აშშ-ის 2018 წლის ბიუჯეტში საქართველოსთვის 105 მილიონია გამოყოფილი

ამერიკის შეერთებული შტატების 2018 წლის ბიუჯეტში საქართველოსთვის 105 მილიონია გამოყოფილი. ამის შესახებ თეთრი სახლის ოფიციალურ ვებგვერდზე გამოქვეყნებულ დოკუმენტში წერია.

დოკუმენტში ლაპარაკია იმაზე, რომ ამ თანხით ოფიციალური ვაშინგტონი საქართველოს ეხმარება, რადგან "რუსეთის აგრესიის შედეგად გამოწვეულ არასტაბილურობასთან დაკავშირებით, კანონპროექტი ზრდის უკრაინისა და საქართველოს დაფინანსებას."- წერია დოკუმენტში. საქართველოსთან ერთად დახმარებას მიიღებს უკრაინაც, რომელიც 420 მილიონით განისაზღვრა.

დოკუმენტში ლაპარაკია საქართველოს ოკუპირებულ რეგიონებზეც, ამერიკის შეერთებული შტატები საქართველოს ტერიტორიული მთლიანობასა და სუვერენიტეტს მხარდაჭერას უცხადებს და წერს, რომ ცხინვალის და აფხაზეთის რეგიონები რუსეთის მიერააა ოკუპირებული.

ასევე აშშ საქართველოს ევროინტეგრაციას უჭერს მხარს.

"აღმოსავლეთ პარტნიორობის ქვეყნებმა უნდა მიიღონ ევროკავშირთან ასოცირების შეთანხმებებისა და სავაჭრო შეთანხმებების განხორციელებაში პროგრესი, რათა შეამცირონ თავიანთი ეკონომიკური და პოლიტიკური ზეწოლა რუსეთის ფედერაციიდან,"- ნათვქამია დოკუმენტში.

ამერიკის შეერთებულ შტატებში კონგრესში დაამთავრეს 1.3 ტრილიონიანი ბიუჯეტის კანონპროექტი, რაც მნიშვნელოვნად გაზრდის სამხედრო და საყოფაცხოვრებო ხარჯებს.

2,232-გვერდიანი დოკუმენტი ძალაში 2018 წლის 30 სექტემრამდე იქნება. აღსანიშანვია, რომ ბიუჯეტის ამ კანონპროექტში ამერიკელი "მეოცნებეეები" გათვალისწინებული არაა, ხოლო იარაღის კონტროლზე მხოლოდ დამატებით ნაბიჯებია გათვალისწინებული.