსში გაუშვეს

NASA-ს ტელესკოპი „ჯეიმს ვები“ კოსმოსში გაუშვეს. ამის შესახებ BBC წერს.

გამოცემის ინფორმაციით, კოსმოსურმა ობსერვატორიამ სტარტი შობის ღამეს, ფრანგული გვინეიდან აიღო. ის წარმატებით გამოეყო რაკეტას „არიან 5“ და ახლა თავისი ორბიტისკენ მოძრაობს, რომელიც დედამიწიდან 1,6 მილიარდი კილომეტრის მანძილზე მდებარეობს. ამისთვის ტელესკოპს 4 კვირა დასჭირდება.

იქიდან „ჯეიმს ვები“ სამყაროზე დაკვირვებას ინფრაწითელ დიაპაზონში დაიწყებს. კერძოდ, ის ეკზოპლანეტებს და მზის სისტემაში არსებულ ობიექტებს შეისწავლის. პირველ რიგში მისი სარკეები იუპიტერისა და სატურნის თანამგზავრებისკენ - ევროპასა და ენცილადისკენ იქნება მიმართული.ინფორმაციის მიღებასა და დედამიწაზე გამოგზავნას კი ობსერვატორია კიდევ 5 თვეში დაიწყებს.

ახალი ტელესკოპის ორბიტაზე გაყვანის იდეა NASA-ში ჯერ კიდევ 1997 წელს გაჩნდა. მისიას, რომელსაც სახელი NASA-ს მეორე დირექტორის, ჯეიმს უების პატივსაცემად დაარქვეს, სტარტი 2007 წელს უნდა აეღო, თუმცა ის 20-ჯერ გადაიტანეს. პროექტის ღირებულება 10 მილიარდი დოლარია. მასზე 17 ქვეყნის სპეციალისტი მუშაობდა. „ჯეიმს ვები“ ტელესკოპ „ჰაბლზე“ 100-ჯერ მძლავრია.