ბიძინა გიორგობიანი: „ნაციონალებს“ აქვთ რევოლუციური სცენარი და არც მალავენ

ბიძინა გიორგობიანმა საპრეზიდენტო არჩევნებში ემიგრანტების აქტიურობასა და პოლიტიკურ პროცესებზე ტელეკომპანია თოქ-შოუ „იმედი LIVE“-ის ეთერში ისაუბრა.

მისი შეფასებით, საქართველოში პოლიტიკური თამასა ძალიან დაბალია და ხედავს შესაძლებლობას, რომ ეს თამასა სალომე ზურაბიშვილმა 6-წლისნი პრეზიდენტობის შედეგად აწიოს.

„სალომე ზურაბიშვილი არის პრინციპული ადამიანი და მას შეუძლია მისი პრინციპულობა დაიცვას. ის არის ადამიანი, რომლის „არა“ ნიშნავს და არას და „დიახ“-თანხმობას“, - განაცხადა გიორგობიანმა.

მისი შეფასებით, წინა საარჩევნო პერიოდში ტელევიზიები სალომე ზურაბიშვილს თავს ესხმოდნენ და საზოგადოებას თავში „დაუბეტონეს“, თითქოს სალომემ თქვა, რომ საქართველომ დაიწყო ომი. ხუთი ტელევიზია რამდენიმე თვე ამ ქალისგან საქართველოს მტერს ქმნიდა.

„სალომე ზურაბიშვილის ოჯახი ემიგრაციაში ეკლესიებს აშენებდა და ქართულ ემიგრაციას და პოლიტპატიმრებს იცავდნენ. ეს ადამიანები ემიგრაციაში საქართველოს ინახავდნენ, როგორც ღადარში ნაკვერჩხალს“,- დასძინა გიორგობიანმა.

გიორგობიანის ვარაუდით, ოპონენტებს აქვთ რევოლუციური სცენარი, რომელსაც არც მალავენ. 2003 წელს სააკაშვილი მალავდა მის მიზნებს, ახლა არც მალავენ. ატყუებენ ხალხს, კრედიტების დაფარვით და ეს ადამიანები მიდიან და აძლევენ ხმას. „ოცნებაზე“ გაბრაზებულმა ხალხმა პროტესტი არჩევნებზე არწასვლით გამოხატა. 

გიორგობიანი მიიჩნევს, რომ ხელისუფლების მთავარი შეცდომა იყო, რომ „ოცნება“ პოლიტიკური პარტნიორის გარეშე დარჩა.

„პოლიტიკური თვალსაზრისით, პოლიტიკურ სათამაშო მოედანზე „ქართული ოცნება“ დარჩა პარტნიორის გარეშე, არა ისე, როგორი მარიონეტებიც „ნაციონალურ მოძრაობას“ ჰყავდა, არამედ ნამდვილი პოლიტიკური პარტნიორების გარეშე“, - განაცხადა ბიძინა გიორგობიანმა.

მისივე თქმით, მმართველი გუნდის შეცდომა კონსულტაციების ნაკლებობაა. რაც აუცილებლად უნდა გამოასწორონ.