ლევან ვასაძე ვიდეომიმართვას ავრცელებს. ვიდეო

ბიზნესმენი ლევან ვასაძე ვიდეომიმართვას ავრცელებს. ის მთავრობის კანცელარიასთან გამართულ აქციასა და „თბილისი პრაიდზე“ ლაპარაკობს.

"გუშინ იყო სითავხედის და ჩვენი ქვეყნის შიდა საქმეებში ჩარევის მორიგი საოცარი მაგალითი. ჩვენი მეუფეები მივიდნენ ამერიკის საელჩოში, სადაც დაახვედრეს უამრავი ელჩი, ეს ხალხი რომელიც თვალს ხუჭავდა ყოველგავარ უსამართლობაზე, რომელიც ბოლო წლებში საქართველოში ხდებოდა,"ეჩალიჩებოდა" ეკლესიას, რომ ნება დაერთოთ რათა გარყვნილების აღლუმი ჩატარდეს. ბუნებრივია, ეკლესიამ არაფერი დათმო.

გვაჩვენებენ თითქოს პრეზიდენტი დონალდ ტრამპი მათ მხარს უჭერს. იმან სულ სხვა რამეზე თქვა ის რაც თქვა, ის ტვიტი რომ გამოაქვეყნეს იმან თქვა, ნუ ხოცავთო მუსლიმურ ქვეყნებში. ეხლა ეს განცხადება ჩვენ აგვაფარეს, თითქოს ტრამპი თბილისის აშშ-ის საელჩოში მოკალათებულ ჰილარისტებს და გლობალისტებს უჭერს მხარს. ვის ატყუებთ თქვე უბედურებო. გგონიათ ბნელა და არ ვიცით რა ხდება მსოფლიოში",- თქვა ვასაძემ.

ვასაძე ამბობს, რომ „თბილისი პრაიდი“ ქართულ სახელმწიფოებრიობასაც უქმნის საფრთხეს.

"თუ ჩვენ ამ წუნკლებს, პოლიტიკოსების ჩათვლით, ჩავატარებინებთ რამე საჯარო ღონისძიებას მომავალ კვირას, ჩვენ შეგვიძლია, დავემშვიდობოთ ჩვენს აფხაზ და ოს ძმებთან შერიგების ყოველგვარ პერსპექტივას. ჩვენს რეპუტაციას მთელ კავკასიაში – ჩეჩნებთან, დაღესტნელებთან, ყარაჩაელებთან, ჩერქეზებთან, ყაბარდო-ბალყარელებთან, ოსებთან, რუსებთან, ყველასთან, ვინც გვესაზღვრება – თურქებთანაც, ირანელებთანაც, ყველასთან, ვინ ჩვენს გარშემო არის და რისი ცენტრიც ჩვენ უნდა გავხდეთ,"- თქვა ვასაძემ.

ის ამბობს, რომ პრაიდის ჩატარებას არ დაუშვებენ.

არაფერი შეგეშალოთ. ჩვენ არ მოგცემთ კორდონების ჩაყენების უფლებას. სადაც არ უნდა იყოს, კინოთეატრში, სკევრში, თუ ტყეში ყველგან მივაკითხავთ, ყველა კორდონს გავარღვევთ და წაგლეკავთ. როგორ ვიზამთ ამას? ხვალ შევთანხმებით“, - ამბობს ლევან ვასაძე.

14 ივნისს საპატრიარქომ მოუწოდა ხელისუფლებას, არ დაუშვას ლგბტ პრაიდის ჩატარება. ამის გამო, ლგბტ თემის წარმომადგელებმა და მათმა უფლებადაცველებმა აქცია გამართეს. გაიმართა კონტრაქციაც. 

კონტრაქციაზე მივიდა ლევან ვასაძეც, რომელმაც განაცხადა, რომ პრაიდის ჩატარებას არც ერთ შემთხვევაში არ დაუშვებს. ამ ორ საპროტესტო აქციას, ერთმანეთისგან პოლიციის კორდონი ჰყოფდა. 

პოლიციის მიერ დაკავებული პირებიდან 7 რჩება დროებითი მოთავსების იზოლატორში, ხოლო 21-მა პირმა გვიან ღამე ხელწერილის საუძველზე დატოვა პოლიციის განყოფილება.

„თბილისი პრაიდი“ 18 ივნისს საერთაშორისო კონფერენციით გაიხსნება და 23 ივნისს ღირსების მარშით დასრულდება.