გახარია: როგორც კი საჭიროება იქნება, გადავდგები

შს მინისტრი გიორგი გახარია აცხადებს, რომ სახელმწიფო ინსტიტუტებზე შეტევას და თავდასხმას პოლიციაზე შესაბამისი შეფასება მოჰყვება და ყველა დაისჯება კანონის სრული სიმკაცრით.

გახარია მოუწოდებს, ყველამ პატივი სცეს პოლიციელს, რომელიც ვალდებულია, დიაცვას ყველა მოქალაქის უფლება.  

„ამ ჯგუფიდან შსს-მ ამოაგდო ორი გვარი, რომელმაც დააღცვია კანონი ოკუპირებული ტერიტორიების შესახებ. სხვა პირები, რომლებსაც დარღვეული ჰქონდათ ეს კანონი, ამ სიაში არ ყოფილან. ის რაც აქ ხდება, არის მცდელობა იმისა, რომ ქვეყანა პოლიტიკური კატასტროფისკენ მივიყვანოთ. არანაირი მნიშვნელობა არ აქვს, ვინ გადადფგება, ვინ დარჩება. როგორც კი საჭიროება იქნება, გადავდგები“.  

შინაგან საქმეთა სამინისტრო მოუწოდებს პარლამენტის წინ შეკრებილ აქციის მონაწილეებს, დაუყოვნებლივ შეწყვიტონ კანონდარღვევა და ძალადობა.

უწყება მოუწოდებს აქციის მონაწილეებს, არ აჰყვნენ პროვოკაციას, დაემორჩილონ პოლიციის მოთხოვნას და დატოვონ პარლამენტის ტერიტორია. წინააღმდეგ შემთხვევაში პოლიცია მიიღებს კანონით გათვალისწინებულ ზომებს.

გავრცელებული ინფორმაციით, აქციაზე დაშავდნენ პოლიციის თანამშრომლებიც.

საქართველოს პარლამენტის წინ თბილისში, სადაც ახლა საპროტესტო აქცია მიმდინარეობს, შინაგან საქმეთა მინისტრი გიორგი გახარია მივიდა.

„ყველას მოვუწოდებ დაემორჩილონ კანონს. ის რაც აქ ხდება, ამას ჰქვია სახელმწიფო ინსტიტუტების შტურმი. დანარჩენს რომ გამოვალ მერე გეტყვით“, - განაცხადა გახარიამ პარლამენტის შენობაში შესვლამდე.

იმავდროულად, შინაგან საქმეთა სამინისტრომ თავის ვებგვერდზე საგანგებო განცხადება გამოაქვეყნა.

„შინაგან საქმეთა სამინისტრო მოუწოდებს პარლამენტის წინ შეკრებილ აქციის მონაწილეებს, დაუყოვნებლივ შეწყვიტონ კანონდარღვევა და ძალადობა, არ აჰყვნენ პროვოკაციას, დაემორჩილონ პოლიციის მოთხოვნას და დატოვონ პარლამენტის ტერიტორია. წინააღმდეგ შემთხვევაში პოლიცია მიიღებს კანონით გათვალისწინებულ ზომებს“, - ნათქვამია განცხადებაში.

ოპოზიცია პარლამენტის თავმჯდომარის გარდა, შს მინისტრის გიორგი გახარიას გადადგომასაც მოითხოვს.