მოსამართლემ ეკა გიგაურის სარჩელი გოგა ხაინდრავასა და გურამ ადამაშვილის წინააღმდეგ არ დააკმაყოფილა

მოსამართლემ ეკა გიგაურის სარჩელი გოგა ხაინდრავასა და გურამ ადამაშვილის წინააღმდეგ არ დააკმაყოფილა. მოსამარლე ქეთევან კუჭავას განმარტებით, სასამართლომ მიიჩნია, რომ სადავო განცხადებას არ გააჩნია ცილისწამების კვალიფიკაციისათვის აუცილებელი ელემენტი.

კერძოდ, არ წარმოადგენს სხვა საჩივრის შესახებ მტკიცებითი ფორმით ფაქტის შემცველი ინფორმაციის გავრცელებას. მოპასუხეთა მიერ გაჟღერებული განცხადებები სასამართლომ ჩათვალა საზოგადოებრივი მოვლენის მათეულ შეფასებად, განმცხადებლის სუბიექტურ დამოკიდებულებად, რაც შეფასდა, როგორც აზრის გამოხატვა და დაცულია აბსოლუტური პრივილეგიით.

ეკა გიგაურის ადვოკატის, თეო ზაქარაშვილის განცხადებით, მოსარჩელე მხარე მოსამართლის გადაწყვეტილებას სააპელაციო წესით გაასაჩივრებს.

ხაინდრავას განცხადებით, 2007 წლის 7 ნოემბრის დარბევაში ეკა გიგაურის მონაწილეობის დამადასტურებელი დოკუმენტები განადგურებულია. მისივე თქმით, ყოფილი მაღალჩინოსნები კი დაადასტურებენ, რომ პრემიები სასაზღვრო პილიციის თანამშრომლებმა 7 ნოემბრის დარბევიდან რამდენიმე დღეში მიიღეს, ხოლო ამავე პერიოდში ეკა გიგაურს კაპიტნის წოდება დარბევის წახალისებითვის მიენიჭა.

“საერთაშორისო გამჭვირვალობა საქართველოს“ დირექტორმა, ეკა გიგაურმა გოგა ხაინდრავას და გურამ ადამაშვილს პატივის, ღირსებისა და საქმიანი რეპუტაციის შელახვისთვის სასამართლოში 2017 წელს უჩივლა. მოსარჩელე მხარის განმარტებით, საქმე ეხება 2014-2015 წლებში ხაინდრავასა და ადამაშვილის მიერ სატელევიზიო ეთერით გაკეთებულ განცხადებებს. მოპასუხეებმა გიგაურს ბრალად დასდეს 2007 წლის ნოემბრის აქციების ძალისმიერი მეთოდით დაშლა და წახალისება.