პატარკაციშვილის მკვლელობის მომზადების შესახებ ჩანაწერის ავთენტიკურობა ექსპერტიზამ დაადასტურა

„ქრონიკისთვის“ ცნობილი გახდა ფონოსკოპიური ექსპერტიზის დასკვნის შინაარსი, რომელიც ბადრი პატარკაციშვილის მკვლელობის მომზადებაზე აღძრულ სისხლის სამართლის საქმეში დევს. სამხარაულის სახელობის ექსპერტიზის ეროვნულმა ბიურომ ის ფარული ჩანაწერები შეისწავლა, რომელიც გამოძიებამ 2016 წელს აღმოაჩინა და გუშინ გასაჯაროვდა. 

დასკვნაში ნათქვამია, რომ ჩანაწერები ავთენტიკურია, ხმები იდენტიფიცირებული და ეკუთვნის გიორგი დგებუაძეს, იმავე მასტერას, ასევე კუდის სხვა მაღალჩინოსნებს, რომელთაც ბრალი უკვე დაუმძიმდათ და ბადრი პატარკაციშვილის დაცვის ერთ-ერთ წევრს. 

პროკურატურა არ გამორიცხავს, რომ ამ საქმეზე სისხლის სამართლებრივი დევნა დაიწყოს დათა ახალაიასა და მიხეილ სააკაშვილის მიმართ. შესაძლოა ბრალი დაუმძიმდეს ვანო მერაბიშვილს.

მთავარი პროკურატურის ცნობით, „ფარული კადრების ჩამწერი პირების საქმეზე“,  ერთ-ერთი ბრალდებულის საცხოვრებელ სახლში ჩატარებული ჩხრეკის დროს, იპოვეს შსს-ს აუდიოჩანაწერები, რომლებიც 2007 წლის 4 და 5 თებერვლით თარიღდება. ჩანაწერებში კუდის ყოფილი მაღალჩინოსნები ბადრი პატარკაციშვილის მკვლელობას გეგმავენ, მათ შორის ცდილობენ გადმოიბირონ ბიზნესმენის დაცვის წევრი. ამასთან ჩანაწერებით ირკვევა, რომ პატარკაციშვილის ლიკვიდაცია მიხეილ სააკაშვილის მიერ იყო სანქცირებული. საქმეზე ბრალდებულები არიან: გიორგი დგებუაძე, რევაზ შიუკაშვილი, ლევან ქარდავა და გიორგი მერებაშვილი.

ერთი ჩანაწერის მიხედვით, გიორგი დგებუაძე პატარკაციშვილის დაცვის წევრთან ლაპარაკისას ზურაბ ჟვანიასაც ახსენებს. 

ქარდავა და შიუკაშვილი პატარკაციშვილის მკვლელობის მომზადების ბრალს არ აღიარებენ. ორივე ბრალდებული პირადი ცხოვრების ამსახველი ჩანაწერების საქმეზე სასჯელს უკვე იხდიან.

რაც შეეხება გიორგი დგებუაძეს, ის ინ­ტერ­პო­ლის წი­თე­ლი ცირ­კუ­ლა­რით იძებ­ნე­ბო­და და მისი ექ­სტრა­დი­რე­ბა ნი­დერ­ლან­დე­ბის სა­მე­ფო­დან სა­ქარ­თვე­ლო­ში 2016 წლის მარ­ტში გან­ხორ­ცი­ელ­და.

გი­ორ­გი დგე­ბუ­ა­ძე მსჯავრდებულია 2006 წლის 12 იან­ვარს, კუდ-ის უფ­როს­თან და­ვით ახა­ლა­ი­ას­თან და ამა­ვე დე­პარ­ტა­მენ­ტის სხვა მა­ღალ­ჩი­ნოს­ნებ­თან ერ­თად, "ნავ­თლუ­ღის" ავ­ტო­სად­გურ­ში სამი ახალ­გაზ­რდის წი­ნას­წარ და­გეგ­მილი მკვლე­ლო­ბის მო­ნა­წი­ლე­ო­ბისთვის და სამ­სა­ხუ­რებ­რი­ვი უფ­ლე­ბა­მო­სი­ლე­ბის გა­და­მე­ტე­ბისთვის.

2016 წელს, გია დგებუაძეს სასჯელის სახით 9 წლით თავისუფლების აღკვეთა მიესაჯა.