თბილისის 21-ე საერთაშორისო კინოფესტივალის, Georgian-Baltic Bridge ფიჩინგ ფორუმის გამარჯვებულები ცნობილია

თბილისის 21-ე საერთაშორისო კინოფესტივალის , Georgian-Baltic Bridge ფიჩინგ ფორუმის გამარჯვებულები ცნობილია.

პირველი ადგილი და ფულადი პრიზი 1500 ევრო: "ია / Ia" - რეჟისორი ქეთი მაჭავარიანი, პროდიუსერი ნატო სიხარულიძე

მეორე ადგილი, 1000 ევრო: "მაქცია / Werewolf" - რეჟისორი იევა მაგი, პროდიუსერი კრისტოფერ პირი.

მესამე ადგილი, 700 ევრო: "როცა 17 წლის ხარ / When you're 17" - რეჟისორი გიორგი მუხაძე, პროდიუსერი ნატო სიხარულიძე.

კინოფესტივალის ინდუსტრიულმა პლატფორმამ წელს საერთაშორისო ფიჩინგ ფორუმს, Georgian-Baltic Bridge-ს უმასპინძლა. ფორუმი 30 ნოემბერს, ონლაინ ფორმატში დაიწყო და 2 დეკემბრამდე გაგრძელდა.

სამ საუკეთესო პროექტი საერთაშორისო ჟიურიმ გამოავლინა. ჟიურის წევრები იყვნენ : ნანა ექთვიმიშვილი(რეჟისორი და პროდიუსერი), გუნტის ტრეკტერისი( ლატვიელი პროდიუსერი),ჰუგო როსაკი,(კარლოვი ვარის კინოფესტივალის ინდუსტრიული სექციის ხელმძღვანელი) მარია რაზგუტე(ლიეტუველი კინოპროდიუსერი) , ივო ფელტი (ესტონელი პროდიუსერი და ხმის დიზაინერი).
ფიჩინგ ფორუმში მონაწილეობისთვის შერჩეული იყო შემდეგი პროექტები:

საქართველო

"ჰაერი ლურჯი აბრეშუმია /Air Blue Silk" - რეჟისორი ირინე ჟორდანია, პროდიუსერი ელენე მარგველაშვილი;
"ია / Ia" - რეჟისორი ქეთი მაჭავარიანი, პროდიუსერი ნატო სიხარულიძე;
"აღარ შემიძლია / No More" - რეჟისორი კეკო ჭელიძე, პროდიუსერი კოტე კალანდაძე;
"მკრთალი მზის ჩასვლები / Pale Sunsets" - რეჟისორი ავთანდილ ჩაჩიბაია, პროდიუსერი მარიამ ბიწაძე;
"რეალური არსებები / The Real Beings" - რეჟისორი ვახტანგ ჯაჯანიძე, პროდიუსერი თამარ გოლავა;
"როცა 17 წლის ხარ / When you're 17" - რეჟისორი გიორგი მუხაძე, პროდიუსერი ნატო სიხარულიძე.

ესტონეთი

"ნაცნობი უცნობები / Familiar Strangers" - რეჟისორი კარლოს ლესმესი, პროდიუსერი ტინა სავი;
"მაქცია / Werewolf" - რეჟისორი იევა მაგი, პროდიუსერი კრისტოფერ პირი.

ლიეტუვა

"თავსაბურავი / The Hood" - რეჟისორი ანდრიუს ლეკავისიუსი, პროდიუსერი გაბრიელ ვაისიუნაიტე;
"ადამიანი, რომელმაც ზღვა გაამტკნარა / Man Who Desalinated the Sea" - რეჟისორი ზურაბ ჟიჟილავა , პროდიუსერი ემილია სლუსკონიტე, ვიქტორია სეინიუტი.
შერჩეულმა მონაწილეებმა გაირეს ინტენსიური ტრეინინგები სცენარის განვითარების და პროექტის პრეზენტაციის მიმართულებით, საერთაშორისო ექსპერტებთან-კატარინა ბილდჰაუერთან (გერმანია) და კრისტიან რუთთან (ესპანეთი).

თბილისის 21-ე საერთაშორისო კინოფესტივალის პარტნიორები არიან: საქართველოს კულტურის, სპორტის და განათლების სამინისტრო, ქალაქ თბილისის მერია და საქართველოს კინემატოგრაფიის ეროვნული ცენტრი; გოეთეს ინსტიტუტი; შვედეთის, საფრანგეთის და იტალიის საელჩოები. ასევე ესტონეთის, ლიეტუვის და ლატვიის კინოინსტიტუტები.