ობამა და კლინტონი იარაღზე კონტროლის გამკაცრების მომხრეებს მხარდაჭერას უცხადებენ

ამერიკის შეერთებული შტატების ყოფილი პრეზიდენტი ბარაკ ობამა და ასევე ყოფილი სახელმწიფო მდივანი ჰილარი კლინტონი იარაღზე კონტროლის გამკაცრების მოთხოვნით გამართული საერთონაციონალურ აქციას  March For Our Lives მხარდაჭერას უცხადებენ. თავიანითი პოზიცია დემოკრატმა პოლიტიკოსებმა სოციალურ ქსელში დააფიქსირეს.

"მიშელი და მე იმდენად შთაგონებულები ვართ ამ ახალგაზრდების მიერ, რომლებმაც დღევანდელი მსვლელობა დაიწყეს. ასე განაგრძეთ. თქვენ ჩვენ მომავლისკენ მიგვიძღვებით. ვერაფერი აღუდგება წინ მილიონობით ხმას, რომლებიც ცვლილებებს ითხოვენ,"- წერს ობამა.

Michelle and I are so inspired by all the young people who made today’s marches happen. Keep at it. You’re leading us forward. Nothing can stand in the way of millions of voices calling for change.

— Barack Obama (@BarackObama) March 24, 2018

"მთელი ქვეყნის მასშტაბით ამ მოსწავლეების გამოსვლა არის შეხსენება იმისა, თუ რა არის შესაძლებელი, რომ ჩვენი მომავალი ჩვენს ხელშია,"- დაწერა ჰილარი კლინტონმა.

Listening to the students from Parkland and across the country today is a reminder of what is possible when our future is in the right hands, and when we match inspiration with determination. https://t.co/fhiEBIw15B

— Hillary Clinton (@HillaryClinton) March 24, 2018

იარაღის კანონის გამკაცრების მოთხოვნასთან დაკავშირებით აქციები ფლორიდის სკოლაზე თავდასხმის შემდეგ დაიწყო. 

ნიკოლას კრუზმა პარკლენდის სკოლაში ცეცხლი 14 თებერვალს გახსნა. თავდამსხმელმა სკოლის შენობაში შესვლამდე 3 ადამიანი მოკლა, შენობის შიგნით - 12. ორი დაჭრილი მოგვიანებით საავადმყოფოში გარდაიცვალა.

ეს 2012 წლის შემდეგ, ამერიკის შეერთებული შტატების სკოლაში მომხდარი ყველაზე სისხლიანი თავდასხმაა. მაშინ 26 ადამიანი გარდაიცვალა.

6 მარტს ფლორიდის შტატის სენატმა მხარი დაუჭირა კანონპროექტს, რომელიც საშუალებას მისცემს სკოლის თანამშრომლებს მოსწავლეების დასაცავად შეიარაღდნენ. მათ ე.წ. სკოლის მარშლები ერქმევათ. კანონპროექტს ხმა 20-მა დეპუტატმა მისცა წინააღმდეგი იყო 18. 

10 მარტს ფლორიდის გუბერნატორმა იარაღის შესახებ ახალ კანონს ხელი მოაწერა. ახალი კანონით გაზრდილია იარაღის ყიდვის უფლების მინიჭების ასაკი 18-დან 21 წლამდე. ასევე შემოიღეს იარაღის შეძენისას მოცდის 3-დღიანი ვადა, რათა თავიდან იქნას აცილებული აღელვების ნიადაგზე, ან ავადმყოფობის შეტევის დროს მისი ყიდვა და მყისიერი გამოყენება.

ამერიკაში მსროლელთა ეროვნული ასოციაცია იარაღზე კონტროლის გამკაცრებას არ ეთანხმება. ამერიკის "მსროლელთა ეროვნული ასოციაციის" ხელმძღვანელი, ვეინ ლაპიერი დემოკრატებსა და ამერიკულ მედიას 14 თებერვლის ტრაგედიით მანიპულირებაში ადანაშაულებს.

აშშ-ში იარაღის ტარება კონსტიტუციის მეორე შესწორებითაა გარანტირებული, თუმცა მისი ტარების წესები სხვადასხვა შტატში განსხვავებულია.