სოზარ სუბარი: „ქართული ოცნების“ პოლიტიკური კაპიტალი არის ნდობა, რომელიც კიდევ ერთხელ დამტკიცდა ბოლო არჩევნებზე

„ქართული ოცნების“ პოლიტიკური კაპიტალი არის ნდობა, რომელიც კიდევ ერთხელ დამტკიცდა ბოლო არჩევნებზე, - ამის შესახებ პარლამენტის რეგიონული პოლიტიკისა და თვითმმართველობის კომიტეტის თავმჯდომარემ, სოზარ სუბარმა „დღის ქრონიკაში“ განაცხადა.

მისი თქმით, „ქართულ ოცნების“ პოლიტიკური კაპიტალი არის ნდობა, რომელიც არჩევნებში 48%-იანი მხარდაჭერით გამოიხატა.

„ქართული ოცნების“ პოლიტიკური კაპიტალი არის ნდობა, რომელიც კიდევ ერთხელ დამტკიცდა ბოლო არჩევნებზე. ეს არის 48%-იანი ნდობა, რაც ძალიან მაღალია და ტყუილად უპირისპირებენ ხოლმე მას 52%-ს, რადგან 52 %-ი ბუნებაში არ არსებობს. 6 %-ია ის პარტიები, რომლებმაც საერთოდ ვერ გადალახეს ბარიერი და ეს აპრიორი არ ნიშნავს, რომ იქიდან ყველა ოპოზიციას უჭერს მხარს და არ არიან „ქართული ოცნების“ გულშემატკივრები მათ შორის. მეორე, პარტიების ნაწილი უკვე შემოვიდა პარლამენტში და შესაბამისად, დარჩა 36%-ი, რომელიც ოპოზიციას უჭერს მხარს. ასეც რომ არ იყოს და მართლა 48-52%-ზე იყოს, 28 %-ი მიიღო დღეს მმართველმა პარტიამ საფრანგეთში და ეს სრულიად საკმარისია იმისთვის, რომ მას ჰქონდეს აბსოლუტური უმრავლესობა პარლამენტში, დააკომპლექტოს მთავრობა და იყოს წამყვანი პოლიტიკური პარტია. ეს არის დემოკრატია და ასე იმართება დემოკრატიული პროცესი. მაინც და მაინც 51%-ი, ასეთი რომ იყოს აუცილებელი იმისთვის, რომ ერთ პარტიას ჰქონდეს, ასეთი რამ არ ხდება ბუნებაში და არ ხდება დემოკრატიულ სამყაროში. რა არის რაც აქვს „ქართულ ოცნებას“? ნდობა, მიუხედავად იმ სირთულისა, რაც კოვიდით გამოწვეული ეკონომიკური ვარდნის გამო, ეს არის ძალიან მაღალი სტანდარტი ადამიანის უფლებების, ადამიანის, როგორც მთავარი ღირებულების დგომა პოლიტიკის ცენტრში და არა ის, როდესაც ერთი პიროვნებას ემსახურება მთელი სახელმწიფო მანქანა. ეს არის „ქართული ოცნების“ მიერ გაკეთებული გარღვევა დასავლეთთან ინტეგრაციის მიმართულებით. ასოცირების ხელშეკრულებას გავიხსენებ პირველ რიგში და მისგან გამომდინარე სიკეთეებს, როგორიცაა უვიზო რეჟიმი და თავისუფალი ვაჭრობის ხელშეკრულება. ნატოსთან არნახული ინტეგრაცია და უამრავი რამ შემიძლია ჩამოვთვალო“, - განაცხადა სოზარ სუბარმა.