ტრამპი: უკრაინა, ობამა და "მკვლელი" პუტინი

ტელეკომპანია Fox News-ის ჟურნალისტთან, ბილი ო’რაილისთან ვრცელ ინტერვიუში დონალდ ტრამპმა სხვადასხვა თემაზე ისაუბრა. მათ შორის, უკრაინის კონფლიქტზე და მის ურთიერთობაზე ბარაკ ობამასა და ვლადიმერ პუტინთან.

როგორც ტრამპმა აღნიშნა, აშშ-მ არ იცის, ვის მიერ კონტროლირდება უკრაინის კონფლიქტის გამამწვავებელი ძალები, რომლებიც დონბასში ვითარდება,-„ზუსტად არ ვიცით, რა ხდება. ჩვენ ამას გავიგებთ“.

5 თებერვალს სატელეფონო საუბარი გაიმართა პეტრო პოროშენკოსა და დონალდ ტრამპს შორის. პოლიტიკოსები საათზე მეტხანს ლაპარაკობდნენ. მათ განიხილეს ქვეყნებს შორის სტრატეგიული პარტნიორობის საკითხი, ასევე დონბასში არსებული ვითარება. მხარეებმა ღრმა შეშფოთება გამოხატეს ავდეევკის რაიონში დაძაბულობის ესკალაციის გამო და შეთანხმდნენ, რომ რეგიონში ცეცხლის შეწყვეტის რეჟიმის მიღწევა აუცილებელია.

მანამდე კი, 28 იანვარს, რუსეთისა და აშშ-ის პრეზიდენტებს შორის სატელეფონო საუბარი გაიმართა. მათი საუბარი შეეხო "ისლამურ სახელწიფოს", სირიის და ახლო აღმოსავლეთის საკითხებს, ორმხრივ ეკონომიკურ ურთიერთობებს, ირანის ბირთვულ პროგრამასა და უკრაინაში არსებულ ვითარებას.

გარდა ამისა,  დონალდ ტრამპა ისაუბრა აშშ-ის ყოფილი პრეზიდენტის, ბარაკ ობამას შესახებ და განაცხადა, რომ მათ კარგი ურთიერთობა და საერთო სიმპათიები აკავშირებთ. „ძალიან უცნაური ფენომენია. არ ვიცი, აღიარებს თუ არა, მაგრამ მას მოვწონვარ, ისევე როგორც ის - მე“, - ავრცელებს ტრამპის მოსაზრებას The Huffington Post-ი.

ამ ინტერვიუს უკვე ორი დღეა აქტიურად განიხილავენ. განსაკუთრებული ყურადღება მიიქცია გადაცემის წამყვანის კითხვამ რუსეთში ჟურნალისტების და ოპოზიციონერების მკლელობაზე,- და რომ "ის [პუტინი] მკვლელია", რაზეც ამერიკის პრეზიდენტმა განაცხადა, რომ "აშშ-შიც ბევრი მკვლელია და ჩვენი ქვეყანა არცთუ ისე უცოდველია".

ამის შემდეგ კრემლის პრესმდივანმა დიმიტრი პესკოვმა ო’რაილისგან საჯაროდ ბოდიშის მოხდა მოითხოვა და განაცხადა, რომ კრემლი შეურაცხყოფილად გრძნობს თავს. The O’Reily Factor -ის წამყვანმა პასუხად გუშინ განაცხადა, რომ ის მუშაობს ბოდიშის ტექსტზე და მზად 2023 წლისთვის იქნება.