ლევან დავითაშვილი: ჩვენ 2017 წლიდან მოყოლებული 2018, 2019 და 2020 წელს ყოველწლიურად გვეზრდება სოფლის მეურნეობის პროდუქციის გადამუშავება და გამოშვება

გადაცემაში „ბიზნესი იმედზე“ გარემოს დაცვისა და სოფლის მეურნეობის მინისტრმა, ლევან დავთაშვილმა, მიმდინარე, გამოწვევებით სავსე 2020 წელი შეაჯამა და მომავალი წლის გეგმებზე ისაუბრა. როგორც მინისტრმა აღნიშნა, 2020 წელს სამინისტროს ჰქონდა მუდმივი მუშაობა თითოეულ რგოლთან, ასოციაციებთან, მწარმოებლებთან, იმპორტიორებთან, სხვადასხვა სტრუქტურებთან.

„მთავარი გამოწვევა ბევრ ქვეყანაში შეიქმნა სურსათის მომარაგების კუთხით. დავინახეთ დაცარიელებული დახლები სხვა ძალიან მდიდარ, წარმატებულ ქვეყნებში და რა თქმა უნდა საქართველოს ეს არ უნახავს. ჩვენ გვქონდა მუდმივი მუშაობა თითოეულ რგოლთან, ასოციაციებთან, მწარმოებლებთან, იმპორტიორებთან, სხვადასხვა სტრუქტურებთან მათ შორის ძალიან მნიშვნელოვანია უწყებათაშორისი კოორდინაცია და ზუსტად ეს იყო პირველი გადაწყვეტილება პრემიე-მინისტრის, რომ მხოლოდ ერთი სამინისტრო ამოცანას ვერ გადაწყვეტს. ეს იყო უწყებათაშორისი კოორდინაცია სხვადასხვა რგოლთან, უწყებასთან იმისთვის, რომ იგივე მოწოდება ჩვენი სასურსათო, ძირითადი პროდუქტების არ შეფერხებულიყო ქვეყანაში. მიუხედავად იმისა, რომ იყო შეზღუდვები მარაგების კუთხით ქვეყანაში არ შეიქმნა პრობლემები, რომელიც უკავშირდებოდა როგორც პირველადი მოხმარების ყველა ძირითად პროდუქტს ისე, ხორბალსა და პურს. ამ კუთხით სამინისტრომ ძრითადად თავი გაართვა დაკისრებულ ამოცანას.

ჩვენი პაკეტი, რომელიც ანტიკრიზისული გეგმის ფარგლებში იყო დაახლოებით 300 მლნ ლარს მოიცავდა. ეს იყო ახალი შესაძლებლობები ფერმერებისთვის, ვისაც უნდოდა ხელახლა სოფლის მეურნეობის წარმოება იმიტომ, რომ გვესმის რომ ბევრმა ადამიანმა სოფლის მეურნეობა ბოლო წლებში დატოვა, იმის გამო, რომ სერვისებში უფრო მაღალშემოსავლიანი სამსახურები გაჩნდა, მაგრამ 2020 წელს ბევრი ადამიანი მიუბრუნდა სოფელს, სწორედ ამისთვის ჩვენ იაფი ფაქტიურად უფასო ფულადი რესურსი გავაჩინეთ ერთწლიანი კულტურების საწარმოებლად. პირდაპირი დახმარება 200 ლარიანი პაკეტი იმისთვის, რომ დამხმარე მასალები, აგროქიმიკატები, სასუქები შეეძინათ ფერმერებს, 200 ლარით იაფად, ჰექტარზე. 10 ჰექტრამდე სამილიორაციო მომსახურების გადასახადები ფაქტობრივად გავაუქმეთ. შეღავათიან ფასად იყო, დიზელის შეძენის საშუალებები. ყველაფერი ეს და დამატებით სხვა ღონისძიებები, რომელსაც სამინისტრო წინა წლებში ახორციელებდა, აძლევდა საშალებას ფერმერს, რომ თავისი პროდუქცია უფრო იაფად ეწარმოებინა“, - განაცხადა, გარემოს დაცვისა და სოფლის მეურნეობის მინისტრმა, ლევან დავთაშვილმა.

როგორც მინისტრმა აღნიშნა, მთავრობამ გარკვეული პროდუქტები გაზაფხულზე დაასუბსიდირა. ლევან დავითაშვილის თქმით, კრიზისის მიუხედავად, ქვეყანას არ ჰქონია წყვეტა სასურსათო მიწოდებაში და მოსახლეობა სურსათით უზრველყოფილი იყო.

„სუბსიდირება აუცილებელი იყო. ეს იყო სტიმული გარკვეული კომპანიებისთვის, რომ მათ ექსტრა-მარაგები შეექმნათ. ჯამურად ჩვენი ბენეფიციარი რამოდენიმე ასეული ათასი საშუალო და მცირე ფერმერია. ზოგადად ჩვენი პროგრამების ბენეფიციარები დაახლოებით 200 ათასზე მეტი ფერმერია, რომელიც 2020 წლის დახმარების პაკეტის მონაწილეა. ჯამურად რა შედეგებსაც ჩვენ 2020 წელს მივაღწიეთ ეს არის რეკორდულად მაღალი მაჩვენებლები სოფლის მეურნეობაში ანუ იმ პერიოდში, რაც კი ჩვენ გვაქვს კერძო საკუთრებაზე დაფუძნებული სოფლის მეურნეობა ანუ დამოუკიდებლობის პირობებში. 2021 წლის მოლოდინები არის, რომ ეს ტენდენცია უნდა შენარჩუნდეს“,- აღნიშნა, გარემოს დაცვისა და სოფლის მეურნეობის მინისტრმა, ლევან დავთაშვილმა.