მაია ცქიტიშვილი: ყველა ობიექტი იმართება ისე, რომ ერთი მხრივ, შევძლოთ პროექტების განხორციელება ტემპის შემცირების გარეშე და მეორე მხრივ, დავიცვათ იქ დასაქმებულების ჯანმრთელობა

ყველა ობიექტი იმართება ისე, რომ ერთი მხრივ, შევძლოთ პროექტების განხორციელება ტემპის შემცირების გარეშე და მეორე მხრივ, დავიცვათ იქ დასაქმებულების ჯანმრთელობა, - ამის შესახებ ინფრასტრუქტრის მინისტრის მოვალეობის შემსრულებელმა მაია ცქიტიშვილმა „იმედის“ გადაცემა „ნამდვილ რიცხვებში“ სისტემურ პროექტებზე საუბრისას განაცხადა.

მისი თქმით, უწყებამ უცხოელ ზედამხედველებთან და კონტრაქტორებთან ერთად, პირველი ტალღის შეზღუდვების დროს შეძლო, რომ მაქსიმალურად ყოფილიყო დაცული უსაფრთხოების ყველა წესი და ეს პრაქტიკა ყველა ობიექტზეა დანერგილი.

„რეალურად ჩვენ არც ერთ ობიექტზე არ გვაქვს ეპიდემიოლოგიური აფეთქება. დღესაც არც ერთი ობიექტი არ არის გაჩერებული კოვიდით ინფიცირების გამო და ყველა ობიექტი იმართება ისე, რომ ჩვენ ერთი მხრივ, შევძლოთ პროექტების განხორციელება ტემპის შემცირების გარეშე და მეორე მხრივ, რა თქმა უნდა დავიცვათ იმ ადამიანების ჯანმრთელობა, რომლებიც ამ პროექტებზე არიან დასაქმებულები“, - განაცხადა მაია ცქიტიშვილმა.